金鶴拉麵 (利民大廈)

營業中

休息中

原來先達附近有間咁好味嘅拉麵今日諗緊一支公晚飯食乜好嘅時候經過旺中附近嘅呢間金鶴拉麵因為佢有好多間分店，所以之前已經聽過佢嘅名見難得唔使排隊，就試吓佢嘅龍蝦湯到底有幾出色！本身加到$60就有隻龍蝦尾，不過我嗌得太多嘢食一個人食唔晒所以淨係要龍蝦湯就算🦞果然聞名不如試味，個湯嘅龍蝦味相當濃郁！配叉燒、紫菜、糖心蛋都相當出色！侍應哥哥仲話Join會員有好多優惠，所以我都加入咗仲呃咗啲串燒haha佢哋推介嘅五花肉串燒都相當好味！油脂好balance 唔會太膩又唔會太乾太硬其實仲有好多串燒揀，等下次同friend嚟要食多啲haha#金鶴拉麵

見這間金鶴拉麵在網上的評價不錯，而且分店越開越多，所以就趁午飯時間去想一試究竟。旺角分店的店面不算大，但每枱之間的距離適中，座位也很闊落，所以坐得舒服。人客不多時，我見二人都會被安排坐四人卡位。雞白湯拉麵 （$98）拉麵的用料非常豐富，有雞胸肉、叉燒、炸牛蒡、半熟蛋，配上濃白雞湯，賣相十分吸引。雖然我較喜歡吃幼身拉麵，但這裏的粗身拉麵煮得軟硬剛好，不會過淋或過硬，而且十分掛汁，令我對粗身拉麵改觀～食店主打的雞湯果然名不虛傳，喝下去有濃濃的雞味，但又不會過鹹或黏口，真的令人喝不停口。雞肉煮得十分嫩滑，沒有普通雞胸的粗糙口感；叉燒很少脂肪，豬肉味濃；牛蒡炸得金黃，但不會過份油膩；半熟蛋的生熟程度剛好，蛋黃汁非常滑溜。拉麵另外再配木耳絲、蔥花和荀片，整個配搭很豐富。首次到訪這間拉麵店，發現食物水準真的挺高，難怪成為人氣熱店～

復活節旺角特別多人，這間拉麵都不例外，之前看過餐牌已經被大大的炸牛旁吸引，今日一於排隊看看實物都是這樣子 排隊期間先下載金鶴拉麵app，有迎新優惠，我選了飲品點了雞白湯拉麵，雞湯湯底是8個鐘煮成，奶白色的湯底充滿雞隻精華的骨膠原，而且濃郁而不口乾，雞肉同豚肉叉燒是用了慢煮方式，很有肉汁，一點都不嚡口，雞肉豚肉份量很大塊，加上很多木耳絲，大大的牛旁，份量十足又健康，餃子皮脆內軟，餃子皮炸到脆卜卜，餡料比例剛好 另外點了日本直送人氣首選的北海道蟹湯拉麵，湯底好鮮甜，味道濃郁，充滿花咲蟹肉，十分足料 除了拉麵餃子，還有串燒，比起其他拉麵店有更多選擇，點了豬頸肉串，串燒燒得很漂亮，不會因為多客繁忙而燒濃乾身，每款都有肉汁，燒得皮脆香口 第一次先點了基本拉麵，下次一定會再來試下店員推薦的極濃龍蝦湯拉麵和蠔湯拉麵，而且可以外賣，外賣有8折優惠，又有水準又抵食，點一堆串燒做宵夜一流

朋友想食拉麵見呢間係旺角鬧市既拉麵店幾大 間格同位置坐得舒服 就入去試下 呢到除左拉麵 仲有好多選擇 （飯 串燒 小食 啤酒 ）做會員除左有得儲分 叫拉麵仲有串燒送 拉麵最基本係豬骨湯底 呢到做緊推廣 蠔湯 同 龍蝦湯 所以叫左個瀨尸內海產蠔湯拉麵試下 湯底蠔味都幾重 飲落清甜 另外仲有叉燒 溏心蛋 芽菜 荀 木耳食落唔會單調朋友叫左雞白湯拉麵 黎到個湯仲有好多泡泡 熱辣辣呀 有炸牛蒡 雞肉 叉燒 溏心蛋 芽菜 荀 木耳雞湯清清地 怕濃味既岩晒唐揚炸雞 炸到脆卜卜 食落去雞肉仲好嫩 見到店內有做優惠 清酒/ 生啤放題 都係$98 叫串燒送啤酒一流呀呢到除左堂食 仲有外賣自取第日可以買番去‘餸’日劇呀

一向都好鍾意食雞白湯拉麵，同事極力推薦呢一間！我地點左極濃雞白湯拉麵同雞白湯沾麵！極濃湯底用雞烹煮過8個鐘以上😍，含有極豐富既骨膠原！每碗麵除左配豚肉叉燒之外仲配埋雞肉，經過慢煮既雞肉超嫩，食落一D都唔鞋口。溏心蛋幾入味，呈半流心既效果，不錯！沾麵既麵條就比湯麵粗，比較有口感，而且可以掛多D汁，味道濃郁，湯汁入面好多仲雞肉絲，真材實料👍🏻。P.S.即場做會員有100分送可以換溏心蛋/飲品，多隻蛋食下都正！😛

Spicy tonkotsu soup ramen 🌶️香辣豚骨湯拉麵$98用超過十款以上香料秘製而成嘅香辣味噌，配上用大概八個鐘烹調而成嘅豚骨湯底，口感順滑又濃厚，仲有香辣味噌嘅複雜味蕾衝擊，食落去好味道好夾好刺激，適合鍾意食辣嘅朋友😋Supreme creamy lobster soup ramen with one lobster tail 🦞 極濃龍蝦湯拉麵配一隻龍蝦尾 $198依排限定版嘅極濃龍蝦湯拉麵選用鮮甜蝦湯、炒過嘅龍蝦殼同櫻花蝦油熬製而成🔥，經過多重工序精心製作，味道濃郁，唔需要添加任何味精已經有甜味海鮮龍蝦湯😍，而龍蝦尾嘅肉fresh 同爽口，值得推介呀👍🏻Japanese dumplings 🥟 日式餃子 $38即叫即炸日式餃子係大受歡迎嘅人氣小食，夠薄嘅餃子皮炸到好香脆，入面主要係日式椰菜🥬同埋豬肉餡料🍖，每一粒手工餃子都脹卜卜用料十足，點係甜甜地嘅日式醬油，更加可以帶出餃子鮮甜味！

旺角金鶴拉麵响正旺角先達小巴站隔離，都幾方便。餐廳環境走昏暗路線，座位闊落，幾好坐。佢拉麵特別在唔係分醬油湯/豬骨湯。反而係海鮮湯底為主，有龍蝦湯，蠔湯，蟹湯，同埋出名嘅雞白湯。今日就試咗期間限定嘅的瀨戶內海牡蠣湯拉麵。朋友就食北海道濃厚蟹湯拉麵（+$20 轉餐）可以揀一款小食同埋一罐飲品，揀咗二件叉燒同可樂。牡蠣湯底第一啖真係好有蠔味，幾濃郁，鍾意食蠔嘅人應該會喜歡。配料有半隻溫泉蛋，紫菜，筍同埋叉燒，麵底好多，多到食唔晒。麵條偏粗身。另外朋友嗰碗蟹肉湯麵，湯底就係海鮮味，中間一大堆蟹肉，賣相同餐牌一模一樣。另外都係有配上叉燒，感覺蟹肉湯面比較抵，因為多咗蟹肉，其他配料都一樣，價錢都一樣賣$138。加$20轉套餐，加配的叉燒，估唔到咁大片，又厚，加得抵。

落雨天氣凍凍地想食個靚拉麵金鶴之前食過其他分店 原來旺角都開咗分店餐廳裝潢好現代化 又充滿日系裝飾環境整潔光猛坐得舒服雞白湯拉麵 $98金鶴最經典嘅雞白湯拉麵 水準依然仲keep到賣相吸引 配料好豐富奶白色嘅湯底好養眼 湯底夠滑溜面底煙煙靭靭好有咬口夠啩湯配料有牛蒡 慢煮雞肉 慢煮豚肉 半隻糖心蛋 竹筍 蔥絲 木耳絲最鍾意食佢個慢煮雞肉 煮得非常嫩滑北海道蟹湯拉麵 $138另外試咗出面好少有嘅蟹湯拉麵用咗北海道嘅花咲蟹湯 湯底非常之鮮甜 蟹味香濃面頭仲有一大pat蟹肉 好滿足配料仲有兩塊紫菜 慢煮豚肉 半隻糖心蛋 竹筍 木耳絲 蔥絲鍾意食蟹嘅朋友唔可以錯過除咗蟹湯 另外仲有期間限定嘅龍蝦湯 都好特別抹茶軟凍 $33軟凍質地煙煙韌韌有啲似麻糬抹茶味濃郁 唔會苦澀食完個拉麵再食個日式甜品一流

金鶴拉麵 (利民大廈) (旺角)旺角通菜街110號利民大廈地舖。我又食金鶴拉麵啦～ 無計啦，我對佢個雞白湯拉麵情有獨鍾。極濃龍蝦湯拉麵（$138）上次係佐敦分店食過覺得個湯底真係好濃龍蝦味，今次決定要encore，濃到麵條係會掛湯，好正。雞白湯拉麵（$98）我既最愛雞白湯拉麵，一如以往有炸牛蒡、糖心蛋、兩塊雞肉、一塊叉燒，雞肉好嫩滑，食完成碗飲埋湯好飽。日式餃子（$48）食拉麵唔少得食埋餃子，呢度既餃子係全隻咁炸而唔係煎，更加香口

食拉麵你哋會偏好咩湯底呢💁🏻‍♀️個人就較中意雞白湯🍜今次嚟到位於旺角嘅金鶴拉麵 港島九龍都有多間分店㗎😉🔸極濃雞白湯拉麵 HKD138進食前必定要試試湯底湯底果然極濃郁 雞湯呈奶白色 飲落好Creamy 有種被包住口控嘅感覺據聞用原隻雞熬煮8小時以上🐓配上肉質軟滑嘅慢煮雞肉同豚肉叉燒拉麵煙韌彈牙 有驚喜的一碗拉麵🍜🔹黑蒜醬油拉麵 HKD98湯底濃濃的香蒜味 調味咸度適中同樣配上嫩滑雞肉及豚肉叉燒湯底令配料更入味 值得一試！🔸鹽燒雞翼 HKD48雞翼即叫即燒 雞皮香脆 雞肉嫩滑 淡淡的咸香係不錯的串燒選擇呢！💬拉麵除咗可以堂食之外 仲有外賣供應㗎~🚩金鶴拉麵 旺角通菜街110號利民大廈地舖

平日嘅夜晚收工後，約咗朋友仔係旺角附近行下街食飯～因為朋友仔想食拉麵🍜，就揀咗呢間餐廳試下！睇餐牌先發現餐廳除咗拉麵之外，仲有日式串燒，而且選擇都幾多～🤩因為我未算好肚餓，所以就同朋友仔share一碗拉麵同一啲小食🤣！🦀北海道蟹湯拉麵（$138）：採用由北海道直送到港嘅花咲蟹熬製湯底，配上鮮味十足嘅蟹肉，蟹味清香而濃郁👍🏻，完全不油膩！🦑汁燒原隻魷魚筒（$108）：原條魷魚直上，份量十足！推薦點埋薑蒜蓉一齊食，口感清爽彈牙，層次豐富😋！🐷鹽燒五花腩（$48）：簡單以鹽作調味，味道並不單調，反而試到食材嘅鮮味！

去旺角搵好野食, 一定有好多選擇, 一個人都係簡簡單單食碗拉麫就算..見到間鋪仔細細, 大大個招牌:金鶴拉麫, 好似有幾間分店的, 可以一試~枱頭單張有:龍蝦湯拉麫, 看似好味, 先點一碗來嚐嚐, 店員落單問要唔要埋龍蝦尾, 原來加多$60, 梗係要啦, 自己買一隻龍蝦尾都要依個價錢啦。日本湯麪, 必先嚐一口湯, 何況這碗係:極濃龍蝦湯, 好期待品嚐第一口湯頭, 嘩~真係極濃嘅龍蝦湯, 香濃無比, 沒有薑蔥嘅味道, 好鮮, 甜, 綿, 滑嘅口感, 不禁地飲完一啖又一啖呢😍這間會將隻龍蝦尾開邊走油鎖住肉汁, 多一重工夫, 味道更佳😋碗中仲有一大塊豚肉, 薄切, 沒有叉燒嘅肥膩感, 可以大口大口食啦~👍🏻我覺得這碗湯麫符合哂我嘅口味, 值95分, 值得再食。再點了兩款串燒:鰻魚, 雞中翼鰻魚燒到表皮微脆, 內裏魚肉仍滑溜, 無骨亦唔腥😚😚入會原來仲有著數喎👏🏻

雖然金鶴係間拉麵店，但最近聽朋友講佢地原來有道招牌菜係即燒鰻魚，我呢啲鰻魚忠粉緊係要去試試啦！套餐包括咗鰻魚飯、鰻魚湯同埋一份前菜。即燒既鰻魚有微微既炭香，脆皮有焦香，肉質幼滑，燒得恰到好處又唔會太乾，魚肉入口即化，十分鮮美！配合白飯同埋特製嘅醬汁，一啖接一啖，唔捨得停口。可以見到鰻魚本體都幾厚身～唔係平時街邊食到啲翻叮鰻魚，自己食完一份都幾夠飽。++++++++++++++++++++++++++++++除咗鰻魚，我即叫左份串燒：鹽燒五花腩，另外即時加入會員仲可以揀送醬漬日本糖心蛋添～瘦肉同肥肉比例恰到好處，咬落去口感十分豐富，每啖都充滿濃郁鹹香！烚得非常完美既糖心蛋，質感同味道都一流，就咁食定用黎撈飯都得！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷金鶴拉麵 @旺角💁🏻極濃雞白湯拉麵 $138👍🏻湯底非常之出色，味道濃郁，用左健康首選既雞胸肉，由於係慢煮嘅關係，口感非常軟滑，唔講唔知原來係雞胸肉新鮮即炸牛蒡，店員一上菜嘅時候，溫馨提示我哋快啲食，勁貼心💁🏻醬油拉麵 $88可能係食咗雞巴再食嘅關係，感覺有啲淡但拉麵嘅口感都彈牙💁🏻日式餃子 (4pcs) $38入邊有粉絲同埋菜，味道不過不失💁🏻味醂魚乾 $68👍🏻好好食，唔會乾爭爭得黎又有啲咬口，相當唔錯是否推薦↩️？✅推介佢出名嘅雞白湯，因為真係超級濃味。味醂魚乾都好好食，唔錯唔錯

平日中環返工經過都冇食過今晚收工出旺角，見到終於坐低左。坐低之後，除咗陸續見到有啲食客入嚟之外，都見到有人等緊外賣。呢間店主打極濃白雞湯拉麵。個拉麵除咗有雞肉之外，仲有叉燒、做配料。但有點意外嘅係個炸牛蒡。好香脆、唔油膩！雞肉唔會癡牙、都幾嫩，然後重點係個湯。個湯一啲都唔鹹，杰身嘅程度啱啱好所以一啖接一啖，將骨膠原飲落肚！！女仕必選！另外仲嗌左個極濃龍蝦湯拉麵。因為係限定拉麵，所以揀左嚟試。佢個湯同雞白湯一樣好濃稠。調味適中，啲湯又係可以一啖接一啖飲。配料除咗有叉燒、蛋、紫菜之外，都仲可以加錢，會有龍蝦尾。食拉麵點可以唔講下個麵。雖然冇得揀軟硬度，但係個軟硬度非常之適中。我諗呢個亦都係點解冇得揀嘅原因，呢個軟硬度係最適合嘅。個麵亦都唔會好麵粉味，唔會搶咗個湯嘅味道。再嚟就係串燒。分別嗌咗牛舌同埋五花腩。真係好值得推介。牛舌相對貴少少，但佢肉質真係非常之好，好腍。咬落去有牛油香味。黑椒同鹽味，好香。五花腩調味同牛舌一樣。肥瘦適中，全晚最可惜嘅係冇加個啤酒。整體來講，性價比都幾高。下次收工經過，要入嚟食個串燒，飲個啤酒。