金豪酒家

營業中

休息中

難得在深水步晚飯, 上黎做完一輪功課後決定試試金豪, 全因個粥底窩好似好吸引.街坊生意, 環境光猛企理, 無太多service亦係意料之內. 不過所有伙計態度都幾好. 訂了星期日六點半的位子, 進去時已經有一半滿坐. 點了雞粥窩, 極品手切牛, 海鮮拼盆, 美國蠔, 豆苗.雞粥窩- 有半隻鮮雞, 雞肉味還算鮮甜, 不錯. 至於送的雞雜煲, 賣相一流, 雞雜炒得剛好, 而且仲好香口添, 讚! 極品手切牛- 平靚正- 嫩, 鮮, 有牛味, 厚薄剛好. HK$148 有三十多塊, 讚!!美國蠔-- 正常豆苗-- 正常海鮮拼盆-- 有五隻蜆, 一隻象拔蚌仔, 一隻帶子, 一隻貴妃蚌, 四隻賴尿蝦, 再加一隻小花蟹. 海鮮質數尚可, 不過有心吃海鮮的話環是分開點比較化算.八點左右埋單走人, 老闆娘埋黎收$時又問下我地d野食ok嘛下次再黎嘛. 臨走前去洗手間, 見到如此一檔街坊生意竟然用史偉莎做清潔, 兼且裝左部香芬機仔係到; 行返出黎, 再見到呢個親力親為o既老闆娘執緊我地張台, 甘有心機做好檔野, 抵佢係十一度的天氣下仲有十多人在門外等位.

見咁多讚既食評，今晚就同老婆兩個黎試下，8點黎到滿左8成，好彩角落有張細檯。坐低見唔少人叫粥底黎打邊爐，不過我地今晚想食小炒，於是點左薑蔥炒肉蟹，豉椒炒蟶子，雞雜煲同埋時菜炒田雞。上菜算快，樣樣都唔錯，幾好味，食出全部新鮮貨，價錢唔算貴，食左三百幾，下次一定黎試下用粥底打邊爐先得。

又再一次光顧金豪啦﹗不過今次並非食粥底火鍋，而改食佢\D海鮮﹗我地分別點了‘酥炸生蠔’(桶裝) $108、避風塘炒蟹$168、辣酒煮花螺、翡翠???(唔記得個名啦，係珊瑚蚌同貴妃蚌加西芹炒埋一碟)、蒜蓉豆苗、與及6 枝啤酒(試左4款牌子，最好飲的係‘思威’)首先上菜的係碟’酥炸生蠔’，雖然只得五隻，但係佢\的SIZE真係超大，應該係美國珍寶蠔，個粉漿唔係好厚，件生蠔仍然好鮮甜，好好味﹗(笑話一則，說話碟生蠔上枱時並沒有跟上任何漿汁，於是我地問阿伙記有冇沙律醬俾我地點，佢\CHECK過後話用晒，叫我地試下點醋- o -”…之後我地再問一位似係老闆娘的女人有冇沙律醬時，佢\不單止奉上沙律醬，更拎埋泰式甜酸醬俾我地，正﹗)避風塘炒蟹係這間舖的推介菜，不過我地太遲叫的關係無晒肉蟹改要左花蟹，其實個味道係OK架，但係花蟹太細隻，賣相無肉蟹咁靚仔，而且又無嚼口，嘥晒﹗本來我地想食鼓椒炒聖子，不過，又再一次賣晒，正係度諗緊仲有D咩好食之際，突然間諗起：東風螺﹗雖然比我想像中細隻左少少(但阿朋友們話佢\個SIZE算係大隻的)，但個辣酒煮花螺意外地係好味的﹗正正﹗見到隔離枱有人食花甲，個樣好似好飽滿，應

小弟初次o係呢度比第一次食評^^果日同班friendo係深水步行完電腦商埸，諗住搵個地方醫肚既時候，咁岩行過呢間火鍋店既門口，比佢D廣告吸引到，咪行入去試下囉。我地一行五人入度去，老闆娘就好熱情咁招待我地。好自然咁問下有D乜野介紹下啦。老闆娘就介紹左一個"O者O者雞雜煲"小菜，同一個雞湯魚翅比我地，其餘我地就叫左3個小菜，分別O係生炒骨，琥珀牛柳粒，O者O者通茶煲。第一道上既小菜就O係小弟果晚最觀賞既"O者O者雞雜煲" 一片香濃既爆薑蔥香味，夾雜住汁液O係煲邊爆出聲音，我已經食指大動了...哈哈哈。我第一時間就去夾左粒雞心呢食，嘩....果然好介紹。令我回想起記小時候婆婆親手煮既炒雞雜素麵。好食...好食...超好食。

一天跟朋友說起火鍋牛肉, 他大力推介這裡的。係咪真係咁正? 初時我確是有點懷疑, 但吃過之後, 不難想像, 為何這裡成為他們的飯堂。從公司徒步走來也不過是十分鐘步程, 對我來說是十分方便。先來join早來的友人, 挾一件身為前菜的拍青瓜。唔... 這一兜拍青瓜是拍開的, 加上浙醋及大蒜醃之, 很久沒有吃過這樣高質素的拍青瓜了。作為一盤餐\前開胃菜不但比一碟花生有誠意, 更達到開胃醒神的目的。先叫了鹽水雞腳及花膠響螺湯, 前者都幾入味, 個人嫌佢\唔夠淋身, 不過都食得過的。後者八十多元一大盅, 六個人喝是有多的, 渣又多又甜, 直頭係幾抵食!雞粥底火鍋附送的一砵啫啫雞雜是真的好吃! 用了大量蔥薑及乾蔥爆得雞雜惹味, 腸子脆得來有腸味, 雞腎爽口, 夾得一件起黃油的雞肝, 絕對能把鬼佬鵝肝比下去!邊爐配料叫了一碟極品及一碟手切牛(我指八十元左加那款), 前者起曬雪花, 是幾滑不過唔夠牛肉味; 我更喜歡後者的牛肉味及質感, 雖然唔及雪花牛滑, 不過肉質都唔鞋口。用粥底火鍋灼之唔使一陣成個粥都好香牛肉味。另加的一碟什麼麻辣牛丸是醬爆那款, 朋友說樣子似足男性丸子, 不太討好, 味道他們覺得辣

一行六人於23/jul晚到金豪食飯.朋友們多在此打邊爐,而我地今次係食小菜. 以下就係當晚菜式同小小評語:拍青瓜:係小食,好食.鮑汁鳳爪:爽口入味,連d花生都好好食!砂鍋雞湯翅:個湯底好濃好甜飲完但唔口渴,d翅係即場加入湯滾一滾,約有六人份. (要訂位時預訂埋!)炒蟶子:好有住家feel的豉椒炒,唔油同乾淨無沙避風塘炒蟹(約一斤多):隻蟹唔錯,幾鮮.而個避風塘式炒得難得咁乾身唔油膩,加分.生炒骨:幾好,個汁好醒胃粒粒浸菜苗:係榨菜,冬菇同肉粒浸白菜,又一個住家餸一定要提,我個人認為d野食乾淨,係亞媽先會遂條菜洗個隻乾淨!呢度裝修一般,但好企理乾淨,同埋d位好闊落,唔會有同隔離枱打交的情況同感覺.而且又有電視睇.而服務不錯,d侍應久不久就幫我地換碟,又主動加"登"比我地放袋,都幾細心.最後,就係關心個價錢,個人覺得好抵食, 六人共消費約hkd650大元

今晚五個大男人落金豪食野, 之所以揀佢係因為睇過食評, 話有白粥鍋底, 又近我地, 所以去試下.星期日晚8點去都只係滿左6乘, 可能地點麻麻. 相對地我地坐得很舒適, 又無人客食煙講粗口, 而且四周都有電視睇, 伙記同環境都很乾淨企理.呢度有得食小菜或火鍋, 我地叫了粥底火鍋, 食前都擔心會好無味道或者D粥會同D食品煮埋一達達....但其實唔駛擔心, 因為煲粥好大煲, 同埋好稀, 伙記亦會幫你加水.我們叫了十九碟菜, 都係果D野啦, 但食物都算新鮮大碟, 全部都好好味, 無乜問題. 十九碟剛好食曬, 然後再一人食番一碗食埋個粥(即係湯底), 味道好似生滾粥, 係多油左少少都味道有點雜, 食到清左個煲, 睇附圖啦...一D都唔靚, 我個人就覺得幾好味. 接受唔到的請揀其他湯底吧.食白粥底缺點係無豬骨湯底咁好味, 食D野都係食埋食物既原味, 但係佢無乜油同埋食落唔熱氣, 價錢亦都平$30左右. 埋單$498, 連湯底/19碟菜/5支飲品, 俾多兩蚊貼士一人一舊水, 值回票價!

我和家人好中意周圍食野!而且好中意打邊爐有次行經深水域見到呢間金豪肥牛豬骨煲,應該係新開ge....入去一試我地5個人叫佐個豬骨煲入面好多料,而且幾好味,雖然同我以前食開果d唔同但真係唔錯...早知叫細豬骨煲了=v=真係好多豬骨..打邊爐配料叫佐...手打墨魚滑(好正@0@!好重墨魚味)招牌手切牛...好滑好味>~<同我平時食果d好唔同^^仲有桂妃蚌(幾新鮮)...金菇菜..皇帝菜...生蠔...仲叫佐碟普通肥牛(作比較^^")...5個人都食到飽飽個人覺得手切牛同墨魚滑必食^~^埋單大約$500碟手切牛食到我好開心>v<抵返晒!!!我睇菜單仲有好多野食..好似幾正.會再離幫襯

朋友想試粥底火鍋，從網上找到這家火鍋店，見這間食評都不錯，於是擒晚走去試…我地一行四人入到去先叫了一個雞粥鍋底，之後再慢慢楝料…係度等緊個白粥鍋底滾的時候，我地先食了跟雞粥送的炒雞什﹗嘩﹗這是一碟非一般的炒雞什，他們捧了一個燒到熱辣辣的砂煲出嚟，再係我地面前即席炒熟，好夠鑊氣，由於加埋大蒜、蒜頭等材料，更加入味，好正呀﹗我地叫左：新鮮墨魚、珊瑚蚌、駝鳥肉、鱔片、生根、金菇菜、四寶丸、包心丸、冬菇新鮮墨魚係老闆推介的，墨魚只需稍為灼一灼就食得，好爽呀﹗d雞雖然用左嚟煲粥，但都唔覺得太嚡口，其他配料就一般味道(其實係因為食個雞什食得太飽，戰鬥力減低左好多…)，最值得一讚的都係個粥底，d粥不斷吸收了食物的精華，但卻沒有油膩的感覺，反而越食到尾個粥越甜越綿，好正呀﹗連同1支喜力及2罐啤酒，埋單都係$414，好抵食呀﹗這裡除了火鍋外，小菜都好掂，見到隔離枱叫了避風塘炒肉蟹(超級大隻)、砂煲生大魚頭(抑或係啫啫雞？)、蒜蓉蒸扇貝…好吸引呀，下次試下先…

個次同亞媽去深水埗入完貨,諗住食埋飯先番屋企,見到有間新既餐廳,就走入去試喇!叫左幾度好似好正既小菜,本來無乜要求既,點知有驚喜!d野食幾好味!服務ok,老闆好nice!推介金蒜開邊中蝦蒜茸粉絲蒸元貝砂煲雞煲翅(佢個翅分開上ga，你要食幾多就落幾多，都好有排場)食緊個時，仲見到隔離食緊火鍋，d肥牛個樣好似好正咁，同平時酒樓個d唔同樣ga!!!等我遲d再約d朋友去試多幾度小菜先，再話俾大家聽，味道如何喇

16-11-06 (四) 10:15pm 3個女人其實今次已經係第二次黎食,上次見到雜誌介紹,仲話10:00pm後有一碟靚肥牛送tim,我地緊係唔執輸啦,就係上次食過覺得唔錯,所以原班人馬決定再黎食過,曾在廣州食過一間叫無米粥覺得幾特別同好食,點知呢間金豪有以上用粥來打邊爐ge食法,牛肉真係好掂,唔叫貴啦,不過用粥打邊爐會易飽d,所以大家唔好叫太多野住,叫住幾碟食住先,因為我地上次叫左都唔係好多已經好飽,浪費左d食物,我地差不多食完,洪老板還好欣勤地問我地有乜要改善,我地緊係問佢有乜好食啦,佢叫我地下次叫羊鍋,佢話佢地只會用乳羊,唔so的,這裡有三款醬料供應,唔收錢的,又唔洗加一,諗起再早一晚去高x灣打邊爐,價錢就貴過呢度一倍,食物就差過呢度,比較之下真係覺得呢度令我好滿意..見到佢地d海鮮都唔貴,老板話佢地d小菜仲好食,叫我地試左小菜先,朋友話係順德菜黎。金牌鮮雞粥鍋(半隻) $98 ,雞件分開上,係小雞黎架,份量都幾多,好滑,有雞味,雞皮夠瘦,少雞皮。送炒雞什(跟粥鍋) ,呢個掂呀,煲上,好夠鑊氣,好多芫茜,蔥,蒜頭鮮蝦丸$28 ,上次食過覺得好有蝦香味,又夠爽,老板話用唔知