金豪酒家

營業中

休息中

由此個爐用明火，隻腳好鬼熱，但食到一半先開冷氣，食到滾晒粥底較我預期的"稀"，粥味不明顯手切肥牛好厚身，似牛月展多d...食物新鮮但不是很特別，味道一般一心想試下粥底火鍋，不過有d失望......

一改再改美女飯局順利的在深水涉的金豪吃餐好。聽說這兒是做街坊生意，很難說隱世美食往往在舊區中找到，但晚上７時這裡已坐無虛席受歡迎程度可見一班。問待應可有推介菜色，態度不屑的他回應所有都是頂瓜瓜，完全係無笞一副懶理的面容。點了風沙瀨尿蝦，魚翅，砵酒焗蠔，生炒骨，燸米飯，豉椒炒聖子，啫啫西洋菜，先不要說食物水準，由落單追單足足兩小時到最後的西洋菜還是放棄了。朋友已經大彈佢大失水準，嚇見瀨尿蝦是蝦蟆，老闆訴說是供應商的錯，是否將貨就價不得而知，除了砵酒焗蠔是較為出色的菜餚，其餘的都是好一般。頂瓜瓜是自吹自吧？

金豪豬骨火煱好食人人都知有個新食法食完火煱個清湯一啲都唔好浪費加兩碗飯餚5分鐘收水再加2隻雞蛋燈!燈!燈!燈!秘製牛頂脊田雞魚雲豬骨火煱"清"湯泡飯"清"倉個清..... 未試過咁好食

同友人食飯~本來凈係想食打邊爐但見到隔離檯 D 小菜好靚所以就叫左 1) 薑蔥蠔褒2) 香味雞3) 炒聖子薑荵蠔褒 係好好味~~ 又有鑊氣~~~ 五份鍾清牒香味雞-->有點似貴妃雞~~ 但係冇去考究用乜野整味道好好, 雞好滑... 十分鍾清碟炒聖子----> 同青/紅椒一齊炒~ 但份量我覺得小左 D ~~ 打邊爐~~ 大部份打邊爐野係 $22-32叫左鴛鴦湯底其中推介肥牛同羊肉肥牛好靚~~ 新鮮得黎又有雪花羊肉又唔係太蘇~~好食六個人食左 $840~非常抵食和滿足最好訂抬~~因為多人~~ 但訂左抬都可能要等~~

濃湯魚翅 ($48) 好濃的雞湯味, 正! 酬打邊爐材料新鮮, 份量都多, 價錢公道.今次我就叫了一個海觧拼盤 ($98)及加多5碟 ($22-$32).上次食過 招牌手切牛頸脊 ... 好好味, 好過出面出名的€肥牛.最後個粥鍋一定唔可以錯過, 太鮮味! 免茶芥及加一, 慳好多好多呀.3個人食都係 $410 .. 抵食!

濃湯魚翅, 雞湯味道好濃, 真係食到有翅, 唔係一兩條, 四十八蚊位, 超值.其他小菜都好得, 炒蟶子六十八蚊一大碟, 炒得好夠火喉. 另外點了豉油皇鵝腸, 啫啫生菜煲, 生炒骨, 全部都係超哂班咁好食, 可以媲美高級酒樓的大廚, 當然地方就梗係無咁靚啦. 最重要係老闆娘好friendly好傾, 臨走都推介我地下次食乜, 教我地點叫先抵食, 好, 有機會一定再次光臨.

我屋企呢排鍾意幫襯金豪，因為覺得佢地幾有心機煮，幾好食。但今晚mom生日去食，反而有d失望....- 濃湯雞煲翅: 全晚最ok呢樣. 雞湯非常濃（不過好似幾多油），魚翅另外上. $388都算係咁啦.- 炒通菜：熱辣辣，惹味.- 椒鹽鮮魷：魷魚幾"林"，不過唔多入味。上次食椒鹽九肚魚效果好d.- 粉絲花蛤：味道幾好，花蛤都幾"林"同無沙。粉絲吸晒d湯，不過得好少囉....所以好唔滿足.- 龍躉炒球：完全唔掂! 每塊魚佔大部分係魚皮，加肥膏，無肉架喎....有d仲幾腥.....天呀，好難食.- 辣爆小排骨： 味道ok. 不過勁多肥肉（所以我完全食唔到...）老實講，大致過得去。可能係我期望太大，失望越大o者........... >__<

週不時都會經過這間 "金豪避風塘小炒"......雖然門面唔多吸引.....但係一直都幾想試試....因為比佢 "避風塘炒蟹" 嘅相片吸引住!.....今次終於可以還個心願試下啦! 大龍疐兩味....一味係蒸,一味係炒...蒸比炒嘅出色...蒸得恰到好處..魚好滑,好鮮美,....用埋碟魚嘅豉油嚟撈飯...正!! 避風塘炒蟹......都OK ! 不過,...當然唔夠"俄頸橋"咁好味..同埋咁大隻啦!!其實...都有好多避風塘小炒想試....由於有個朋友食唔到辣...所以都無試!!.....不過.睇食評先知道原來佢地".粥底火鍋"都幾出名! 下次一定要試試~~

金豪裝潢一般,平日一定唔會去,但有同事介紹,就即管試下啦!我地叫大部份都係海鮮類,有炒聖子,椒盬鮮魷,炒蜆,蒜蓉蒸蝦.......再加兩碟菜!我地最期待的雞湯翅,比我預期係勁正,唔好話我誇張,因為係呢類型飯館,冇諗過平價有咁好水準!

樣樣都不錯，好味道，買相都不錯，價錢公道。不久之前，同事帶我去打邊爐。已經覺得好好味，各樣食品都好新鮮。早几日同麻煩朋友再去，朋友仔讚不絕口。

難得今日去探個朋友順手3個人叫左4餸一湯,叫左'妖'柱栗米羹(好稀,冇咩栗米冇'妖'柱)翠玉瓜炒富貴蝦(一般,但朋友話個翠玉瓜生生地).辣椒小肉排(好多肥膏)薑蔥沙'鄭'蠔(好肥d蠔)同埋招牌通菜煲(好味)我對食冇咩要求 so都算係咁喇 !!p.s 我食完出門口先知哩間野係openrice得獎店

同朋友一共四人,晚飯一齊去左深水埗試食金豪小菜;我地order左兩碗翅湯同四餸一炒飯,D野食真係唔差呀!值得再去!1)雞湯魚翅($48/碗) 個湯好濃,D翅又多,都幾好味呀!2)椒鹽鮮魷($58/碟) 夠香脆,又有蒜香味,好味道!3)果到D海鮮都唔差,其中試左豉椒炒聖子($58/碟),D聖子好爽口新鮮,又炒得唔錯呀!4)原先想食秘製西洋菜,點知無西洋菜,就轉左通菜($48/一鍋),都OK喎!5)金豪雞($78/半隻),普普通通,似一般白切雞.6)瑤柱蛋白炒飯($48/碟),味道都唔差啦!

老實說,口味各有不同,某某認為某店「極正」,但未必人人讚好,同樣地,服務水平,有時也要看看大家的彩數.所以以往經常上openrice搜尋美食,參考大家的意見,但從未有寫食評的動機.然而這家「金豪」,實在令我不得不奉獻我的「第一次」!吸引我惠顧金豪的原因有二:一. 當晚需要在深水埗覓食;二. 在openrice內的十則食評,竟然能一致讚好, 連「ok」的也沒有如此厲害,令我當晚一行八人,即管試一試!果然各位無介紹錯:翅: 湯極濃,濃到好像忌廉雞湯; 翅分開上,好老實,分量十足! 一煲八碗,剛好!368元(或是386元,忘了),抵食!龍疐兩味: 新鮮! 198元! ok!但最令我稱奇的,並非以上兩款菜餚, 而是一道好像簡單的「啫啫西洋菜」.啫啫骨、啫啫雞食得多,想不到西洋菜也可以「啫啫」.用蝦醬、薑絲、椒絲炒了西洋菜後,連燒得火熱的砂煲同上,把菜在各人面前落煲, 十足食鐵板扖一樣,鑊氣十足,不消三十秒,吃光!超好食!當晚還點了其他若6個小菜.每人百多元,抵!加上老板娘,經理服務熱情,又主動送一jar蔗水,飯後同行八人無一不讚,還相約下次要試火窩!

粥鍋底夠特別食完都唔會好口乾建議如果各位覺得太過清淡, 可以考慮叫全隻雞食湯底食物方面手初牛脊肉, 好好吃, 唔蘇又嫩口其他食物都好好( 潮州魚蛋一定要叫, 各種餃種都好好食)不過千期唔好叫牛柏葉, 好腥唔好以為點解d粥好似咁稀原來要係差唔多食完果陣加碗飯, d 粥就又錦又唔會太過爛, 最好就加兩碗( 一碗$8 )價錢方正, 我一行6 人, 又食手切牛, 又象拔蚌, 埋單都係$780, 呢度可能唔係市區, 星期六日walk in 入去都有位, 唔洗等( 唔洗好以旺角, 太子小肥牛, 羊等, book 埋位都要等成個鐘, 仲好又貴又唔係太好食)

難得在深水步晚飯, 上黎做完一輪功課後決定試試金豪, 全因個粥底窩好似好吸引.街坊生意, 環境光猛企理, 無太多service亦係意料之內. 不過所有伙計態度都幾好. 訂了星期日六點半的位子, 進去時已經有一半滿坐. 點了雞粥窩, 極品手切牛, 海鮮拼盆, 美國蠔, 豆苗.雞粥窩- 有半隻鮮雞, 雞肉味還算鮮甜, 不錯. 至於送的雞雜煲, 賣相一流, 雞雜炒得剛好, 而且仲好香口添, 讚! 極品手切牛- 平靚正- 嫩, 鮮, 有牛味, 厚薄剛好. HK$148 有三十多塊, 讚!!美國蠔-- 正常豆苗-- 正常海鮮拼盆-- 有五隻蜆, 一隻象拔蚌仔, 一隻帶子, 一隻貴妃蚌, 四隻賴尿蝦, 再加一隻小花蟹. 海鮮質數尚可, 不過有心吃海鮮的話環是分開點比較化算.八點左右埋單走人, 老闆娘埋黎收$時又問下我地d野食ok嘛下次再黎嘛. 臨走前去洗手間, 見到如此一檔街坊生意竟然用史偉莎做清潔, 兼且裝左部香芬機仔係到; 行返出黎, 再見到呢個親力親為o既老闆娘執緊我地張台, 甘有心機做好檔野, 抵佢係十一度的天氣下仲有十多人在門外等位.