釣魚船屋 (已結業)

一早book定位，去到話無record。之後入左去用平板電腦點餐，部野個menu係乜都無。之後D侍應整好落單，問左幾個人omakase包D咩，無人知。最離譜o既係，叫左D刺身壽司，好耐都未o黎，見唔對路已經先後問過3個侍應追過，直到過左大半個鐘再問o既時候，先話今日無刺身壽司，所以D野食唔會o黎，仲話佢都係岩岩知喎，以一間以水產做賣點o既餐廳黎講，可以話係失敗之中o既牛失敗。咁即刻埋單啦，都要有2個侍應先後拎2張單黎。基本上呢間野無一樣野係岩o既，D侍應10個有9個係發緊夢，仲要全個過程一D歉意都無，好心未ready就唔好趕住開啦，趕客咩。

同事響Facebook 見到呢間新開日本餐廳，介紹叫我地去試食，心諗，睇相個環境望落唔錯，又有得釣魚玩吓，決定星期日晚去踩場!早幾晚同事已打左電話訂左4位九點，我地8點8左右到達，竟然話無訂位資料，仲問返我地邊位幫我地落簿訂枱?我地又點知貴公司邊位員工接聽呢？算喇!佢地話即時安排座位比我地，等左一陣，有店員帶我地入座C7卡座，帶我地入到去，就咁比左張電腦飛我地，話掃QR 就可以落單，咁我地就開始點單啦！等左一輪都無茶水到，望出走廊又唔見有服務員響附近，要等到有人傳菜出黎附近先叫到人，到上菜喇!準備食魚生，發覺鼓油樽無鼓油，連紙巾盒都無紙巾既…………想搵個服務員都【神龍見首不見尾】雖然魚生新鮮的確唔錯，份量又唔多，但除左魚生新鮮之外，其他野又唔算特別出眾，都係不過不失普普通通，個茶漬飯我個人唔太識欣賞，但係食得湯飯都知道要跟匙羹啦！等極都無人攞黎，幾次望出走廊又係無人既，同事都食左半碗了，跟住我都忍唔住，隔住條人造河叫過去對面嗌人，我果邊成條走廊都無人，對面收銀果度就4-5圍埋吹水，睇見都把幾火，仲有我最唔欣賞個蒜片海膽炒飯，賣相一般，味道都係一般，呢個炒飯堅無水準!成間最大特點係可以比

係觀塘返工，每日最大嘅challenge係食乜。好難得開左間新舖，條team決定一起去試下，就當係Happy Friday。新開業都幾多人排隊，接近2點先有位入座。我地諗呢個鐘數都過左大部分人個lunch hour，D侍應應該都冇咁忙。點知入座好耐都冇茶水供應，三問四問先有個哥哥仔話冇杯，所以冇茶水。認真講句，等左成粒鐘位，大家坐落台眼望望，水都冇杯飲，離晒譜。杯唔夠臨時用膠杯紙杯都好啊！之後落Order，有個餐叫七點xxx，但係又冇圖冇description，問侍應，佢答左句：唔知，就走左⋯⋯我就算想落order都唔知個menu食乜啦！辛辛苦苦終於都落左order，差唔多成粒鐘先至上餐，又冇餐具（筷子，豉油碟）。餐又唔齊，其中一個set，冇飯，配菜都唔夠。冇辦法又要再穩侍應問點解冇飯。侍應話已經冇晒飯。我地全部人果一刻係Shock左！之後一個侍應煮左碗烏冬，另一個侍應摞左碗壽司醋飯出來頂數。到呢到，成班人已經唔開心晒，準備食完埋單走，點知最後埋單都可以有錯！比Credit card，張單摞左去第二張檯比其他客人簽左⋯⋯⋯真係離晒譜，如果間舖未ready，我真係suggest你地認真t

剌身好新鮮，lunch望落價錢好似唔平，但上到黎就覺得其實好抵食有前菜有湯有蒸蛋，食物質素又好。其實計落唔貴。而家新開張有85折，午餐都有同同事一星期食左3次裝修好靚，有好大隻船，仲有後即釣即食。未試釣魚，下次試下

等了大概30分鐘1)入坐後無茶，侍應回覆是因為無茶杯2)上餐唔跟餐具，要問先俾，3)問午餐牌上的其中的一個餐，侍應表示佢都唔知4)其中一個餐漏左個飯，唔講，要問才講無晒飯，一個侍應煮了個烏冬，另一個侍應拎了一個醋飯出來。刺身唔跟醬油，問完結果只俾了隻碟，再問先俾埋醬油5)埋單將張單俾左第個客簽食物不錯,刺身新鮮但運作混亂侍應完全不在狀態，無經驗，無常識可不可以訓練好自己的員工再開業？中午食飯就個零鐘，樣樣都要三催四請，不了

食完之後真係回味無窮, 值得寫食評向大家推介餐廳新裝修乾淨整潔, 地方大, 有不同tatami 房間, 適合朋友共聚自成一角。點餐用eMenu 雖然有D相片未有上載只有文字, 但並未有影響落單運作, 上菜很快。魚生飯足料件件sashimi 厚切十分新鮮在觀塘區真的難得; tempura 都好好味, 炸漿不厚又不油膩, 很有水準; 職員也很有禮貌又細心, 不時過來收碟斟水, 服務不錯以後有多一個好地方食 lunch 期代正式營業時有得釣魚, 到時有得玩又有得食 正!

高質，好味，新鮮係觀塘返工，lunch聽朋友講有間新嘅日本嘢，即刻黎試試佢先。一入門口有架大船已經令人好驚喜食材新鮮，吞拿魚、三文魚魚油豐溢，入口細膩。個魚生丼入邊有《三文魚，吞拿魚，帶子，甜蝦，八爪魚，油甘魚，左口魚，池魚，海膽》一個set除左個魚生丼仲有4個小菜，1個沙律，1個燉蛋同埋一碗面豉湯，飽飽～侍應服務周到，期間一直主動過黎加熱茶，態度好好。埋單130真係好抵食！下次會再黎！

第一次寫食評，平時好少去觀塘食野，第一次見到個餐廳入邊有咁大架船😂好神奇😂😂值得一試的日式料理！刺身新鮮肥美，牡丹蝦飽滿甘甜，鮮甜爽口！最愛嘅海膽大塊肉厚！正～ 聽師傅講全部都係日本新鮮飛機貨😋同埋環境好靚好舒服，坐好耐都唔會攰，睇得出裝修好用心！啲staff態度都好好期待正式營業！staff話下個月可以上船釣埋魚！好想試下自己釣自己食🤣我覺得係可以令自己同屋企人多啲一齊娛樂嘅時間，好過次次食飯大家都係度禁電話！好適合一家大細一齊去，一路食一路玩！

樣樣都好新鮮 手卷d 海膽差不多包到落底 味道甘甜 差不多係我食過最好味既海膽 鵝肝多士好夠肥 一口芝士熱辣辣 燒海膽飯團海膽好好食 飯團我食左一小口唔知咩味😂刺身拼盤比我想像中大 所有刺身非常新鮮拖羅勁肥 唯獨個沙律怪怪 千2蚊埋單 唔算貴 用pad 點餐 但唔知點解入面好多相都無顯示到 可能未正式投入 有房同大廳坐 我坐房私隱度好高 會有職員企門口出邊 隨時候命 房間係用榻榻米裝修好有日式風情 而家一月重有85折 未完全開張暫時只收現金同AE 卡 值得一去再去👍🏻遲下會有埋魚釣 即釣即食 同日本個間一樣架❤ @ 釣魚船屋 Chougiyo Funaya HK