釣魚船屋 (已結業)

這類型即釣即食的釣魚船屋在日本福岡試過，除了可以穩坐釣魚船免受風吹雨打外，最重要係可以食到新鮮的魚飯，既有得食又有得玩！呢度平時午時係冇得釣魚，只有晚巿和，六日才開放，但在這個釣魚船環境進食還是蠻有趣的。角切魚生飯定食（$138）老老實實呢個魚生飯賣相真係差左少少，好似打左風咁，都幾嚇人。雖然話係午巿但收百幾蚊咁嘅價錢，有點令人失望。好在魚生和海膽夠新鮮以味道攜回不少分數，加上個動人的滑蛋簡直將我的心溶化了。

岩岩入到店舖已經見到網上影片中既船，非常壯觀，船既周圍有好多小朋友係到釣魚，但全部都好守規矩唔會造成混亂，想食到好野但又唔怕悶親小朋友首選店舖。而且店舖裝修簡潔，地方寬大，唔會係進食過程受到其他客人既影響，可以慢慢品嚐食物。而食物水準方面，我點左鵝肝多士， 大吞拿魚腩壽司， 馬糞海膽名物卷。3樣食物都有驚喜，而價格以高級 日式料理店舖計算，非常抵食，值得一試。而店舖都有各式各樣的刺身卷物壽司，歡迎大家去嘗試，而我當時係walk in進店，比分到師傅整刺身壽司前既bar台，一邊進食一邊可以睇師傅製作壽司刺身，是另類享受，師傅都很樂意解答我各種問題。 總括而言鐘意日式料理既朋友可以book位試食一下。因為唔book位walk in未必有位。

今晚專程帶2個小朋友來試吓這間可以自己釣魚食的餐廳😄。一開始已經急不及待地向店員取魚幹和魚餌。平時去碼頭釣半日都釣唔到一條魚，我們一釣就釣了一條絲立魚。我們選擇了汁煑，條魚好好味呀！😍其他食物都非常新鮮美味。小朋友一邊吃壽司，一邊睇其他人釣魚，好開心。釣魚船屋真係一個唔錯既親子餐廳。下次會再嚟幫襯！本來只有曰本先有釣魚既餐廳，而家香港既旺區都有，重要好近地鐡站，真係好方便。😁😁👍🏻👍🏻

其實係因為想見識下點係香港呢個寸金尺土嘅地方，點可做到釣魚先嚟，可惜，非常失望。不同時段打咗兩日電話先有人接。訂位嗰陣鋪頭講明只可以坐bar area, 已經同鋪頭講明無問題。點知去到，硬要我哋坐釣魚區旁邊嘅二人位，未坐已經見到濕咗，要要求d staff 先識抹。但之後我地都係不停俾d池水整濕，再要求去番bar area, 又無人理。結果我同朋友用唔夠一個鐘即走~費事自己谷氣。咁講番食物，嗰招牌卷真係滿到我地好意外，又鮮味，正。海膽天婦羅唔腥，外脆內軟，但因為擺盤令我地覺得好似好細咁。真心推介松葉蟹肉麵鼓甲羅燒，份量其實可以四個人分，一人一啖好滋味。雞皮…好乾，燒太久，有如柴皮…河豚魚乾，HKD 68...但以份量，質素同價$計，可能係全港最貴之一。最後一句係，想做到日本咁好服務，請多d staff 同俾下training d staff啦唔該，以為叫客用QR code 落單就搞掂一切？QR code 落單係好，但客都想睇下自己食緊d乜，而明明本實體menu 做得唔錯，做乜唔放係一本俾客自己睇？d酒貴到嚇死人，普通啤酒要HKD 78，叫人點飲？

今日仔仔生日早在兩個星期前訂定船屋，踏進來感覺好新鲜但又熟悉，因格局都大致跟大阪一樣，店員都好親切照待，一一介紹店內服務和高設施和收費好親切好清楚，服務員都好殷勤服務仲好近貼每桌食物進度，稍有遲會好緊張幫忙加追。食品方面都好新沙律好鲜好精致緻，分量都唔小。其他熟食都好好味炸雞好嫩滑，沙律分量都好大分好新鲜，烏冬好滑好有水準，刺身即即食好新鲜，嚟到大人同小朋友仔來到都好開心，系一個好好親子地方，讚讚。

聽朋友介紹，第一次試食呢間釣魚船屋，一入去環境已經好吸引，員工都好友善。埋到位，員工好詳盡咁介紹點落單，第一時間要咗份魚餌去試一試運氣（結果係唔成功的新手未試過釣魚，但可惜都無新手運。咁唯有落order叫魚食啦，首選就係刺身盛，啲魚生好新鮮，質素好好，帆立貝好鮮，油甘魚都好正，不得不提的是海膽，真係好鮮甜，一啲都唔腥而餐廳的裝修都好有氣氛，今次入座的位置係餐廳中間的船上面，周圍係一條小河，入面有魚同龍蝦。周不時有人釣到魚，呢個時候員工就會打鼓慶祝，氣氛真係好好。唯一美中不足的係無得親身享受釣到魚的樂趣，下次再戰啦

好好彩，係下午茶時間打左幾次就打通。入到去感覺開揚新淨，樓底好高。如果想係坐船上進餐和釣魚，就要預早book. 不過就算唔上船，其他房間環境好好，一樣坐得舒服，而且私穩度高。魚池池水好清好乾淨，d魚四圍游活力充沛好新鮮比$20就可以加魚餌釣魚，一釣到職員就會幫你網住。因為d魚實在好生猛，一釣上黎就不斷跳想逃走。今日好好彩釣到2條魚。一條唐揚（炸）一條汁燒。魚肉香滑結實個人較喜歡唐揚，起骨炸到好脆，小朋友都爭住食。必食清酒煮蜆隻隻蜆都漲卜卜，非常清甜，夠鮮美，一定要order.加多個甜品就完美。整體而言整間餐廳氣氛很好，有得玩有得食。而且職員好helpful有禮,有問必答，時常主動幫忙影相，是一間適合一家大細一齊黎嘅餐廳。

朋友生日專程打電話來Book枱，我地Book左9:30pm,早左半個鐘到，店員都好好，見有枱，未夠鐘都俾我地坐住等🥰。有QR CODE俾我地用手機自助落單，好方便。食物好快到👍🏼⏱🥗🍣🥙🥘💨食物新鮮🤩😋，好鍾意個海膽和牛刺身卷😍Yummy~!個蟹蓋都好味，一班朋友係度有得玩有得食最開心🥳

第一次去環境幾好用電話apps 點餐，叫service到都好快。服務唔錯。有好大隻船同水池，幾有特色，平日個場都幾full. 今次張枱隔離有魚池，釣魚好方便。依間餐廳有得食有得玩唔錯。

晚上4大一小一入去就入得，還有人打鼓熱烈歡迎（因為剛好有人釣到魚～）能釣魚應該是這裡最大的賣點（差不多大部分人都釣的到，只是我們一直到最後都釣不到而已，連店員都忍不住來教授打氣幫忙了），裝潢也很特別，當然價錢也相應地特別貴，畢竟刺身都特別好吃，特別是吞拿魚拖羅叫個刺身盛（松）加個壽司盛其實都好夠食，海膽松葉蟹肉麵豉甲羅燒十分香濃兼好吃店員大多都很親切有禮，美中不足是剛好我在門口個位的冷氣機滴水滿嚴重的

邊金勺魚邊食真係好好好好正啊啊啊啊啊！！！D野 女子 食，金勺 魚又 女子 王元。。。刺身壽司海膽好新鮮！！三文魚，帆立貝，吞拿魚 ，牛土 丹 虫叚 ，禾口 牛，白蟮全部都好好味 好味到無嘢講！

星期三朋友聚餐，第一次去。兩次前book了位，到達不用等候馬上入座。這次安排在船旁邊，座位舒適，聊天也十分適合，不會被騷擾，也不會影響其他人。餐廳最大特色是可以自己釣魚，釣上來保證新鮮，還可以選擇烹調方法。十分有創意...上菜很快，服務員反應快，清楚介紹每樣菜式，態度良好。唯菜式選擇不算多。有很多都sold out。值得推介

初開業經常滿座，難得開年飯時成功預約。店內環境乾淨整潔，店員熱心有禮，食物味道十足，尤其是在船入面的魚，非常之新鮮生猛，實行有得玩又有得食。超級推介!!!!!!!

今日試下呢間新開業釣魚船屋，一行四人被安排入房坐，推開一邊門就可以直接釣魚，亦可以在外面船位置釣亦可，爸爸好叻叻釣咗隻龍蝦上黎，小朋友亦玩得很開心。食物方面夠新鮮，味道亦唔錯，員工服務態度亦不錯。

一開始是以為香港有商家跟日本那邊的店談好拿了專利之類的，因為看圖片跟Logo都跟我次前去大阪既好似，我好奇去google一下發現logo是差一個字。。就感覺。。有機會伏，但有朋友好想試都一去啦😂參考得如此似樣，難免會用黎比較。。店面有點小（香港地方細.. 無計）然後魚池響比例上魚有點少，然後其中一個池還有3條魚.... 升仙了😱日本有分大池同細池，細池會分魚種，想指定食某種魚就可以去特定池到釣魚餌每份盛惠$20跟一支魚杆（先硬食呢份錢）日本係魚杆任拎黎玩，魚餌係自由選擇購買魚餌感覺有俾水沖過/魚已被餵飽，因為放入水中，眼見大部份都係無反應，上釣既魚都係勾到上黎，而唔係靠食餌。釣到條黑鯛，做刺身，然後奇怪在... 同行有2個朋友都係做廚房，都話覺得份刺身感覺份量。。。。。起肉後應該唔止咁少🤷🏻‍♀️我無做過廚房唔識起魚就無從考究到餐點部分... 味道尚可，普遍份量都偏少魚上釣左7折，然後因為新開全單有折，5個人埋單都每人近350（重點係。。。都係得5成飽）試玩完一次無回頭😂