金豪酒家

營業中

休息中

曾經來過這裡吃火鍋,覺得佢哋D用料好新鮮,魚旦好彈好鮮味聽聞這裡的雞湯翅也好受歡迎,但基於環保理由我們也沒有揀到米網蝦春卷---鬆脆如雞蛋卷,但好似唔係好覺有蝦肉啫啫雞煲--好香口,但雞肉少山渣骨--唔夠入味,好似就咁過一過山渣水咁芥辣牛柳粒----不夠辣而且肉粒切得太細嗜嗜芥兰爽肉煲避風塘椒鹽瀨尿蝦去殼 淨肉,好惹味正椒鹽竹腸砵酒焗蠔叫了好多小菜但好多都係D侍應攞埋個燒熱左既煲在枱上再加熱,其實都唔一定要咁樣先係好食,太多小菜都係咁反而有造作之嫌

呢間野平時好多人, 今次亦唔例外! 我地一行7日同我興祝牛一! 黎左呢間食, 因為之前都黎過, 要encore 既你就可以諗到有幾好!相就無影, 因為我地全男班黎呢度食野, 相機變得無用武之地, 因為"碟到不過十五秒, 一乾二淨" 拎部相機出黎真係叫多幾個白飯都唔夠飽!極好味推介好味醬骨肉 < 送飯既兩三豌無問題! 芥辣牛柳粒 < 香口有特色, 其他地方食唔到!以上兩個10分滿分有10分花蛤, 呢度d 花蛤大隻又有鮮味, 我地平時去街市都買唔到!"姐姐"魚頭煲 < 好味!不過有樣唔好就係隻雞, 十分唔新鮮, 仲要加廿蚊 menu 又唔改, 我地order 先話我地聽加廿蚊, 亦係唯一一碟我地會食淨既野!呢度仲有翅, 不過未食過, 下次食豪d再戰overall: 平靚正, 不過嘈小小! 但係真係好抵食!

早幾日己經打電話訂左位...去到都仲要等位!咁訂位黎做咩叫左大家都話OK既雞湯翅,已經唔係好似之前咁會拎D翅比你睇下有幾多,同埋唔係一煲上,我地6位分6碗上,收388!味道幾好食完唔口渴,尿蝦肉夠曬野味送酒一流,雞什煲就一般般...蒜頭多過主角,炒緊果時就係幾香既!仲有叫左幾個普通小菜~全晚個人最鐘意好味醬骨肉~加埋3支啤啤...$1200落樓!飽曬!

傍晚6時多入席，吾洗等位，一到七點開始多人，要BOOK位。有人生日，知道呢度D雞湯翅正，特登嚟試，兩個人食吾到一窩，可以每人一碗。又叫咗花甲浸豆苗，最正喺勁多芫莤同中芹，又啱啱開，勁鮮甜。蒜蓉蒸蝦，水準高條白鱔用豆豉蒸，極夠味，餸飯一流。

你有沒有試過「打粥底」? 我不是第一次聽，但倒是第一次試。其實打粥底，就是打邊爐，不過把湯底改成粥底。原意是要最後階段，大家可以吃一碗夾雜著多種不同的食材的精華煮出來的(生滾?)粥作結。雞肉是湯底的材料，肉質嫩滑，也是留到最後連粥一同吃。魚皮也是加了香料，炸得香脆，加上皮比平日的厚身，未浸就已經忍不住吃了，放在粥內浸一回後，不太淋還有少許煙韌，當然更加美味。四寶丸是店員的推介之一，包括墨魚丸、牛丸、魚丸，細細粒，很新鮮。鴕鳥肉，如何才會好吃，還未有心中的定論，這次的比較韌，可能心急一次過放入粥底吧。肥牛，一塊塊很靚的上碟，竟然有人忍不住全部入粥底，好在我們不消一分鐘就吃清，這兒的肥牛的牛味甚濃，肥瘦平均，比較上厚身，是好吃的。包心蟹子丸，不知是不是錯覺，感覺上比較平日吃的多餡，在口中爆發出來的快感和中間蟹子的味道還是一貫的好。其他芝士腸、金菇、魚皮餃和豆腐等等就不多談了，衛生沒問題就得。小小注意的是開始的時候，粥不宜太多，因為會很容易「痴」底，所以一直加的也是粥水，當吃到差不多完的時候，可要求加粥(米)，滾多滾，那就有一碗好吃的粥品了。很可惜今次大家點的也是清淡為主的食材，所以粥底比想

食物的確唔錯, 可以話幾好食, 價錢實惠大眾化, 不過老闆娘服務態度好差, 因每碟菜式份量只約5人size , 所以我地一行九個大人都叫左14,5 個菜式, 一個湯, 坐左一個鐘多dd, 又唔係坐你幾粒鐘, 埋單 $1,500, 平均約 $150 一位, 大排檔格局幫襯呢個價差唔多啦, 仲想人點呀, 但老闆娘見你地唔叫魚翅,龍躉就俾說話你聽俾面色你睇, 態度惡劣, 伙計就幾好招呼, 態度亦好 總括來講, 食物係唔錯, 價錢實惠, 上菜快, 招呼亦冇問題, 不過如果你唔叫魚翅龍躉o個d 菜式, 你就可能要受下氣囉, 我地都叫左蠔, 瀨尿蝦, 蜆, 龍躉湯, 鱔, 雞, 豆苗之類, 夾埋14,5個菜, 唔算好姑寒啦, 又唔係坐得耐, 唔好咁樣對待客人啦唔該

之前朋友帶去, 三個人只係食左幾味, 覺得 ok, 所以再呼朋喚友再試多樣菜, 今次共 7 人, 菜式如下:豉油皇炒麵-->好味蝦乾通菜煲-->好味米網蝦春卷-->有特色刴椒蒸大魚頭-->唔夠辣白灼鮮牛頸肉-->鮮嫩, 如果生少少會好d豉椒炒花蛤-->好味砂煲啫啫雞雜煲-->大家一致認為好正砂煲啫啫及第-->好味小炒皇-->冇特式, 蝦乾都唔多條和味雞半隻-->好入味醒胃山渣骨-->過硬椒鹽鮮魷-->ok7個人, 只有1個唔飲啤酒, 但全晚最大敗筆係啤酒唔夠凍, 開左, 飲又唔係, 倒又唔係, 唯有係冰桶加大量冰, 所以只飲左 13枝

我們一行七人放工一起去完了寶福山, 我們的同事便車我們去金豪食飯. 此仍我們一第一次去, 感覺地點方便, 地方就細一點, 食完便可坐地鐵回家. 真方便! 因為已是晚上八時四十五分了, 有很多人剛吃完走了, 我們不用等位. 很好彩!坐下來伙計已問我們食魚翅嗎? 我都以為很貴, 所以沒有叫了. 真後悔! 我們七個人叫了九個菜, 包括了 washabi 牛柳粒, 醬烤骨, 魚湯餃子, 魚湯絲瓜, 豉汁蒸大鱔, 燒汁少什菇, 什菜粉絲煲, 魚云煲 ....... 其他一個忘記了. 還有前菜--青瓜, 此前菜十分好吃, 真想叫多兩碟. 真好味!結帳只要付 港幣560元正, 平均每人只須要付港幣80元正, 沒有加一服務費, 真平宜!整體各個菜十有很高水準, 味道很好, 可以值得再去. 上次去一定要叫魚翅了!

我去到嘅時候, 朋友已經點咗湯底同火鍋配料. 一聽到係豬骨煲湯底, 我已經有啲唔知點, 因為平時嘅我實唔會點豬骨煲. 喺我印象中係唔好味.無辦法, 都要頂硬上喇. 點知一試, 幾好味喎而且好多豬骨, 雖然我唔食豬骨, 但似乎都係誠意之作. 火鍋配料陸續登場:肥牛 - 好靚, 淥幾分鐘後, 嘩! 入口融化菜餃 - 雖然細粒, 但好好味花甲 - 好鮮甜, 新鮮蟶子仔 - 一般, 唔夠花甲鮮甜, 仲有少少沙添什菌 - 一般啦雞件 - 麻麻地, 有陣雪味, 無雞味, 反而似嫩豬肉片本來我以為佢哋落咗味精, 所以湯底咁好味. 但係當我哋每人飲幾碗後, 之後都唔覺得口乾. 而且, 佢哋加嘅唔係水, 係湯.侍應亦都好有禮貌, 就算有客喺門口等, 都唔會收晒我哋嘢趕我哋走, 仲問我哋駛唔駛加湯不足之處係坐得較逼, 而且, 男女洗手間各一, 女仔去洗手間成日要等 (仲要係人哋張枱前面等, 阻住人哋睇電視, 搞到俾人叫借歪)收費唔算好貴, 四個人食咗HKD477, 下次有機會會試吓小菜, 睇落唔錯

我一直鍾意金豪煮野有鑊氣，耐不耐都會去食，但今晚同屋企去食晚飯，就頗失望。我地點左：1. 椒鹽鮮魷：魷魚幾"林"，但係就唔多香口，淡......2. o者o者田雞煲：全晚最夠味3. 上湯焗中蝦：蝦都幾爽，但就唔多覺有上湯味，又係好淡口.4. o者o者通菜：以前食o者o者芥蘭等其他蔬菜會好香，基本上一落煲炒就勁惹味。但今晚既通菜又係無乜味咁...(唔覺有鹹魚蝦醬蝦米等配料），似普通炒菜多d.5. 勝瓜鮮菌牛柳條：正常6. 翠塘蒸蛋白：原本係我既至愛，今晚係disaster!!!! 成碟水汪汪，好似湯咁，其實應該重煮！我覺得d野細碟左，又無咁有鑊氣，總之無左以前o個種"香"和"味"...可能食魚翅海鮮會好d（因為個staff係咁sell)

TODAY天晴, 少少熱啦, ZERO叫大家出來晚飯老公加班, 那便出啦, 點知原來約到另一位稀客FLORA一行四人出動去SHAM SHUI PO金豪, 不是HOT POT是食小菜, 原本有朋友是想來此食田雞同SEAFOOD, 點知我地另外三個都唔LOVE食那最後便點了以下四款菜1.$48的鼓油王炒麵是全晩最好食既一碟, 抵唔抵? 我就覺得唔抵食啦2.好咸既椒鹽鮮魷3.粒雲吞勁細粒同個湯勁咸既雲吞雞煲4.招牌菜甜酸東坡肉, 我LOVE真正既上海東坡肉做法多D5.芥蘭炒肉鬆normal當我們講得開心時, 老細過來問我們D野係米打包拿走, 我地說仲要食架, 老細便接住說有客訂了8:30, 你地可唔可以埋單哪..唔好意思, 我地有見及此便埋單走人, BUT下次我地BOOK位時, 麻煩老細同我地講清楚是只可食1個半鍾, 唔好令我地咁樣走, 如D野是好食既話, 我想我會食多D, 咁米會坐耐D, 唔知到時又點樣埋單呢?呢度都坐得幾迫, D野食成日在我頭頂經過, 好危險

第二次幫襯，水準依然咁好，果然係值得比咁多分！ 兩個人，試咗3個餸，一個湯。芥辣牛柳粒： 第一碟上嘅餸，已感好夠鑊氣，Washabi味配牛柳粒都係第一次食，原來都幾夾，牛柳肉質幾好，醃得入味但唔會太咸，GOOD呀！避風塘炒蟹： 真係一隻好大好大隻嘅肉蟹，Size有兩種，細隻斤半二百八左右，大嘅有兩斤三百二左右，伙記當然推介最好味又份量重嘅比我哋，差那幾十蚊又有咩所謂呢，當然order最大隻，兩個人食相當滿足，啖啖肉，食咗有半小時以時以上D蟹仲係熱辣辣，雖然碟避風塘顏色太深，賣相差咗少少，但整體上都幾野味，抵食過喜記。 事頭婆炒麵：唔太油，但又未至於好好食， 與其他地方炒嘅無咩分別。雞湯翅： 好正， 足料濃郁！配支西班牙嘅(Rias Baixas)紅酒，幸福嘅感覺又來了....對上一次食但今次無Order嘅醬烤骨、椒鹽鮮魷都係非常美味，尤其椒鹽鮮魷，分量細咗D，但係我會比95分， 一流呀！

轉眼間又過年成七日，同朋友一齊去深水金豪，係第一次去，先前打底做資料守集，電話留位，預訂了一客大煲翅，其它就到時點菜。一行人分批抵達，我比預訂時間早半粒鐘到，有兩張吉，順利入座。朋友陸續到齊，跟據慣例，每人點一個，於是高談闊論，大噴口水花之餘就等食，面有兩碟漬青瓜，轉眼就一空，d姑娘、大姐、少奶話好味，不一會，菜陸續登場。擒七打八秩序大亂，風捲殘雲，雞湯翅、砵酒焗生蠔、菜膽上湯雞、山渣焗肉排、豉油王炒麵、翠玉瓜炒瀨尿蝦、蒸聖子王、菜軟豬頸肉，通通一掃而空，除了一個甚麼魚雲或魚咀之類，因為覺得煮法唔係佢地想像中的乾身，而係水汪汪，又唔夠辣味，所以有餘有剩，最後又加了一個糯米飯，咁就滿足晒。過人覺得雞湯翅尚算可取，臘味糯米飯粒粒分明，上湯雞因為過年來貨貴，要成三百略貴，其它不過不失。小插曲，半途中，企阿叔問使唔使加碟花生之類小食，推遲了，佢亦好右禮答道唔緊要，飯飽之後，連忙收催埋單的舉動明顯，一問知有兩客在等位，樂得與人方便，埋單鬆人，八個人食一千四百五拾個大洋。不俗。

金豪這店，可算是個奇葩。我六時二十分到達，才小貓三兩，要店員安排座位，竞然面有難色。找來領班大佬，左度右度；我不禁失笑。原來菜牌上都夾著陳先留座，李生留座；再看清楚：陳李張黄何周先生都有，無一空桌。這麼人齊，最近都甚少人用這老套辦法。最後坐下一張生留座，暫代一下張先生。點莱。雞煲翅六两要兩百多元，問店員今天有没有；他說：「可能仲有多少掛」。聽到這裡差不多笑了出來；再問，上湯菜胆雞半隻；他說：「過年雞貴要多廿蚊半隻」。好嘢！咁都講得出口。點了六兩趐，半隻雞，一煲啫啫田雞，豉油皇炒麵。隔冇耐，伙計竟然攞六兩翅我睇。雖然只係翅群，但足曬秤，後來共四飯碗！煲雞湯翅上嚟，原本係澳門規矩，成隻雞喺番道，奶白色湯，點點浮油，再放番的翅落去，唔係一般酒家呃吓呃吓嗰種。嘩，美味。上湯雞係新鮮雞。田雞有很多很多蒜子。炒麵都十分認真。整體味道很好。坐了十五分鐘，陳、李、張、黃、何、周，真係到齊。我曾答應七點三交檯，君子一言，七點二打包返屋企再食過。我敬你金豪老實。交檯！按：又可以自來酒水 and 啤酒好夠凍

前晚同左d fan去左呢間店食野,要訂位,而且坐得好迫,雖然d小二服務態度唔錯,但會趕人走,但d野食真係好好食.叫左五樣野,有雞燉翅翅煮之前會攞比你睇有幾多,d雞湯極濃,而且有超多膠質,之前應該煲好多翅,好好味,必試.椒鹽瀨尿蝦:又一必食菜式,做法同避風塘式差唔多,但用左金蒜,超入味,d瀨尿蝦幫你脫左殼,仲切開一塊塊,好正.和味雞:肉身結實,口感唔錯,雖係冰鮮,但都有雞味,不錯.醬燒骨:舊大排骨幫你切埋,好入味,d汁好甜,餸飯一流.上湯菜苗:味道不錯,而且份量都幾多,可以一試.埋單每人都係$150到,已經包埋野飲,你話去邊有得食丫.