61
17
18
港鐵觀塘站 B2 出口, 步行約6分鐘 繼續閱讀
電話號碼
36188260
開飯介紹
香港首間有室內海水釣魚池的日式居酒屋餐廳。內有巨大木船坐席及闊落私人間隔。成功釣到魚後,餐廳師傅會幫手炮製,可選活魚刺身、火鍋或汁煮等多種做法。 繼續閱讀
特色
適合大夥人
家庭親子
附加資料
Online booking : www.chougiyofunayahk.com
營業時間
今日營業
12:00 - 15:30
17:30 - 00:00
星期一至日
12:00 - 15:30
17:30 - 00:00
*最後下單時間 22:30
付款方式
Visa Master AlipayHK 支付寶 現金 AE 銀聯
座位數目
150
其他資料
網上訂座
Wi-Fi
酒精飲品
自帶酒水
切餅費
電話訂座 詳細介紹
賞訂座積分
外賣服務
加一服務費
當面支付
有關獎賞計劃
食評 (136)
等級4 2020-02-05
4958 瀏覽
成日去日本都好想玩吓釣魚船屋,但其實近近哋香港已經有,食物種類多元化,最啱一大班frd嚟飲吓酒吹吓水,有得食又有得玩。毛蟹套餐 $1098 鍾意食蟹真係必叫!一蟹兩食,建議大家先食毛蟹刺身,享受咗佢嘅鮮甜先,之後再shabu shabu,記得連埋個湯飲,味道香濃,煮完嘅蟹肉仲係嫩嫩的,好食。釣魚船屋刺身盛 (竹) $580 一班朋友去食,梗係叫set最方便,呢個刺身盛每樣都好新鮮。大拖無筋而且入口即溶,好耐無食過咁高質。海膽拼三文魚籽,口感同味道上都好match,既creamy又有口感,既鮮甜又帶鹹香。油甘魚亦都夠哂肥美。濱燒海鮮盛 (二人前) $438 必叫,個set會畀時令海鮮你,今次我哋有好新鮮嘅蠔、貝類、蝦、帶子、鮑魚,仲有專人幫你燒,燒完嘅蠔半生熟,帶海水鹹香次餘有少少焦香,鮑魚濱燒完香口又彈牙。燒蠔鹽燒 (2件) $70 唔鍾意食半生熟嘅蠔的話,就一定要試呢個,鹽燒完之後雖然蠔會比較乾身,但就非常香口惹味,配埋酒真係一流。煙肉鵝肝多士 $108 第一次試呢個配搭,因為呢個多士係無黑醋版本,所以食落口會好感受到肥美嘅感覺,加埋煙肉嘅香,又係另一番風味。自家制黑糖梅酒 $58 黑糖梅酒帶少少甜,對女仔嚟講易入口,朋友試完我嗰杯之後都爭住要叫,大推!需加一服務費,5個人叫咗三十幾樣嘢,埋單5人約$4xxx。如果你鍾意睇我嘅食評,不妨關注我,支持吓我,謝謝你☺️💕 繼續閱讀
(以上食評乃用戶個人意見 , 並不代表OpenRice之觀點。)
上回跑到觀塘工廠區的中海日升中心品嚐過性價比高的「朝日屋」,在離開的時候發現在商場暗角盡頭還新開了另外一家和風餐廳。雖然餐廳的地理位置更見劣境,不過稍稍地瀏覽一下餐牌,其價目水平卻是不非,幾乎是「朝日屋」的一倍。由於新裝修,餐廳的排場佈置都更顯尊貴,這大概就是價位之分。小的好奇地從轉角的門口往內瞧,赫然發現店內一隻碩大的漁船。嘩!把漁船搬到陸上的餐廳來,難怪要收貴一點了。於是小的暗下了心,決定下趟有機會便前來一試。終於在月餘後的閒日下午,小的重遊舊地,這回到訪已沒有迷途轉向,目標明確直達轄心。只是這次捨棄了人如潮湧的「朝日屋」,來試試毗鄰的「釣魚船屋」。極旺的觀塘區午市大部份都不接受訂位,除非是人數眾多,或者位處上樓工廠大廈,又或是超貴的那些餐廳。大概是價位之差距,相對而言「釣魚船屋」就只有數組食客在門前守候。時間在12時多,咱們毋須等好久便可順利入座。進入餐廳最吸引的當然是那艘漁船,以木舟式設計,昂然崇立在餐廳的中庭部位。上次只從門口瞧瞧,角度問題以為就只有漁船,當這回深入腹地才發現原來在舟船之下竟尚有一池水,營造出漁船泛舟河上的效果。再細心觀察,原來水池裡游有許多的游魚。這即釣即食的玩兒端的能吸引許多貪新鮮愛過癮的香港人。漁船上早已坐滿了一群人,要在漁船用餐,必須預先訂檯。在進入魚船的屏封外堆滿了一雙雙的鞋子,入船是要脫鞋的。「釣魚船屋」之佔地甚廣,除了漁船,外邊仍佈滿檯椅。莫以為餐廳不夠人流,其實是店子的面積比「朝日屋」要大上好幾倍,所以能容納更多的人潮。排排地投入方桌座椅,為了經濟效益,檯椅都砌得密麻麻。甫入座率先奉上熱茶,不似「朝日屋」無水供應,這就是價錢的分野。向侍應要求餐牌,不好意思!這裡高科技不設餐牌,要點菜煩請用手機素一素QR Code,餐目將盡列於手機內,而只要通過手機平台下單,電腦會自動跟蹤,也毋須呼喚職員。儘管不好飯,招牌菜卻甚為吸引。終於小的揀了她們的釣魚船屋招牌魚生丼,友人則點了個十貫的壽司定食。向侍應查詢招牌與普通版的分別,侍應居然茫無頭緒,要跑到廚房問一問。招牌當然有更高質與更豐富的選擇,既然小的鮮有回頭,當然揀個好一點的。定食除了例牌的麵豉湯與燉蛋,還附有一客小小的野菜沙拉與精緻的四式前菜。而前菜小吃亦非行貨,還有小的至愛的安康魚肝,深得吾心。至於魚生丼的刺身亦非常新鮮,雖然餐廳沒有按小的之要求減飯,不過浪費的只是她們。招牌丼提供的魚生都屬貴價食材,除了三文魚、劍魚腩,尚有深海池魚、帆立貝、海膽、拖羅、三文魚籽兼赤海蝦。友人認為這客海鮮丼索價二百多,而一旁的「朝日屋」之刺身定食只要百多,覺得比較偏貴。不過深海池魚、海膽、三文魚籽都是貴貨,加上「釣魚船屋」的茶水與前菜小吃,咱們好難純粹相比。友人的壽司採用紅醋米製作,是更傳統的和風演繹。只是壽司上的那片魚生都薄薄地顯得有點吝嗇,難怪被受唾棄。「釣魚船屋」晚上可大夥兒佔據漁船邊釣邊食,聽聞這是從日本傳過來的主題玩意。不過小的修心,這樣自主地殘忍殺戮是可免則免。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-05-23
0 瀏覽
早兩日去旺角食放題食到一肚火,今日去食日本菜補數,Walk-in去咗釣魚食。兩個人各點咗一個特級天婦羅飯,材料多,味道不錯。美中不足之處,較油膩。個刺身盛(梅)冇得輸,新鮮🤤。因為呢餐係早、午餐,以為份量會唔夠,結果食到攬住個肚。定食有折扣優惠,絕對物有所值,最緊要係食得開心。 繼續閱讀
(以上食評乃用戶個人意見 , 並不代表OpenRice之觀點。)
I went with 2 other friends and the whole experience was very disappointed. I will never want to come back again. the seatings were not comfortable(at least not on the boat), the food was only so-so but very pricy. Staffs there were not attentive, they don't care about you and attitude was poor. We each paied almost $500 but definitely NOT WORTH IT. I DO NOT recommend going there, it was a trap in my eyes. 繼續閱讀
(以上食評乃用戶個人意見 , 並不代表OpenRice之觀點。)
等級2 2020-04-25
676 瀏覽
想黎好耐,終於趁男朋友生日黎呢度玩下本身經open rice 預訂時落左request想坐船,釣下魚,可惜夜晚去到佢地話隻船打掃好,唔開☹️不過好彩佢地都安排釣蝦位俾我地,都舒服既,又方便釣蝦可以揀釣魚/蝦,我地揀蝦,一小時任釣,因為魚要企出去船度釣,釣完再計返魚錢佢話魚可以做刺身同煲湯,所以我覺得一班人食釣魚就岩d😂其他叫既食物質素唔錯,叫左一板加拿大海膽,唔腥叫左3個刺身,和牛,呑拿魚他他,三文魚腩,都好食仲叫左鵝肝,除了油有點多,味道不錯,又夠大塊日本米酒買一送一,幾抵btw,釣蝦需要點時間,不過佢見我地釣得3隻,仲送多2隻俾我地,算係咁啦😂最喜歡佢個格局,尤其坐釣蝦位,可以望下對面d人釣成點🤣🤣 繼續閱讀
(以上食評乃用戶個人意見 , 並不代表OpenRice之觀點。)