影片
開飯介紹
從2003年開始營運，致力為長者提供就業機會的社會企業餐廳品牌，而且每間分店都各有特色，此店便走日式洋食料理路線，如日式意粉、拉麵與日式咖喱飯等，價格合理，氣氛溫馨。
繼續閱讀
營業時間
今日營業
11:30 - 15:00
18:00 - 21:30
星期一至日
11:30 - 15:00
18:00 - 21:30
以上資料只供參考, 請與餐廳確認詳情
有關獎賞計劃
近期開始接觸多咗香港嘅社企， 而「銀杏館」就係其中嘅表表者👍!佢哋創立於自2003年，一直都致力策動長者就業,藉經營餐廳、餐飲到會、 食品製造及零售等服務,為有經濟或心理需要工作的長者, 提供合適的就業機會, 等各方長者都可以自食其力,自得其樂。仲係2016 年構建💕「Love Project」,開展扶貧工作,向老弱孤寡派發免費飯餐,貫徹營商兼善的理念,關愛社會中的弱勢社群, 推動社區分享!「銀杏堂」有多間分店，每間分店都各有特色,而呢間主打中菜!仲有自助嘅沙律前菜，仲有糖水同飲品!今晚我同屋企人一齊嚟食飯，叫咗店員推介嘅一啲人氣食品:🍛有機天貝蝦仁無激素蛋炒飯 $118- 用有機天貝再加上無激素蛋一齊炒出嚟嘅飯，好味 、又香又健康!🐟五柳松子海鱸魚$198- 松子味非常香，鱸魚份量十足，酸酸甜甜勁開胃，會忍唔住食多兩碗飯🍗古洞天然醬油雞(半隻)$168- 用秘製醬料，每舊雞肉都好滑又入味，老人家食煲都完全冇問題!🥦有機蒜蓉油麥菜 $68- 係自家農場"樂活有機農莊"，絕對新鮮又健康!最後我哋仲飲咗湯同埋糖水!真係太滿足喇!😋整體食物非常美味，而且選擇極多， 重點系價錢實在太大眾化，無論係同屋企人食飯， 或者同一班朋友用餐，都絕對系平靚正嘅選擇💕👍
繼續閱讀
朋友們約左我去大本型食晚餐，其中一位就提意去空中花園嘅銀杏館婆婆廚房，除左佢之前食過唔錯之外，依間仲係社企餐廳，提倡長者就業讓他們自食其力自得其樂，同時亦會定期向老弱孤寡人仕免費派飯，所以一間咁有意義嘅小店就當然要多多支持。餐廳環境都好寬廣，而且空間感同光線都好足，所以感覺都好舒服。另外仲設有戶外位置可以選擇添。晚餐要每叫一個主菜就可以享受半自助吧任食任飲，除左沙律吧嘅有機沙律菜之外、紅米飯、素湯、糖水、蘋果汁、羅漢果茶及咖啡都係無限添加。沙律吧嘅沙律菜都係非常新鮮，店員姨姨介紹話係由有機農場提供，所以食落感覺特別健康。而素湯同芝麻糊都唔錯，好有家嘅味道先嚟有機栗子豬咕嚕肉，除左肉嘅份量多之外，佢嘅配料都同樣唔少。咕嚕肉炸得外脆內嫩，大大粒嘅栗子再加埋爽脆嘅彩椒，配埋酸酸甜甜夠惹味嘅醬汁，真係令人食唔停口，絕對係驚喜之作。薑葱生蠔雞煲同樣出色，熱辣辣嘅煲仔菜非常夠鑊氣，生蠔肥美肉嫩脹卜卜而且又唔腥，配合埋爆香咗嘅薑蔥加埋雞件一齊炒，夠曬惹味。XO醬炒有機是令菜，濃郁嘅XO醬嘅鮮辣味與有機農莊嘅清爽西芹口感非常夾，而來自有機農莊嘅西芹真係份外鮮甜，整體上炒得夠鑊氣得嚟又唔會太油，真係好味密密食。乾燒伊麵入口唔錯，夠彈牙爽口得嚟又夠乾身，最好就係個醬汁唔會好鹹鮮，又唔會好膩油，所以食落唔會好邪惡。我地仲用左樂悠卡優惠，加左2蚊叫左一份家鄉墨魚餅，墨魚味濃而肉質唔會太硬，煎得好香口，令到墨魚餅外脆內軟，好味道。整體上餸菜都係少盬少甜又冇味精，完全係食得好味又夠健康，所以有機會一定會再嚟食過呀！
繼續閱讀
開瓶費：$100OR 向店員查詢可否free，最後由經理確認點set啤酒$38/2 當開瓶費銀杏館都算係經常幫襯，不論太古、油麻地定係油塘😂 帶位果位老店員幫我地問得一set啤酒當開瓶費，同時同我地吹咗兩句，包括認得我經常嚟幫襯、油麻地分店出品等等。好高興店員會認得我一家！銀杏午餐都離不開沙律吧、自助湯、糖水、白飯白粥、咖啡/茶、自家涼茶。沙律吧唔好太有要求，因為以$58起計已經算係額外贈送一樣。雜沙律菜、粟米、紅腰豆、車厘茄、雜果沙律。茶飲有羅漢果水。。。糖水呢次係豆腐花，之前有芝麻糊、紅豆沙等本土蒸梅菜扣肉 $ 65梅菜洗到味道流失，醬汁亦調較得偏淡口味，而腩肉亦蒸得過火少少，肉質硬實唔夠味，有點失色三豉炒斑球 $ 78斑球肉質實淨非平價鯰魚柳，份量夠而調味足夠，非常惹味好餸飯菠蘿咕嚕肉 $ 78肉份量多，配料都十足一上枱熱辣辣一刻我就試咗舊，真心嘩一聲，咕嚕肉外皮超脆內軟，而且個汁真係較得非常地酸甜平衡，略嫌偏黏稠咗啲，但係新鮮食係好出色，超推薦
繼續閱讀
呢間我都食過幾次同做過義工位於大本型最頂嘅空中花園💐座位有户外同室內☀️不過咁啱我去果日陰天大雨平時睇到黃昏日落🌄「銀杏館」喺擁有自家有機農莊，所以都係香港數一數二嘅有機餐廳🍴餐廳員工幾乎都係長者，因為銀杏館一直推動長者就業，亦每日派飯比有需要人仕🧓🏻👴🏻每叫一道菜式就可享出面半自助吧半自助吧有沙律吧、素湯、紅米飯、是日糖水、果汁、茶、咖啡，全部無限添加😋🥗沙律菜由自家有機農莊提供，好新鮮🍠素湯同番薯糖水都好足料👍🏻🔸薑蔥生蠔雞煲 $158好香薑蔥味,生蠔肥美,雞肉嫩滑🐥🔸五柳松子海鱸魚 $198炸到脆卜卜嘅海鱸魚加酸甜五柳汁魚肉外脆內嫩啖啖肉🐟🔸豬油渣炒有機菜心 $108豬油渣嘅味加爽脆菜心,好惹味😋
繼續閱讀
#20250722 📝📍 #銀杏館婆婆廚房 @love.org.hk油塘高超道38號大本型空中花園R01號舖 ➖➖➖➖➖➖➖➖➖➖➖➖➖➖➖➖➖#XO醬炒有機油麥菜 $88💭 呢間野雖然有啲難搵，但真心好想推薦比大家，話說佢係社企餐廳，致力推動長者就業，但佢啲野食一啲都唔會因為咁而馬虎，同平時食既質素一樣，甚至乎好過出面，是日有機菜可以菜心或者油麥菜，呢個價錢有咁多份量絕對有良心🥬.#俄國牛肉絲 $88 💭 又係一碟大大碟既小菜，牛肉絲好淋身好易咬，仲有好多洋蔥絲同啲菇，每一啖咬落都有唔同口感好正，最正係佢有好多汁，簡直係白飯殺手，用尼撈飯可以係咁食🐮.#蒜蓉粉絲蒸扇貝 $128💭 點諗到用呢個價錢都可以食到啲咁靚既海鮮，6隻扇貝都大大隻，面頭有滿滿既蒜茸散發住超勁既香氣，精華落晒係中間啲粉絲度，索晒啲鮮味之餘仲好爽口，超yummy🧄.#有機香茅大蝦 $148💭 呢個蝦真心非常高質，用左有機香茅，再加平時好普通既蔥、薑、蒜去炒，但出尼效果係勁有鑊氣勁惹味，大蝦隻隻咬落去都爽彈而且有蝦味，啲汁入味到剝左殼都食得出，正🦐. 🥢 #半自助bar 💭 每叫一個小菜就可以送一位人客既半自助bar，有沙律、素湯、糖水、紅米飯，仲有野飲，平時呢啲單頭單尾都唔平，佢竟然可以任食，慳慳埋埋可以叫多個餸喇～.#油塘美食 #🐷在油塘 #🐷_食 .#油塘餐廳 #油塘小菜 #社會企業餐廳 #到會服務 #油塘中菜 #長者就業計劃
繼續閱讀