金記冰室 (建新中心)

營業中

休息中

同中同係附近探完中學老師，大家都唔知食乜，見到呢間野好似幾乾淨企理，無乜其他想法入左去。其實都預左係普通冰室，所以唔會expect太多。我地四個人一共叫左幾個小菜套餐另散叫d小食，完部賣相同味道都唔錯，黑牛好飲，小菜幾惹味，最正係雞髀，好白好脆，我估應該係即炸，唯獨係個乾炒牛河有d乾，唔夠香，差咁d鑊氣。埋單每人$100左右，比起其他茶餐廳貴左少少，但環境同食物都比想像中好，所以晚餐黎講都值呢個價位。

和一大班朋友收工一齊食個飯，大家隨便行下就決定食這間我們五個人，各自order了一些餸泰式豬扒飯($74)豬扒飯好惹味，扒肉質夠腍又入味，香濃蒜茸炒生菜 ($68) 生菜都夠新鮮，口感爽脆火腿奄列奶油多士配豬潤通粉 ($48)只影了個火腿奄奶油多士，口感好好，烘得恰到好處，奄列火喉適中，食落軟滑仲有個豬潤通粉無影到，豬潤好爽軟，勁好味炸雞脾($24一隻)我們ORDER了後切開分來吃，又係好正，肉質軟又嫩滑，而且味道調較得好好，不過我們臨走order那隻就有少少失手, 略為太鹹

浸會醫院呢呢個地方令到我記得一件舊事，我記得嗰日我個肚好痛，第三日忍唔住落去睇醫生，睇開嘅醫生好驚慌，佢問我你知唔知你自己膽管發炎，一個正常嘅人係唔會忍得到多過六個鐘。立即簽紙安排我入院。我呢啲窮等人家當然唔會打算去睇私家，留院兩三日，都仲未肯去斷症，折騰左兩日決定出院，返返去自己睇開個間醫生，醫生令令頭咁同我講，唯有用我嘅方法幫你醫好佢。同一時間，請咗兩日假嘅我受到當時嘅上司嘅責備，成日就俾說話我聽，同老闆講我詐病。。。當然呢位老闆絕對知道我唔係咁，佢亦都知道我病得好嚴重。最後佢竟然安排左自己嘅私家醫生，帶我嚟到呢一度做過最仔細嘅檢查。其實非親非故，一個老闆願意咁樣幫你真係唔容易，我好記得嗰日出院，老闆唔用車叫司機接我車我返到屋企。我離開咗公司唔經唔覺已經就嚟三年，三年以來我地都繼續有聯絡出街食飯，帶我去見識更多。其實呢件事已經唔講係唔會記得嘅，今次嚟到金記又令我勾起呢啲回憶。因為就係響浸會醫院隔離。裝修很有舊式電影院嘅感覺，暫時來講覺得呢一間嘅裝修最靚。留意番呢度真係食到九點都仲爆場。同朋友兩個點左一個小菜一份三文治一件西多。小菜係我已是最鍾意食嘅菜脯肉鬆煎蛋，我嫲嫲都好鍾意食，所

今晚又到金記冰室食晚飯環境乾淨 裝修都幾有特色 而且坐得舒服唔趕人走 所以新開張之後都食過幾次😊😊今次同朋友又點左炸雞髀食賣相一流 新鮮炸出黎香噴噴烤到好脆又唔油膩 10分推薦！！而且$24 算合理！食雞髀唔夠加埋雞中翼（$18 兩隻）都一樣炸得唔錯 幾入味 大大隻再加埋個XO 西蘭花炒蝦仁 跟湯跟一碗飯 ($88)兩個人食岩岩好分量適中 賣相唔錯西蘭花幾新鮮，亦都煮得幾入味。👍🏻可惜配既飯有d 硬、略嫌美中不足另外野飲有d 走懷舊路線叫左個" 黑牛"其實就係朱古力雪糕溝可樂第一次飲味道都幾夾！！最後不得不讚呢度侍應姨姨服務態度好好👍🏻呢得多都開始認得

去過咁多間金記，呢一間生意就真係幾好，晚飯嘅時候去到仲會要等一陣位，不過好快就已經有位，途中亦都見到不少人會叫外賣tim。呢一間金記同其他嘅裝修有少少唔同，佢係以歌廳嘅特色為主題。旁邊嘅燈都係以咪的造型，一起飲支可樂，一齊大聲唱一唱啦！今日叫嘅菜脯炒蛋係最正嘅，煎成金黃色蛋餅，入面夾住小粒嘅菜脯，有咬口又爽身。咸咸嘅味夾集住蛋香，精美之作。豆豉鯪魚炒油麥菜，街市買罐豆豉鯪魚都差唔多要＄20罐，嚟到呢度食，包埋餐湯，包埋個餸，仲有埋個飯先至50幾蚊，以價錢來講真係好實惠，而且味道當然比自己煮得好食。仲有就係必食嘅甜品西多士，呢度嘅西多士雖然冇流心奶黃，但係都有我最鍾意食嘅花生醬口味，大大粒嘅花生放係中間，香口，香脆，肥啲都無所謂啦，哈哈。

無辦法，附近真係無咩好食，唯有再次挑戰金記，見餐牌午餐有鹹魚雞粒炒飯啱我口味所以入去再俾次機會佢，一上枱個飯乾過我銀包，完全唔似炒過，同白飯一樣色，好似用蛋碎撈白飯加左啲雞粒咁，成碟炒飯真係一滴油都見唔到，高手食左一啖，同食白飯無分別，好彩隔離有支美極，唯有美極撈飯，但我記得落單時無要求鹹魚雞粒炒飯走鹹魚，但真係一粒鹹魚都無，成個飯無鹹魚無鹹味，收$58凍飲再加3蚊，$58蚊俾一粒鹹魚都得掛

星期一晚收工同中學同學小聚揀間環境好d geh懷舊冰室傾下計趕走monday blue呢間金記以前放學經過果陣已經好想試下但成日都無機會今次終於有機會試下啦我地7點半到 唔洗等位 太感動我地一到叫左炸脾同炸翼醫肚先好正呀！！！夠香夠熱又夠脆 又唔膩 一路傾下計 終於都等到主食跟住黎冰室又點少得食乾炒牛河呢d牛肉外脆內軟 又香瑞士汁味又夠熱辣辣最後梗係唔少得杯雪糕紅豆冰夏天飲呢個真係無得輸！！！！！！！！！同埋個侍應又出奇地服侍得好周到 完全Beyond永室level :0 今晚食得好滿意

因為附近返工關係，加上附近真係無好選擇，間中都會嚟食，第一次食係叫外賣食咖哩雞飯，打開飯盒發現得3舊雞同咖哩汁，薯仔都無舊，咖哩汁算ok今日一個人又去食，去到要等位，拎左87籌，等到咁上下差唔多到嘅時候佢叫88兩位，之後又89兩位，心諗1個人真係要等到得一個位果啲先俾我入? 算，等多陣睇睇，轉頭有個男人走入去同佢講一位，即俾佢入，咁我都出聲話我等緊位，佢就帶我入卡位，對面一對情侶差唔多食完，我叫左個午餐咖哩豬排飯+餐飲凍檸茶，等緊飯時，情侶走左，入左3個單人，一個卡位4個都唔識，好自然我坐左入面，呢個時候飯到，無架餐舉手問侍應，佢叫我自己喺枱側面拎，搞到我要叫隔離唔識嘅女士幫我拎咖哩汁都係無變，不過不失，豬排完全無味，羅宋湯好似加左水咁，淨係得個酸帶位完全唔識帶，有位就放落去侍應拎一拎餐具都唔肯，送飯嚟仲要大叫問係邊個咁嘅價錢唔值喺呢度食埋單$61

朋友係浸大上course，等她上完課後想搵個地方食飯，本想在飯堂吃便算，但行過來時記得新開了間冰室，價錢環境絕對這裡較好，於是就行去坐低等，餐廳裝修好特別，最喜歡嘅佢用錄音帶砌成嘅牆，另外餐牌好有特色，乒乓球拍，由早餐，下午茶，不同嘅菜單都可以係餐牌搵到！另外亦有晚餐餐牌，款式都有8款之多，加錢可轉特飲，一望就有喜愛嘅咸蛋蒸肉餅$78，點餐後先上了個中式餐湯，菜乾瘦肉煲紅蘿蔔，味道清甜，湯中材料十足！等了一陣咸蛋蒸肉餅同一碗白飯一齊上枱，大大塊咸蛋黃放在肉餅中間，一啖飯一啖肉，蒸得恰到好處，肉質軟熟，真係好有在家吃飯嘅感覺！朋友就為了我選擇了栗米斑塊$88，大大塊嘅斑塊，炸得外脆內軟，入口啖啖魚肉，而個栗米汁亦唔會太稀，夾埋斑塊同個飯一齊吃真係好正！最後加錢$13將餐飲轉為紅豆冰，紅豆冰上面重有個雪糕球，紅豆亦好軟熟！價錢係呢區真係十分抵吃，又大碟！而環境同裝修都好有特色！又多了個選擇！

金記冰室越開越多, 就連母校附近都新開左一間, 是夜陪朋友報讀進修課程，順便懷舊一番。十年如一日的商場，喜歡幫襯乃是一種情意結可能是星期五的關係吧！全院滿座，令飛仔排隊等左差唔多10分鐘，邊等邊影相就連老夫子都出動埋，我聽朋友講話蜂巢蛋捲好好食，本來我也想買，不過太受歡迎售罄了。終於有位坐底，一見到乒乓球拍Menu，就覺得好 funny 好有創意最近有幾聲咳，但都忍唔住口叫咗杯懷舊雪糕紅豆冰，紅豆夠甜又起沙紅豆冰配炸雞脾，真係地道冰室風味雞髀生炸最好味，旁邊嘅雜菜沙律都加分不少。大佬要食飯所以就叫咗個中菜套餐，咖喱茄子滑雞煲 $88。有湯有飯有嘢飲都幾抵食！咖喱汁夠香濃，雞件夠滑，只可惜欠缺薯仔，如果唔係就 good good 啦!我今晚極度肚餓所以再叫一個馬來星洲炒米 $52。味道帶點微辣，米粉炒得夠硬淨，配料中都有唔少蝦同埋花腿，炒蛋才是我的主角朋友話好似去咗懷舊博物館咁，幾有 feel

是日同朋友去咗九龍塘浸會醫院探朋友，皆因朋友老婆生咗小孩子，所以咪約好放工一齊看看,看完BB後梗係係附近食埋飯先，一行出大街就見到有餐廳，咁梗入去衣肚。門面十分懷舊，內面裝修一樣有色彩，連餐牌都很特別，食物款式有很多選擇，我地叫小菜套餐&海鮮焗飯，同埋叫咗特色飲品有黑牛(即係朱古力雪糕可樂），另一杯雪山波蘿冰，飲落另有一番風味，好似返咗去童年回憶再來係西蘭花炒牛肉套餐包送例湯同一碗白飯&巴馬臣芝士焗海鮮飯。小菜炒得相當有鑊氣,牛肉嫰滑&西籣花亦炒得爽口，加上老火例湯配埋白飯梗正係完美組合。海鮮焗飯份量相當大份，面層舖滿巴馬臣芝士，海鮮材料都十分豐富，有魚柳&蝦&魷魚等等，飯底係炒飯底，食落特別醒神又估唔到係懷舊餐廳，可以食番小時候嘅特色美食

戰友跌倒入廠係浸會攤抖緊。係咁而都要例行去探下。的士去緊之製。見到個好熟悉嘅招牌。橫掂未齊人就早兩步落車醫個肚先。真係唔知幾時呢個位開左間金記。梗係叫我至愛既喱腩丁。牛腩同薯仔一如既往既夠味夠腍。面爽仲好似比平時多左汁。撈得得別過癮。整多個羅宋湯飲下。足料夠濃唔會水淡淡咁。水準同西環一樣。臨走仲打包多個比呀傷者。佢一見到對眼真係發光。成間病房都係咖哩味。恨死隔籬呀⋯⋯最搞笑係隔離床問係邊到買。叫人探病唔好拎葡萄適買金記

在浸會大學/醫院探望朋友，去了這間比較光鮮亮麗的茶餐廳食飯。這裡不很多選擇，都是圍繞在一間比較舊的小商場。因為新開，有些想吃的東西還沒有。個人最喜歡咖喱牛腩撈公仔麵，49元，配其他飲品可以半價。好多汁，牛腩和牛筋都幾軟熟，入味。另外金記炸雞脾，24蚊，非常大隻，不錯。女兒近來有病，叫了生薑鮮檸茶，22蚊正價，如果跟餐就8蚊或者半價，好多姜，足料，不很甜。環境有心思，卡位的燈是卡拉ok的咪，很漂亮特別,連餐牌都是乒乓球拍黎。

九龍塘都幾多食店，但平民化的不算多，自己需要不時來城大，所以知道這裡新開了金記就和朋友很有興致來試店的裝飾很華美，還有兩枝好像咪的燈飾雙蛋厚多，$21，有位很有創意及童真的朋友，掏空了中間放了一隻蛋入去多士拱得軟硬適中，香脆，蛋也香滑可口咖哩牛腩撈公仔麵$49，咖哩濃淡適中又帶點香味，公仔麵也有精心煮過，口感一流牛腩更是高質，軟滑又夠牛味，沒被咖哩完全蓋過八珍豆腐煲$78，份量十足，豆腐香滑可口特飲的生薑鮮檸茶$22，正好喉嚨略有不適，味道甘而略酸，但味道不俗，飲完舒服多了質素不錯，價錢略貴，但環境好，加上新開人不多，坐得舒服

依度係平日搭車的必經之路，見到開左間幾有特色的冰室, 之前係港島果邊有食過佢既分店，估唔到依家連九龍塘都有，而係依個地段黎講又唔算貴所以依日約左朋友黎懷緬下，原來金記的裝修係間間都唔同的，九龍塘依間係好似個歌廳咁,的燈係咪的型講番正題，我幾鍾意金記的豬潤面，雖然依間豬潤唔多，但好新鮮, 面又唔會太林，好味  個餐包埋omelete, 不過不失啦, 都算大件既之後叫左個咖哩牛腩撈公仔面，個咖哩唔會好spicy, 甜甜地，同面幾夾依排有的咳咳地, 叫左杯蛋白杏仁茶黎潤潤喉，都幾好飲，唔會太甜，杏仁味都幾重，接受到杏仁味的就會覺得好飲，同時佢有D 凝固左的蛋白可以食下，有D口感，不錯