釣魚翁 燒鵝．海鮮飯店 (已結業)

未入座，已問你兩個鐘交枱可以嗎，唔可以就不能入座，點了點心，一小時都未有點心到，酒樓侍應見到你俾點心紙都扮看不到，員工態度差到不得了，十問九唔應！錢都不是問題，是呢度經理同員工態度都好有問題！未見過一間咁差服務的酒樓！

Book6點檯，一家人做冬，7點都未上菜，中途催左4，5次。最後一次叫經理，答案係：「冇預過今日有咁多圍乳豬，燒唔切。」同埋「啲菜要順序上先得，所以其他hold住」燒鵝專門店！？應付唔到燒味需求？順序上菜？我有乳豬之後係海皇羹同飯麵喎！最離譜係，經理玩野，之後一次過堆哂所有菜出黎，話之你檯有冇位。再嘈，就又拖你大半個鐘等菜。想食完唔會肥，背脊骨落，即管試下呢間。（投訴期間，同場加映附近啲檯都有人唔耐煩問：咁係咪要嘈先有野食？唔嘈就得半席上海皇羹？咁另外半檯人食風？）仲有，我睇唔出佢有幾燒鵝海鮮專門店，乳豬同鵝都係得肥膏，冇肉食，老身。龍躉兩食冇火喉。做冬要人食到一肚氣，正所謂「冬大過年」，真係多得佢囉。

本人很喜歡吃中菜，但和男朋友2個人根本沒有機會吃中菜。所以星期天晚上，我和家人便去這間餐廳吃中菜。我們叫了西蘭花炒帶子，翡翠醬皇炒雙蚌，燒汁野菌牛柳粒，即燒極品BB豬（半隻）和生汁明蝦球。即燒極品BB豬方面，半隻乳豬十分大隻，賣相一流，不過冷冰冰的，完全不是即燒，有點失望。外皮都算香脆，乳豬都算厚身和多肉，而且肉質都不錯，味道不錯。生汁明蝦球方面，到今天我先知道，原來生汁是沙律醬！本人討厭沙律醬，我簡直是點錯菜！味道方面，蝦球應該不是鮮蝦，完全沒有蝦味，只得沙律醬的甜味，簡直難吃到爆炸，$148換來這樣的質素…西蘭花炒帶子方面，帶子十分堅韌，而且沒有什麼味道，味道一般。反而西蘭花很大件，味道不錯。翡翠醬皇炒雙蚌方面，這道菜有點辣，我媽竟然說是因為蚌不新鮮-_-… 不過我覺得蚌味道不錯，少少堅韌，辣辣的味道不錯。燒汁野菌牛柳粒方面，牛柳粒都算多，不過有少少根和堅韌，而且沒有什麼野菌，反而荷蘭豆有很多，但味道一般。另外，3款配菜都有西蘭花，應該加一些不同的配菜，不要全部都是西蘭花…甜品方面，餐廳免費送紅豆沙/綠豆沙，紅豆沙甜甜的，而且紅豆都爛哂，味道不錯。環境方面，用餐環境十分乾淨舒適，燈

Excellent place for dim sum. Is in the apm mall, actually in the crocodile Center. Is not cheap but is a great place..

帶太太和2個孩子去吃晚飯.因為有孩子,不想等太久,特意點了最簡單的燒鵝,叉燒,和炒菜心. 7點半左右坐下, 大約30分左右先來了叉燒和菜.叉燒味道可以,不過偏冷.等了50分鐘左右燒鵝還沒來, 再三催促,侍應說廚房來不及燒.實在等不下去,取消了沒來的燒鵝,買單2個菜加飯,茶芥還要HKD297.錢是小事,這種酒樓給多一元都嫌不值.上開飯一看,原來這家劣評如潮.後悔沒看就去了.

由我入門講起，佢安排我坐係大門口，老一輩當然係唔喜歡啦，放眼望去，成個場吉既，於是禮貌問可唔可以換位，佢就換左個死位，相信呢個位係平時冇人坐既。待應仲要單單打打，態度其差，坐耐左會發現，成間茶樓，包括d經理部長，全部態度都係差到識飛，鬧客當常事。如果你係好想受氣，又有受虐性格的，我會好建議你黎飲茶食物味道一般，整體只能用一個字形容：差❕

今次嘗試酒樓早茶，這間义燒飽內感覺味淡而以粉漿，叫了一個燒餓米線餐，燒餓帶點焦又是味淡，比一般的燒飽失色，同時燒餓醬極差，义燒飯色澤可以但有點肥，其它點心還可以，清清地的布拉腸可以接受，這間以飲茶心態去食還可以。

早兩星期前已訂枱，點知食飯當日酒樓話5樓冇13人既大枱，之後叫我地坐3樓，好冇所謂，點知去到D枱都係好迫，10人枱迫住坐13人 到叫套餐時，D待應個個D態度都好似唔想應你，連著西裝個經理都係一樣-_-! 每個餸要等成半個鐘先上，未上哂餸已經上飯，同待應講佢又黑囗黑面。D野食唔差，但係D咁既服務態度，貴公司應該檢討下！

年近歲晚，我地唸住同班朋友團個年，由於多人住觀塘，所以就選左呢一間----釣魚翁~因為我地一早訂左位，所以去到都唔係好洗等；一見到個門面，又紅酒又燒鵝，仲有個哥哥仔义住隻 BB 豬，火光熊熊咁燒緊隻BB豬，睇黎一陣都必點要呢幾樣野食。一入座，因為未人齊，個經理都叫我地點菜，咁我當然話，我地未人齊，等多陣先再點丫，咁架喇。。。但佢不停隔幾分鐘又講一次，幾分鐘又講一次。。。我心唸，我地得3個人係度，你都催我點菜，係咪真係咁賣座先~~好喇，咁叫左個餐先喇。菜就點完喇，應該唔急喇。一定有得食喇。。。個心都定哂。點知隔無耐，佢又走埋黎。。問我起得未，當時我地多左人，有6個，但都未人齊嘛，爸爸媽媽教落，要等齊先食得架~~如事者，佢又催左我地 3 - 4 次，個心由煩哂。好喇，人齊喇。。經理起菜唔該~~首先出塲。。係隻 BB 豬，（會唔會係岩岩我見到燒緊咯隻黎呢~)。。。隻豬豬睇都幾好睇。。食落都唔錯，不過如果可以再燒脆身少少會更好。第二樣。。。。。燒鵝。。呢樣真係非常麻麻，皮無見之感覺，肉又唔滑，無汁。我見到大家都唔係點夾呢隻鵝，就知。。。。。下一味唔該。但到呢一刻，我先知點解佢係咁叫我地起菜。。

今日下午我們去咗觀塘嘅「釣魚翁 燒鵝.海鮮飯店」飲下午茶！我們叫咗川芎白芷鮮魚雲、晶瑩鮮蝦餃、翡翠海皇餃、蜜汁叉燒腸、醬皇蒸鳳爪、北菇棉花鷄、蠔皇叉燒包同黃金流沙包！川芎白芷鮮魚雲嘅魚雲非常新鮮，肉質相當嫩滑，味道好鮮甜！係本人嘅必食推介！晶瑩鮮蝦餃嘅蝦非常爽口彈牙，餃皮亦好煙韌彈牙！翡翠海皇餃嘅餃皮相當晶瑩剔透，餡料亦好豐富！蜜汁叉燒腸嘅腸粉超晶瑩嫩滑，叉燒嘅份量亦超多！醬皇蒸鳳爪炆得好腍好入味，醬汁亦好惹味！北菇棉花鷄嘅魚肚炆得好腍身，鷄肉亦好嫩滑！蠔皇叉燒包嘅包質非常鬆軟，叉燒嘅味道亦好香甜！黃金流沙包嘅包質都幾軟滑，流沙亦好香甜！

觀塘鱷魚裇中心很多酒樓，今次茶聚到〚釣魚翁〛先試$14.8香煎蘿蔔糕，不太油膩，尚可。$31.8筍王鮮蝦腸粉，都食唔筍，可能咁啱果條腸粉沒有罷！$31.8鮮蝦燒賣皇都算大粒爽口燒賣。$21.8醬皇蒸鳳爪，的醬皇太杰撻撻，糊口！$26.8蝦籽柚皮，四件柚皮吃餘兩件，很油膩感覺，太難吃！$$16.8潮式粉果，細粒潮式粉果賣相十分差！$16.8蠔皇叉燒包，全廋叉燒不錯！名茶每位$10加一小費埋單$210平均每人$70

中秋節又到了，忙於選酒家與家人聚首做節，由於家有老人家，所以還是選中菜比較合口味，在家人相量下決定訂婆婆家附近觀塘區的釣魚翁海鮮飯店，而家人對菜單都頗有要求的，在正日做節的日子又要想坐房，價錢難免比平時貴，要食好菜開價要$8,888(十二位)，但當日由於我哋人數超標共有成十六位之多，原先打算從份量中加碼，但酒家部長很貼心說他們菜式的份量是相當之足料，只有預多無少，應該能足以應付十六人的份量，唔夠先再另order餸菜，果然不負所望，菜式賣相好之餘，份量亦相當之多，食材新鮮，尤其海鮮極為出色，烹調味道亦好，不會太淡也不會太鹹，以大時大節黎講也能保持得如此水準，其實都算令人驚喜，以這些菜式平均計為到每人約$570位真的是相當合理，而且服務也不錯的，亦會定時keep住幫忙換碟及分菜，整體而言自己同家人都對這餐都十分滿意，相信日後都會常再到來食飯吧。全晚之最就係呢條超過三斤重的清蒸瓜子班，家人刻意將菜單上原有的大海班改做瓜子班，因為肉質更滑口及魚味鮮甜，而廚師亦無把呢條咁靚的魚浪費，將佢蒸的時間調控得很好，魚剛熟而不會過老，是全晚供認大躦的，至今還相當之回味紅燒菜膽大排翅,魚翅份量足，匙羹一撈起

晚市服務員經常企響我地枱隔離不停Sell海鮮,我們感到好大壓力,如果我哋攞住餐牌睇,佢就一直企住喺度望住我地然之後一有空檔插入就提議可以叫邊個套餐同海鮮。食物質素其實非常好,只係款式實在太少,一直冇改動而且亦冇加多,選擇太少了如果以我平時經常去就真係好難揀到開始悶。服務員白鴿眼如果唔叫貴野海鮮就態度差, 連開頭有些家人無叫糖水, 後來又想試, 服務員就非常不滿因為要佢行多次, 擺出一副黑面，另外的經理亦有包庇她們, 居然幫口拒絕突然話糖水賣晒，實在太過分, 難怪佢哋越來越少客唔需要訂枱。今時今日咁嘅服務態度肯定好難生存,仲要成晚冇乜客一啲都唔忙,原本佢哋做得唔錯食物又好食,例如優惠龍蝦(附圖)每次都叫, 加伊麵疷, 而燒味特別係燒鵝都好好,我真係好想同佢老闆講呢d事情等佢改善, 咁我可以繼續去食飯(唔咪我浄係去火鍋嗰邊)。

黎依度食無它既,因為人客不算多,食物有一定水準,而且有燒鵝食~所以某程度上都幾喜歡帶朋友來食呢度既燒鵝味道不差,雖然皮不夠脆,但肉質算鬆化而且幾JUICY,用埋個肉汁撈飯食幾美味~不過醃料唔算香.鵝略肥,但總要點肥脂先至夠好味.其他食物水準中等.服務員不夠勤力,禮貌上亦有待改善.

新年突然約朋友食飯，是旦在openrice找一家訂檯，見這家品評不錯。就試試吧。3大2小，安排了梳化位，可能時間還早，只有2-3檯食客。由於還是初三，價錢比在openrice看到的貴很多。點了5個菜。燒鵝皇，煎蝦，臘肉菜苗，聖子皇，咕噜肉。可能時間還早，上菜速度很快，不到5分鐘已有嘢食。食後感 - 這家店海鮮比小菜新鮮，價錢也比較正常。走時洗手間發現有即燒bb豬，感覺比燒鵝新鮮，下次可能會試試。