金記冰室 (已結業)

金記愈開愈多分店，今晚揾地方食飯，在北角都見到金記，餐廳闊落，一於就佢啦！餐廳以懷舊戲院為主題。餐廳內職員給我有驚喜，跟以往茶餐廳的職員態度不一樣，佢地總會掛住多謝呢句。“多謝光臨”， “多謝惠顧”， “多謝，慢用”今晚要食啫啫雞煲，上枱熱辣辣， 煲仔配料有大量洋蔥，蒜頭，豬潤，香噴噴。蜜汁豬扒，睇落好似黑椒牛仔骨。豬扒細細件，方便食。一食就覺得有蜜汁，但肉質欠juicy。健康的一餐，當然要點菜。要左蠔油鮑魚菇扒時蔬，清淡唔油膩，鮑魚菇好食。熱薑檬樂，够多薑絲

自從上次去過西營盤金記冰室， 今次再有機會去北角金記冰室， 雖然地方比西營盤分店大，但個人覺得缺少了以前冰室的感覺，講返食物質素， 由於是下午茶，所以我和友人叫了牛扒，豬扒沙律和海鮮 炒烏冬， 豬扒肉質鮮嫩， 而且完全入哂燒汁味，值得推介， 至於牛扒稍為過熟了點，不過最欣賞是海鮮炒烏冬， 配料充足， 烏冬也不會太硬，！ 而且加了鰻魚汁，使烏冬更加入味

今晚約左朋友去呢度，已經隔左一段時間無黎過。今次黎到，叫左我一直都好想試既啫啫滑雞煲。一搬上枱，已經陣陣香氣飄過黎，吱吱聲。雞肉嫩滑，吸收曬濃汁，又香又滑，豬潤夠爽，葱頭也很香口勝在上枱夠熱，汁剛好。其實真的是意外驚驚喜，因為平時食雞煲係好油，但今次無咩油外，還好香口。食完後，朋友都有讚下次再食！

久仰大名，上環食過，幾好。見北角新開，星期六食個早餐。等15分鐘，冇嘢到。。。劣!沙爹牛肉丁，牛肉似膠，麵身太軟，最攞命，個湯係唔熱，暖暖地。。。救命！奶茶明顯冇味。價錢偏貴。唔會再來。