金鶴拉麵 (利民大廈)

營業中

休息中

第一次比差評啲正評講到勁好食，同女友一齊試試，點知伏到黐線😡😡叫左一個極濃雞白湯（$138）同普通版雞白湯（$98）未計加1，價錢相差$40，完全唔知道個分別喺邊度，好似俾咗智商稅咁，同日本食嘅雞白湯爭勁遠，個味道好淡，碗邊有多白色嘅泡泡，開始以為係洗潔精（我仲嚇一嚇），碗湯個溫度唔高，雞肉好嚡，豚肉就正常，食幾啖已經好冇癮，想埋單走人重點湯：溫度唔高、白雞湯味道好淡、有白泡雞肉：雞肉好嚡，冇乜味道，豚肉就正常其他配料：完全冇乜特別，東湊西拼

金鶴拉麵主打濃郁不膩的日式濃雞白湯底，加上特製直拉面，一直係拉麵愛好者必試既日式拉麵店之一。餐廳店普普通通既日式拉麵店裝橫，有吧檯座位，方便一個人黎搵食，舖內地方細，相對擁擠。午市同晚市麵有一人或二人套餐，套餐包括自選拉麵、小食同飲品，都幾抵食架。- 極濃雞白湯拉麵，呢個雞白湯底拉麵絕對係必試之選，雞湯濃到呈乳白色，湯底係採用日本交趾雞長時間熬煮，麵條選用中細直面，掛湯力一流。📝TIPS:1. 雞湯底偏濃，如果唔慣可以要求調整濃淡度。2. 店內地方少，唔建議多人聚餐。

今晚早左食晚餐，去到旺角食金鶴拉麵，竟然唔洗排隊，做左會員，可以拎入面$150-20既coupon ，未到好抵，叫做有慳左個加一。今次我嗌左個特濃雞白湯拉麵，佢上到黎個湯夠熱，而家好香濃，入面有兩塊雞肉，一塊豬肉，略嫌個雞肉冇乜味，似食緊塊冇味雞胸，但都好好味，唔會好柴。個麵連埋黃色一條條既配菜，真係好好食，唔浸湯既話，佢會好脆，浸左湯就會林，仲食落帶啲香味，解左濃湯既脷。下次都會再食，但應該會揀個少份量啲既麵。

拉麵的味道實在令人失望，整體上有一種極大浸鹼水的味道，讓人感覺食材的鮮味幾乎全無。而上面的餸料完全是剛從雪櫃裡拿出來的，吃上去凍冰冰，感覺非常冇誠意，根本就沒有經過加熱處理。整碗拉麵的溫度都不夠，吃起來完全沒有熱乎乎的感覺，實在讓人費解，為何會有這麼多好評，讓我感到困惑，似乎與我實際的體驗大相逕庭。 另外，雞白湯的味道也相當濃烈，吃完之後口腔感覺乾渴得厲害，不得不喝好多水來解渴。這種情況讓我對這家店的好評產生了質疑，難道大家都習慣這樣的味道嗎？這次的用餐體驗實在不佳，畢竟在美食的世界裡，我們都希望能品嚐到真正美味的佳餚。 除了職員送餐和結帳，幾乎都睇唔到其他人。整體來講，這次的用餐經歷讓我覺得相當失望。

天氣凍，諗住食碗拉麵暖一下。叫咗雞白湯拉麵，平身怕叫濃厚會太咸頂唔順😓（之前食第二間試過）等咗一段時間，餃子都食晒，碗拉麵都未到。心諗應該人多，未煮到姐，等多陣🙂OK，過多陣碗麵終於到，咁就當然係試啖湯先。😳😳😳個 湯 凍 嘅？個 味 咁 淡 嘅？😳😳😳只可以話同之前食過嘅雞白湯有啲唔同。呢碗食落成口cream咁，口感偏薄同淡，唔係好啱我口味。碗麵唔係好咸，但食完有啲口乾。見佢好多客人都有join membership，可能咁樣先留得住客啦🙂‍↕️🙂‍↕️不過本人就唔會再去食啦。

今晚朋友帶我去吃這間拉麵，超好吃的，已經成為我嚟旺角的必推美食！🍜朋友在佐敦吃過很多次，知道這邊有分店，今晚特地帶我來吃，順便在旺角逛街。店在T.O.P. 附近，加上是地舖，好方便。晚上大約7:30到，不用等太耐便可以入座。環境及燈光都舒服，光線不會太暗，打卡拍照都輕易影到靚相。我叫了本店最受歡迎的「雞白湯拉麵」，有兩塊雞肉和一塊豚肉，個人更喜歡雞肉的味道，似是慢煮而成的口感，很好吃。其他食材的調味也是非常恰當，加上雞白湯非常好飲，不會像其他拉麵湯底那樣太咸、太濃、有味精、多油。邊吃邊飲拉麵湯真是第一次，吃完沒有口乾口渴口咸，也不會有油膩飽滯的不舒服，大推大家去試這個拉麵！朋友叫了黑蒜醬油拉麵，她表示是每次必點的超好味。如果這間店的雞湯不會油膩咸重，大概黑蒜油也十分值得嘗試，會下次試試看。本來只抱著試試看的心，沒有打算做會員。但試了幾口已經超滿意，肯定會再帶朋友來吃，所以已經即刻申請做會員，用100分換支可樂飲。消費$1=1分，100分已經有可樂或者溫泉蛋送，1000分已經可以換一碗雞白湯拉麵，算是很易有獎賞。

除咗一蘭，無諗過仲有拉麵店係開到咁夜！夜晚11點係旺角，好多食肆都已經閂門朋友話有拉麵店未收！我就半信半疑咁去到🫣🫣原來香港人有夜繽紛😬😬香港嘅拉麵店林立，而家普遍水準都好好但專門做雞白湯湯底嘅真心唔多😶‍🌫️😶‍🌫️今次試咗個招牌嘅特濃雞白湯拉麵，鍾意佢有得揀細分量！岩晒胃口唔大嘅人，唔怕食淨野啦😎😎雞白湯質感好厚但唔會好膩，有嘅忌廉嘅感覺😋😋特別一讚佢個炸牛蒡好好味！但要襯佢未淋就食🤣🤣拉麵嘅雞肉同叉燒都係合符水準，保持到軟嫩嘅感覺😁除咗拉麵仲有串燒叫，朋友叫咗串雞肝，唔會太腥唔錯唔錯😆我就叫咗豬腩肉，肥瘦均勻，調味適當！深夜係旺角唔知食咩？可以去食碗拉麵😬😬👍🏻

當金鶴仲响土瓜灣嘅時候，我已經想去食，但當想去嘅時候佢已經執左，而其他分店又比較遠費事去。如事者唔知到幾時，旺角又開左間分店，我都係近排先赫然發現。見咁近，去試試啦。《雞🐔白湯拉麵🍜》如果我冇記錯，早响而家一間响歌賦街嘅神店賣炸牛蒡配雞🐔白湯拉麵之前，呢間金鶴已經做緊。所以，炸牛蒡先至係最大特色。香味 (3.5/5) - 唔算十分香，可能因為本身雞白湯香味並唔強烈，所以就咁聞，香氣係欠奉。聞到主要係炸牛蒡陣炸油味。湯頭 (2.5/5) - 如果你認同，「雞白湯雞味一定要濃」呢句說話，咁你就會有所失望。呢碗湯嘅雞味本身係比較淡，我明白呢度有另一款更貴嘅選擇，叫《極濃。雞🐔白湯拉麵🍜》，但如果你話，要加40蚊叫碗極濃，個湯先有足夠雞味嘅話，我就覺得一開始就唔好做個普通版啦。老老實實，個湯其實係幾順滑嘅，甜度夠，鹹度偏低（啱我口味），只不過叫得雞白湯，我對雞味嘅存在感有一定預期，所以係有d失望。麵條 (3/5) - 目測係中細麵，直身，偏白，小麥味算有，掛呢款湯ok，不過不失啦。配料 (4/5) - 雖然香味，湯，同麵條都唔係高分，不過配料我認為有貨交。先講配料中嘅主角，雞叉燒。雞叉燒用嘅部

第一印象，大熱天時先上熱茶，真心唔太好，心想：唔好因為杯熱茶就扣分。先講拉麵，湯底唔似足本雞白湯，似加奶或忌廉雞湯嘅方式令湯較濃。麵方面明顯煮過頭，屬傳統茶記常見嘅程度。以拉麵而言，在拉麵店林立的旺角區絕對排在底層，唯有擺盤一項達一流水準外，只能歸類作港式茶記拉麵。唯一有驚喜的係套餐炸雞，能算是平均以上。以呢個水準，其實可以專心做炸雞。以份量及質素，套餐價格在90以內比較合理，不過近百四一碗嘅茶記拉麵，加20轉套餐，埋單至知仲有加一。茶記拉麵收米芝蓮星級價格，唔太可能幫襯第二次。整體來說好難想像呢種低水準可以有咁多好評。

呢個價位食到呢個水準嘅雞白湯拉麵真係一言難盡炸牛蒡有種油溢味跟著雞肉又有種腥味、叉燒偏乾偏硬唯一嗰半隻溏心蛋味道係正常發揮同樣價位係香港可以食到更好嘅選擇冇下次

叫咗最貴嗰個雞白湯拉麵, 完全唔熱！都唔知點食！一碗湯麵如果連個湯都唔熱！！就真係好難食！個面底,用膠袋包住嗰啲！完全唔專業！啲雞肉凍冰冰！仲有個蟹肉湯麵, 都係唔夠熱！都唔知點解日本拉麵可以煮到好似冷麵咁!

已經第二次嚟食雞白湯拉麵 會得頭嘅拉麵都有返咁上下吸引力😆😆一個湯底係拉麵嘅靈魂 湯底唔好飲，基本上成個拉麵都可以唔使食 而呢個雞白湯係非常之濃郁，而且好濃雞味食晒個拉麵都忍唔住飲多啖湯 但係飲完都唔會話非常口渴而且個蛋都一定係流心蛋🤤 有幾塊雞胸都幾滑總括嚟講一碗拉麵咁樣質素都算中上 而且佢全港有好多間分店 隨時想去食都得

非常感謝朋友介紹搵到一間好好食嘅拉麵，因為早早收工，人哋一開舖6:00我哋就入去，佢之前仲有買咗OpenRice discount coupon變咗有九折，座位不會太迫，大概20個位左右叫咗兩個拉麵一個係極濃雞白湯拉麵、一個係限定版的龍蝦湯拉麵王牌雞白湯濃郁不油膩，幾乎可以飲晒成碗湯，配料亦都足夠，口感十足！龍蝦湯龍蝦味夠，呢個好緊要，因為好多時標榜龍蝦湯但是實唔夠味，fusion味重值得一試！推介！！！

Nice soup, side dishes. But not the chicken and pork, they were not seasoned. Service was under evaluation, the waiter forgot my order to omit onion, but he forgot and told his chef that the customer missed to tell him.The sausage was the best dish. Very juicy and yummy! 🤤🐖

近排喺旺角嗰邊返工，發現到呢間拉麵做緊午市優惠，最平$58就可以食一碗叉燒拉麵，而且質素仲有係唔差嘅。第一次就嗌咗碗豚骨湯拉麵，照去佢個app度登記咗會員就可以即刻送埋一杯嘢飲或者糖心蛋，咁多嘢計埋都只係$58。本身對呢個價位嘅拉麵就冇話太大期望嘅，所以上到嚟嘅時候都有少少俾佢surprise到。試咗佢個湯底的確係幾濃郁嘅，面嘅軟硬都係適合。Overall嚟講都算係高過average嘅水準。所以自然第二次都有返去試，呢次就試咗個炸豬扒咖喱湯底拉麵，豬扒炸得幾好，湯底同埋個麵都有上次嘅水準。 如果大家lunch諗唔到食咩歡迎去試下