金豪酒家

朋友相約在深水埗區食飯, 第一時間就想到金豪, 已經食過好幾次, 仍念念不忘它的砂煲菜式, 做得非常惹味及出色,
來到必食的一定是避風塘懶尿蝦肉, 拆好哂殼, 啖啖肉, 加上炸得香脆的乾蒜辣椒, 鑊氣夠, 出面其他的小炒店都沒有這個菜式, 簡直細心周到, 無得頂

避風塘懶尿蝦肉

$128

砂煲芥蘭啫爽肉亦係必食推介, 廚房先炒好菜及爽肉, 再燒熱砂煲, 在上枱時才將菜及爽肉倒入砂煲內, 即時滋滋聲, 香氣撲鼻, 芥蘭煮得很爽脆, 爽肉帶點焦香, 差不多每枱都有點這款煲, 就知道出色之處

砂煲芥蘭啫爽

$78

很失望當天沒有雞什煲, 我們便叫了砂煲生啫及第, 這個煲有點失色, 不及雞煲香口, 猪潤只得2片, 大部份都是粉腸同大腸, 還好有很多我喜歡的姜蔥同芫茜加回分數

砂煲生啫及第

$68

叫罐可樂加碗白飯, 一頓豐富晚餐, 一樂也