釣魚船屋 (已結業)

事關係觀塘返工，今日同同事食開年飯，本身打算係中海日昇中心是但搵間餐廳，點知行行下行到入商場嘅尾尾發左啲間觀塘新開全港首間有室內釣魚場嘅日式居酒屋「釣魚船屋」。入到去我地個個都嘩嘩聲，因為餐廳內有ㄧ座超大木船，而且場內更有海水魚池可以自助釣魚，$20一份魚餌就有魚釣啦，仲可以釣完條魚來再自選唔同煮法。 不過講咁多，我地係冇釣魚嘅～（lunchhour釣魚太痴線喇！）蒲燒鰻魚飯($118)：好大條鰻魚！釣魚船屋壽司六貫併湯烏冬($108)鹽燒鯖魚飯($88)：我自己食鯖魚飯嘅！超大大大條鯖魚，成隻碟咁大！我覺得燒得好食，唔會趕晒水，亦都唔會出好多油！特上雜錦魚生丼($138)蔥花吞拿魚腩卷($98)：正！啲蔥花吞拿魚腩多到跌晒出嚟，而且食落去好新鮮～燒明太子($65) + 炸蝦天婦羅（$98）：正常好食，基本上天婦羅真係冇得唔好食～另外，除左啲主菜好食，我自己比較讚賞係佢啲飯全部都係日本珍珠米，仲要煲得好食～而且佢每個套餐都會附送左好多小碟，又有茶碗蒸，又有味噌湯，淨係食前菜已經飽左三分一！所有野食都好食，我會再返嚟釣魚㗎！

大家當然知道呢個概念係有日本過嚟。好，既然香港有當然要帶仔仔試吓，Book位要用Facebook先有機會book到打電話唔使諗。Book咗六點半，入到去見到環境都唔錯，香港來講算闊落。當然要一份魚餌，其餘老婆嗌壽司其他嘢，之後睇到餐牌已經覺得有啲問題壽司差唔多$20一件，其餘嘅比普通日本餐廳貴六七成至一倍，唔通真係咁正？好啦叫咗壽司海膽全部野不外如是事只係價錢比出邊貴六七成，當然嚟到呢度應該去釣魚為主要目的，唔係講笑真係釣足九個字完全未見過一條魚有想食魚餌唧衝動。最後唯有Chok 上來。見到第二啲客人都係一樣要Chok , 見到有個客直情係條擱淺左條魚個口塞個勾入去。條魚唔係好多肉不過幾鮮甜300 都可以，不過加工要$80。成個餐牌最得人驚係龍蝦$1800，真係普通中等甚至係偏細size，如果唔小心勾咗上來，打個七折但係你一定要左佢。熟食餐牌又唔係好多選擇乜嘢都好似冇，總之整體來講啲魚難釣，心知起碼過晚情況係冇可能，啲嘢食貴，好難定位

有得玩，釣到啦！好開心！員工有禮！又有龍蝦釣。小朋友好開心！有tatami房，生曰一流。今次約埋三五知己黎新店玩玩，啱啱開左一個月，原來釣魚位係要特別request 先會安排。下次要醒目。新張有85折就ok曬。

問說今日無訂枱試下walkin, 咁啱有人cancel ，所以可以入坐。7:00pm 入去講明8:30到交枱，之後即刻叫野食，唔講野食住！7:40分加個鍋同焼物，7:50到左個鍋，突然7:52叫我地埋單！當然可以啦，嚸知一比完錢！叫我地交枱？？0米同佢地講番野食剛剛到，未到8:30 pm!之後就黎料8:05,8:10,8:15叫我地走！前後佢地話8點半個客到左，我地要走！helllo我再講多次8:30前我地走！到食物，價錢比一般貴，但冇諗過咁差！個牛鍋$380好似清水煮菜，到個鍋個電爐壞轉明火，要用15分鐘煮起食哂佢，未滾起就叫我走！壽司比不上元氣！樣樣都不值呢個價！算數！我地8:23分出到門口！同佢地講,明明話8:30交枱！個男接應話8:30個客8㸃幾到左所以我要交枱！佢地早到，所以我要早交枱！只可以我唔應該因為個魚池而去呢間野到開飯！我錯了！完

原本諗住情人節黎試下 打極電話都係打唔通Walk in入到去 問佢啲魚點計佢話有啲平既5 6百蚊龍蝦同深海魚要成千 仲話釣左冇得唔要心諗咩料 釣魚餐廳仲要避開黎釣咁算啦唔釣 我本人好鍾意鵝肝見到有鵝肝壽司同鵝肝多士就各叫一份心諗加埋200蚊兩樣 每碟得兩舊 應該高興啦掛一黎到放入口 平時食開西餐啲鵝肝未放入口已經有陣香味飄埋黎 呢度120蚊鵝肝多士又油又唔香臨到咬果下先有啲味 一共叫左4野小食 都唔敢叫主菜果啲 咁既質素都4舊水 真係唔會再幫趁啲魚條條死魚咁 入黎果刻聽到有人成功釣左條到走都未有人釣到第二條 咁貴又難食 憑咩

情人節諗住同另一半黎食餐好啲，點知整體味道真係非常之一般，價錢又貴，跟本唔值呢個價錢，係個裝修去吸引人，真係有點感到失望首先，你要成功地好似搶演唱會飛打電話去攞位，我今日打左有168次先通，但通左無位都係要wake in 。魚池方面: 魚既價錢由400-1000up既龍蝦都有。職員話要自己睇住黎釣，如果釣到條一千蚊既都冇得唔要。如其要人擔心，點解唔學人地日本釣魚餐廳咁分返開個區域呢？同埋啲魚真係好似未訓醒咁，條條都無咩動力去遊，更見到職員撈起死魚🐟，我本身都想釣下既，但見到啲人釣成半個鐘都釣唔到所以我都係放棄算環境方面：不敬都係新開，同空間夠，櫈都較為舒服，所以環境唔錯既食物方面:建議都係食飯刺身，壽司個類好啲，其他另類少少食物如鵝肝，真係幾伏，百幾蚊冇咩鵝肝既香味，十幾蚊既都好食過佢服務方面:Staff都幾有禮貌既，對客人就真係唔錯既，但聽到佢地係個speaker叫佢地做野就......都幾多花生食有禮貌係幾好既，但叫staff加茶真係要叫好幾次，同埋啲枱號就成日唔記得，就係我食呢餐飯都上錯好幾次野食去隔離枱，真心都開左一段時間啦，點解仲會唔知邊張枱打邊張枱，如果真係唔想錯就痴返啲枱

同事仔生日，4個柴娃娃黎試新野Lunch time12:30黎到，等左半個鐘頭終於有位。食店用QR code 落單，幾方便睇menu賣相幾好，嗌左個set lunch 吉列豬排定食$98，點知中伏吉列豬排完全無味，皮唔脆，白飯用普通米，但煮到好黐立立，連我呢個正宗飯桶，都唔想食落去環境係唔錯，但食物質素就有待改善

第一次去！一班人book左間房，有平板apps 點餐，叫service到都好快。服務唔錯。行出去睇其他人釣魚，都好多人釣到！睇到都興奮！有好大隻船同水池，幾有特色，平日個場都幾full. 下次再去一定試下釣魚。見到唔少大人細路都玩得開心，叫左海膽/ 刺身船，好新鮮。上菜都幾快！

一知道有這間店就立即安排訂位，誰知已非常爆滿，一訂就到2月1日才有，剛好有同學 2日後就移局外國，正好趁這天聚一聚。餐廳非常好，幫我們安排了卡位，卡位很特別，是6個座位，下面可以放腳的那種榻榻米， 前後都有竹簾分隔，私隱度高，而旁邊就有水池可供垂釣，不需行出外面的大船，很方便，唯一就是如果釣到海鮮，一個興奮的時候，把水產拉起時會潑到整張檯都是水，不過也是開心的時刻，就管不了那麼多了。釣魚需要購買 ＄20 魚糧，是一些蝦干，餐廳特別提醒，釣上來之後一定要購買進食，刺身無需附加費，如果其他煮法就要加錢，原因是所有水產，釣到了就等如用魚勾把魚咀或身體勾傷，就會有傷口，衛生及健康問題，都不會再放回魚池，所以，真的想要食才釣呀！餐廳落單很方便，就用自己的手機，掃一掃他們提供的 QR Code, 連上網站就可以手機落單，上菜亦很快，那麼就不用等 waiter 過來慢慢寫單了。場內氣氛很好，每次大船那邊有人釣到魚都會擊鼓，很熱鬧。我們釣不到魚，反而釣了一隻龍蝦，很大一隻，連食材及煮大約 ＄1200，不算貴。其餘叫了不少食物，刺身很新鮮有甲羅燒，可惜只配了 2 件多士，不太夠，因為餡料太太太多了！ 海

坐到好似茶餐廳甘， 6/7 個人逼坐4人位，唔俾加台。有台9 個人都照塞。落左order 後 等勁耐先有得食。lunch time 等左成個鐘先上菜⋯ lunch time無2 個鐘真唔好亂試。 味道尚可⋯

1月份在官塘開業﹐昨天便約同事一起試一下，本充滿期待好好享受一餐日本美食，餐廳裝修真不錯，客人都很滿，我和同事2人被安排坐bar 枱，落單很電子化，以 scan barcode 進入menu 及 直接 order全部都是由客人自行處理，但下單後無法翻查已下的order情況, 下單都等了約30分才上枱，起初懷疑是否order 不成功，賣相真的不錯﹐可惜壽司及定食丼所用的飯都是已混了醬油，有別其他日本餐館的，我不太欣賞這樣的做法，過於攝取過量醬油對人體健康不好，而刺生方面都是新鮮的只是質量一般﹐沒有甚麼驚喜﹐但價錢方面與品質不成正比。至於服務方面﹐坐了20分鐘都沒有人給我們一杯茶水﹐需要直接order 服務員2次才給我們﹐而食品上枱後﹐因枱上沒有醬油等等的調味品﹐已經多次叫服務員拿了﹐結果都沒有拿﹐最後由壽司吧的師傅代為取之﹐而到結帳時也是壽司吧的師傅代為通傳２次才可結帳。阻礙了我們午膳不少時間﹐如果午膳時間不多於１小時﹐不建議選擇這間餐館﹐否則一定會出現遲到的情況。

上網見某大平台經常賣廣告講到好正好好玩，又有啲似日本某間釣魚餐廳，遇着我哋一班人想食開年飯，又有大人又有細路即管去試吓啦！一行15人定好人數我哋就打電話book訂枱，經過15至20次到嘅不停redial好好彩我哋終於打通電話book到枱!有心去食嘅朋友要有心理準備最少幾十次電話☎️你就有機會會book到一張枱好似買演唱會飛咁不停重撥年初五食團年飯我哋book咗8:30pm ，餐廳旁邊就有停車場泊車都算幾方便，溫馨提示：揸車嘅朋友呢間餐廳係冇free parking我哋有朋友早到左諗住早啲去攞定枱，點知當其他朋友都到齊嘅時候先發現我哋成班朋友仲喺門口度等緊位喎！早到係冇用㗎！最終我哋入座嘅時間係8:45pm!Book咗枱都要等？！如果冇book枱我唔敢想像要等幾耐！入座嘅時候經過左一隻船，經過好多嘅魚缸，一條長長嘅走廊去到盡頭就係我哋嘅位置啦！係一間木板間開咗嘅房仔，房入邊有個窗打開個窗就係釣魚嘅位置，私隱度都夠嘅！但係當你打開咗房門嘅時候就不停會有客人行入嚟睇吓你間房到底係點樣！入到房餐廳職員問我地係咪需要釣魚🎣當然我哋梗係要問釣魚要唔要加錢啦！釣魚唔使加錢，但係魚餌係$20一份，魚餌只

打了進50次電話終於订好位，今天中午1:30，訂位時問清楚2:30最後落單，最遲可坐到3:00，因其中一朋友路途遙遠，會遲到，朋友2:20匆忙趕到，服務員說2:30就關燈落場，我們說不是可以3:00吗？他們說現在告訴你是2:30，剛才叫的東西都未吃，我們說讓朋友吃完就走，因之前問過可以3:00才會叫朋友來，到2:45分的時候，服務員竟然毫無禮貌的把燈關掉，試問2:30 last order.不吃就直接走吗，實在太過份，什麼服務態度，開業一個月，大家因為新鮮才去，才會如此爆場，這種態度大家還會去第二次吗？實在是不愉快的一餐

今日係朋友生日，見到觀塘開左間新嘅釣魚餐廳，就即刻去試試佢。環境幾靚👍🏻，打卡一流。我地被安排左間房到，旁邊有窗可以釣魚🎣,真係唔錯🎉。食物方面真係幾抵食同新鮮值得一讚係甲羅燒🦀 ，本身order左一份，諗住4個人食，但因為太好味，所以叫多左3份😂其次係刺身，全部都好新鮮，特別係拖羅同海膽。食左45分鐘左右，終於釣到魚🐠，釣到魚後店員有擊鼓，氣氛唔錯，跟住我地用釣到條魚做刺身，仲有七折，個酸汁幾好味。當晚我地有拎蛋糕去唔洗切餅費。

1.成班侍應企喺度雲遊，問任何問題都無人答到我，問乜都唔知2. ipad點餐但無圖睇，完全不知點咩食3. 點7樣食物，4樣都話賣曬（當時是12點，佢開11.30，我11.45已入座）連最基本既炒飯烏冬都無4. 坐咗45分鐘，一催再催下先拎幾件三文魚壽司出黎，再催多幾次先同我講我點的餐賣曬！最後我地四個人食咗4件壽司幾件手卷走人！未試過食餐飯咁撈氣兼要餓住個肚走！貴都算，服務咁差先激氣！呢間冒牌釣魚屋永不錄用最後用咗個半鐘兼食唔飽埋單折咗都要二百幾