銀杏館 婆婆廚房

營業中

休息中

現時在香港能維持到的大型社企可說是寥寥可數。「銀杏」這間社企年資長而又能“捱得過” 疫情的，必然有它過人之處。之前嘗試過於九龍區及東區的「銀杏時光」，感覺已經非常美好。首先他們聘用的全是老人家，但每位長者都十分 “精靈”、可愛及幽默。喜歡他們輕鬆自在，“慢條斯理” 的感覺，令到我整個人也放鬆下來，在現今緊張的社會環境下能享受到一絲短暫的 “慢活”。而今次這間「銀杏」又再次給我另一種 “家” 的感覺。因工作關係，中午要到油塘區，正煩惱著選擇那家食店時，竟想不到原來那裏也有「銀杏」。我見指示牌上寫著 「銀杏」之餘還有「婆婆廚房」的字樣，所以估計都是以小菜為主。價錢相宜就不用說，但他們不會因為這點而將質素下降。相反，還給人一種超乎所值的感覺。中午時段他們是半自助餐的模式，當然你亦可選擇單點/套餐，明顯地他們是用心設計過的。湯、沙律、飯、粥、自家製飲品、咖啡及茶都是自助，而主菜便另外落單。這次我和同事點了豆腐及炒飯，份量大不在話下，炒飯很有 “鑊氣” ，食材新鮮，豆腐味道鹹淡得宜，質感豐富。「銀杏」的環境一向舒適，這間也不例外，雖然店面較細但整齊、簡潔。我想強調的是⋯相比高質素的食物外，長者服

見啲人成日特登搭車嚟呢個銀杏館食飯，所以都有少少興趣試下👍🏼當日我哋冇book枱， 所以大約食一個鐘左右就要交枱，不過都夠㗎啦~1. 香草三蔥爆牛柳聽個名好似炒到好火爆好香口，上到嚟賣相就麻麻地啦 🥲 如圖所示大家都見到，其實係唔香嘅， 冇咩小炒味，不過就唔難食咁囉~ 都算係一個清清淡淡嘅炒牛柳😂😂😂不過期望就唔好咁大 ...感覺有啲似農村食到好健康的feel🌝2. 柑桔醬爆骨聽個名好似好好食， 好似酸酸甜甜咁， 而且店員都推介呢個好好食，所以我哋就叫咗呢一款~ 上到來的觀感係...炸咗嘅排骨再加柚子蜜撈埋😂 大家應該可以幻想到個味道？！然後我喺屋企都試過，買咗啲排骨炸咗佢，然後再加柚子蜜落去炒，出到嘅味道就係一樣😂所以呢個菜...喺屋企都做到😂簡單到呢...不過幾十蚊個小炒，仲包嘢飲任飲， 沙律任食，我覺得性價比都還可以啦， 要求唔高嘅話都可以試下~食完出返嚟人均$75蚊#銀杏館 #香港特色 #農家 #小炒 #油塘美食 #黃怪獸 #黃怪獸自家製 #hk90s #hk #hkfood #hkfoodie #hkfoodblogger #foodie #foodblogger #fol

之前經朋友介紹先知原來商場頂層有間隱世社企餐廳，而且仲要有驚喜。講到咁好食梗係要親身去食下啦～去到餐廳有戶外同室內位，我地坐室內位。入到去都見到好多銀髮族員工，真係好欣賞咁有心ge社企餐廳。裡面有得食半自助午餐，可以自己叫一啲小菜或者抄粉面之後，就可以自助形式享用沙律、野飲、素湯、飯、粥。沙律材料種類都唔少，而且新鮮柑桔醬烤骨：必食推介，熱辣辣，惹味又脆醬油雞：唔似一般醬油雞得死鹹，雞皮好滑，差啲連雞皮都食埋之後我地仲叫左八味有機香酥豆腐，呢個又係十級推介，外面又熱又脆不在話下，重點裡面豆腐真係好嫩滑。見餐牌仲有好多野食望落好吸引，可惜今次太飽了，留翻下次再黎試下唔同ge野食先！

難得平日放假，所以陪下屋企人去咗屋企附近嘅大本型行下街媽媽誠意推薦呢間餐廳，之前佢同啲朋友食過幾次都話好正，啲嘢好新鮮又無味精叫我一定要嚟試下喎🤔​呢間餐廳個位置都幾特別，喺商場嘅天台位置，平時真係無乜留意到佢但上到去都發現原來都有唔少食客食緊嘢，門口嘅婆婆侍應都好熱情咁招呼我哋佢係行半自助模式，水吧位置改成自助吧，食客可以自行去拎沙律菜、湯水、飲品等等，我仲見到有部咖啡機添，仲有六款咖啡俾您揀，我就㩒咗杯latte, 媽媽就飲咗佢哋自家製嘅羅漢果水，佢話甜度啱啱好，就算佢有糖尿病都唔怕喎哈哈由於疫情關係都想通風啲，所以同屋企人就坐咗喺戶外嘅位置我同屋企人同偏細食，淨係叫咗個海參蝦乾蝦醬炒飯同埋菜脯肉碎炒無激素蛋炒飯食落去有浸好香嘅蝦醬味，而且都好足料而個菜圃肉碎炒無激素蛋，開頭以為都係啲普通家常小菜，無乜特別​😂​但 原 來 唔 係！！！佢哋個菜脯味道適中，唔會過鹹，而且仲好清脆爽口，夾埋落啲炒蛋度一齊食，係出乎意料之外嘅好食，呢個菜脯炒蛋真係令到我非常驚喜，終於明白點解媽媽咁極力推薦我要嚟試呢度價錢相宜，而且色香味俱全，非常值得一試😍​

前幾日同朋友行完山出返油塘鬼咁肚餓，就決定喺大本型開餐醫醫肚先~同行朋友係健康人士，但我又想食啲香口嘢喎，真係好難搵餐廳 <(｀^´)>竟然俾我哋喺天台搵到間啱晒大家口味嘅餐廳！餐廳標榜無添加無味精仲要用自家有機菜，講到咁就當然要去一探究竟啦！-天氣咁好就緊係要吸收下維他命C啦 (´∀`) 所以同朋友仔選擇咗坐戶外餐廳行半自助模式嘅，出面嘅自助吧有飯、有湯、有咖啡、自家製嘢飲同埋沙律菜拎同行朋友一定聽到有沙律菜任拎就即刻心心眼，揀完食乜嘢落完單就即刻衝咗出去 o(-`д´- ｡)出到去發現沙律吧嘅選項唔算多，有紅生菜、紅腰豆、大大粒嘅車厘茄同埋粟米，不過都睇得出啲菜好新鮮，咬落口非常爽脆嘅，仲好甜添~嘢飲我就拎咗杯凍嘅檸檬水，朋友就拎咗杯黑蚊蚊嘅嘢，佢仲笑我唔識嘢原來係餐廳啲老友記侍應自家煲嘅羅漢果茶，出面無乜餐廳有，飲完可以清熱解暑，最啱行完山飲返幾杯~眼見仲有湯水同蓮子粥可以揀，啱晒啲養生人士，我同朋友仔就無試了，下次一定會試返！-同朋友傾咗陣偈就有得食lu~我哋兩個人叫咗兩個小菜同埋一碟炒河，一上枱就俾個分量嚇親 Σ( ° △ °|||)作為煎炸嘢愛好者同埋田雞控

今日帶娘親試下社企銀杏館的婆婆廚房。無味精住家菜味道，不錯。.佢其實係半自助，除咗小菜外，沙律呀湯呀飯呀飲品自己任拎。我同娘親偏細食，眼見其他檯啲小菜都好大碟，只係咁啱我地碟斑球係細碟啲。所以自助區我地只沖了茶同攞少少白飯，我自己貪食夾了少少沙律菜，最後啲四季豆都食唔晒。.沙律菜比想像新鮮，因為我地去到已經1:30，以為會食剩揀淨殘殘黃黃咁。唔多選擇但足夠。三椒斑球同欖菜四季豆用料都新鮮，斑球無話厚厚炸漿，兩度菜新鮮熱焫上檯.味道你唔可以用高級餐廳比，佢主要都係60-90蚊一道仲要半自助，一般家常味道，水準可接受。唔想食快餐又想食返啲正路嘢係唔錯選擇。.環境尙算舒服，檯夠大，唔會放兩碟嘢兩杯嘢就郁唔到嘅隻。長期開住門，今日有少少陽光少少雨，溫度可接受，好彩這種天氣又無惹來小昆蟲。.員工當然是銀髮族，個個都好隨和有善、能幹，有些比較高級嘅餐廳員工都無呢種態度。氣氛舒服.得閒可再幫親下。

今日同舊同事去食晏，點了柑桔醬烤骨同埋亞麻籽蟲草花雲耳蒸雞。我第一次去，舊同事話呢度自助沙律吧、湯、粥同飯都係任食。沙律吧有兩款菜、一啲豆、青瓜、粟米同車厘茄，同兩款醬汁。沙律食落都新鮮。醬烤骨：啲排骨斬到好細粒，成碟有幾十粒，味道不過不失，都係柑桔醬嘅味蒸雞：啲雞有啲蒸過龍，所以鞋鞋地。同成碟嘢其實都無乜味。食完兩款菜，感覺食物嘅質素同味道係麻麻地，如果喺住家食還可接受。若果係餐廳度供應呢啲菜式，就未夠水準。可能係社企，又支持長者就業，就包容一下吧。衛生有待改善，可能附件係天台公園，佢地又打開兩邊門，一路食一路好多果蠅周圍飛，都幾煩擾。服務：有禮殷勤

昨天來吃過，覺得很好，今天再帶人來吃，叫了豉油雞，一來看見雞屁股，以為只是其中一塊不能吃，再吃，都是雞尾前面我皮和骨，還有雞頸，只得三塊雞翼是有肉的，非常失望，社企都要用良心辦事😞

午餐，小菜形式，叫了一個小菜，便可享用自動吧，自動吧有飯、素湯、糖水、咖啡、花茶及沙律菜。小菜一般價錢$58-$78，也有節令限定小菜(蛇羹及羊腩煲等)，當然會貴一點啦，亦有提拱素食食品。食物性價比高、加上幾位老人家侍應工作勤快，有禮的服務，用餐非當愉快。

同朋友都幫襯過銀杏館旗下嘅素食餐廳，對佢哋嘅出品都好高評價，但就係冇幫襯過油塘嘅婆婆廚房，今次早收工同朋友專誠來食晚飯，傾吓計。去到嘅時候都差唔多七點，由於天氣開始凍所以都開咗暖爐，如果我同朋友唔係怕凍都會選擇喺出邊食，好有風味！😂入去安頓好一切之後侍應就叫我哋可以去自助沙律吧拎沙律，獨愛銀杏館嘅千島醬😍，仲有種魔力令你一食再食，食過嘅人就明我講咩㗎啦！拎咗佢哋自家煲嘅素湯，同出邊嗰啲冇得比，因為冇味精所以飲好多碗都唔會口渴👍🏻叫咗個冰梅排骨份量唔少，肉排肥瘦適中，醬汁酸甜有層次😋，配埋出邊白飯任裝，幾乎係每台必叫菜式！我同朋友擔心唔夠飽所以帶咗個闊佬炒飯，上枱相當有鑊氣！炒飯粒粒分明軟糯適中，配搭蝦乾同鮮蝦兩種口感，令到平凡嘅炒飯變得不平凡。🦐🦐🦐雖然食完飯好飽但都要食埋佢哋嘅芝麻糊，甜而不膩，入口充滿黑芝麻油香，食得都係自家製並唔係買返嚟混水果款。喺鬧市中能夠既有尋找健康美味，又有社會良心嘅餐廳實屬難得，期待佢哋會繼續做好佢哋嘅出品，幫助更加多需要援助嘅人。👍🏻

去開油塘交收貨物順便搵間餐廳食下晚餐，上網搵附近餐廳搵到婆婆廚房，俾佢網上寫嘅理念吸引咗去幫襯。婆婆廚房嘅位置有啲難搵，但鄰近係空中花園空氣好好。一坐低，職員俾咗一張點餐紙叫我哋夠時間就可以寫自己想叫嘅嘢落去，同埋講解有啲乜嘢可以喺自助吧拎嚟食，服務好好。沙律吧嘅沙律非常新鮮，問返職員都係喺佢哋嘅有機農場提取，我都忍唔住攞咗幾份！叫咗一個闊老炒飯，上台非常震驚，因為係蝦炒飯！面鋪咗四隻鮮蝦非常入味，仲混埋蝦乾同鮮蝦仔，口感好豐富，而且佢仲要用蝦醬炒！愛蝦人士必點～地理位置雖然難搵，但餐廳嘅食物同埋服務都值得專登嚟食，下次都會同三五知己再嚟幫襯！

以前都食過幾次堂食，都係同老人家一齊去，覺得都幾好，所以外賣都想幫襯，誰知道。。。。。。完全失敗：我叫左兩個單人套餐，包紅米飯一碗、話説無味精湯一客，主菜係『紅枣雲耳蒸雞』，每件雞都切得很細件，大概一隻手指公左右，但有一半係皮包骨，係冇咩肉嘅，雲耳冇味，整個餸係好似未入味咁另一個餸係『本土蒸梅菜扣肉』，只有大概四件 2cm x 2cm 咁大的扣肉，份量算少，最差劣係個味道，食落就知道係加水番煮的，不是淡味，係由濃味加水番煮的仲有個紅米飯，太乾、太硬，很難食個湯都偏淡大家試過就知道，不用我多説不明白為何外賣的質素較堂食差咁遠，是不同廚子做的，是嗎？有冇人可以話我知呵！？

我自己絕對相信相由心生，善良的心永遠都是最有光芒溫暖到身邊的人！最近行去露天花園旁邊有間餐廳🍴我真的很喜歡，這份窩心和感動，使我不期然想起社會上其實很需要更多愛！這餐廳《銀杏館》 婆婆廚房，它是一間社會企業為長者提供就業機會，當我入到去，長者店員很親善，介紹我們一定要飲他們的用心煲的靚湯，更有機自家有益飲品例如我手上的洛神洛神花茶🥰無論食物、人情味都有家🏠的感覺使我心很溫暖！午餐時段都包自助沙律🥗、湯品、飲品、咖啡☕️的，食物方面我自己特別愛「蔥油蒸黃花魚 」鮮味十足，黃花魚肉嫩新鮮，配合著薑蔥，啖啖都食唔停，以為自己變了做小貓了🐱不得不提餐館除了有室內，還有露天茶座的，晚上🌃在外邊品嚐美食應都好浪漫💕我一定一定要再嚟支持善心餐館，並希望再見這位微笑眼神的可愛婆婆🧓們！油塘店 - 銀杏館 婆婆廚房地址：油塘大本型廣場天台花園R01號

Ginko House is a social enterprise that supports employment of elderly in Hong Kong. I tried quite a number of their grocery items, which are pre-made frozen food and ready to eat upon reheating. They were all so tasty! And that’s why my friend and I would like to have a proper meal at their restaurant. There are several branches of Ginko House restaurants, each has its own signature cuisine. Grandma’s kitchen serves Chinese dishes.There was rain during the day, and we were blessed with a cleare

同朋友行完山，就嚟咗呢間度食午餐，坐室外嘅位置，感受住微風，睇住啲小朋友喺度玩，真係好寫意！呢度叫個午市套餐，就會包埋個沙律飲品湯自助吧，叫一個小菜，大概$60-80幾，就可以有埋個自助吧，食到飽飽😙。我哋叫咗幾個小菜，柚子排骨，排骨好有柚子味，酸酸甜甜，好開胃，朋友都食到讚不絕口。黎到我最鍾意食嘅XO醬爆茄子斑腩，煲仔菜上嚟嘅時候好香，好惹味，食落去好香嘅XO醬，班腩整得好滑，茄子入晒味，送飯一流，但呢個煲仔菜都有少少重口味，但係好食既。最後有南瓜肉鬆蒸水蛋，個蛋蒸得好滑，加埋南瓜，甜甜地，好開胃，反而肉鬆就唔係好食到，細都見唔到，配埋個豉油一齊食好味。整體來講，呢一個價錢，有個半自助餐，真心抵，加埋呢個環境，喺天台吹着風，傾住計，食住住家菜，連朋友都話好似返咗屋企食飯咁，真心推介！👍🏻👍🏻🍴銀杏館 婆婆廚房🚗 地址：油塘高超道38號大本型空中花園R01號舖 抵食指數：🌕🌕🌕🌕🌗Encore指數：🌕🌕🌕🌕🌗