金鶴拉麵 (利民大廈)

營業中

休息中

早排去日本旅行, 只係食得一碗拉麵, 完全唔夠喉, 所以返到香港, 都仍然要搵拉麵食… 想食雞湯湯底, 所以揀左金鶴。之前食過佐敦分店, 旺角開左新分店, 地點好方便, 一出地鐵站行兩個街口就到。 見到佢期間限定有個龍蝦湯拉麵, 好吸引, 不過今日都係想食雞湯。 呢個極濃雞白湯拉麵烹左八個鐘, 一上菜既時候, literally見到「極濃」、「雞」、「白湯」,呢個濃厚既雞湯,一睇就知道入面全部都係時間+心機既精華, 飲湯個陣都覺得好補骨膠原! 個慢煮雞胸啖啖肉+肉質嫰滑,好想ENCORE。 炸牛蒡TOPPINGS真係好出色, 賣相獨特, 炸完出黎又香口。 另外叫左個北海道蟹湯拉麵,有啖啖蟹肉,味道鮮甜。 平時拉麵店炸雞/餃子食得多, 今日前菜揀左芥末八爪魚同埋呢度仲有串燒食! 點左一串五花腩串燒, 調味非常出色! 順帶一提, 可即時JOIN入會員, $1 一分, 我地即刻JOIN左, 就有一隻溏心蛋送, 抵呀!

之前曾經食過金鶴拉麵🍜, 完全是一試難忘佢嘅雞白湯拉麵。今日剛好和朋友相約在旺角行街食飯, 同朋友講過, 佢又未試過, 就帶佢食下, 順便自己可以頂下拉麵癮。餐廳裝潢簡約, 店內裝潢充滿日系感, 雖然不算大, 地方挺寬敞明亮, 不過枱與枱之間還是有足夠空間感。無華麗嘅裝修, 廚房亦設喺舖入面, 唔似其他拉麵店半開放式嘅狀態, 勝在地點更方便, 以後想食隨時都可以去。除了堂食外, 拉麵店有外賣自取呀!望望餐牌, 除咗出名嘅雞白濃湯拉麵🍜, 仲有期間限定款 - 龍蝦濃湯拉麵, 配上開邊半隻既龍蝦 , 實在有夠奢華。餐廳提供約十款拉麵湯底, 定價由$88至$198不等, 我哋叫咗兩碗唔同湯底試吓。北海道蟹湯拉麵 - $138蟹湯名副其實濃厚而不膩, 更不會好鹹, 蟹肉份量不少, 蟹味十足, 食落鮮甜味美, 遠遠都聞到蟹嘅鮮香味. 值得一提是。拉麵可以保持超水準, 入口爽口彈牙, 好有咬口, 而且軟腍度剛好, 溏心蛋夠滑溜入味, 整個湯麵🍜味道不錯, 真係連湯底都飲哂呀! 仲有一大片叉燒。黑蒜醋醬油拉麵 - $98上枱陣陣黑蒜香氣, 又係遠遠都聞到, 自家秘制黑蒜醬料, 味道濃郁, 好適

好多個地區都見到有金鶴拉麵，一直都未有機會食到，近排喺旺角開工，收工約埋同事一齊去開餐。餐廳環境昏暗，型格中帶有格調，座位舒適，環境寧靜，在這裏用餐感到舒適。店內提供多種款式湯底的拉麵，還有飯類提供及串燒。香辣豚骨湯拉麵$98 豚骨湯質感較為濃厚，湯底掛麵能力高，辣度非常柔和，微辣效果增加了不少味覺上的層次感。配料非常豐富，有兩大片紫菜，山咁高嘅蔥絲，筍，木耳絲，溏心蛋，兩片白雞肉 及豚肉叉燒。鹽味拉麵$88 經典的拉麵口味，以醬油為主要醬料搭配各式各樣的湯底，大多數人認為醬油拉麵如其名一定非常鹹，但其實透過醬油的鮮甜搭配湯底，更能帶出食材的風味。麵質口感正宗，爽口彈牙，煙韌，口感佳。鹽燒冬菇$28 有驚喜的冬菇，食落超香濃嘅菇味，好似將十隻冬菇濃縮在一起一樣，燒過以後依然有水份，回彈力十足。鹽燒五花腩$48 簡單嘅調味帶出肉的鮮味，五花腩半肥瘦，入口有半溶效果，表面燒至焦脆香口。

極濃龍婽湯拉麵 $138 ✔️期間限定✔️超級香濃，好似飲緊龍蝦湯咁✔️麵勁掛汁、好爽口✔️湯底creamy有泡😍雞白湯拉麵 $98✔️低溫慢煮雞肉唔嚡，好滑✔️豚肉叉燒帶點煙熏香✔️雞白湯creamy好清香✔️溏心蛋入味流心Overall : 湯底濃得黎，食完又唔會口乾，香港拉麵黎講係above average.Igable打卡度：8/10Taste 好味度：8/10 Worth revisiting返兜度：9/10

🌟今次嚟到旺角呢間金鶴拉麵🍜🌟入面裝修樸實，不過坐得都幾舒服，空間感夠🌟一坐低，已經會奉上熱嘅綠茶😋極濃。雞白湯拉麵。（$138）-店長推介-用咗原隻雞熬製8小時以上而成嘅湯底-湯底呈奶白色，味道濃厚，香濃雞湯味-有滿滿天然嘅骨膠原，女士天然皮膚補品-拉麵裏面有炸嘅牛蒡，口感香脆，冇苦味-浸係湯度嘅牛蒡，吸左湯嘅精華，別有一番風味-有兩片厚實嘅雞胸肉，完全唔柴，嫩口-有兩片叉燒，用料豐富-有半隻完美嘅糖心流心蛋🥚-仲有筍片同埋黑木耳，配料豐富-拉麵口感適中，彈牙，掛湯力十足-好適合鍾意補身養顏，同雞湯嘅我😋北海道蟹湯拉麵 （$138）-日本北海道直送人氣no. 1-濃厚花蟹湯配上蟹肉，蟹肉份量十足-每一啖湯都飲到蟹嘅精華同埋海鮮嘅鮮味-除咗蟹肉外，仲有一大片叉燒-叉燒size好大，雖然係偏瘦嘅叉燒，一d都唔柴，出色-好適合鍾意海鮮鮮味十足嘅朋友

一向都覺得食物質素係應該同價錢掛鉤，食到平嘢又好食係bonus之前喺中上環嗰邊嘅拉麵店食過 雞白湯拉麵之後，就不斷試下其他拉麵店煮成點。活躍喺油尖旺區，咁啱睇到呢間個雞白湯好似中上環嗰碗，仲要有炸牛蒡，所以入到去二話不說就揀咗呢個$138嘅拉麵，樣貌同價錢都同中上環嗰間差唔多。如果佢係做得好味嘅話就唔使去到中上環咁遠啦入到去店，個感覺似米線店同埋好港式餐店嘅裝修。加上店員俾我嘅感覺都好中式。碗面賣相都ok塊豬肉，冇乜特別都可以接受但係嗰塊雞，有啲似白切雞嘅味道，好似有少少薑味。個湯底都ok，又唔太咸，但係我覺得有啲中式嘅雞味，就係帶少少薑味，個樣似日本拉麵，但係味道可以再好啲。食完拉麵都冇嗰種我想飲晒啲湯嘅衝動。炸牛蒡唔夠乾身，上面仲有好多油。另外，嗌咗碗 香辣豚骨湯拉麵基本上兩碗分別都係個湯，由於我唔食湯麵好少食辣，試飲咗淡湯，食得超過十小辣嘅人應該唔會覺得辣嘅總結，味道唔錯嘅，正所謂冇比較冇傷害，但係以呢個價錢同環境嚟講，我覺得唔太抵食啦。我寧願番去中上環嗰間排下隊

朋友帶我黎呢間餐廳話想食拉麵,呢間餐廳環境闊落,呢度既拉麵有好多選擇都有期間限定款式,而且仲用左8個鐘以上去制作湯底,我地叫左一碗雞胸肉叉燒醬油拉麵,雞胸肉滑唔會好鞋口,半熟蛋糖心口感,加埋筍條同香蔥好夾,拉麵彈牙唔會太淋,炸雞小編推介,外脆內軟雞肉JUICY多汁沾埋沙律醬好惹味,呢一碗叫左蟹肉拉麵,將蟹肉拆骨起肉再整成一個蟹肉球狀,食落啖啖蟹肉加埋香濃湯底,所有食物即叫即整,如果唔鐘意筍條同香蔥仲可以同職員講走蔥。

黃昏🌇時間同朋友👩‍🔧一齊喺旺角，要食嘢，不過大家都唔算好肚餓，諗住簡簡單單食啲好味嘅嘢😆，路過呢度，有拉麵有小食，似乎幾啱呢日嘅需要，咁就決定入去開餐🤩我哋叫咗幾樣嘢share嚟食🤩$88「鹽味拉麵」：餐牌咁樣形容「來自北海道函館鹽味湯底配上鰹魚高湯，味道非常溫和醇厚」；飲啖湯先，味道鮮甜得嚟帶啲內斂，即係一般所講嘅比較 subtle😋，我欣賞🤩；拉麵配有兩塊慢煮雞肉，好軟熟😋$108「汁燒原隻魷魚筒」：原隻魷魚🦑大大隻，燒得啱啱熟🤩，魷魚新鮮，肉質爽滑，有少少咬頭😋；配埋略帶甜味嘅照燒汁，香口好食😋$48「鹽燒雞中翼」：燒雞翼，我鍾意食😆；鹽燒雞翼，有鹹香，我更鍾意食🤩$28「鹽燒秋葵」：秋葵燒得好腍不過咬落依然脆脆哋😋

記得好幾年前曾經食過金鶴拉麵完全是一試難忘多年後既今日 原來佢已經係旺角開左分店地點更方便 以後想食隨時都可以去喇店內裝潢日系感滿滿 雖然不算太大不過枱與枱之間還是有足夠空間感唯獨只可以細聲講大聲笑望望餐牌多年前令人一試難忘既雞白濃湯還在真的回憶感滿滿除左固定既熱爆拉麵款 仲有期間限定款這段時間是龍蝦濃湯拉麵配上開邊半隻既龍蝦 實在有夠奢華這次點上 北海道蟹湯拉麵蟹湯名副其實濃厚而不膩 更不會一味死鹹蟹肉份量不少 食落鮮甜味美值得一提是 拉麵多年來仍然可以保持水準入口爽口彈牙好有咬口 而且軟腍度剛好連旁邊既溏心蛋依舊滑溜入味 味道不錯黑蒜醋醬油拉麵上枱陣陣黑蒜香氣撲鼻 非常吸引兩片慢煮赤雞 肉質依舊腍軟食落還有淡淡雞味配襯味道濃厚既拉麵 剛好來個中和不過略嫌湯底有點油鹽燒豬頸肉(2串)賣相精緻 入口軟腍可口豬頸肉表面燒得帶點香脆而且廚師巧妙用上調味粉令豬頸肉少了羶味

呢間金鶴拉麵成日都好多人推介，我想試好耐架啦。呢日同朋友旺角行完街要醫肚，即刻就黎呢度試下。Menu拉麵款式約10款，當日有期間限定龍蝦湯，不過我比較想試鎮店之寶白雞湯，其他野唯有下次先試🤣🤣極濃雞白湯拉麵🍜($138) - 聽講呢度嘅湯係用原隻雞烹煮8小時以上，所以係濃郁嘅奶白色。湯應較杰身，有天然骨膠原，飲一啖都覺得滋補美顏😌 面頭配菜有炸牛蒡絲，幾脆口😊 拉麵有2片雞肉同豚肉，一d都唔鞋口，點埋濃湯食好正。麵底係少少粗嘅拉麵，幾索湯，正常發揮。北海道蟹湯拉麵🍜($138) - 朋友係蟹精，見到蟹湯就即叫😄 蟹肉採用左北海道蟹肉，鮮味十足。湯底有蟹肉海鮮味，唔算太濃所以唔會漏，啱啱好👍🏼 面頭蟹肉份量都唔少，一啖蟹肉一啖蟹湯咁食，鍾意海鮮嘅唔可以錯過！

🐔一直都好想試吓雞白湯拉麵，所以今日就去咗試金鶴拉麵，睇吓咁多人推薦呢間店，係咪真係咁好食🤔😌😋我哋叫咗香辣豚骨湯拉麵同埋雞白湯拉麵， 兩碗拉麵賣相都唔錯，雞白湯拉麵口感creamy、濃郁順滑，加上大大塊嘅超嫩滑雞肉同埋叉燒，配上脆卜卜嘅炸牛蒡，真係好滋味！🌶️而另外一碗香辣豚骨拉麵同樣出色，濃郁香辣嘅湯配上嫩滑雞肉同埋惹味叉燒，溏心蛋滿滿蛋香，麵條口感煙韌彈牙，鍾意食辣嘅你千祈唔好錯過！

早前係旺角做完野後，順便食埋野先返屋企，早前放工後去了附近金鶴拉麵食拉麵。見到有期間限定的極濃龍蝦湯拉麵，我就揀這款食。湯底夠濃郁，入口有香濃龍蝦味道。而湯底相對杰身，這樣湯便能掛係麵上，就好味。叉燒係瘦叉，簿薄而大塊，啱我口味。有半隻蛋添，拉麵不可缺少蛋。另外，鍾意食串燒的我，見到有不少款式，我就點了日本多春魚，鹽燒秋葵和鹽燒雞翼。日本多春魚，質感不會太乾身，入口帶點卜卜聲，口感不錯。鹽燒雞翼外層脆身，雞肉尚算嫩滑。食左甘多肉，鹽燒秋葵可以中和一下，帶點脆身。吾想堂食，可以外賣自取，返屋企慢慢嘆。

店舖以金色同黑色為主，低調簡約，環境非常闊落，除左有堂食，仲可以揀外賣自取。餐廳亦有期間限定款式，依期就有極濃龍蝦湯同極濃牛肉限定。🦞極濃龍蝦湯拉麵 (配龍蝦尾) (期間眼定) ($198)一上枱已經聞到龍蝦既香味，賣相仲好豐富，有原隻龍蝦尾開邊、一大塊叉燒、糖心蛋同紫菜。龍蝦肉彈牙有鮮味，食落啖啖肉好滿足。湯底亦夠濃厚做到掛麵效果，小嚐一口鮮味十足，絕對係真材實料，十分出色❤️餐廳仲好貼心地附上鉸剪同濕紙巾，方便將龍蝦拆肉食。🐓極濃雞白湯拉麵($138)極濃雞白湯係店長推介款式，湯底用上原隻雞慢煮8小時至奶白色，將雞嘅精華提煉出嚟，滿滿既骨膠原，對健康及美顏非常好💆🏻‍♀️白湯飲落清甜濃郁，充滿雞味，但唔會覺得重口味。配上一大份炸牛蒡，除左賣相吸引仲好有驚喜。牛蒡係原條刨成薄片，炸至金黃香脆，食落有啲似薯片，而浸湯後就會變得煙韌。拉麵配有慢煮雞肉同豚肉燒，雞胸口感嫩滑，豚肉叉燒肥瘦均衡，食落有嚼勁。整體黎講拉麵質素絕對對得住個價錢，店員態度亦好好，餐廳仲有幾間分店，去開唔同區都可以去試下👍🏻

自問自己對香港日式拉麵有一份執著，始終要食拉麵唔難，但有日式感覺又真係少。金鶴拉麵係少數連鎖拉麵店而有水準的鋪頭，今次就到旺角先達隔離的分店。今次就叫左期間限定嘅極濃龍蝦湯拉麵(配一隻龍蝦尾)，其實佢上年出嘅時候就試試佢，可惜已完左。今年見佢出番馬上衝去。$198正常價位，始終有隻龍蝦尾係入面。賣相好吸晴基本上同餐牌一樣。有一隻龍蝦尾開邊，半隻蛋，一塊叉燒。鋪店俾交剪你食龍蝦用。食拉麵本人就最鐘意個湯底夠濃厚要掛麵，佢依碗絕對對得住個麵名'濃'龍蝦肉係彈牙唔鞋口有鮮味，叉燒唔太簿肥瘦均衡，一均高水平作品。除左碗麵外，自己仲叫左串串燒，原本係想叫燒牛柳，經店員介紹後轉叫燒牛舌。都有驚喜牛舌好淋身，火侯剛剛好，juice好味!!臨走見佢有和牛牛骨湯都係做推廣，下次試下先!!

極濃雞白湯拉麵 $138原隻雞烹煮最少八小時，飲落有雞味，而且好重骨膠原夠黏口🤤湯底濃厚滑身，麵身爽彈掛汁。炸牛蒡絲香脆濃郁😋，慢煮雞胸口感嫩滑，啖啖肉☺️豚肉肥瘦適中，食落有嚼勁。整體份量都多，基本上食完一碗已經好飽，但貪心既我仲想試下串燒同甜品🤣蒲燒生燒鰻魚 $68厚身肥美既鰻魚🤤一咬落去啖啖肉，肉質爽彈新鮮，而且無乜骨，可見師傅處理得好好！豐富既油脂同燒汁既咸香完美融合，味道係口腔之中迴盪😍未食過咁高質既燒鰻魚☺️大滿足鹽燒秋葵 $28略嫌咸左少少，但無燒太乾，食落仲係口感柔軟。抹茶軟凍 $33正餐後食甜品係好完美☺️食落有淡淡既抹茶味，甜甜地，口感有少少似羊羹但再爽口d，幾特別。