鋿晶館

營業中

休息中

荃灣沙咀道臥虎藏龍小店有米芝蓮質素即叫即整手作點心作為荃灣人，已經食過呢間手作點心好多次，已經係我飲茶必去嘅地方，我中意佢地所有點心即叫即整，服務態度好，啲姐姐好親切！好啱傾，今次去先聽啲姐姐講，話佢地師傅曾經喺日本東京富麗華做咗好多年，serve親都係明星、名人、富豪咁，返嚟香港仲喺米芝蓮酒店及大型連鎖酒樓集團做主管，怪唔之得咁好食，同埋啲點心咁presentable！又靚又好味齒頰留香脆蘿蔔腸 $35最中意食呢間嘅腸粉，之前一直叫開叉燒腸，已經覺得勁好食，今次第一次試蘿蔔腸，腸粉依然好嫩滑，入面有包住炸蘿蔔絲脆脆，外脆內軟組合，完美配搭黑松露北菇燒賣皇 （4粒）$34呢間可以叫兩粒或四粒，由於我同老公都好中意食，所以今次叫夠四粒！上一枱已經聞到好香黑松露味，燒賣比坊間酒樓更大粒，一咬開覺得好彈牙，肉質厚實有口感，有大大碌鮮蝦碌，好鮮美。月半彎昌瑩鮮蝦餃（４粒） $39大大粒蝦餃，鮮蝦爆量，餡飽滿實在，皮薄要小心夾爛呀，又係比坊間大粒20%，蝦身爽脆彈牙，食得出超新鮮。外皮煙韌，我自己食咗三粒。濟寧蒜香蝦春卷 $36好大份量，食完勁滿足，餡料有好香蒜味，炸得香酥脆口，要小心辣親呀，因

第一次的起心肝寫comment 因為實在太嬲 。1：56pm外賣一個臘腸滑雞飯，好唔好食未知。因為太不滿，所以未食都想寫完comment 先。2：09pm吹阿姐有未，有問廚房，但未有。要等到2：20pm話唔要，先有得攞。要等 差唔多半個鐘先有嘅外賣蒸飯實在太難接受。

餐廳其實係荃灣廣場後面，位置都幾方便。鍾意食點心的我，晚市都來食返一盅半件。香茜滑牛腸牛肉腸粉份量多，腸粉外皮超糼滑，sir一聲就落左喉嚨。牛肉加上果皮和芫茜調味，不會太單調。脆皮蝦多士是厚多士，感覺有點像炸饅頭，外皮脆，肉裡又鬆軟。加上鋪滿表面的爽彈蝦膠和黑白芝麻，食落香氣四溢，口感十足。馳名南翔小籠包上枱熱辣辣，小籠包的外皮很薄，一咬落去，肉汁四溢，湯汁鮮美，十分高質。招牌流沙包包的外皮鬆軟，內裡的流沙效果一流，蛋黃漿緩緩流出，和奶香平衡得剛好，食落超滿足。月半灣晶瑩鮮蝦餃蝦餃皮晶瑩剔透，裡面的餡料超飽滿，蝦肉爽彈鮮甜，必食。紫金名醬蒸鳳爪鳳爪炆得超軟腍，食落又夠惹味，鼓汁很香。臘腸滑雞金鳳飯用砵煮的飯粒粒分別又有米香，加上超嫩的去皮雞件和臘腸的汁和油香，食落暖笠笠又飽肚。餐廳的點心是自家制，即叫即做，所以食落溫度夠，味道也達標。加上款式超多，岩晒咩都想試的我。侍應姨姨親切有禮，大家都食得很盡興。

今日放工突然好想食點心。上#openrice 揾到呢間#鋿晶館 。記得之前係#上環 行#永安百貨 附近見過佢。不過今日我就去間近我嘅#荃灣 分店食食佢。上網見佢話係日本嘅高級餐廳做左好多年，之後番香港就做米芝蓮酒店嘅主管。所以到啲點心都有番啲期待。想知啲點心整得好唔好，就一定要試下腸粉同蝦餃。💋#蝦餃作為一個老母好鐘意飲茶嘅女兒，我都會成日去下唔同酒店飲茶。佢依間嘅蝦餃，真係有酒店嘅質素。先講個皮，薄而唔爛，仍然好有texture. 蝦有兩三隻爽口大蝦係入面。所以你見到個size 真係好大隻。高質！💋#脆蘿蔔腸粉依個蘿蔔腸粉我第一次見。佢就好似腸粉皮包住加左少少辣味嘅蘿蔔絲酥，外脆內軟。腸粉皮亦到做得好岀色，唔軟爛。💋黑松露北菇#燒賣皇最怕燒賣入面包左勁多肥膏。但依個燒賣食落一啲都唔油膩。入面嘅肉打到好綿滑，北菇好香，加上黑松露，成個口都係菇味。💋鮮蝦菜苗餃餃入面嘅菜苗仲係好新鮮。一定係即叫即包先會有依種菜味。如果係提早整定嘅雪藏貨，啲菜會變到好淋。由此睇得岀佢嘅點心係自家制。總括嚟講，性價比好高。下次想食點心，我會再嚟依家幫襯。同類型#點心店 ，我覺得完勝#添好運 。

平日一早來飲早茶，其實相比酒樓的價錢不是很便宜，但食物質素值得這價錢，比一般酒樓高水準。平日早茶有優惠套餐，正價點心都有85折，點了鳳爪排骨飯、小籠包、叉燒腸、菜苗餃、蝦餃。先說一下菜苗餃非常飽滿，而且很重薑汁味叉燒腸是我覺得吃過最滑溜的粉皮，不誇張其實夾開的時候已經感覺到，不過忘了拍照，下次再去的時候補拍吧小籠包有驚喜，大大粒，內裡的湯汁很鮮味，值得推介，至於另外兩樣其實也不錯啦，但我下次會想再上試試其他，見到點心紙有蝦多士、雙皮奶，希望下次可以食到啦。茶位每位6元，只有普洱和鐵觀音可選，其他茶葉要另外再收錢，但全店不設加一收費，見到有不少公公婆婆都來光顧。

今日放工時間去左食點心，食得非常之滿足。聽聞呢度嘅大廚係嚟自星級酒店。平民價錢就食到五星級質素嘅點心，性價比高。點心賣相好，見到都好想食。呢度嘅待應服務態度好好，啲姐姐非常之親切濟寧蒜香蝦春卷呢個點心好特別，香脆得來非常之足料，仲好Juice，因為餡料有菜蔬嘅關係又唔會覺得太膩，喺其他地方食唔到。咱家脆皮蝦多士呢個點心都好特別， 厚厚嘅多士上面有一層彈牙嘅蝦膠，厚多士炸得好酥香，有少少似炸饅頭。黑松露北菇燒賣王黑松露真係比足料！好重黑松露味，鮮蝦好爽脆，做得非常好！月半彎晶瑩鮮蝦餃同鮮蝦菜苗餃呢度嘅餃都整得好出色，皮薄餡靚，材料豐富又新鮮。總括而言，呢度係平民嘅高級點心明物店，真心推介！

今日去左荃灣西呢邊行街，有Aeon有donki好多野行，夜晚行過見到呢間點心店入面幾多人幾好生意，我地又好耐冇食點心，所以就入去試下。一入到去啲姨姨好好客咁招呼我地坐低，再好快咁幫我地開左壺鐵觀音，俾我地一路嘆茶一路揀點心食。因為我地行左好耐，都幾肚餓，所以都叫左唔少點心，蝦餃、燒賣、叉燒腸、叉燒包、春卷、鹹水角、鮮蝦菜苗餃。點心黎到樣樣賣相都好吸引，然後第一口食落去真係超驚喜，感受到咩叫新鮮滾熱辣，啲食材又新鮮又夠曬熱，超好味！原來呢度所有野都係即點即做！而且每件點心都超足料，例如蝦餃咁，平時去酒樓可能得一粒蝦，但係呢度有三粒，而且啲皮都夠曬薄，點心師傅既手勢都好好！另外都好想特別讚下佢嘅春卷同埋腸粉，佢嘅春卷入邊嘅料配搭得非常好，加埋佢哋嘅醬汁，外脆內軟嘅口感，成件事非常惹味，仲有因為佢嘅春卷係同平時d茶樓嗰種卷法唔同，所以佢呢一隻春卷啖啖有好多餡料，唔會有一口佢淨係食到啲皮，好好味。 腸粉方面，一食已經feel到師傅嘅功架，佢嘅腸粉嘅皮唔係啲好林好容易碎晒嘅，而係非常之有彈性， 黏力好夠，食落去口感好彈牙，同時皮薄餡靚，做過米芝連餐廳既師傅真係唔同d！超值得推介既點心餐廳，好滿足

一早同朋友👫去咗行山⛰️，行完山之後落咗荃灣，想食個簡單嘅 early lunch，行幾步😆，見到呢間小餐廳🥢，食點心，幾啱我哋呢日嘅需要😆，咁就決定入去開餐😆我哋叫咗幾個點心share嚟食😆：包括「鮮蝦菜苗餃、黑松露北菇燒賣皇、月半彎晶瑩鮮蝦餃、齒頰留香脆蘿蔔腸、咱家脆皮蝦多士、蒲江春鮮竹牛肉球」，基本上全部都幾好味😋；其中特別啲嘅有「鮮蝦菜苗餃」，有啲似「鮮蝦粉果」再加爽脆嘅蔬菜，好味😋；「燒賣」上邊加咗少少黑松露，幾香😋；另外「蝦🍤多士🥪」上邊脆卜卜下邊嘅麵包就好鬆軟😋仲有，呢度嘅食物名字真係改得幾有心思😆

平日晏晝冇時間去飲茶，唯有夜晚先去點心嘅專門餐廳。喺荃灣區，我必然會揀「鋿晶館」，平民價錢就可以食到大酒樓嘅質素。月半彎晶瑩鮮蝦餃（兩粒）最抵讚係佢可以嗌半份蝦餃，可以試多啲唔同嘅點心。蝦餃皮夠薄，晶凝通透，可以見到鮮蝦嘅淡粉紅色。蝦嘅份量頗多、夠新鮮，而且夠彈牙，食得出蝦嘅鮮味。黑松露北菇燒賣（兩粒）大大粒嘅燒賣，配上肥瘦度適中嘅豬肉，食落口感夠爽口，配埋冬菇和黑松露香濃嘅，味道十分豐富。鮮蝦菜苗餃餃子皮做得晶瑩通透，所用嘅菜苗都好幼嫩，食落唔會有渣，還帶出蝦嘅鮮味。齒頰留香脆蘿蔔腸外層粉皮夠滑，然後包住十分鬆脆嘅網狀中層，最底層再充滿鮮甜嘅蘿蔔絲，口感層次豐富。濟寧蒜香蝦春卷春卷皮炸得好鬆脆，內裏鮮蝦混入雜菜，令整件事變得健康，而且蒜香味濃郁，啱晒我口味。最後食埋個滑滑大良燉鮮奶，大滿足

今日星期日，周圍都好多人，想靜靜地啖下茶，又想飲下燉湯，荃灣就有一間又有得飲茶🫖又有湯飲嘅餐廳🍴，叫鋿晶館，下午五點鐘左右黎到，嗌佐鐵觀音茶之後再叫佐一個黑蒜螺片燉唐排湯，一籠小籠包，黑松露燒賣，蝦餃，馬拉糕，蘿蔔糕，濟寧蒜香蝦春卷，首先講吓個湯先，入面有一舊冬菇，一粒黑蒜，好多塊冇咩肉既排骨，因為咁，個湯好入味，黑蒜酸酸地好開胃，養生健康之選好好飲又唔貴45蚊，如果平日黎仲有套餐優惠，可以嗌個飯加個湯，會再平啲，之後講下啲點心🥧，個蘿蔔糕煎得够香口，蝦春卷賣相好靚，好香脆，好足料，好好味😋，蝦餃燒賣真料實料，馬拉糕唔會好似出面酒樓食開嗰啲咁甜甜味適中，口感鬆軟，最後個小籠包外皮有啲乾身，不過入面啲汁唔會咇出嚟，整體嚟講二百幾蚊好够食，食得好飽，下次會再嚟試埋其他

今日同大女撐枱腳嘆茶食 #點心✨ #鋿晶館 ✨▶️有鐵觀音同普洱選擇👍🏻店舖走新派點心路線，即叫即製！🌈月半彎晶瑩鮮蝦餃 $20 （2粒）蝦餃皮厚薄適中夠煙韌，大大粒餡料足一隻隻蝦肉脹卜卜，蝦夠彈牙🌈黑松露北菇燒賣皇 $18 （2粒）豬肉餡好紮實，肥瘦均勻▶️蝦餃同燒賣有2粒同4粒選擇，咁2人去就可以叫2粒🌈齒頰留香除蘿蔔腸 $34腸粉軟滑，內裏蘿蔔經過炸製食落酥脆，兩者加埋口感好特別，好似炸兩咁🌈咱家秘製叉燒包 $20包軟叉燒餡料熱辣辣，叉燒肥瘦適中🌈濟寧蒜香蝦春卷 $34 春卷開左半，長型幼身，眼前蝦粒配料好足食落好香脆，唔會一口油，每啖有蒜香滲出，口感好細膩🌈鳳爪排骨金鳳飯蒸出來的米剛好，粒粒分明，鳳爪排骨配上甜豉油的米飯好好食

平時好少打食評今次都忍唔住讚呢間👍🏻吃貨既我食過咁多間點心店真係呢間最好食🤤點心即叫即整👍🏻新鮮滾熱辣💯皮薄餡靚淨係掛住讚嘆同食，都唔記得影多啲食物相🤣環境光線充足🤩適合一家大細老幼朋友聚會三人行叫左8樣野$300都唔洗‼️抵食💯絕對要試&分享俾大家

近年比較少到茶樓飲茶偶爾想吃點心都會選擇到餐廳荃灣這間鋿晶館之前試過覺得很不錯即叫即做的精緻懷舊點心咱家脆皮蝦多士$42這個蝦多士絕對值得推介芝麻脆皮加上滿滿蝦蓉入口香脆美味脆皮炸乳鴿$43皮脆肉嫩黑松露北菇燒賣皇$34黑燒賣大大粒非常紮實加上黑松露亦十分配合蒲江春鮮竹牛肉球$30味道不錯，牛肉沒有筋蒜香虎蝦蒸飯$68熱騰騰蒸飯，充滿荷葉香的飯粒粒分明共四隻開邊蒜蓉蝦還附送一碟菜(星期一至五$98套餐價包括燉湯一盅及蔬菜一碟)蟲草花螺片燉雞湯$45餡料豐富湯亦很入味鮑魚北菇燒賣皇(2粒)$38鮑魚細細粒很易入口這裡可以點較少份量正好可以嚐試不同款式的點心百吃不厭鹹水角$22每次總是忍不住點些香脆可口的點心鹹水角正是其中一樣必吃的活拆生剝鮮蝦食腸$39新鮮大蝦，腸粉皮薄滑溜餐廳裝潢簡單舒適牆上寫着飲啖茶食個包充滿港式風味

剛剛去過南豐紗廠的萬聖節活動，又有點想吃點心，就這間平常也不用怎樣排隊的點心店果然，來到可以直接入座，還有不少空位點心種類也正常，平常吃到的都有，只不過燒賣沒有普通燒賣，要不「黑松露」，要不「鮑魚」因為店舖聲稱是即叫即製，所以所有點心的温度都是足夠的，不過也真的要有耐性等待第一道蒸出來的是活拆生剝鮮蝦腸 $39很殘忍的名字腸粉皮有點厚，但算滑，只不過可能個人比較敏感，吃到有點粉的味道同行友人則感覺得正常蝦方面不是很彈牙爽口，但應該真的是鮮蝦，有蝦味緊接而來的是  咱家秘製叉燒包$20叉燒包拳頭般大小，麵包外皮不是鬆軟，偏淋偏濕叉燒餡有驚喜足料之餘，餡料也不錯叉燒肥瘦適中，不會只有肥膏，也沒有乾柴柴的嚡叉燒叉燒醬也調味不錯，鹹甜得宜再來的是月半彎昌瑩鮮蝦餃（４粒） $39個人非常喜吃蝦餃，但這個名字花巧，索價不低的蝦餃卻令人大失所望皮不夠晶瑩剔透，又不煙韌餡也不飽滿實在一咬開鬆散，沒有脆口竹筍蝦和蝦腸一樣不過不失，是爽口的紫金名醬蒸鳳爪 $28由於本人不吃鳯爪，所以只能引述友人之評語一字既曰之。鹹黑椒醬皇金錢肚　$30完全吃不出黑椒味金錢肚很淋爛，不爽口炸物終於上場百吃不厭鹹水角 $22

屋企人最鐘意飲茶，今日放假同佢地去左荃灣呢間鋿晶館食手工點心，係自家製品牌，除左荃灣之外，旺角同上環都有分店，值得一讚既係，佢地既點心都係現場即點即做，師傅來頭亦不少，回流返香港之後係多間米芝蓮星級食府工作過，經驗夠哂豐富，店員知我地第一次黎，主動介紹餐廳必試既點心，服務態度非常好🌟百吃不厭鹹水角 ($22)這個炸得非常香，吃起來外脆內軟糯，中間的肉餡鹹香中帶點回甜，好好食而且完全不油膩🌟咱家秘製叉燒包 ($20)新鮮熱辣蒸起既叉燒包超好食，咬落去仲要爆汁咁，叉燒肥瘦適中又有咬口，高質🌟香煎韭菜餅 ($38)韭菜餅煎得外脆內軟，餅皮煙韌，韭菜濃郁新鮮，誠意之作🌟月半彎晶瑩鮮蝦餃 ($20/2粒)蝦餃真的跟名字一樣，好似月半彎咁，而且外皮非常薄，食落鮮甜彈牙，蝦味突出，外皮帶點煙韌口感🌟黑松露北菇燒賣皇 ($18/2粒)平時多數都係食鮮蝦或者帶子燒賣，佢地呢度用上矜貴既黑松露做點綴，食落肉質爽滑，豬肉味香濃，然後上面的北菇同黑松露醬更能提鮮🌟鮮蝦菜苗餃 ($30)呢個真係必點，餃皮非常晶瑩剔透，入面好足料，菜苗保持翠綠，再加上鮮蝦既爽口彈牙，超正