釣魚船屋 (已結業)

之前在大阪食過一次 見到佢香港開左間 加上朋友生日就幫襯下啦個環境同食物係幾好的 但係服務真係好差-menu入面好多都賣哂，要咩無咩-問佢地野就話去問經理，跟住不了了之-食物等好耐，個火鍋15分鐘都做唔到出黎-員工態度散漫，屋企樓下茶餐廳都好過佢老實講句，未準備好的就唔好禁心急開張啦，開出來趕客咩

今日5點打電話Booking，打咗近40幾次終於接聽。網上食評雖然比較差，但未去過所以試下環境方面好有日式Feel。餐廳環境乾淨釣魚區有兩個早Booking可以直接係船上釣魚食物份量雖然比較小，但味道唔錯，即釣即刺身好新鮮活魚刺身即釣即劏黑鯛$498 埋單時有30%OFF 折後$348黑鯛活魚刺身好鮮甜個人感覺沾日本醬油加芥末比原本配嘅醬汁較好三文魚壽司$40 / 2件鰻魚牛油果卷 $98三文魚茶漬飯 $48 三文魚茶漬飯服務質素比網上流傳好好多，所以真係要試過先知道兩人消費$646 人均都係$323個人感覺還可以

1月16日，c6約左我食生日午餐，由於想食日本菜所以我地就決定試一試呢間新開既餐廳，我地點左佢既omakase， 師傅還會一邊上菜一邊解釋每一道菜既名稱及食法，食物水準一流，可媲美我地係日本食既還要啱口味！所有魚生都非常新鮮，師傅話差不多每晚都有新鮮食材翻店，真心每一道菜都好好味！反而日本既釣魚船屋冇咁好味😝下次會帶埋小朋友去食晚飯，順便可以釣魚！期待下次再去！

香港開了「釣船茶屋」!個招牌... 係大阪那間呀(我以為😅)！大阪道頓堀那間很好玩的，除了釣魚，我們一次吃了夏季限定的流水麵，一次玩了壽司師傅工作坊，兩次都釣到魚，好滿足！香港這間釣船茶屋，魚池裏的魚還算多的，但很高傲喔，明明把魚餌放在面前也無動於衷，結果什麼也沒釣到，亦懷疑究竟有沒有人會成功釣到🤔，最後在臨走前居然看到有人能釣得到🎣！我真係恭喜佢呀😆！因為能釣到當然很高興啦，但魚價會按魚的品種和大小而定，介乎$380-$1200一條，收費頗貴，釣不到便當為自己慳錢好了😅！沒有魚穫，那食物質素呢？不過不失啦，但食物選擇太少(很多餐牌上的食物都沒有供應😪)，價錢亦偏貴，4-5人吃了近千元，但完。全。唔。飽。😖。唉！又沒什麼菜式得揀，唯有玩完轉場再食過🙃！回家看回相片，咦！招牌和大阪的「釣船茶屋」很像，連日文zauo ざうお也一樣，不過香港的是「釣魚船屋」...Um🙄... 唔知有冇關係，但分别是... 不夠日本的那間好玩，性價比亦不及日本(就是貴!)，不值再去咯😥！

觀塘工業區開的新店，做完yoga同朋友來試下， 環境食物都不錯，餐具幾精緻！ 喜歡星期六午飯時間人不太多，叫菜方式是電子餐牌掃碼點菜， 而家新張期間有85 折。可惜Lunch只有set叫， 晚上才可以散叫。酒水櫃大船同魚池，小朋友鍾意玩。仲有幾間大大細細的房有架大船，上面可以坐人。壽司烏冬set, d 魚生 好新鮮豚肉飯，個汁撈飯一流炸蝦天婦羅炸蝦烏冬 - 脆漿剛好，小食唔錯。仲叫左汽水同梅酒，每人200左右，午餐有點貴。觀塘新開的店，以後做完yoga又多個選擇食好野

咁岩上網睇到香港開左間釣魚居酒屋，就即刻去左試下,一入到去就見到部好大嘅船，不過我地有小朋友👶🏻 ，所以唔可以上船坐，之後就被安排坐左係池邊嘅位置。 😆😆Meun都有唔少熟食，仲有烏東，都岩小朋友食。👍🏻👍🏻而我地就order 甲羅燒，刺身，串燒，招牌卷，鵝肝多士等等..等等刺身好新鮮💪🏻🍣鵝肝比預期中大件同厚身幾底食🎉當日都好好彩我地釣到條間八🦈（$600蚊左右），拎左黎做刺身，所以唔需要加工費唯一不足就係無得免費泊車🚙

keep 住都有黎食lunch, 放工試過一次晚餐，食物一向都好食！ 晚餐最正！ 一開始d 服務係有d 亂，可能新開張掛。 不過今日再去，服務好左好多，見到d waiter 到轉哂， 有禮貌。 唔錯唔錯。講返食物先，賣想好靚，又新鮮。 個海膽飯團勁正！！！ 原來個師父用海膽撈落個飯團到！勁呀！ 和牛他他， 平時食開係一條條撈蛋食，呢間好特別， 一片片再加洋蔥上去，入口即溶，和牛味湧岀黎 見到佢地有大房tatami, 準備帶屋企人黎食下先

第一日開張我哋就即刻去試，因為好想去釣魚兼即食的鮮！竟然成為當晚第一個釣到魚的客人👍🏻😂😂😬食物環境都好好！當日即刻釣到的魚有七折抵食！鮮甜、爽口的！又好玩！剌身免費架（佢好似有另外幾種煑法任客選擇，不過要加煑工費用）那個爐上的蟹蓋要大讚！賣相佳、味道甜！呃like 啱哂唔記得影仲有當晚以超特價嘅海膽一板！配上紫菜👍🏻訂枱回覆好快！到埗職員又友善！要讚的那位當晚服務我們這一枱的「妹妹仔」她笑容可嘉又有耐性！要讚（宜加好難見到這樣的員工）價錢🤔當晚食左二千幾！👌🏻啦！要彈嘅就係嗰個和牛火鍋😓D牛麻麻地！

從來未見識過一間餐廳水準可以被評負分🤬星期二打電話打到手軟先打通佢地電話book到第二日（星期三）5:30兩位🤬作為食客當然準時到達，點知鋪頭竟然未開門🤬侍應見到門口有人先出嚟開門，然後我哋話俾佢聽訂咗枱，接待員話冇訂檯記錄（唔止我地係咁）🤬 然後有另外一位可能高級小小嘅侍應行過嚟幫忙，溝通左幾句佢就好隨意俾張枱我哋，然而我哋係request要坐喺河邊。突然經理行出嚟話要同手足briefing ，請我哋10分鐘後再返嚟🤬我哋心諗呢啲嘢係咪應該開門之前已經做好？唔緊要我哋出去行個圈再返嚟。10分鐘後返去，門依然係lock住，侍應都係見到有人先出嚟開門。我哋終於入咗去坐低，侍應好快就話我地知要早啲落單，上菜需時🤔其他大致上同早前幫襯過嘅食客一樣，只係我哋有茶杯、有飯食😁刺身拼盤依然需要用接近一個鐘的時間先能上菜，而我哋需要嘅Wasabi就需要三催四請先至提供到🤬冇解釋、冇歉意、完全覺得這是正常的服務水準🤬 10個侍應10個都發呆，得個經理做嘢🤬(其實個經理都幾慘)我哋諗依度釣魚環節安排好好笑，理論上去得餐廳釣魚當然係希望釣到魚第一時間拍照留念，但係餐廳侍應竟然將食客釣上嚟嘅魚，放入冰桶然後

之前去過大阪嘅釣魚船屋，今次香港去左當然要去試下！香港嘅裝修同大阪一樣都係有架大船，坐係船上面食野嘅人就可以一邊食一邊釣魚，雖然香港個隻船無咁大，但環境都ok嫁 。嚟得呢到就當然要釣魚🎣我就覺得香港比較難釣到，我地坐左2個幾鐘都淨係見到2個人釣到魚，到我地釣嘅時候都見到d魚全部係魚餌隔離游過😂而且香港嘅氣氛好似無咁好。係大阪個陣，當有人釣到魚 ，店員就會大嗌同埋打鼓慶祝，但香港就只有附近幾個店員拍下手😂不過我地就覺得呢度上菜有d慢。我估係因為佢地預左大家慢慢玩，我地覺得一家人或者情侶嚟呢到食飯都係一個幾大嘅樂趣。建議大家訂枱問下d可以釣魚嘅位置，因為坐側邊嘅話要成日行出行入唔太方便，有時候連上菜都唔知😂同埋！唔好太肚餓嘅時候上去😂我地當日叫左d壽司同小食咁我地覺得魚生都好新鮮👍🏻壽司我地覺得帆立貝、魷魚同甜蝦都好好食同埋佢嘅壽司飯唔係普通一舊白色嘅飯，係加左其他野嘅，但味道都唔會搶過魚生嘅鮮味。蟹肉忌廉餅同串燒雞皮都推薦👍🏻蟹肉忌廉餅外脆內軟，忌廉味好重，好creamy。串燒雞皮好脆同好香雞油味，連平時唔食雞皮嘅我都覺得好食！

本身見到好多comments 話服務好差，都不太信，始終日本餐廳通常服務好好。而且尼間看似係高級餐廳。點知一試，真係非常差 ! 觀塘茶餐廳既服務都好過佢 ! 想點餐既時候，發現只有平板電腦自助下單。因為資料吾係好清晰，就直接問侍應A有無實體餐牌。侍應A 話無，咁我地就繼續睇平板電腦la。我地大家都想食壽司set。平時日本餐廳定食會包前菜，蒸蛋，烏冬等等... 所以落單之前問清楚侍應B 究竟壽司set會包咩。我地一行五人聽到侍應B 話 6件和 10件壽司set 都會有烏冬，咁我地都就都揀左 10件既set 。落單後都等左好耐，催左2 次先有野食到。壽司質素都可以。食到差不多，就想叫起烏冬。點知侍應C同我地講無烏冬。我地同佢講番係侍應B話有烏冬既。我地覺得既然係餐廳職員俾錯資料，而且佢地本身俾既平板電腦無齊資料，係應該俾番烏冬我地。侍應C就回覆廚房要跟電腦單出，所以做吾到。我覺得如果係有心處理件事，係吾應該咁敷衍我地。咁之後佢地就搵番侍應B同我地講。侍應B一來到，好輕佻咁問我地係咪有咩問題。我地講番件事，跟住我話係你同我講有烏冬。佢就同我扮失憶，話: “係我咩 !?” 再次睇得出尼間餐廳職

今日中午同同事去慶祝生日，原本好地地見環境都唔錯，諗住如果好味下次可以再去。餐廳係用平板電腦點菜，但平板電腦入面既餐牌十分唔清晰，亦冇指示午市套餐包啲咩。問職員攞hard copy餐牌佢地亦話冇，之後我地就問職員邊個壽司套餐包烏冬，職員就話係6件同10件有跟烏冬，15件就唔跟。咁我地大家都選擇咗10件壽司套餐，諗住包埋烏冬應該足夠飽。等食物等咗大概20分鐘先有。10件壽司既質素唔錯，有各款唔同新鮮魚生，但分量較細，加埋前菜，沙律，湯同茶碗蒸，就算係女同事食完都係覺得唔夠飽。之後我地追單想要埋個烏冬，但另一位職員就話10件壽司套餐唔跟烏冬。之後搵返原本俾錯資料既職員對質，佢雖然有道歉，但我地feel到佢態度散漫敷衍，更暗示可以剝奪我地原本已經有既新張85折優惠，令我地感覺非常唔良好。客觀咁講，呢間餐廳既食物質素係可以既，但以觀塘區10件壽司套餐索價HKD188，只包前菜，沙律面豉湯同茶碗蒸，冇餐飲亦冇甜品，更加連日本餐廳最基本既待客同服務態度都冇，我諗以呢個價錢不如去銅鑼灣食仲好，至少食完唔會成肚氣。

上網見到觀塘新開左間有得釣魚既日本料理，即刻book位去試下😍😍 好好彩電話打得通book左去食😍😍 一入到去有好大隻船俾人坐喺上面釣魚同食野 好正呀😍😍 不過我地book唔到上船既位😭 今次叫左個刺身拼盤😋😋好新鮮呀仲有叫左個招牌卷物 入面有魚子醬 海膽 和牛 😍 食一舊已經好滿足呀🤤🤤🤤🤤之後叫左少少炸物 都幾好味😻整體尼講 全部野食都幾好味 刺身好新鮮又有得一邊食野 一邊釣魚🎣 真係大人細路都唔怕悶😃不過由於餐廳可能係新開張既關係 樓面好似唔係好夠人 個個都好似好忙 有時想叫侍應都要等一陣...但係職員都係有禮貌既 希望下次再尼可以改善埋服務就perfect喇😋

等又等得耐，由7點等到9點幾都未有位！仲要呃我12點都有得釣魚，點知10點收桿！我就係因為釣魚先入黎，最後等到9點半入到！野食黎左 份量又細，價值貴又唔低食！又唔限制入坐時間！ 炸雞又有藥水味！下次唔會再黎食架啦！

食左380刺身盤得幾舊刺身 呢個真係好唔抵 不太新鮮只食佢新裝修既環境9點去到咩都無得食無三文魚就用兩塊八爪魚代替等左好耐個天婦羅 最後又話無 魚池d魚又爛身又損哂最後食左一個刺身 左口魚郡邊壽司6件總共525蚊 已經85折左Its not even worth it to try!!!!!!!