影片
開飯介紹
主打自家點心的粵菜餐廳，由經驗豐富的名廚現場主理，點心更標榜新鮮製作、即叫即蒸。亦有供應原盅燉湯、傳統燒味、巧手小菜等。
繼續閱讀
營業時間
今日營業
08:00 - 22:00
星期一至日
08:00 - 22:00
以上資料只供參考, 請與餐廳確認詳情
和朋友喺荃灣區聚會，佢話想飲茶，即時諗起沙咀道嘅鋿晶館。因為記憶有些點心可以有半份，所以有時我會一個人去，當然食物水準和性價比都好高，而且點心嘅用料都幾特別，即叫即蒸。黑松露北菇燒賣王叫咗半份燒賣，黑松露份量不少，而且好濃郁，燒賣嘅豬肉，肥瘦到適中，食落夠爽口月半彎晶瑩鮮蝦餃蝦餃晶凝通透，蝦嘅份量不少，最緊要係夠鮮味和彈牙，可以話真材實料。芝士蝦春卷春卷斜面切開咗一半，可以見到裏面用了十分豐富，目測有蝦、蘿蔔、椰菜、當然仲有芝士，口感豐富、有別於一般嘅春卷，值得一試。自家秘製叉燒包包夠熱夠鬆軟，食落啖啖叉燒肉，自家製嘅叉燒醬鹹甜度適中。艇頭三寶煎蘿蔔糕蘿蔔糕外層煎得鬆脆，蘿蔔味濃郁，而且食到一粒粒嘅蘿蔔，口感一流。鳳爪排骨金鳳飯首先個飯火候控制得好好，軟硬度適中，食到飯嘅香味。鳳爪和排骨嘅份量，將整個飯覆蓋着，排骨夠腍，肥瘦度適中，下次一定要試埋其他蒸飯。
繼續閱讀
大包整多兩籠，大包整多兩籠，唔怕滯🤭。👩：不如大家坐低，飲啖茶食個包！！👶：好呀！！ 最鐘意😍飲茶，一盅兩件，各自揀自己鐘意😋食既點心，餐廳所有點心現場即點即做，真係手作點心💪。聽姐姐講師傅係日本🎌東京富麗華好多年，專為高管達人同明星服務，返香港後係多間米芝蓮🌟酒店及大型連鎖酒樓集團做主管經驗豐富😙。🌈咱家秘製叉燒包一籠有3個叉燒包，入面醬汁夠Juicy😋，叉燒細細粒吾鞋口，包皮鬆軟餡料豐富。🌈鮮蝦菜苗餃煙韌既外皮，菜苗新鮮無渣，蝦🦐仁大大粒。🌈芝士蝦春卷熱辣辣即炸，外層脆口，除咗芝士🧀外，仲有滿滿既蔬菜🥦🥕。🌈咱家脆皮蝦多士多士配上層厚厚既蝦蝦🦐，再舖滿芝麻粒，非常香口😋。🌈月半彎晶瑩鮮蝦餃脹卜卜既蝦餃，包住新鮮彈牙既蝦蝦🦐，檸茶一個人食左3粒😱。🌈豉汁欖角鱔片飯鱔片舖滿蒜蓉及豆豉，再倒埋豉油上面，超送飯。👍值得一讚，姐姐服務超好，非常親切。 📍荃灣鋿晶館📌荃灣沙咀道130號地舖#荃灣點心 #飲茶 #嘆茶 #點心 #一盅兩件 #蝦餃 #燒賣 #叉燒包 #蝦多士 #港式 #荃灣必食 #荃灣好去處 #荃灣美食地圖 #餐廳推介#假日好去處 #ilovefood #hkfood #美食推介 #美食日記#親子 #全職媽媽 #金牛座 #育兒日記 #育兒 #育兒日常 #寶寶日記 #成長記錄 #lemontea.519 #凍檸茶
繼續閱讀
🔸 龍仔蒸飯 蒜香石斑片蒸飯套餐 $108 附送 時令養生原盅豐料 養生燉湯，蔬菜大大盅荷葉飯係 即叫即蒸 ，用炒飯底荷葉包住，上面有五大片石斑魚肉， 鋪上蒜蓉同埋蔥花一齊蒸，個樣已經好靚，魚肉係好有鮮味㗎，又吸收咗啲蒜蓉味，一啲都唔腥，不過就比較淡口，需要落啲豉油更加和味😚原盅燉湯湯料有：豬脊骨、 新鮮雞肉、冬菇、蟲草花、蜜棗，飲落好清甜，可能由於落得好多雞肉，係一個好滋補潤喉嘅燉湯。味道：8/10性價比：7/10🔸煎釀虎皮尖椒 $39有兩大條虎皮尖椒破半，用鮮魚膠饟出四條好焦香嘅虎皮椒，虎皮椒好新鮮爽脆，只係微微辣嘅，唔食辣嘅人都接受到，因為饟魚膠好飽滿又煎得好香，整體好有香辣惹味。味道：8/10性價比：7/10🔸月半灣晶瑩鮮蝦餃 2粒 / $22蝦餃都相當大粒，饀肉飽滿， 咬開裏面有成粒大蝦，而且流出一啲鮮蝦汁好甜好香，有濃濃嘅鮮蝦味。味道：7/10性價比：7/10🔸黑松露北菇燒賣王 2粒 / $20大大粒燒賣，有黑松露控嘅朋友會好中意食，總之燒賣一定係粵式點心裡面嘅皇牌，一定要點嚟食。味道：7/10性價比：7/10🔸叉燒包 3個 / $24 係標準嘅港式叉燒包 靠一啖標曬汁 叉燒汁好多但係味唔係好濃㗎反而叉燒畀得好多 師傅將啲叉燒切成 一片片 小方塊 叉燒好嘢味 味道係甜甜蜜蜜嘅😋味道：7/10性價比：7/10▪️🔹環境：好實際食粵式點心嘅店舖，都幾多老友記幫襯👍樓面阿姐招呼十分週到，而且態度親切🥰香港街頭小店嚟講，呢間服務真係一流。呢間街頭中式點心專門店，我舊年年初都嚟過，呢次發覺佢依家啲點心製作水準有進步，比之前啲出品仲更加好食🤪🗣茶位費@$8
繼續閱讀
今日收工嚟到荃灣廣場，諗住隨便搵間餐廳試吓，好耐都冇飲過早茶，見到呢間餐廳有做點心，就行咗入嚟試吓，估唔到比我發現一間唔錯嘅點心餐廳🥳環境闊落，坐得舒服，嚟到嘅時候5:30仲好早冇乜人🔖黑松露北菇燒賣皇食得出食材好新鮮，黑松露嘅香氣加埋大啖鮮蝦肉，咬落去再有北菇嘅菇味點綴，口感彈牙，大大粒，值得一讚。🔖齒頰留香脆蘿蔔腸想食返啲澱粉質嗌咗個蘿蔔腸粉，竟然有驚喜🤩咬落去有啲金邊脆脆，仲係好脆，所以食得出係新鮮即整，如果唔係嘅話入邊會淋晒，蘿蔔嘅份量比得唔少，食完呢一碟我已經覺得飽飽地😳🔖雷莎煎堆仔炸出嚟仲好熱，表面嘅黑白芝麻令成個賣相更加吸引。入面嘅餡係甜甜地嘅豆沙餡😈食到停唔到口如果平時想飲茶，又唔想早茶同人迫，可以嚟呢間餐廳試吓🥳
繼續閱讀
去完旅行返嚟，好掛住中菜點心，夜晚去左屋企附近呢間鋿晶館過返口癮。脆蘿蔔腸粉好有特色，食落餡料似炸油炸鬼咁樣但係就有一種薄身脆左嘅口感，食落更加酥香。潮州蒸粉果粉果正宗好味，外皮軟糯煙韌，皮又唔會太厚，內裡餡料滿滿，花生，肉碎，馬蹄等，滿足！鮮蝦菜苗餃菜苗餃皮薄餡又靚，蒸得岩岩好，蝦食落去新鮮彈牙而且菜苗食落亦都嫩嫩又香，好味流沙奶黃包呢款點心一客有3個，入面流心效果一流，食落奶黃味濃，熱辣辣暖笠笠，鬆軟口感，讚！雞扎雞扎餡料夠多，有蟹柳，雞肉，芋頭同魚肚。仲用上腐皮包住，少少湯汁食落非常好味道！脆蝦多士非常特別，先鋪上一層蝦膠之後再加上好多芝麻去炸，食落非常之香酥脆，又有啲煙韌咬口。
繼續閱讀