釣魚翁 燒鵝．海鮮飯店 (已結業)

是日10月18日，下午14:45入座於觀塘鱷魚恤中心5樓貴酒樓，一入門口，客務員跟我們說要16:00交檯，我們一行4人，問我地今唔今（態度尚算可以），由開茶到走果刻都無加過水，只有一壺茶及一壺水，叫無人應無人理，落完點心，即刻收晒我地啲點心紙同筆，到了3:30叫我地埋單都好正常，我們檯卡都無開，埋單細細粒果個以為我地收埋張單爭找數，係咁企係度話要卡，我就反晒張檯啲野比佢睇，先死死地信無卡，你地啲卡好值錢咩？埋完單之後，一架下欄車車埋泥，係咁收我地檯上啲野，未食完都收，有一籠蒸鳳爪太咸，我們放了一啲水去洗一下，個肥女人服務員（曲頭髮札馬尾，黑衣服）態度好差，收起我們未吃完的鳳爪，我們話未食晒，個肥女人就話，你地倒左水落去仲要咩？我們就因為要食清淡先放洗一洗。到了3:38，你地啲員工，一個二個咁走埋泥不段收野，最後連茶杯都收，我朋友終於都開口話佢地，可唔可以傾多陣，門口姐姐話16:00交檯，個肥女人一路拖地一路話，我地要清場啦，你地請啦！唔係16:00交檯架，係16:00我地要清潔好，還做手勢叫我地走，當時我就同佢地講要座到16:00先走，因為門口姐姐講左16:00，之後個肥女人好唔份氣咁

日期：8月31日人數：4人跟同事在觀塘打完羽毛球之後，搵地方食lunch。同事推介鱷魚恤中心入邊嘅釣魚翁。我哋去到鱷魚恤中心，只見每一層都係酒樓，一棟大廈入面有七間酒樓。我哋搭lift上去之後，發現唔使等位，就好不猶豫咁入去啦。我哋叫咗一個四人套餐，加多幾碟點心。四人套餐包括點心四款、燒鵝例牌、炒飯一碟同埋白灼菜心一碟。最後我哋點三食咗蝦餃、腸粉、鳳爪、排骨、等等。點心質素中等偏上。而燒鵝肉質結實，十分好味。一行人食到勁飽，但係都覺得啲嘢味道唔錯。環境好好，裝修唔錯，仲有梳化位，坐得幾舒服。係有少少嘈，傾計要大聲啲。埋單找數，總共$600 ，每人$150，咁既質素又食咁多嘢來講算幾抵食。服務正常，定時會幫手加水。地點方面，鱷魚恤中心就喺觀塘地鐵站隔離，非常方便，又唔使日曬雨淋。

來到觀塘，全棟鱷魚恤中心也是飲茶，於是求其選了一間餐廳，就來到醉翁亭了。餐廳面門也頗漂亮，而且光猛，窗外風景也不錯。很適合家庭朋友前來一聚。叫了碟粉果，粉果的皮黏著一起的，而且一點也不彈，太濕，失望。也叫帶子腸粉，腸粉很淡，就算落了很多醬汁也不入味，而且腸皮也不好味。煎腐皮卷，皮一點也不香脆，像放了一陣子似的，而且也沒半點肉香味，但它里面的蝦是大粒的，這點值得讚。奶黃流砂包一般，沒有流砂感覺，但味道是ok的。最後就到雞紮，份量是大，但雞一點也不滑，還有少許雪藏味，不行。

一家人晚上到釣魚翁用膳點了兩個孖寶套餐，其中龍蝦伊麵差不多吃完時候，見到有一隻小強（有姆指甲般大小）已被芝士汁與伊麵混在一起😱，即時嘔吐大作🤮，餘下餸菜也沒有胃口，叫服務員到來連說聲＂對不起＂也沒有便想即時取走那碟小強伊麵，甚麼的服務態度？已經習慣被客人投訴？早上起來一家人還拉肚子..........這間食店永遠也不會再去

本人於2019年8月1日晚上6:30 於觀塘APM 鱷魚恤中心5/F 鈎魚翁洒樓吃飯叫了一碟龍蝦伊麵，吃到最後發現有一隻曱甴，當時待應想搶走去收碟，我叫停去影左相告知洒樓經理，好嘔心，以後不會再去，垃圾食店

待應態度差，強迫食套餐，原想食冬瓜盅，菜單無，已問侍應，回覆是168元，合理。落單時換了一個部長，個部長居然講每日只提供五個冬瓜盅，及要跟套餐及孖寶才可，再搵回剛才侍應，個部長用眼神兇個侍應，在我哋堅持下話，如果講咗就比我哋，食飯好似乞兒都係第一次。上菜時，隔離枱都有叫冬瓜盅，細看隔離枱菜式，都無叫套餐及孖寶，個部長分明係老屈。草草食完走時，見好多圍都有叫冬瓜盅，粗略計都有六，七個如果唔係食咗前菜，一定走，一定唔會再去做乞兒。

第一次寫食評，因為實在不吐不快!我們一行6人叫了套餐+2杯生啤合共$1800-首先講服務員, 除了一坐下就叫我們落單外，接下來想找她們都比較困難，食龍蝦叫她取鉗，竟然要等10多分鐘後才慢慢地說剛剛洗好。成晚除了更換一次餐碟外，全部食完的碟都不收回，要叫了兩三次才肯推架車過來收，我以為身在舊時大排檔 (SORRY，而家D大排檔都好好質素) 食物質素有好有唔好:好 : BB豬 (片脆肉嫩) , 上湯龍蝦麵 (龍蝦夠多)差 : 燒鵝  (好像放了很久似的)  其他兩款魚  (沒有魚味，兩款味道差不多)  荷葉炒飯 (兩個字....好咸)總括來說，不會再來!

好一個釣魚翁，今時今日可以煮得咁求其又是旦，以為啲客會食唔出其差劣，實在係極品：  乳豬：入到口，皮唔太脆、唔太肥、冇乜肉又無味，真係無味。原來豬有豬味並唔係必然的。  燒鵝：燒鵝皮燒得唔錯，唔太油膩，但燒鵝太瘦咬落又係冇乜肉，仲要係冇乜鵝味。所謂的招牌菜真係好一般。  龍蝦伊麵：隻軟殼龍蝦鹹到不得了，可能係長時間用味精醃製所致。咁重口味係咪因為要掩蓋龍蝦的雪藏味？？？就算係雪藏龍蝦，其實都可以煮得好食，煮到咁鹹都只可能係求其……伊麵的味道反而適中，幾好食，但麵的份量極極極少。  上湯菜膽：菜膽色暗軟身，入口完全係水味﹗應該係用清水烚熟浸咗好耐，再求其加上湯上枱就算。真係求其到一個點……  翠玉瓜炒唔知咩蚌肉：蚌肉煮得太耐，韌到不得了。翠玉瓜又係似用水白烚咗好耐好耐好耐，可以將翠玉瓜煮到唔脆都真係天才。  竹笙翅（羹？）：好地地一碗白色湯羹，居然入口係黑胡椒味，難食到……  以上為部分位列於母親節套餐菜式之內，平日的餐牌完全被消失，可以額外選擇的菜式極少，而且價錢一啲都唔平。  只可以講句：觀塘釣魚翁，燒鵝嘅價錢，蔗渣嘅味道，永無下次。  BLACKLISTED。  完。

6人加一個BB當然去地方闊落d既地方好D早一日book定，所以安排左張梳化位比我地，係好舒服既，好大張食物方面，叫左一個套餐，有豆腐羹，老虎斑，上湯雜菌白菜，蜜桃骨，仲有可以揀雞或者燒鵝，當然要試下佢招牌燒鵝啦🤗另外我地再加多左個燒腩仔同咕嚕肉豆腐羹正常，不過不失老虎斑似乎未熟得透，有d肉仲痴實d骨，但侍應姐姐堅拎話熟，再蒸就老，可能我地吾識野啦🤷🏼‍♀️蜜桃骨佢似係冇骨既豬肉，甜甜地都幾好味，仲有蜜桃伴碟燒鵝皮脆，但係都有d偏肥至於知燒腩仔就好脆，一層肥一層肉，好好味而白菜同咕嚕肉就一般正常埋單每人二百蚊但都飽到嘔既，簡簡單單聚會係個吾錯既選擇

釣魚翁的燒味總是讓我們這一家念念不忘，所以每每想起都會來食。有很多洋酒，但沒有點過，所以不知性價比如何。好多處理過的燒鵝就這樣陳列出來。菜式也不少，但我們一家固定總會叫的有幾樣，所以並不需要花太多時間思考。明爐至尊脆皮燒鵝每次來必食！鵝是經過挑選的，肥瘦適中，皮燒得很脆，口感佳。經過炭燒的鵝有股特別的香味，是我在別間吃不到的，超好味。蜜汁叉燒別看有肥膏，食落卻覺得剛剛好，肉汁軟嫩，加上甜甜的蜜汁，很是美味。野菌燒汁牛柳粒又是美味的一道菜式，最驚喜的是豆很爽脆，讓不喜歡吃豆類的我也吃了不少。糖水職員送了免費的糖水給我們，有紅豆，綠豆，紫米三款糖水選擇，雖然免費但味道也不差。總結燒味大推，一定要試。

三五知己即慶飯局梗係落酒樓食就最易搵位！6點左右誤打誤撞問釣魚翁有無位，可以即時入座唔洗等！而家最怕d酒樓成日話兩輪食，呢間就無特別講明，甘可以慢慢吹水慢慢食！一行四大兩小，待應比左果梳化窗邊比我地坐！佢推介我地食餐，不過我地都係散叫！一埸黎到當然要叫半隻燒鵝，蝦球，咕嚕肉， 西蘭花帶子！誠意推介燒鵝，好香既炭燒味，鵝皮十分脆口，肉質嫩滑唔會好難咬！蝦球反而我覺得太多汁，有d甜得滯，不過味道都ok！咕嚕肉唔會話好韌，酸甜度好適合送飯！西蘭花帶子就一般！PS 環境都ok 係燈光有d暗，可以光返d就好！

放假就喺食食食，每日都會約同學，老師，完工後的媽咪，家姐....去食午餐或晚餐，今日約咗家姐幫手湊孫放學後一齊食午餐，講好咗去味皇點知家姐話請我要食好啲就去咗apm，最後上咗釣魚翁話未試過，而家啲bb好辛苦，未到正式返學年紀就已經不停學習，游泳班，playground, 學前班，面試班，音樂，畫畫......真係多到你未必諗到的都有堂上，大人同小朋友都辛苦但都無法，記得之前做一個媽媽同我講，當時同她坐月，隔離屋的太太已比幼稚園的料她，她還反問我是否需要咁早，我只係一笑回應就睇你自己啦入到去釣魚翁環境比一般酒樓暗淡，後來家姐話唔太喜歡我就話早講可以去第二間，全層都係酒樓食肆，我諗應該剛已過優惠時段，好多人離去坐低都唔知叫咩，感到價錢都幾貴，普通茄子都要$28.9，家姐叫了幾個點心再想叫飯喺比個孫，計完都要二百幾無咩嘢食，口我就提議二人餐，$198有二個點心，一菜一飯都有個小食，最後埋單連茶位加人差唔多$250真係感覺唔抵食下次一定唔會再去，因為都係一般無特別，咁既價錢就唔值

晚上6點半同老公去食飯，點了例牌燒鵝，薑蔥菌炒龍皮同涼瓜炆龍扣燒鵝。睇住師傅拎去叮熱，食哂時候啲皮韌到咬唔到，俾我老公彈走左部長話取消佢喎！因為佢話係剛剛燒好，再換都一樣。。。咁為什麼要叮熱佢薑蔥菌炒龍皮。淡而無味，要叫碟豉油去點，豉油都等左好耐先有涼瓜炆龍扣。本以為食店作風係淡味，所以上面嗰度菜就無同侍應講，點知呢碟係濃味㗎喎涼瓜幾好味！但個龍扣好腥利申。我係好鐘意食魚，隔夜魚我都照食，算是不怕腥的

食物質素極差，侍應態度極差。 今晚叫咗啤酒，我哋發現佢根本冇雪過就拎俾我哋飲. 大佬有冇試過飲室溫嘅啤酒..............? 樽蓋都未打開, 問佢可唔可以換凍啲嘅啤酒, 佢就黑口黑面話冇。 之後仲嘴藐藐咁發客人脾氣。 D 食物好難食,尤其係個糯米飯, 煮到爛晒咁, 叫人點食呀? 仲有成間餐廳都充滿煙味, 我見到房入邊有客人吸煙但侍應冇阻止。 食完之後搞到成身臭晒.....建議有呼吸系統疾病嘅人千祈唔好去呢間餐廳......總結: 去呢間酒樓食飯包你後悔一世。

食物送到後，發現大包是凍的，叫服務員翻熱一下，唔夠1分鐘拎返出嚟，發現大包沒有被處理過，那我們惟有再叫服務員幫忙。誰知另一位服務員 - 唐友歡，她大聲說道，已經翻了第三次，沒辦法。其實這只是第二次，我們友善地解釋及請求下，她萬分不願意拿回廚房，之後她又拿着我們的包子四處走。及後，她又大聲向四圍的人說，被人吹三催四處理包子，沒時間工作。事實我們並沒有催促過呢！之後，我們有禮貌地再向她解釋，她不但不聽，我們話還沒說完，極沒有禮貌轉身就走。那是什麼服務態度呢！我們沒有催速、沒有責備、沒激動、有禮地道出事實，但反而換來這麼無禮的對待。😤😤😤😤😤釣魚翁一向是不錯的酒家，可是請着這些服務員，損壞其名，實在可惜！