釣魚翁 燒鵝．海鮮飯店 (已結業)

今晚同朋友A去釣魚翁食飯，起身埋單嗰陣，朋友B話喺附近想上嚟傾吓計我同朋友A講：我趕住走，你同阿B傾一陣計啦然後我起身行去收銀處埋單。我check單嗰陣發覺佢收茶芥3人及小食。由始至終只有我同朋友A食飯，朋友B黎左吾夠1分鐘，水都冇飲一滴，收佢茶錢！OK～冇問題，因為佢坐左你地茶樓果張椅^_^然後我再多口問左一句肥肥的收銀員：請問小食是收什麼的？佢答：咪花生囉～而家除咗稻x , 間間都收架啦！註：態度極度囂張及眼神不屑～！（衝着呢個眼神，我着咗！咁岩我又係受軟唔受硬嘅人）我：如果你喺我坐果張枱發現有一粒花生，呢＄12我俾你收~佢：我點知你有冇食到啊～我又吾係樓面註：態度極度藐視我：我有唔明既地方都係想好好溝通，你唔使咁激動既。然後佢叫咪叫左經理過黎。我同經理講同樣嘅狀況 經理態度又係極度無禮貌同串，佢話：總之有人坐喺度就收你三位！小食冇黎咪幫你扣翻囉！然後佢同收銀講：你同佢扣返少一個茶錢，等陣扣小食既話寫字樓又鬧！然後成件事一句道歉都冇，兩個員工黑着面同我埋單！我地兩位同你消費＄500我知唔係好多錢！但請問，今晚當值的收銀員及經理，你哋現今嘅服務態度值唔值呢？公司出糧畀你地做嘢你哋咁樣

D 侍應真係極討厭，hard sell 到爆，一開始淨係比幾張套餐嘅紙我地睇，我問佢拎menu, 佢又淨係拎另一張海鮮menu 比我, 明明我見到其他吉枱一份份menu 夾好哂仲有一本小菜menu, 我谷鬼氣去隔離枱拎佢又勁緊張話要佢比我。足足第三次先有成set menu!!!! 跟手企正喺隔離點菜，我地根本未準備好。到我地點菜時又sell 套餐，sell 唔到套餐就sell 加大，根本我地7個人叫左6個例牌都食唔哂。😒D嘢都唔特別好食，個釣魚翁小炒王勁油勁鹹，係一堆野炒埋一齊但係個combination 係冇見過ge；個咕嚕肉就過淡，完全冇酒樓食嗰陣鑊氣，有d 似平時兩餸飯嗰d ；仲有個花膠絲、菇及菜，個獻冇味，成碟都唔好食... 個燒鵝係ok 嘅... 佢唯一賣點只係燒鵝。我唔會叫屋企人再嚟，就算好食都實在太hard sell, 點解唔可以均真d 比哂成set menu 比我地先？咁低劣嘅hard sell 手法真係未食已經冇好印象，更何況又唔係特別好食?

上星期四晚2人觀塘飯聚，想食中菜，又想坐好D，揀左呢度。叫一個套餐+咕嚕肉，自帶酒水開瓶費$50.埋單共$800，食物質素一般，有點貴。呢度出名燒鵝，套餐包埋，鵝肉吾夠厚太瘦了吧！皮吾夠脆仲有D韌有D肥膏，基本上只有碟中放在最上和中間有D肉食下，其餘應該可以拎去煲粥。沙律蝦球OK啦，蝦大大隻彈牙爽口，沙律醬掛滿蝦身，甜酸度也平衡好好。叉燒好惹味，炭燒蜜糖香，肉嫩鬆化入口溶，只是略肥了小小。咕嚕肉/生炒骨，超肥！軟骨和肥肉而已。

好耐無一家人食飯，一家人做節食咩好？長老門鐘意中菜，就提議釣魚翁呢間食燒鵝靚店！好幾年前食過一次，佢嘅燒鵝令我留下深刻印象！即叫即燒，上碟果陣係熱嘅，趕時間嘅朋友們就要唸唸啦！慢慢地食一餐飯對香港人都好似好奢侈咁😌我地專揀人比較少人嘅星期一，人少啲，服務周到好多，食到9點幾，包場咁濟，同啲侍應靚姐傾起計，不知幾正！😂除左燒鵝，乳豬都好好食！皮脆又唔肥，上菜果陣都係暖暖地嘅，肉又好嫩口！

朋友相約釣魚翁飲茶，話11:00結帳前有優惠，我不知道如何優惠，因為是朋友請飲茶，不過有幾款點心不錯，可以分享一下，燒賣肉質爽滑，細細卷的金牌燒腩卷，芋頭和燒腩都得啵！涼瓜煎魚餅雖然其貌不揚，但又幾好味！柴魚花生粥打孖上，粥底很綿，柴魚也多。暖笠笠蔗糖馬蹄糕吃過口甜心暖！冰梅蒸豬手甜甜酸酸又爽口，不錯！我問朋友11:00前結帳如何優惠，原來我們共吃了十多碟點心，人均消費約$50多。多謝朋友豪情厚意！

呢間釣魚翁任食火鍋超一般，成三百蚊位嘅所喂任飲任食只不過係供應啲平價低下食材，得小量限定所謂海鮮，急凍青口、超薄帶子、草蝦每人有兩隻同一片龍躉薄片！所謂任飲只係小量無酒精飲料!真係超取考！下次都唔會再嚟食吖！真係唔知乜嘢係海鮮刺身任食!未試過就真係唔好試！

午餐食完美味滷水鵝，晚上好朋友與我的家人一起共進晚餐 - 釣魚翁 燒鵝這間餐廳是J先生的朋友介紹的，有多間分店；今次我們選擇到觀塘分店！正當我踏進餐廳，看到燒味部的廚窗，掛著多隻脹卜卜的燒鵝，我便知這餐廳的燒鵝應該不錯！鴨舌滷水汁調味得剛剛好海哲海哲爽口！這碟菜名我沒留意到…因為我最不喜歡吃青椒丶紅椒之類！J先生説：辣辣地，不錯呀燒鵝 （半隻）賣相不錯！鵝肉嚼口而鬆軟丶皮帶脆而香星班炒球因為燒鵝太味美…食食食！完全忘記了影這道菜！J先生説：一般！蒸星班腩班腩蒸過火…魚肉過淋燒乳豬皮脆肉淋帶少少咸香遙柱蛋白炒飯炒飯粒粒分明餐廳送的紅豆丶綠豆糖水！甜度適中！釣魚翁 總結：值得一試！

禮拜五去同屋企人喺釣魚翁慶生，去到門口見到有優惠，二百幾蚊有海班兩味加半隻雞，嘩，真係抵到爛喎，仲有另一個餐，又係二百幾蚊，有沙拉明蝦球加一條海班再加一個例牌叉燒，不過只能二選其一，最後揀咗後者，我哋一行七大兩細，加隻鵝，四個小菜，套餐雖平但份量竟然都幾足，搞到最後要打包，佢哋啲鵝真係好好味，皮脆肉嫩，我最like嘅仲係唔會好似深井嗰啲燒鵝咁肥膏大爆炸咁。每樣小菜都唔錯，夠鑊氣料又足，最後埋單每人除開都係兩嚿水，抵食過好多連鎖經營嘅酒樓啦。

一行11人, 坐底見到只有兩張SET DINNER 既MENU. 男經理就講「你地咁多個人, 食個餐就岩岩好家啦」我地要求睇散叫菜單 跟住我地就慢慢睇下 因為都未有IDEA 食乜 同埋唔係太想食SET 限死個菜式跟住個男經理就NON STOP 咁SELL, SELL 同SELL「你地咁多後生仔 食個餐就夠食家啦」「散叫有D 細細碟家咋 餐抵食家」「叫餐免加一免茶介 個度都慳返幾百蚊」跟住我地已經不下N次表明我地想慢慢睇下諗下佢隔左一兩分鐘都唔知有冇 跟住又對住某幾個人拎住SET MENU 既友人係到不停講不停講再跟住就黎個女經理再黎講已經忍唔住出聲話「你俾我地慢慢睇啦 你不停咁SELL , SELL 到都唔想食啦」佢地先肯行開真係超影響胃口點解要做到咁呢? 去過好多中菜食晚飯啦 個個都會SELL 套餐, 但都係點到即止, 睇到個客唔係咁鍾意都算啦都應該識停啦, 但「努力不懈」咁迫個客, 咪只係迫個客上黎寫返個劣評俾你地同埋冇下次佢地D 野真心講句係幾好味, 尤其個燒豬, 皮脆夠熱, 但都抵唔過極端HARD SELL 既劣行 好食既中菜大把, 唔會再幫襯, 拜拜~套餐HKD3500 左右

一早plan定係觀塘工廈玩完便搵附近中菜館慶生，見到釣魚翁個名令我呢個行山人吸引過去了(西貢三尖之一，釣魚翁)...一入呢間酒家，裝潢已經給我很有luxury既感覺，門口位已經係燒乳豬燒鵝既爐喇……由於一早訂了枱，知客給我們坐sofa位，幾舒服各waiter & waitress 都面帶笑容亦有禮，點解下面既留言講到咁差既……？要為他們平平反先~ 最多佢地咪落力sell套餐，最後我地散嗌~半隻燒BB豬：wow 皮堅脆，很香口，中間冇厚dup dup肥膩，皮薄香脆，肉質juicy♡真係誇張的好食，放耐些再食，皮更脆♡♡♡半隻燒鵝：WoW 又係唔肥冇乜肥膩唔瘦唔鞋，皮薄又燒到好鬼香口，肉又juicy，好香燒鵝味咸排骨介菜：個排骨超淋，介菜亦當做，唔苦咩咩冰梅骨：個醬好特別，夾住生果食，好醒胃推介星班兩味：一個蒜蓉粉絲蒸，一個魚腩炒西蘭花荷葉飯：相對唔突出壽包：大過權頭，入面有埋咸蛋黃最後，雖然唔係餐，都送紅/綠豆沙糖水，起沙的!!!♡真係由第一道菜好味到去糖水6位吃了千蚊五，有如此水準，正

釣魚翁位處食肆林立的鱷魚恤中心同APM地帶，與家人或朋友相聚我都會揀選這地方，因燒鵝、乳豬都有水準，而價錢亦都合理。不過今晚的經歷卻不太好。因五樓本店滿座，當晚被安排到三樓北斗翁入座。落單時間約七點，本來興致勃勃想試那麵包蟹伊麵，怎知等了一個鐘才告訴我們漏了單，然後勉強再點其他食物。首先送上的是燒鵝，皮燒得香脆，但肉質略韌。小炒皇太咸，星斑兩味保持水準，調味合宜。鮮果冰梅骨好味，不過同檯不好酸味者會嫌略酸。籠仔蒸鱔也見水準。本來食物品質可以接受，但漏單令大家很掃興，應該以後都唔會再幫襯。

自稱燒鵝王 但係燒鵝一點也不好吃 不熱 肉質很差 ， 其次 白汁明蝦球 份量極少 我地六人人每人吃兩小個蝦球only!! 一榨橙汁都收成$70 自己去超市買都無咁嬲 衛生是不錯的 但是食物質素已經不如從前 食物十分差

周末在觀塘鱷魚恤中心飲茶必定是人山人海，大部份人會選擇彩晶軒或者玉桃軒，但個人認為俾多少少價錢，去釣魚翁飲茶，其實等位情況冇咁嚴重之餘，食物也高質更多。蜜汁叉燒腸熱辣辣，新鮮蒸好，叉燒粒量，腸粉夠滑，絕不欺場。十級推介酥炸椒鹽鮮魷！係鮮炸的才會這樣酥脆。魷魚新鮮才會有煙韌但不難嚼的口感。可見酒家選材和烹調的用心。晶瑩鮮蝦餃黃金流沙包，好好味！另不得不推介的菜式是藥膳鳳爪。藥膳湯底用上川芎、白芷、杞子、圓肉多種藥材，配搭出特色鹹香湯底。

因之前已電話訂枱，所以不用等位便可入坐。午飯時間有二人餐$288有油菜一碟，燒味一款，炒野一碟，另選三個點心。七個人叫了兩個餐二人餐，選了一個炒飯，一碟炒河，份量十分大，很足夠七個人每人分到一碗，味道也很好。但可惜務服態度極差，因入單人員入錯單 ，上錯了點心，傳菜員及部長不斷在擾攘問是否我們點錯，其實只要他們回去看清楚落單紙便一清二楚，他們卻在擾攘期間爆了一句說他們要賠錢，難怪如此出名服務員工態度惡劣。

年三十晚同屋企人團年， 早兩個星期book咗枱, 限時個半鐘六點半開始 ,叫咗個套餐 ,先講呢度出名嘅燒鵝, 上枱仲係暖嘅， 好食 ，不過係肥咗啲， 跟住做個乳豬夠脆， 白菜就冇乜特別 ，另外沙律海鮮卷 ok嘅 ，裏面有啲蝦 ，有啲罐頭水果， 龍蝦伊麵都好食好多肉好爽， 但唔知點解咁多鉗， 再嚟蒜蓉蒸班腩 同埋西蘭花炒斑塊 ，普普通通冇乜特別 ，仲有糯米飯， 唔錯嘅，唔會主動好爛 ，最後甜品就係 紅豆沙同綠豆沙， 成個餐不過不失啦 ，唔會有一樣餸特別難食（ 另外提一提呢度自己帶酒黎，開瓶費要收100蚊）