金記冰室 (已結業)

叫左個0架喱牛腩飯，薯仔叫做正常， 不過係0架喱有0架喱味，薯仔又薯仔味，牛腩就無咩味， 完全唔入味，d牛腩又鞋又無味，好似煲過湯已經出哂味咁，完全唔駛試⋯⋯⋯⋯⋯⋯

越来越多老牌茶餐厅走向企業化。在昂贵的租金下，成功绝對不容易。要保持傳统風格的同時，又要迎合新一代年輕人的喜好 - fusion + 创意。此家算是行中表表者。1. 懷舊中但又要有創意，餐牌就是其之一，乒乓球拍2. 食物要講求賣相：炸鱼双蛋早餐 - 夠齊整，配上蕃茄青瓜各一塊。羅宋湯鲜牛通粉-湯碗夠現代3. 味道：魚柳炸到金黄色，外脆内軟，但肉吾散。羅宋湯足料，鲜牛夠滑。4: 肯改變：傳统咖啡改爲蒸餾咖啡，又香又滑。

打完波去搵食，見到金記搬左黎北角和富，人人話佢 D 奶茶好正，等我試下先。下午茶時段人流不多，好容易坐卡位。店內裝潢幾別致，加埋 D 擺設，有點懷舊。佢個餐牌係乒乓波拍型設計，糖罌好似六十年代的漱口盅咁。睇勻全餐牌，講真價錢有點貴......我揀了雞中翼腸仔公仔麵+茶走 ($35)，伙記說佢地 D 雞中翼唔係中翼，係全隻，同埋係炸的！我說冇問題，因為我是 "炸物控"。之後伙記說要等 15 分鐘以上，我說不打緊！落完單我就影下相，剛放下手機食物已端來了 (其實唔駛 15 分鐘)！盛麵個碗又係乒乓波拍型，幾別致。講番食物，杯奶茶尚算香滑；雞全翼就好睇唔好食，因為冇味的......個麵底都係冇味的......或者，岩岩好同條 "鹹腸" 中和番吧！

情誼心中印系列(2)茶餐廳, 是香港飲食文化的特色之一, 所以不少遊客都必定到茶餐廳品嚐香港的地道食物, 而我這位從外地回來的朋友, 也不能例外.老實說, 香港的茶餐廳的確甚多, 但要找些有主題的, 就少之又少. 這夜就帶友人逛逛北角, 然後就到了以懷舊電影院為主題的金記冰室, 吃頓簡單的晚餐.一向鐘情於薑味的飲品, 於是就揀了杯熱生薑鮮檸茶($8). 咦? 竟然有驚喜, 薑味超濃郁的, 又有檸檬的清新作中和, 杯內還有不少薑絲, 全都給我吃清光了.南乳粗齋煲($68)以砂煲載著, 保持住熱騰騰的狀態. 它的內容豐富, 有茄子, 支竹, 菜心, 西生菜, 西蘭花, 粉絲, 菇類等, 南乳味道不會過份的濃烈, 鹹度適中. 友人從未吃過南乳的菜式, 也讚賞這齋煲可口美味, 不自覺地吃多了蔬菜.原以為這碟滑蛋叉燒飯($53)會是滑蛋和叉燒一併鋪在白飯上, 實際上, 卻是分開上的. 叉燒蠻多, 更是帶點肥肉哦, 滑蛋也超多, 但我不大喜歡太多汁浸著這些滑蛋和叉燒吧, 感到失去了滑蛋的質感.一邊聽著收音機的廣播, 一邊笑著吃著, 雖然我們吃的並不是山珍海味, 但已夠滿足了. 好友相聚, 就是如此

以前公司喺北角 大家想食啲家常餸菜 所以提議去左金記～一見到餐牌南乳粗齋煲馬上點了！！因為我實在太愛南乳煮齋！！要試吓佢水準上枱喇！！好夠熱！！上枱仲有吱吱聲！！咸味適中因爲好驚好易太多南乳會太咸材料十足Dry的種類好多 有菇 菜 瓜 粉絲 腐竹etc美中不足沒有「麵筋」類的齋第二個吸睛的是 籠仔荷葉蒸污糟雞好足料🤣 整個籠內雞全部都係雞 打開蓋時還真的有荷葉香味（糯米雞咁）蒸是一個比較健康的烹調方法應該不會太肥吧 而且雞肉蛋白質較多🤣雞上的虫草花 感覺令整個餸更為健康（不知道為什麼🤣）雞蒸得不老 肉質還是滑滑的原本看到它白曬曬以為會不夠味 但原來荷葉包裹著很多汁～+8 要左個蛋白杏仁茶冇令我失望！！唔太甜！淡淡的杏仁香味！還有大大舊蛋白！！

位於北角和富道既金記冰室以新光戲院作主題佈置，得意又富懷舊感今晚8點到達冰室，人流唔多， 約2，3枱客人同老公叫左兩個小菜晚餐平均每人約$8x跟餐中湯豆豉蒸桂花魚 $98 （跟餐湯，飯及餐飲）豆豉份量十足， 桂花魚細細條，但鮮味十足， 蒸得剛剛好， 夠嫰滑南乳齋菜煲 $68 （跟餐湯，飯及餐飲）內有南乳，菜， 茄子，秀珍菇，粉絲，腐竹南乳夠味而唔咸，每種材料都吸收晒南乳既味，好適合送飯 蛋白杏仁茶 跟餐加$8 本身對杏仁茶冇好感，今次就例外杏仁茶味唔太重，感覺多份奶味與蛋白一齊飲，味道更佳

落咗機之後返到屋企最忙梗係要執嗮啲嘢出嚟，又要洗衫啦。當呢個時候真係好唔願意打開個喼。。酷刑。。仲話要煮個晚飯比大王食。。唔好玩。嚟呢到兩餸一湯，好過煮多多聲。雖然而家天氣已經回暖番啲但係呢度都出咗個香辣醬爆雞煲，雞煲可以選大中小辣。味道又幾好喎，我揀咗個中辣，對於我呢啲比較鍾意食辣嘅人來講感覺啱啱好，唔會話食到頂唔住又唔會冇咗唔辣嗰種過癮。有辣味又有麻味，仲有爆過嘅洋蔥同埋蒜頭嘅香味，濃度適中。雞件多肉，嫩滑，有雞味。我最鍾意係佢配個生菜，呢到嘅食法唔係話食完啲雞先至再加水煮。而係係你食緊個過程中姐姐會幫你加少少水，咁你可以煮到菜之餘，啲雞又唔會冇晒濃郁嘅香味。(特別想讚一下姐姐的服務，每次不厭其煩的每次加小小水係姐姐提出的，說這樣才好吃。難得她不怕麻煩，還笑口迎人，太好！)另外仲叫咗個芝麻黑糖醋骨。比一般酸甜骨更加香濃嘅味道，入口有醋嗆喉的感覺，但是刺激過後帶點甜，不一樣的味道。不錯不錯！食完碗都唔使洗，你話幾好。如果有人可以幫我執埋行李，洗埋d衫就仲好，哈哈。

幾年間「金記冰室」已經開支散業， 香港區已經有5-6 間分店， 身為茶餐廳粉絲既我當然要去開業數月既 金記冰室 北角分店 朝聖一下。同樣以懷舊為賣點， 面積更濶落，卡位更大更好坐。看看餐牌， 食物大致上和其他幾間分店差不多，套餐、小炒、焗飯、小食等一應俱全。焗豬扒飯 焗豬扒豬唔可以亂食，我喜歡只有兩間， 中間西環區茶餐廳，而另一間就大字頭快餐店。因為我都金記出品頗有信心， 所以即管又試試。 第一個感覺係份量一啲都唔小，我一個女仔老老實實都可以食得晒，不過食完飽到上心口啊。每一間餐廳做焗豬扒飯也會有一種獨門的蕃茄醬，而令我最欣賞的正是這個醬汁的稠度和酸度也非常合我意，十足十是我兒時吃過的快   餐店味道，回憶總是最美好的。蕃茄醬上還搽上了芝士焗，所以香味更出，層次更豐富。煎豬扒完全去骨，厚薄度正常，肉質和肉味普普通通，豬扒份量也十足。整體水平中上，份量足也是其賣點之一。 大家都喜歡吃焗飯，所以為免搶食，於是點了另一款金記名物 這農夫包反而比我想像中迷你，農夫包表面被焗至脆卜卜，麵包芯變成滿滿的焗飯，而烔飯只沾上小許咖哩汁，所以延伸了有多一碟咖哩汁可以自行控制吃辣程度。飯上面的咖哩牛腩肉夠

話說呢間冰室平日都幫親開，今日買外賣，order 左兩份早餐，係通份跟奄列。點知返到屋企發現冇左兩份奄列。跟住打去同佢講少左。佢係電話中話會即刻做番比我。叫我番去羅。我心唸都幾遠，要行10分鐘先到。我唸住自己仲有時間咪去羅番。點知去到個員工話包左，叫我自己留意番。跟住我仲打番屋企confirm 下。我同佢講真係冇，佢話一份雙蛋，同一份奄列呀嗎。我話係兩份奄列。跟住佢話禁你等下啦。我覺得佢係到浪費我間，好似我好得閒去要多兩份野，同時我係趕時間。我同佢講我依家唔要啦。就走左。真係一肚氣。

今天返下午班，上班前先與太座找阿金撐檯腳。阿金是我們對這冰室的暱稱，冰室的佈置甚有趣，牆上貼滿攪笑版的電影海報，如帝女花之香腰(香夭)豬潤麵，梅菜(胭脂)扣.....肉，奶茶(南海)十三郎等，令人看得會心微笑。餐牌設計也甚有特色，以乒乓球拍作底板，鑲上多頁餐牌。食品種類是一般茶記都有的，左看右看最終我選了海南雞飯，雞肉很嫩滑，雞亦有香味，雖然醬汁沒有我喜愛的黑醬油，點點薑蓉也受落，老火湯是冬瓜湯，很濃郁，而油飯不太油膩，正合我意，有香茅和椰子香味，吃完還可歎杯即磨咖啡，好正！太座點的京都肉排飯，份量足夠男士享用，所以我要幫手又幫口了，肉排賣相不錯，沒有發出令人目眩的螢光，醬汁甜酸中庸，肉質軟腍可口，質素真不錯，配料洋蔥菠蘿，開胃醒神，送飯一流，加$2有熱飲，太座點了熱奶茶，茶香奶香，一貫水準。食物水準不錯，侍應阿姐有禮，值得嘉許！

估唔到食茶記都有意料之外水準，炸物唔油膩，新鮮炸出，啖啖肉。 好食。 魚新鮮肥美，肉質唔散。 價錢合理，下次會再食👍🏻環境舒適，坐得又舒服。待應友善。😆最愛炸雞翼

假期開始了, 但我還未回家探兩老, 反而不停約朋友相聚, 老實說, 我真的唔乖, 對不起! 更加令我慚愧是……我未回家, 老媽已急不及待要來見見我, 還悉心地為我打點一切, 不得不說一句「世上只有媽媽好」, 那今晚當然要兩母女撐枱腳。在家一帶覓食, 看到一間金碧輝煌的冰室, 金光閃閃的大招牌高高掛, 極之搶眼, 門面裝潢帶懷舊的色彩, 正吸引了老媽。拉門而入, 內裏的裝潢更有心思, 以六七十年代的戲院為主題。仔細觀察一番, 近門口的出菜處設計成戲院的售票處, 附近擺放一個放滿舊式玻璃飲品的大雪箱。最吸引我注目是牆身的設計, 多幅設計有趣的電影海報, 稍稍改了經典電影的名稱作為介紹冰室所供應的食物, 很有心思和創意, 有「帝女花香腰豬潤麵」、「奶茶十三郎」、「梅菜扣肉」、「美味年華」,  大家又能想到出自那些電影呢? 還有那塊立體的大牆壁畫, 大家都坐定定等睇戲, 而我和老媽就坐定定等食, 哈!冰室的地方挺寬敞, 設有多排二至四卡座, 還有兩張大圓枱, 座位很多, 亦很闊落, 坐得舒適。每枱的拉櫃已放好餐具, 枱上亦放了多份餐牌和和調味料, 設備相當齊全。馬上已被那本色彩繽紛兼設計有趣的

難得收早啲就諗住係公司附近搵吓野食見到呢間茶記裝修復古 決定試下兩個人叫左4️⃣樣野食1）黑椒牛肉炒意粉炒得超香意粉彈牙，牛肉好滑，好正2）炒通菜餸飯一流😂超惹味3）炸雞翼係我至愛的雞全翼🤤而家好似好少地方有全翼❤️即叫即炸色澤金黃最後叫多左條魚 豉汁煮桂花魚肉夠滑 唔會過熟 個豉汁都好好味。唔會太咸。下次會再食🤤可以試埋lunch🤤🤤

晚上食晚飯，又令我想起金記冰室的中式菜餚，真是令人一試難忘！很有香港特色風味的茶餐廳！今次也叫了兩個中式菜，一個是酸甜排骨，還有送飯，一上枱香噴噴熱辣辣，一試就知是剛剛才炸起的，酸甜的味道恰到好處，而且排骨肉很嫩滑！拿來配飯剛剛好，還可以食到很多碗飯呢！另外我們還叫了豬扒炒意粉，第一次嘗試炒意粉， 豬扒很軟 ，意粉比較乾身，搭在一起的味道很適合，味道很好味！平時食開炒公仔麵，今次食意粉也是一個不錯的選擇！

懶得煮飯，落茶記食😁先上紅湯，好好飲，飲完唔會好口乾，但味道比足又多料。點解相唔見好多料？因為以為湯啫，間間一樣啦😥點知原來咁好飲，飲飲下先記得應該要影返張相🙈皇牌 咖哩牛腩農夫包夠份量 男生只點一份也夠吃吧，女生還是分享吃好。咖哩汁另外再上，鍾意撈汁吃飯既絕對滿足到。原本包內既芝士咖哩牛腩同飯份量差唔多，唔怕有飯/包冇料搭食，個包焗到好香脆，好味👍 芝麻甜醋牛仔骨第一次見，點黎試下先，幾好食，先有芝麻香再甜甜地再脆卜卜肉汁滲出黎，正! 如果放涼左會黏住一嚿唔好夾，一上就清左佢啦😝牛仔骨，唔錯。洋蔥帶出甜味，醬汁味濃 送飯一流😋雖然同上面都係黑糖醋 但完全唔同 佢冇炸過，口感味道都唔同。 送飯就呢個好d. 唔記得叫咩名啦。蔥爆班腩？？班腩大大嚿，份量多，好吃但都吃唔到咁多，唯有打包啦😋