鍋霸吃到飽台式養生火鍋 (莊士倫敦廣場)

營業中

休息中

呢日一起身就去睇戲咁啱係第一日戲院開返原來係唔俾食嘢所以小食部都冇開本身諗住可以食爆谷都冇得食於是就六點幾先至食第一餐咁岩係book咗任食台式火鍋咁就啱啦成日冇食過嘢可以一次過食返夠本一坐低店員就即送上呢個每一台都會送一客嘅黃金炸魚皮啲鹹蛋味唔算好出 魚皮略嫌太晏花膠係有得單點嘅啲雞都好滑 亦都好大舊個湯底好清甜 藥膳味就比較少我覺得佢另外一個炸魚皮好食過佢嘅黃金炸魚皮最重要嘅肥牛其實唔算話好出色同埋品質有啲參差牛味亦都唔係好出佢自家有四隻冷泡茶飲我覺得呢樣嘢都幾特別四隻都試晒當中冬瓜檸檬同埋烏梅山楂茶仲encore左一次兩個都幾特別 冬瓜檸檬第一次飲就覺得好甜但之後飲嗰支又好似冇咁重嘅糖味所以都係撞手神烏梅山楂茶好開胃好適合用嚟打邊爐整體食物幾多選擇然後質素亦都平均$300任食唔限時係真係幾抵嘅個湯底又好特別 幾清甜尤其是之後食蘿蔔、粟米、娃娃菜呢啲吸埋湯底個味我就食得好過癮不過呢d食物回唔回到本就見仁見智啦再之後食埋個雪糕仲可以坐多陣慢慢傾吓計冇限時呢樣嘢就係呢度好唔會話最後咪食甜品趕頭趕命我就覺得好適合一大班人嚟食啦應該會抵啲同埋大家可以好好咁坐低傾偈

今次試呢一間其實都唔係好平嘅，但係三百幾蚊可以任飲任食重點係冇限時，感覺都幾物超所值嘅。好多人都話依間湯底比較特別所以我哋就專登是在鴛鴦鍋，今次是椰子雞同埋麻辣鍋，我個人比較喜歡椰子雞因為真係好香好濃，反而麻辣鍋我就覺得唔及出邊台式嘅火鍋好食。食物方面，我覺得一定要食牛肉啦同埋d手打丸，啲手工丸好細粒所以其實可以試唔同嘅味另外就係有一隻手工餃係超好味嘅，就係叫做雞軟骨手工餃，真係好特別因為出邊應該冇得食嘅。其他嘅譬如炸魚皮其實都好好味尤其是佢有黃金炸魚皮。最後就係佢嘅飲品好特別啦，除咗有台式嘅冷泡茶之外，仲有好多韓式嘅飲品，其中我覺得最好味係韓式嗰隻朱古力味，真係超濃超好味，不過千祈唔好飲太多，因為會好飽。最後值得一讚嘅係服務，因為會幫手不斷加湯啦，同埋會幫手收走野同埋幫手整合野。所以我覺得以飲食來講其實算係相當唔錯嘅Service。

今日同男朋友練完lab 點知練得耐得濟 完既時侯都差不多九點半餐廳都準備要關門啦 於是男朋友就提議不如去打邊爐 但係減緊肥既我當然唔太想食得咁heavy 不過都冇乜好揀 唯有食多啲菜類我地之前去過“牛大人” 覺得呢種台式養生火鍋都幾好不過呢間野係長期勁多人 我地心血來潮walk-in去 要等到夜晚11點半先有位就轉場去左“鍋霸”價錢貴80-90 蚊一個人 但係就無限時 連位都唔洗等10:30pm去到問左價錢 人均$275(包咗加一)呢個價錢其實唔平嫁不過見環境乾乾淨淨 服務人員都好有禮貌就揀咗佢 結果冇令人失望我地揀左養生醉雞鍋 入面材料係勁足 雞件係勁大件唔鞋愈煲係愈甜既唔知點解 可能係配佢地加既湯(入面浸住啲杞子有淡淡既香甜)揀既食物唔算話好多 不過就好有誠意同注重質素前菜有手拍青瓜同雲耳🥒🥒牛肉同豬肉都好有肉味 餃子多為人手做海鮮係新鮮 蝦肉係爽既🦐🦐最重要係入座送既shake shake鹹蛋炸魚皮真係好好食係即炸嫁!!!!!飲品方面都有冷泡茶同普通汽水果汁 我自己鍾情四季春 而男朋友鍾意桂花烏龍無糖得黎又夠清 可以解濟醬油方面佢地自家制既甜醬油都好正我地食到凌晨一點幾既時候大部

I'm a westerner and met my Asian friends who promised me a new way of dining out and they were right !There was a great range of soup bases to choose from, from mild to spicy and split pot if you can't decide on one.Then came the choices of meats and seafood's, wow what a selection and as much as you wanted.The service was fast as you order from your phone after a quick download of an app and then yourorder is straight to the kitchen.A big and interesting range of free drinks for my friends but

疫情下又想跟老友暢聚，同老友傾左想食咩菜，一致意見係想烚下烚下，但最理想係無時限可以傾多陣，就楝左鍋霸。叫左個養生花膠雞湯底， 放湯雞唔好煮太耐，藥膳味會太重，唔係幾好食。送既咸蛋炸魚皮好正，唔咸但有蛋黃味。老友食完後意見係：唔使次次邊爐都要飲甜野，有各種凍茶又ok喎烏龍及冬瓜茶解渴又有益。野食都新鮮，牛肉，海鮮好正，脆鯇片及蝦，又有蟶子。最後每人點左一個movenpick 雪糕，消暑。可以再黎下次再食。

其實都係第一次食無限時的放題火鍋，我又同老公二人撐檯腳訂最早5️⃣點，講真兩個人無乜可能食到一晚，所以7️⃣點半交枱有8️⃣折優惠就好吸引。火鍋店是台式不是地道台灣但都有不同台式飲料和冷泡茶無限供應，小妹推薦四季春冷泡茶👍醬料區的蔥花香菜都幾新鮮，食🉐️辣朋友必試佢哋個自家制手工辣醬🌶湯底好多選擇，我哋揀左藥膳花膠雞鍋好美味😋湯底裡的花膠好多，另外更可以免費加花膠。今次主攻肥牛和豬肉片，肉相對其他店厚一點，牛肉也相對更有牛肉味👍手工丸也有驚喜，尤其細細粒size不用食太多。順帶一提，原來羽衣甘藍配上店的好湯底係非常正雪糕一人只限點一杯不過都有3️⃣個牌子可供選擇

第一次嚟呢間鍋霸打邊爐，一入到去聞到好濃烈藥材味，原來所有湯底佢哋都係特別處理，加咗藥膳，非常補身，至於食物質素就一般可接受，但係唔算多種類選，飲品種類反而多，最後記住留肚食雪糕。

一年四季都咁鍾意打邊爐～約左個同我一樣好鐘意食麻辣嘅朋友黎呢道食晚餐餐廳嘅地理位置優越，一出地鐵站過對面馬路就係～裝修燈光明亮，座位闊落坐得舒服😌我地一坐低，店員就同我地介紹啲湯底，選擇有成17款咁多！！仲要款款都幾吸引！我地選擇左鴛鴦鍋（+48），揀左麻辣蕃茄牛肉同台灣養生醉雞～ 等緊湯底嘅同時可以食兩款無限任fill嘅涼拌木耳同拍青瓜，味道醃製得非常好👍🏻好岩口味！仲有鹹蛋魚皮，鹹蛋黃包裹住魚皮嘅外層每一個角落，食落非常甘香酥脆，真心好食！仲可以玩埋shake shake魚皮🤣 飲品方面都好特別！竟然有自家製飲品～係任食打邊爐好少見，我特別推薦黑糖冬瓜檸檬茶，清新解渴，黑糖同冬瓜味好出，酸酸甜甜 湯底好足料！左邊嘅麻辣蕃茄牛肉（中辣），可能我地平時食得辣，呢度嘅中辣唔算好辣，麻味較重～有幾大舊牛肉係入面，甜甜地！而右邊嘅台灣養生醉雞～酒味都幾重，清甜，入面嘅雞非常滑！ ✨手工黑松露墨魚滑 好多墨魚粒🦑黑松露味勁香，又滑又彈牙，已追加！ ✨是日精選海鮮 都算生猛同鮮甜！不過最好就放唔辣果邊！同埋岩岩好熟就拎上黎 ✨西班牙冇激素豬肉片 好滑好香～朋友追加左幾次😂 ✨芝心小籠包、足八吋長

一般火鍋放題都係以港式，日式同雞煲為主，台式相對較少，今日就食嘅佐敦莊士敦廣場嘅鍋霸，俾我感覺十分唔錯呢度佔整個商場6樓，相當寬敞，有大少不同卡位，新束乾淨，店員招呼亦非常周到，經常會睇下你有咩需要呢度亦用上手機點單，非常方便。提供十多款湯底，主要可分藥膳雞，蕃茄牛肉，麻辣等，咁當然可以加錢雙拼。我地點嘅蟲草花桃膠雞同麻辣蕃茄牛肉，兩款味道都濃而不膩，雞件用上雞脾肉，且帶有藥膳氣息，有滋補養生感覺蕃味湯頭較濃密，唔算太辣，牛肉非常腍，如果加上手工麵，正正就係食台灣牛肉麵果種感覺。隨即就有小食跟上，涼菜拍青瓜同麻辣木耳，很好開胃。即炸黃金魚皮配上四款Shake Shake粉，香口惹味，亦新奇有趣。其他火鍋配料都係任食，份量會按人數出，好處係量少款多，因為咁，我地兩個人都點左廿幾款試，食過覺得好食又可以返點，好適合好似我地眼闊肚窄嘅朋友。當然所有配料都係有質素好似蜆同聖子，脹卜卜又鮮甜，蝦亦新鮮爽口，梗係再返點喇。另外prime牛肉亦有誠意，薄切唔鞋，唔係一般任食嘅紙皮牛肉。另外亦喜歡台式鴨血，夠滑有香味！其餘三款手打丸都唔錯，一口咬size，尤以麻辣牛丸味道最特出。另外一提呢度嘅飲品除左

同朋友打邊爐首選會係呢度一黎係任食 二黎價錢唔貴 三黎就係好 高 質！我地好鍾意呢度既湯底尤其係椰子雞湯，真係會想飲完再飲好香椰子味，d雞處理得又好嫩麻辣湯就偏甜，睇你接唔接受到但最推一定係椰子雞湯呢個係送既小食，咸蛋炸魚皮都整得好好食呀野食係任食 特別推薦prime牛 同 丸物海鮮都唔錯野飲係直頭高質多款冷泡茶 包裝好衛生又貼心桂花烏龍 烏梅山楂 四季春呢d都好好飲呀好滿意呢度既服務 同 食物質素 一定會再黎

行完沙田黃牛山 當然要食返餐好既補返今日消耗左既🤗我地兩個人揀左去佐敦食呢間火鍋-湯底方面好多款 好難揀係麻辣同椰子雞之間 諗左好耐🤔最後決定揀椰子雞 補補身湯底奶白色 好濃椰子味😋-飲品有唔同既台式冷泡茶試左桂花烏龍同四季春兩種茶都好好飲👍🏻唔太甜 個樽打卡一流牙-食材方面都無漏單咸蛋魚皮好脆好正牙 必食👍🏻海鮮既蝦大大隻同蜆好鮮甜菜都有好多款式有羽衣甘藍 營養豐富-等限聚令解封 約埋班frd再去😙

星期六突然想打邊爐，即刻约朋友仔。最终有三位朋友應约，好彩因太少人食不到什麼。未到之前打電話訂坐，接電話的姐姐好有禮貌回覆訂坐已滿。walk in試下 。我們大约晚上九點幾到不是好爆都有人等位。结果等到九點廿幾分，原來九點半後入坐有折所以等多十分鐘入坐。因為第一次來他們解釋得好清楚，分區有自動酱料雖然不是很多種類但是十分之整齊及乾淨，值得讚！因為好多酒樓的自動酱料區十分亂，有時真不知可不可以食。飲品方面好多自家制的，味道不錯大家可以试下尤其冬瓜檸檬，夏天飲落肚好舒服。食品方面掃QR Code落單，幾個人一齊落都可以，但小心重複了點太多就浪費不好，海鮮如蝦/蜆都好新鮮，還有Prime牛肉都好好味。我的朋友專攻花膠也o k呀。最後食埋雪糕完滿

台式養生火鍋任由你選擇，豐富任食時限兩小時為主打，場內下單以手機app服務方便俐落不論食材快捷直送，雖然品種/質素不馬虎按人數配給而優惠時段按早段或晚段兩節，點餐食物方面迎合港人所需食物份量大堆頭及中西合壁多元化以整體新開更設有自助醬料區及自家冷泡飲料貼心又親民食火鍋定律必然係湯底，涮涮養生鍋味道能帶動食材美味指數/香氣增添百倍，一番盛載鮮味火鍋配料浸炮湯內精華，味道正宗飽滿之餘索盡鴛鴦鍋湯汁內吃得津津有味!不禁由頭到尾沒離開過座位獨霸鍋物，以整體味道及質量價錢亦較划算迎合優勝不得不讚

佐敦站D出口，過條馬路就到，方便易搵湯底一共有17款㨂，揀咗好養生嘅花膠雞湯😻～落完湯底，可使用QR Code於手機自助下單！湯底一上枱已經見到好豐富，鍋裏面有花膠、雞、紅棗、粟米、洋蔥等等。在等待⌛️個湯滾起嘅時候，店員亦好快送到黃金炸魚皮，shake shake 袋&調味粉。調味粉總共有四隻味（包括：香辣、芝士、梅子、海笞），而我最鍾意就係梅子～～個味好出啊！shake shake 黃金炸魚皮之際，又飲吓個湯底，個湯可以當養生湯咁飲，湯底的雞有醃製過的，好入味！😻跟住火鍋配料都好快到，我特別推介係佢嘅海鮮🦞同埋手工丸，8吋長的蟹柳棒等等⋯海鮮新鮮，手工丸爽滑彈牙，估唔到呢個咁抵嘅價錢，會供應啲咁好嘅食材👍🏻另外，出邊自助吧會有啲調味料，同埋飲品自取。店員話係自家製的手工冷泡茶，飲品高質，有心思得嚟味道都唔錯！讚👍🏻最後，個肚仲未「吃到飽」的話😆，可以食埋雪糕🍦係Häagen-Dazs & Movenpick 來的🤤

🔺鍋霸好耐無幫趁吃到飽嘅火鍋店😳因為小編印象中 吃到飽嘅食物質素通常都一般🤔不過見雅軒介紹到咁正 尤其D湯底好吸引~身為火鍋控嘅小編都忍唔住同友人去試😹.火鍋湯底🍲剩係湯底都有成17款 而且完全唔hea！全部湯底都好多料 款式特別 唔係平時經常見到個D😆吃到飽黎講真係好有誠意 如果想要鴛鴦湯就加$48🤘🏻小編今次揀左藥膳養生花膠雞涮涮鍋飲落頗鮮甜 不過藥材味唔算重湯底有好多雞件、花膠、粟米、豆腐卜非常足料👍🏻.鹹蛋魚皮🐤每枱都會有一碟 非常唔錯！配埋shake shake粉同袋比你shake 住食👏🏻.火鍋配料🦑🐟🌿小編覺得呢度嘅豬係比牛出色👍🏻西班牙無激素豬肉片脂肪分佈平均肉味重得黎無豬羶味 而且爽口彈牙😀.手打丸細細粒 岩晒小編😆唔洗撐飽個胃之餘又可以試多幾款野食雖然細細粒 但都做到爽口彈牙～.黑松露墨魚滑食得出係新鮮材料 打到起晒膠🦑.韭菜餃菜嘅比例多D 食完都唔會咁易滯😀.海鮮🦞試左蜆、蟶子、白鱔片蜆同蟶子唔算好大粒 不過勝在無砂 肉質都係爽口嘅！白鱔非常薄切 淥一淥好快熟😀.飲品係自助形式 有數款自家製冷泡茶😍每位客人仲會有一杯Häagen-Dazs或者MÖVENPICK雪糕