金豪酒家

營業中

休息中

一行4人,叫左以下菜色:1. 春卷 - 食唔到入面d餡係咩,不過d味幾好食2. 椒鹽竹腸 - 唔知咩部分o既腸,係幾爽,不過冇咩味,4個都唔太鐘意食3. 白灼牛x肉 - 由於冇打邊爐,所以叫呢個食,有嚼頭又有肉味,正4. 蝦燸米飯 - d飯一粒粒分開,好食,不過d蝦味唔係好入落d飯到5. 薑蔥田雞 - 痛鑊氣,惹味6. 雞湯翅(1窩) - 個湯超濃郁,食之前佢會比你睇下個翅份量連15支大啤 - hkd1000,唔算好抵,不過好好食,下次再encore

前菜$10好味醬烤骨$78蒜炒西蘭花$48雞湯翅$48豉汁蒸大鱔$68合共$252.00呢度都幾多人喺度打邉爐，天氣咁熱都係唔好攪，食吓小菜算前菜青瓜爽口，汁惹味，但個青瓜好出水，令到個汁淡咗個醬烤骨外觀真係麻麻，好似舊煲湯豬肉，成兜汁紅卜卜又水汪汪咁，食落都有肉味，個汁酸酸甜甜，幾好下飯西蘭花炒得好爽脆，唔會好油雞湯翅個湯甜，係甜得有啲古怪，似落咗奶，所以令到個湯咁白，翅有啲腥蒸鱔幾大碟，冇過火，幾扺食

老公特登係open rice搵左呢間野出黎.咁今日唱完k特登過黎呢度食飯...位置都吾算太難搵呀.都ok易去到..1入到去.d服務態度好良好.完全feel到佢係delight to serve you.th我地兩公婆order左3樣野. 椒鹽鮮魷+炒蟶子+通菜.椒鹽鮮魷 個外表吾會好厚.你會望到d白色...係鮮魷黎架.可見佢吾會好似外面果d咁炸到成舊都係粉...食落去會食到鮮魷重有有汁.正炒蟶子 正.吾會將價就價囉,,質素好.量都吾會少.同埋佢成碟都兼顧得好好.好味 good!通菜 佢係放落個煲度食.有d蝦乾咁. 都ok架.係有少少咸咋.但係acceptable

舊同事聚餐. 相約酒樓稍覺行貨. 優質小菜館除可大飽口福外, 還可以無拘無束地高談闊論, 實在是上佳之選.椒鹽瀨尿蝦 (去殼 淨肉) -- 訓身推荐, 香口之餘啖啖肉, 必食!豉椒炒蜆 -- 隻隻有肉冇淨殼, 汁香味濃, 1分种冇晒.魚湯 白菜 -- 清, 爽, 甜. 點都要有d蔬菜平衡下.砵酒焗蠔 -- 巨蠔大大隻, boby入味夠creamy.事頭婆炒麵 -- 乾爽, 唔油, 味道剛剛好, 考牌之作.今次8個人, 8個送, 埋單位位$80. 個個嚇左一跳, 又翅又蠔又瀨尿蝦, 諗住舊幾先落到樓架麻. 去金豪, 最抵食係海鮮, 唔食海鮮唔抵去.

我地無 book 枱好彩時間尚早 (6:30pm)咁伙記就好好人咁俾咗張訂咗 8:15pm 既枱俾我地 sip 時間 後來見到有啲人無訂枱想入嚟食伙記都要好唔好意思咁話無位要請佢地離開 望住餐牌本來好想試啲蠔煲 (砵酒 / 薑蔥 都想試)但係無奈佢臨時貼上去個價錢實在有點貴 $108 (對於二口子來說)呢個唔係重點重點係偏偏個貼紙又遮唔住佢原本個價錢俾我地睇到 ($58) 是因為改用桶蠔嗎?都係留番下次多啲人 / 佢有機會搣走張貼紙先試啦 咁今晚我地就叫咗: 椒鹽鮮魷嘩~好好食呀!!!!!!! 個粉漿皮好薄好脆啲鮮魷一啲都唔 un總之就係正~! (後來睇番椒鹽瀨尿蝦都好似好正咁, 下次一定要試下 ) 秘製通菜煲伙記 (定老板娘?) 一手通菜一手大吉煲咁拎到跟住 jar 一聲倒哂啲已經炒好既通菜入個燒到熱熱既煲內未食已經覺得好好味食落更加覺得無叫錯啦 麵醬茄子班腩煲掙扎於它與魚香茄子煲之間寶貝話呢個好似抵啲, 食到兩樣嘢....哈~"麵醬" 都係佢吸引既地方之一真係超鍾意佢個麵醬味道撈飯一流!!! 開頭見到佢啲茄子個樣唔係好入味咁點知完全錯哂~勁入味之餘我覺得佢仲好味過啲班腩班腩比較

嘩嘩嘩, 未試過係咁短時間係同一食店內寫2次食評, 但"金豪"真係好值得推介。是夜同祁生的舊同學去金豪大吃大喝一次, 是次約會經過FB足足一個月前約好, 希望係可以齊腳齊人, 不過事實永遠唔會咁完美, 初期預計係10個人, 最終都只有7個可以出席, 不過都無損大家食食食的意慾。今次食左乜........ 好味醬烤骨 (終於知道呢味菜個全名喇) - 真係無野講, 好味, 讚, 肉入味, 腍, 入口溶, 調味係非常之配合。　鮑汁雞腳 - 都有少少擔心雞腳會唔入味, 但煮得唔錯, 入味雞腳好膠身, 大家都食唔停口呀! 椒鹽雞軟骨 - 唔駛多講, 又係一味佐酒的佳品啦。 避風塘瀨尿蝦肉 - 呢味真係岩哂D想食瀨尿蝦和懶得拆肉既人, 蝦肉去殼再加入避風塘料炒, 真係....食極都唔夠囉。 嗜嗜咸肉芥蘭煲 - 唔知係唔係D芥蘭靚呢, 呢種食法D芥蘭特別甜喎。 芥辣牛柳粒 - 望見係綠色的Washabi, 食落有芥辣味, 味道OK。 豉椒炒蟶子 - 呢次蟶子失色少少, 因為炒得唔夠乾身, 而且無左鑊氣, 扣分呀! 金豪風味雞 - 唔知點解今次隻雞最後先到, 搞到大家都食得八八九九時先出現, 令到

自己食完一次覺得好好食, 介紹左老公黎, 佢成日同朋友逛電腦舖嘛. 原來佢黎左幾次, 佢都覺好好食, 又唔算貴. 今晚終於同佢黎食喇.

老豆牛一，每年都會食餐好的，咁啱失業期間，惟有要老人家將就下了：今次是第二次在這裏吃飯，和大佬說好，不要太貴，就祗叫了兩三個小菜，一條魚和一個燉湯！　天麻龍骨湯是經理和老闆娘的推薦，伙記說每日一盅起兩盅止，自己少有好湯水，加上話對老人家頭痛好，我就接受推介，一揭盅，香味撲鼻，材料有老雞、天蔴、大大條龍骨燉四個小時，香、鮮、甘、甜，每人一碗左右，正無輪，這個湯我俾十分滿分，因價錢不貴，又足料。　主菜是一條海老虎，想不到火鍋店蒸魚也有一手，魚肉鮮甜無比，大佬食肚、阿嫂夾骨、老豆舞魚頭，我和阿媽掃其他，二斤重一條魚不消十五分鐘連魚骨也沒剩，䓤也全清，我估人真的以為我們從饑荒地區而來。這條魚我也俾滿分。　美味醬燒骨，不錯，也有特色，像東坡肉但酸甜主打，不過老人家會略嫌肥了點，有點失策！不過我們三個扮後生的老掃晒，老豆也偷吃了小口。所以老人家口一句，他咀巴又另一舊了。另外，美味雞和特色炒通菜，不錯，老闆娘說全用新鮮雞。今年環境不好，所以要找一些相宜的地方吃壽宴，不經不覺老豆都七十六了，希望下年會吃一餐更好的。不過今餐對我們來說真是喜出望外。說回服務，老闆娘主動介紹菜色，先送一瓶蔗水，見我們咁捧

是夜等埋祁生朋友係深水步收工, 佢話帶我地去食好野, 初時仲以為係近深水步的大排檔, 原來唔係, 帶我地來左金豪, 是夜6人只有帶路的朋友食過, 好就試下係咩料~金豪風味雞1隻 - 隻雞好肥美, 雞肉剛剛好, 唔太"鞋"但雞胸略微遜了一點。豉椒炒蟶子 - 有驚喜, 平時去食海鮮每逢貝殼食物都係殼多過肉, 今次就唔同喇, 真係足料夠味又唔太辣, 連唔吃辣的朋友都可以接受到, 有鑊氣, 好正~。砵酒焗蠔 - 嘩....一見到個煲仔大家都好疑惑呢味係咩來, 見到D蠔全部比炸槳包住左, 有D擔心....但一咬入去...正, 槳唔厚目的只係包住蠔的鮮汁, 熱辣辣好好味, 蠔的新鮮的鮮味真係....唔知點講.....(好少係街外食到咁正的焗豪), 不過個砵酒汁就甜左D啦~。椒鹽雞軟骨 - 味道正常啦, 雞軟骨都"痴"住雞肉, 連肉連骨食, 佐酒一流。嗜嗜通菜爽肉煲 - 帶住咸咸的蝦醬味, 姐姐仔拎住一個燒熱的瓦煲放係我地面前, 再將一碟炒好的通菜爽肉倒入煲中, 嘩....好味呀!!!好味XX骨 - 對唔住, 因為餐牌無, 見到隔離枱食, 問老闆娘係乜, 佢就講左五個字, 但我完全聽唔到啦, 碟野好

前前後後，西打真的收不到自己吃了這店多少次！要數算第一次吃，應該有兩三年前。西打和同事要找找吃，西打就大膽提議試吃這店！一試之下，不得了，驚為天人！不論是牛肉，海鮮，湯底，都很讚！只嫌火鍋配料款式沒有骨煲皇特別，有時候，西打還會在兩家店之中猶豫不決，不知去哪好。 西打好久沒有PO火鍋店！寫著寫著自己又想吃囉！店面很像普通的香港小酒家平常會點雞粥底，用粥水作為火鍋湯底，很不錯！如果人不多的，西打會寧可點豬骨煲湯底。坐下便送上來的前菜。西打平常很少會碰這種前菜，但這裏的醃青瓜味道非常清新可口，讓西打不停的吃！輕輕在鍋底汆燙過的牛肉，入口嫰滑，肉味夠濃！好好吃！醮一點點醬油，更讚！桂花蚝，又爽又脆又鮮甜！超好吃呀！西打不明白為何其他店的出品沒有這店的好吃！墨魚丸，超彈牙！豬骨肉有一點點柴，還是乖乖的留在鍋中熬湯好了。湯頭又香又濃又甜，沒有下胡椒，少了一分辛辣，但更能嚐到鮮甜味！花蛤好鮮甜，只要把時間控制得好，剛熟的花蛤，肉質超嫰！真的好好好吃！有看得大家口水直流嗎？濃到不行的湯頭，加入白飯，慢慢煮一陣子，再加入不同的海鮮，哇，真的是超好吃的一碗湯飯！西打很飽很飽下還吞了兩碗，肚快要爆炸耶！總

昨晚一行3男2女共5人去食晚飯, 今次係我第二次去今次食咗:1. $238 雞煲翅 - 夠五人份量, 一人一碗剛剛好, 好濃的雞味, 翅都幾好食, 明顯係不加味精, good!!!2. 啫啫通菜煲 - 與上次一樣, 特式, 好味3. 啫啫雞雜煲 - 與上次一樣, 香, 正4. 避風塘炒田雞 - 呢間野d 避風塘產品真係有水準, 上次瀨尿蝦, 今次田雞, 依然好好味, 不過略嫌份量小咗d5. 茄子班腩煲 - 好正, d 茄子入晒味, 不過班腩小咗d6. 炒麵 - 照舊, 麵身乾爽, 唔油膩, 味道剛剛好, 唔會太咸7. 豉椒炒聖子 - 好味, 不過, 好像份量小, 但如果價咁平, 小聖子都係正常的缺點: 有d 伙記太進取......好似有d 煩

晚上來到深水埗這個滿是特色美食的地方，總是令人相當興奮的。有些時候吃慣了那些大連鎖店的餐廳的食物，總會有點沉悶，千篇一律。深水埗的優點，就是那種高度的原創度及獨特性。與兩位友人遊逛深水埗，走著走著，來到這裡。自己本來都很享受大排檔般風味的小菜。與三兩朋友，在熱鬧的環境下暢談著，總是很有感覺。這是我頭一次來光顧，可以吃到這麼好味的東西，實在很開心。甫坐下，侍應生們都很熱情地推介我們吃這吃那，態度和服務都很不錯呢！不過，最後我們還是決定自己點啊：(1) 粟米羹 味道非常好，材料亦很豐富，而且質感亦適中，不會太過稀釋，正！(2) 椒鹽鮮魷 總是不其然會在這類餐館點這個食物，所以就更容易比較到各家的水準了。至於這裡的椒鹽鮮魷就值得一讚。首先是物有所值。(3) 魚香茄子煲 很好吃的啊！都不知道說些什麼才好了！(4) 瑤柱蛋白炒飯 最令我印象深刻的，是那種油而不膩的精闢之處。炒飯有時用得太多油的話，實在令人吃得很辛苦的。不過這天晚上我嚐到的，可算是弄得很不錯的炒飯啊！環境很不錯，夠光猛，而且熱鬧的感覺讓整個飯局更洋溢愉快輕鬆的氣氛。有著不同的心情時，進到不同格局格調的餐廳，享受著不同的食物，分享

兩男五女, 聚舊飯朋友highly recommend.....估唔到d 食物真係咁有質素, 炒得好好~避風塘瀨尿蝦 <---小妹本身對瀨尿蝦一般, 主要係因為拆肉麻煩, 但呢間舖可以將d 瀨尿蝦起肉炒, 可以慳番拆殼的功夫啫啫雞雜煲 <---小妹對於內臟食物都唔太鐘意, 不過間中食下都ok, 無可否認佢個煮法好香, 真係好好味.....食物係就係cheap d, 不過都整都咁好食, 唔錯炸蝦膠釀茄子 <---幾香, 不過略嫌蝦膠小咗d豉油皇炒麵 <---好味之選, 麵身爽口唔油膩, 味道適中唔會有喪落鹽同豉油的感覺, good咕嚕肉 <--- 傳統咕嚕肉, 甜酸度剛剛好, d 肉都好"淋", 但"淋" 得黎唔會有種 "生粉" 感, 好!啫啫通菜煲 <--- 呢間舖d 啫啫煮法係有料到豉椒炒聖子 <----小妹非常喜歡食聖子, 呢間算整得唔錯, 不過始終唔係傳統海鮮食店, 同西貢/ 布袋澳的, 點都有d 分別, 不過總括都ok~椒鹽鮮魷 <---ok, 同上, 味道幾好, 不過可能係自己心理作用, 都係布袋澳的好食d飲咗兩

相信文章上版之日，阿火同太太已經到步，面對人生新一頁，衷心祝你兩有愉快既生活．從馬來西亞返港，知道阿火仍未上機，急急腳相約來一個踐行飯．地點當然由阿火發辦，而Mabel亦提出此店口碑不俗，就即call成局，四人佔了近門的火鍋檯，倒見闊落．Mabel二話不說，先指明要事頭婆炒麵（乜唔係豉油王炒麵咩？）原來全間店得事頭婆炒得最好．事頭婆炒麵：果然鑊氣夠，麵乾身又香口，唔覺油膩，至少食完隻碟都無乜油．比起東寶更好.啫啫雞雜：熱辣辣上檯，又係香口野，雞雜加左酒一齊炒，帶有絲絲酒味，雞腎又爽口又有咬口，雞肝嫩滑軟糯，再呷啖啤酒，一流．椒鹽鮮魷：真係估唔到漿粉可以做得咁薄，可以講大部份酒樓都做唔到，好野．椒鹽竹腸：有人提過係粉腸，都唔理得咁多，外脆內軟，又係一道好多地方食唔到既菜．椒鹽瀨尿蝦：事頭婆講笑話係懶人瀨尿蝦，因為全部已經起殼，每一條都係淨肉，真係名副其實’啖啖肉’，而且好多都帶膏，好香．梅菜蒸肉餅：阿嫂指定菜色，肉質唔多覺有太多師傅，個人覺得唔夠肥肉，有就仲正．響螺瑤柱燉雞腳瘦肉湯：湯色清澈但味香濃，入口順滑．薑汁炒芥蘭：好少出錯既菜，最重要係菜本身夠鮮嫩，至少呢點做到．埋單一人百五，以

第二次造訪這間小店純綷闖口而出的提議 , 朋友問可有平靚正的食翅地方, 我亳不思索便提議到金豪。 可是世間那有如此價廉物美的事, 第一次光顧我們是乾着等, 5道小炒是吃足兩小時, 侍應態度散慢, 大蝦變蝦蟆等失誤。 我可不會擔保食物水準一如往昔但是見食評是讚不絕口我只嘆也許是沒有運吧! 情人節晚上的金豪明顯地比平時冷清, 坐下來細心侍應推介菜餚給我們, 已預定了一窩雞煲 $238足夠五人份量, 再叫了珍寶炸蚝, 唶唶芥蘭煲, 鮑汁鳳爪, 炒風沙蝦和豉椒炒蜆。 很快的侍應便拿來一碟排列整齊的魚翅 , 繼而把半隻雞拆絲一起放進雞湯內滾着。 每人剛好一碗的奉到面前, 湯清味濃, 縱然師傅是免不了, 可是魚翅和雞絲的味配合得很好, 是要逐小放入口中才細味到它的珍貴! 小菜是比預期快上但水準不賴碟碟都是充滿獲氣, 仿佛食物還是新鮮的跳動着。 想必是我們早了食晚飯, 未到八時店外已有不少等候食客, 誰說情人節只有心型牛扒, 吃罷這個翅已令大家窩心起來~如欲看更多相歡迎到我網誌http://hk.myblog.yahoo.com/doladola05/article?mid=1681