釣魚翁 燒鵝．海鮮飯店 (已結業)

臨時朋友約去飲下午茶，冇諗到3點半截哂單冇嘢可以再加兼要埋單....食到4點就清場，仲要連個茶壺都拎走埋，好嘢！嘢食冇特別；服務又唔係好；仲要餐茶一啲都唔平，食3樣點心連燒味粉埋單已百二蚊！呢間嘢又好似唔憂做咁！第時真係寧願揀第二間都唔揀佢！

今朝到觀塘5樓釣魚翁飲茶，因帶了一個一歲bb, 需要一張bb 櫈便告知一名女部長幫忙去拎張bb 櫈，但她說等一下，又去幫客人加水又做其他都不去拿，我等了一會便再叫她去拿，點知得到既回應是： 「你抱住先得唔得？」仲要好大聲🙄🙄我諗住飲啖茶就走，問佢拿多一隻杯，佢又聽唔明🙄拎多個位黎🙄始終都係服務性行業，仲要身為部長都咁，可想而知其他員工係點？ 不過就算講咩都無用，因為大把婆婆伯伯去飲, 飲茶都要受氣，真攪笑本來今日心情好好都比個部長攪到灰曬最攪笑係咁大個集團，原來沒有總公司投訴電話/電郵😥😥😥

今日同外國返黎既朋友食飯，所以諗住帶佢食下點心啦。因為鱷魚恤幾間酒樓都好爆，間間都要等位，所以諗住呢間唔駛等位，又係大集團應該好食啦，點知。。。個腸粉裡面係冇味，淋完匙油都唔得，d肉又硬。。個燒腩卷都好麻麻鯪魚球食出好多細骨，又冇乜味灌湯餃都好普通呢三碗。。食完會後悔叫左黎食😂蘿蔔糕同咸水角就普通係街食到既味道，算係咁多樣最好食。呢間好少點心選擇，好多點心都冇，點心水準又。。後尾先知佢好似係專食火鍋。。所以係我揾錯地方食點心😂總括而言，要食點心既朋友可以揀其他地方食😅

星期日帶亞婆去試吓，去前已打電話問過茶市到幾點，聽電話的話到4點,3:30截單，時2:30在觀塘地鐵，心想有一小時可以呀！去到門口，完全無人理，幾個女待應走來走去，5分鐘後入座，時3點，3:10分落單，不久，已經有待應催促，3:21分取單埋數，食客邊吃，一班待應不斷搬枱清場，嘈雜混亂，更甚是待應竟然鬧交，比街市還要嘈吵！3:45熄燈趕客！經典！因為他們的清場行動而感到壓力，只好不斷吃，悲哀我亞婆94歲也不敢慢下來，還是失敗了，只好包走！而所謂的下午茶價錢也不是下午茶價錢！人生第一次飲一個小時不夠的茶，還要味道一般，不合理的價格，絶差的服務！真的免費也不會再去！

叫了明蝦角配了沙律醬。但醬少了。要求添醬。所謂”伏霧身”要求給10蚊才再給我。這樣的推搪。真的未試過飲茶會發生這樣情況。再找經理問一問。又來多個”伏霧身”來。仲要黑面接著住。轉頭搵同事拎比你。跟住就返回原位。幹他的大事。不知所謂的酒樓

因之前已電話訂枱，所以不用等位便可入坐。釣魚翁嘅晚飯食過幾次都OK好食,至尊燒鵝皇-->燒鵝皮脆肉嫩，肥瘦適中，唔會太膩，帶煙熏既味道!除左燒鵝，乳豬都OK好食，皮脆又唔肥！但在2018年9月9日在觀塘店有很不滿的經驗，D 侍應真係極討厭，hard sell 到爆，一開始淨係比幾張套餐嘅紙我地睇，一坐下就sell套餐，一話散叫就黑面，到我地點菜時又再sell 套餐，sell 唔到套餐就sell 加大最後見隔離枱有糖水送，一問就話要套餐先有，但隔離枱明明都係散叫，之後問個男部長一問就有，點解唔同人有唔同答案嘅.員工態度差到不得了，十問九唔應！錢都不是問題，是呢度經理同員工態度都好有問題！未見過一間咁差服務的酒樓！

今朝有事好早出門去官塘, 回程都係近10a.m., 一於去歎個早茶, 見鱷魚恤釣魚翁酒樓裝修ok, 又唔洗等, 即刻入去。 一至六早茶截單11:20, 但今日星期日, 10:29截單了！好快手點唒野食, 全部都係點特價點心紙item。😂😂 燈光柔和暖色, 倆個人唔洗搭枱, e道d茶係用大茶包, 潽洱都幾香醇。終於可以放慢腳步, 隨心所欲！ 等左10mins, d野好快上唒, 排骨飯正常, 唔太油。韮菜腐皮卷入面主要韮菜豬肉同小小蝦、皮硊, 點埋喼汁唔膩。蜜汁叉燒腸有更多叉燒更好。松子素菜餃先有芹菜, 後有雜菇同松子味, 爽脆感覺。 整體算ok, 食物同環境都滿意, 唯獨最後賣單先知, 原來特價單上的價錢唔係真的, 原來細項到先寫星期日及公眾假係每項加$3, 已經被fake了！😅😅😅

釣魚翁嘅晚飯食過幾次都好好食，今朝同 Auntie們去試下佢個早茶。八點半去到，可能早，唔係好多人，啲位任揀 (我哋走嗰陣時就全場爆滿了)。點心上得好快 :芥末鹹水角 --- 鹹水角食得多，中間落咗芥末嘅第一次見，感覺又幾好喎，下次可以encore銀蘿脆皮腸粉 --- 以為係炸兩，但原來佢中間塞咗好多白蘿蔔絲，蒸氣出嚟既時候個油炸鬼仲係脆卜卜嘅，好好味蒸素粉果 --- 個皮薄得嚟煙煙靭靭，裡邊包嘅餡料好爽脆，吾錯雞球大包 --- 呢個充滿童年回憶嘅點心吾係四圍有，佢整得 ... 冇回憶中嗰個好味 ...奶黃流沙包 --- 都唔識流沙嘅要讚下佢壺茶先，壺鐵觀音，茶香，入口幾醇幾滑，唔會有一陣酸苦味。早茶啲嘢食唔貴喎，三個人叫五個點心，總共146蚊埋單，比起晚市抵食好多。

至尊燒鵝皇($248/半隻)燒鵝皮脆肉嫩，肥瘦適中，唔會太膩，帶煙熏既味道，好好味，推介！🤤😍蜜汁叉燒($98)肥瘦均勻，肉質嫩滑而且好腍，拍得住鴻師傅既叉燒。

父親節出街食飯，屋企人都係鍾意食中餐，所以諗住近近地係觀塘揀一間酒樓，之前打左電話去book 枱，去到都七八成滿。老一輩都係比較鍾意食小菜，咁我地五個人就叫左個 四人餐，再另外再加個菜。個四人餐都ok ，有 至尊燒鵝皇上湯焗蝦球加伊面紅燒竹苼海皇翅清蒸沙巴石斑蠔皇金錢鮑魚玉掌加埋甜品同埋壽桃包個餐都係1288 蚊，其實都算抵食。我地加左個甜酸骨，都唔錯。

六月三日下午两㸃去飲下午茶，一行七人，㸃了十六款㸃心，及後發覺其中豆沙角未到，於是告訴部長，其後該經理到來，審視枱面空碟，指著其中一只空碟說這只碟是載豆沙角的，幸而我們記性好，該碟是蘿蔔糕，他才抱著懷疑態度説去追厨房，真是極不尊重客人，我們來消费數百元，難道欺騙你那二十多元嗎？

之前係釣魚翁打過邊爐，覺得佢質素唔錯，食材新鮮。於是係觀塘又想打邊爐，佢一定係首選。我同友人晚上九點幾到餐廳，原來轉左任飲任食，而且九點後入座更有8折座位寬敞，當晚全場4成滿座，唔洗book直接walk-in。任食$298，有海鮮拼盤(有龍蝦，蟶子，龍躉片，花竹蝦等)，非常豐富仲每人送一份鮑魚、刺身及特上牛頸脊。牛頸脊切得厚身，油脂分佈唔錯，肉身腍嫩，牛味十足齋喺以上食物已經值回票價。湯底方面叫左魚頭豆腐湯，好鮮甜一d都唔腥，而且材料十足，用上大魚頭。任食食品選擇多，響鈴係即叫即炸，encore左3轉水餃皮薄餡靚，包住滿滿餡料，大大隻蝦仁及醃得夠味嘅豬肉因為海鮮拼盤得兩片龍躉片，又想食多d，於是散叫咗一碟，有10片，塊塊都好厚身，魚肉嫩滑好新鮮！食落啖啖肉而且連皮食，好彈牙。兩人埋單六百幾蚊，任食食到咁上等嘅食材，呢個價錢真係抵到爆下次都會再幫襯。

We're lucky that someone already got a table before we went. The decoration here is so fine and you can sit comfortably. Yum Cha always allows you try many different Dim Sum, haaa, I'm the fan of Dim Sum too. First time trying to have lunch at Diaoyuweng. I found the food quality here is quite good. Enjoyed the meal here, esp talking with lovely people, haaa. My best favorite is  Liu Sha Bao having egg yolk custard fillings. It's really lovely. Though I got Liu Sha Bao in my breakfast, the steam

有時除咗自己買外賣, 都可以一大班同事一齊開心食😋但係開心食搵地方都要睇一個好重要因素, 就係人多搵位好難呀! 最大機會可以搵到位就一定要BOOK位, 但你肯BOOK位都唔一定夠地方坐. 😎飲茶最岩喇, 大家一齊SHARE, 又可以叫多D.釣魚翁係我同同事開心食常到地方. 12/13個, 大枱無得輸.🤣食得食, 一定食最出名--- 燒鵝 HAHAA叫咗一隻一齊食, 唔怕食唔晒😍今次食個隻燒鵝, 肥瘦均勻, 唔會太肥膩! 仲要D皮脆卜卜, 連平時唔食皮GE我, 我連皮都食埋!!! 正!!!除咗普通會食GE蝦餃燒賣之外, 同事話一定要食罐湯餃! 哈哈~ 無介紹錯喎😋其實餃唔係最重要, 我覺得個湯好飲D! 不過唔知係咪我地叫得太多野, 平均每人都要 $170🤥哈哈, 咁平時要食平DD喇! 

釣魚翁兩點開始有下午菜，其實我唔知平咗幾多，但應該唔係平好多呱！今日冇叫蝦蛟燒賣嗰啲飲茶必叫點心，只係叫咗燒腩卷、馬拉糕、薑汁糕，豬腳薑、蔗糖馬蹄糕、蘿蔔糕、芥末咸水角，煎堆仔、叉燒腸同雪山叉燒包等等！想重點介紹佢地個薑汁糕同雪山叉燒包....個薑汁糕一蘢有三件，熱辣辣咁拎出嚟，咬落夠熱之餘仲係非常煙靱，薑味好香得嚟但唔算太辣，相信小明友都食到；雪山叉燒包直頭係我嘅Favourite，一碟三個，包面少少脆甜甜地，叉燒餡又落得足又唔太甜，唔似有啲餐廳個包大大個而冇乜餡。食咗＄500以上仲俾咗兩個鐘免費泊車添，不過最唔好嘅又係唔收AMEX~