金記冰室 (已結業)

放工同朋友兩個人食野吹水一流冰室，晚餐時間人唔多，食幾耐都冇人趕，叫咗碟黑椒牛肉炒意粉，啫啫通菜煲同兩隻招牌雞翼，意粉炒得好有獲氣，勁香口😋😋，好濃黑椒味，牛肉又唔會過老，通菜煲略咸，但好熱辣辣好食👍🏻雞翼好似醃過咁有陣香味咸咸地👍🏻👍🏻最值得食係個意粉😍😍必食!!

北角的和富道，近年有不少食肆進駐，慢慢變成了一條食街。不過，市道低迷，部份食肆捱不過去，只能結業收場。這夜，由街頭走到街尾，感覺沒有從前般熱鬧了﹗ 金記冰室，以懷舊為裝潢的基調。推門而入，彷如走進時空隧道，回到了不屬於我倆的那些年…… 小妹要了一客「鮑您好味$48」，有仿鮑魚絲火腿通粉、火腿奄列、牛油多士，以及檀島咖啡或香滑奶茶一杯。茶餐廳而言，定價可說是挺進取的﹗ 去懷舊茶記，突然興起，要來了一枝滿載青春記憶的凍玻璃樽維他奶(+$3)。時光可變，世界可變，人情亦許多都變遷。友共情不變， 那種真找不到缺點。小妹深信，大家對豆奶的集體記憶，以及那一種莫名的愛，都是不變的。 仿鮑魚絲火腿通粉以形似乒乓球拍的器皿盛載奉客，湯頭濃淡得宜，伴以煮得軟硬適中的通粉，再配上煙韌帶鮮甜味的仿鮑魚絲，以及火腿絲，簡單而味佳。 火腿奄列的火喉拿捏得頗為準繩，奄列吃起來，內裏仍帶半凝固的蛋汁。對蛋痴小妹而言，只略嫌奄列份量稍為少了點兒。牛油多士入口香脆可口之餘，也夾雜了陣陣牛油的香氣。 主重養生的友人，要來了一杯具有降低膽固醇功效的蛋白杏仁茶$22。這種帶有一股藥水味的飲品，小妹素來是敬而遠之的﹗

自從調咗去九龍灣上班後，已經有好一陣子沒來北角走動，趁這天放假，決定過來探訪老友，再相約老公一起用餐。由於想回程時搭港鐵，所以提議去和富道《金記冰室》吃晚飯，順便拍卡。其實這間懷舊茶記喺香港都有唔少分店，生意越做越大，之前曾到訪過西營盤及銅鑼灣店，今次就一於試試這裡的水準如何。一如其它分店，室內以懷舊風格作裝潢，不過今次就唔再好似霎東街店舖咁，用「舊電車廠」做主題，反而將冰室打造成一間戲院，將牆上的紙板公仔化身成觀眾，配合彷如「戲院售票處」的廚房出菜位和燈箱菜牌，令人有猶如走進一個縮小版的電影院般，既鬼馬又過癮。老公想吃清蒸海上鮮 ($88) 而我就鍾情鑊氣炒粉麵，一於各取所需。蒸魚可以揀桂花魚或倉魚，如果想改涼瓜炆、豉汁蒸或古法蒸，則需另加 $10。點了豉汁蒸倉魚 ($98)，套餐配白飯、老火例湯或羅宋湯、跟檀島咖啡或香滑奶茶。章魚蓮藕湯潤而不膩、而蒸倉魚火候亦控制得剛好，魚肉入口嫩滑，味道鮮美，加上豉汁沒過濃奪走魚肉的鮮甜，水準不俗。沒試老公點的蛋白杏仁茶，據說杏仁味極香濃、入口夠幼滑稠身，帶微微蛋白香，而且跟餐轉配只需加 $8，非常經濟抵飲。至於我點的馬來炒貴刁 ($51) ，成

今朝做完運動, 想食個輕鬆早餐獎勵自己, 經過和富道。以前呢度有間出名的鹵水鵝店, 吸引很多人來, 所以慢慢由車房林立的街, 變成一條食街, 宜家鹵水鵝店雖然已搬走, 但都有好多特色的店, 今次就去咗金記冰室。金記係一間懷舊的茶餐廳, 由餐牌的乒乓球板設計已經好有創意。今次叫了鮮豬潤通粉餐。豬潤通粉味道偏淡, 不過做完運動, 吾食咁濃味都健康d, 豬潤夠爽, 仲有d 薑絲去鯹味, 一吾錯。蛋奄烈吾錯, 但多士就吾夠趣。餐飲係 “茶走“ , 即奶茶走糖加煉奶, 根據做過茶水部的朋友講, 佢地有簡單的方法令樓面的同事點分辨 “奶茶“ 同 “茶走“, 就係 “茶走“ 會放隻茶匙落杯度, 下次叫 “茶走“ 可以睇吓係吾係。

三月份的週三晚上，我和幾個舊同事，相約在之前工作的地點 - 北角一起吃晚餐，舊同事提議去金記冰室，於是我們便去了這裡。冰室裡的環境以懷舊戲院為主題，背景版的紙版公仔都幾生動鬼馬啊。地方都很大，環境寬敞舒適，很適合一大班人坐下聊天。看見這本 menu，設計成乒乓波版的樣子，讓我回憶小時候在屋村乒乓波枱上打波的快樂回憶。連飲品都要懷舊一番~ 我叫了一支瓶裝可樂。地道鮮茄焗沙丹豬扒飯 - 豬扒大大塊，而且相當軟腍，上面的蕃茄焗芝士亦很入味，炒飯軟硬亦適中。銀魚仔九菜花炒咸豬肉 - 咸豬肉肥肥地有脂肪，雖然係肥但鹹鹹地很惹味，再吃點很有鑊氣的九菜花，健康之餘還減少罪惡感~ [] 而好多條銀魚仔口感煙煙靭靭，少少鹹，亦都相當好味。京蔥蜆介雞皇 - 塊塊雞肉軟腍又帶點豉油的鹹香，亦都相當惹味。我們閒談之間，有同事突然想起某人氣小食店的炸雞脾，於是他便叫了一隻金記炸雞脾，給我們一起 share。見到眼前這隻雞脾，非常大隻，外皮炸到金黃香脆，口感亦非常脆卜卜。雞脾肉相當嫩厚而且很 juicy，非常推介。這晚，我們幾個舊同事相談甚歡，深感在工作場所仍然能夠認識一些好朋友，幾年後仍然能保持聯絡，真的感到難

朋友喺附近，星期六最岩來嘆個tea, 想食少少又得，飽d又得, 我們叫了最中意既火腿奄列，雞脾，豬扒公仔麵，叫埋杯凍檸茶，超正!呢度既奄列成個碟咁大，火腿多到漲卜卜，比d連鎖餐廳抵食夾大件得多! 雞脾炸得香而不膩，肉質keep到滑溜又入味，每次來都一定要食呀!豬扒公仔麵則是二人share食的飽肚之選，份量足豬扒多，岩晒一人一半!後尾又加左炸魷魚，我都係第一次喺呢度食，果然朋友冇介紹錯，炸完一樣咁有鮮味，如果喜歡喝啤酒的話，十分適合伴酒慢慢嘆，一定停唔到口呢!

金記感覺好似愈開愈多，平時聽就係聽西環嗰間多，依家北角都有間。揾食愈來愈易。三條友，三個送。有菜，有魚，有肉，仲有白飯同埋嘢飲，無輸的組合，營養滿分，又唔使煮。清蒸海上鮮今日就有桂花魚同埋倉魚，兩種之中揀咗比較肉滑嘅桂花魚。整法都有三種，古法，豉椒同涼瓜炆。今日嘅係豉椒。魚一條份量大概有半斤，蒸的火喉剛剛好，每件肉都剛好同骨分離。肉滑，鮮甜。配有豉椒蒸仲惹味。韮菜花炒咸肉魚乾--咸肉乃神聖之物，皮爽韌，味咸，有油香，神聖不可侵犯，哈哈。還有魚乾，夾著來食，更香口。蜆介炒雞--近期愛上了蜆介，感覺比蝦醬更香，而且更特別。同埋蜆介的朋友一定係雞，配合度爆燈，再配埋乾蔥，更多了一份香。肉有咬口，飽滿，唔會油脂過多，雞味幾濃。還有想提一提拒新出嘅蛋白杏仁茶，唔加糖飲都已經好有杏香味。如果飯後飲，加糖飲，仲可以當埋甜品呢。

本身想去朋友屋企食飯，去到先至發現無水。唯有落街食啦。俾我醒起北角有間金記，忽然好想食佢嘅小菜同埋西多士。小菜點左涼瓜班腩煲同蝦乾韭菜炒鹹豬肉呢度嘅涼瓜斑腩煲好出色又惹味份量夠多，斑腩唔係數埋得兩三件，而係至少有半煲都係，每件都好大舊，而且有肉，涼瓜炒得香又不過淋，有鑊氣。至於小魚干韭菜炒鹹豬肉更加好味，鹹豬肉鹹香無比肥瘦適中，唔會剩係得肉咁單調，又有豬肉又有脂肪仲有豬皮嘅鹹豬肉先係美味啊！魚乾份量都唔少，呢度嘅晚市小菜鑊氣夠而且份量足，絕對係家庭小菜晚餐之選。仲叫咗枝我好喜愛嘅麥精，冷熱都有供應。晚市$7x 位有咁精美小炒，朋友話煮小點飯落泥食仲好！

喂！今晚睇乜嘢戲好啊？攞咗啲乜嘢入戲院食丫？爆谷？菠蘿冰？魚蛋？曄，陳師奶，你個頭啱啱電完嘅？成頭髮卷仲嚟睇戲咁趕丫？唔知點解一入去見到佢嘅裝修上面有咁多人坐喺度戲院度睇戲，就諗起上邊啲對白。我諗以前啲人去睇戲嘅時候一定係樂也融融，唔會好似而家講求質素，講求氣氛，講求音響甘麻煩。叫返幾樣嘢食配合返呢一個環境先，炸雞腿沙津。呢一個雞髀一出場嗰陣時候真係以為佢隆重裝備自己去配合呢一個場合。成個雞髀形狀飽滿，有實力！切開嘅時候啖啖肉，外面皮脆，入邊嘅肉仲好嫩，仲有啲煙一層層咁樣散出來，勁啊！夠功力！雞髀可以配沙律或者薯條，我就揀咗配沙律。呢一種沙律同出面嘅水果沙律完全唔同，佢主要係有紅蘿蔔同埋薯仔為主，似舊式茶餐廳的沙津，但拒哋經過改良，所有嘅薯仔同埋蘿蔔質感比較軟身，仲散發淡淡的黑胡椒香味，幾特別。焗豬扒飯配可樂簡直係絕配，一啖飯，一啖可樂，之後ur一聲，爽！焗豬扒飯嘅豬扒都幾厚身下，份量有一隻手掌半甘大，而且一早已經切埋，所以唔需要自己切就可以一塊塊咁食，方便晒。味道方面係重嘅蕃茄味，再加上芝士嘅香。飯身質感偏向軟身，啱晒我呢啲鍾意食軟飯嘅人。仲叫多咗個西士，呢度出咗個流心西多士，西多士

今日收工同同事食飯，佢話呢度有間正嘢就過嚟試下位置有啲隱蔽，佢唔講都唔知有呢間店入到去發現裝飾好有心機，模彷懷舊戲院，仲要係可愛的卡通公仔版仲玩埋諧音，胭脂扣變咗梅菜扣，勁搞笑。好多小菜都想試下，最後我選咗個西蘭花炒花枝片($78)一上台已經好吸引，又香又有光澤食落更係唔講得笑，蝦肉大粒又彈牙，西蘭花爽口軟腍兩者同樣鮮美，好協調。蝦的高調配以西蘭花的低調至襯託出蝦的美味。多謝同事好介紹，下次有機會再試

收工之後過北角上堂，上堂之前就決定醫好個肚先！朋友介紹我去呢間金記度食嘢，都係一般茶餐廳嗰啲，不過佢嘅裝修就十分之特別以電影院嘅形式設計，同埋十分之懷舊嘅感覺～佢嘅餐牌仲特登用乒乓波拍設計，好得意外面有精美插圖～～熱飲個杯都係有ｄ畫響度㗎～同個主題好配合呢個係咖哩農夫包，入面係有咖哩同埋豬扒，第一次食幾特別！啲咖哩用嚟配飯一流時菜排骨飯，雖然睇落好普通通，但出乎意料之外地好食！仲要有啲胡椒味好香我好鍾意！

第一次跟朋友來金記小聚，光看名字以為是普通茶記，直到看到非常有風格的門口才令我有躍躍欲試的衝動呢，裡面裝修風格也很有心思，香港情懷的海報加上惹笑插圖，等朋友的時間也變得特別快過!這裡必叫既一定是大大個既農夫包，豬扒又多又厚，配上秘製咖哩汁，惹味非常!而且飯也加上了蛋炒過，誠意十足!喜歡韭菜的朋友一定要叫這個韭菜炒蝦球!有花生，蝦米，而且蝦球很多，大大粒!韭菜很嫩滑爽口，印象中真沒有以大眾化價錢吃到過這種級數和份量的小炒呢！豬扒炒烏冬是另一道一定要食的!出面食炒烏冬最怕食到成口油，呢度炒得恰到好處，既保持麵條的質感又不會太硬太乾，大家好快就分晒了哈哈菠蘿咕嚕雞球也很推薦，啖啖肉，完全沒有多數出面餐廳的通病，粉漿不會過厚，菠蘿和醬汁的酸酸甜甜很好地融入雞肉當中呢，配飯吃很開胃!整體來說十分滿意! 好食又唔貴，侍應反應快，上菜有效率，而且座位也比一般餐廳寬敞，慢慢食住傾計也冇壓力，推薦!

作為港島東街坊，今日放工後，又想食家庭菜時，就會諗起北角金記。勝在信得過，絕對吾伏既茶記。茄子炒牛柳有肉有骨既牛柳，係最好趙口的，因為有根，但肉蘇味，雖然係可接受程度之內既，但茄子好好味，油油的滑滑的，吾澀口通菜肉丁煲偏咸左，特別係d菜，咸到送飯都仲係咸西蘭花炒蝦球清爽之作，西蘭花好fresh，又吾重口味，成餐食最多依味不過如果有反炒花枝就更好，事關小弟吾食蝦的......侍應先生人超好，態度冇得彈

很少過海，今天剛好到北角辦點事，住港島的朋友便建議到金記冰室晚飯。到達時有點驚喜，冰室不像一般茶記裝修，有別緻的牆畫，仿戲院上映的設計，忍不住像遊客影相…晚餐當然要試試小炒是常識吧咖哩農夫包雖然牛腩一般，但勝在咖哩夠香辣，配飯包剛剛好西蘭花蝦球蝦煮得入味，沒有雪藏味，抵讚豬扒炒公仔麵惹味，芝麻有點睛作用，可惜豬扒未夠香脆還有非常值得加許是，伙記們全部很熱情有禮，沒有催客埋單，而且冰室間隔不太密，可以好好和朋友傾偈

放工搵野食，行行下睇到間裝修幾鬼懷舊老香港，咪入去試試。睇睇menu, 連保衛爾牛肉汁都有？好細個先聽過，不過吾敢飲。最後叫左熱檸樂煲薑，正！港式茶餐廳一定要叫炒丁，叫左個雞排炒丁。good, 吾油，乾身，兩個食晒。仲有個咖哩農夫包都必食。隻面包吾係方包，吾知叫咩包，不過好好味，咖哩不太辣，牛肉大大件。兩個人飽到食吾晒。價錢都ok.d 裝修都幾有心c. 玩懷舊得黎都幾得意。用左舊戲院做theme. 不過太多人，無得周邊睇睇。