金記冰室 (建新中心)

營業中

休息中

唔該邊個食盒月餅嘅時候，麻煩影一影張相，我想寫個食評。之後，第一個唔睬我，第二個影左好求其，第三個唔影。。到最後一個，真係要發火，話唔食唔食，剩幫我影。影第一張麻麻，再叫影。點解會無左一角。。。食左囉。。救命。。話好好食喎，甘又真係唔錯嘅。個賣相都好吸引，金黃色。開左個袋，陣陣餅香已經出哂嚟。蛋黃都唔細粒，軟硬度適中，位置分布剛好，一個月餅切四份，每一個月餅都可以有蛋黃。最重要嘅係甜得嚟唔會有好溜嘅感覺，係真正的低糖。食左之後起碼個罪惡感會小d。

如果喜歡吃月餅嘅朋友，當然白蓮容加埋咸蛋黃就係最傳統嘅選擇，但現時不同形式選擇及不同口味真係好難選擇，但老一輩就始終喜歡吃傳統口味，除了蓮容選擇外，就重有金腿五仁嘅選擇，今次就係食飯時見到佢做緊優惠，於是就買了盒金腿五仁月餅(優惠價)$228回家同家人一起分享，當然自己都較喜歡五仁嘅口味，而這盒金腿五仁嘅五仁就用上了欖仁, 瓜子仁、白芝麻、腰果、杏仁，材料十足，加埋切開已經見到啲五仁嘅份量同金腿差不多填滿了個月餅，入口時好有口感，而為你更可以吃到金腿嘅肉，月餅內嘅金腿已經撕成金腿絲混埋五仁一起，所以每一啖入口都可感受到金香嘅味道，一入口就即時感受到！加多杯茶，絕對係中秋賞月佳品，重要係太低甜同肥膩，對想吃又怕超標嘅朋友又多一個選擇！而且係香港製造，食得放心！

不知道有多少人有留意金記有在賣月餅？我在前2年已經開始有在金記買月餅由最初買低糖雙黃白蓮蓉，之後發現有在賣五仁月餅上年開始就改買五仁月餅金腿五仁月餅 - 原價$336幸好趕及在19/9前購買有優惠價才$228便宜原價足足有$100多個人其實最愛冰皮，但很多家裡的老人家都愛五仁包括我老父金華火腿配上五種香脆果仁這類小吃多滋味的月餅我吃了4分1，果仁味很香口，咀嚼著很有咬勁火腿的鹹香恰度適中五仁裏腹感很重果仁加金腿的油香四溢連我弟都稱讚好吃不愧我第二年來選購~

話咁快又到一年一度中秋佳節，又係時候諗下買乜嘢月餅食，呢幾年各大餅家推出好多不同口味款式月餅，當然又唔會小得冰皮月餅同奶皇流心呢D熱門首選，仲會有D會用貴價食材製作而成，咁當然售價亦貴D冇可厚非，而且禮盒包裝設計都好精美，真係食完都要番佢留念，正當大家追求緊新口味同時而遺忘咗經典傳統風味月餅，但當你食得多新口味同時又會懷念傳統月餅真係難易取捨，唯有買多幾款口味享用講咗咁耐其實我早幾日行開九龍塘見到老志號金記冰室係度，都已見有月餅發售，第一時間諗諗從未食過金記冰室月餅，但之前都聽朋友介紹過話質素一D都唔會差過大品牌，而且專做傳統風味唔會花多眼亂，有金腿五仁月餅同低糖雙黃白蓮蓉月餅選擇橫掂自己未食過一於靜靜雞買咗一盒$188低糖雙黃白蓮蓉回家品嚐下因為我比較鍾意食蓮蓉同另一主角鹹蛋黃，而且仲係用低糖製作食得比較健康好啦返到屋企，當然要第一時間品嚐盒內一共4個獨立包裝附有膠刀一把放便大家切開食用，月餅表面焗得金黃，再輕輕切開鬆軟餅面已見香軟白蓮蓉配埋上等蛋黃，而上等蛋黃油亦輕輕滲透出來，未食已經流口水啱晒我口味白蓮蓉入口軟滑又香甜係口腔慢慢熔化，再加上蛋黃甘香又漏油，係越食越好味下又俾我食咗

而家好似越來越多人食五仁月餅，其實前果幾年我對五仁月餅我都有種抗拒嘅感覺，覺得係老一輩嘅人先至會鍾意食。而且我喺某大嘅餅店度買野，送咗一個，咬咗半淡夠就已經揼咗，覺得非常難食。但係身邊嘅朋友都同我講話金記冰室嘅五仁月餅係超級好食，一定要食。當一個講我唔信嘅時候，第二個講又開始想試吓，到第三個，第四個講嘅時候，我終於忍唔住要試吓。果然同我之前食嘅係非常之有分別，呢一個望落去已經吸引到我嘅目光，焗嘅色澤剛剛好，一拆開袋仲有陣陣嘅月餅香。切開已經見到層次好分明嘅果仁，有一絲絲嘅，有一粒粒嘅。硬度剛好，切下去不會散，咬落去不會硬。陣陣的瓜子，果仁的咸香慢慢滲出，再加上微微嘅甜，十分滋味。除咗我自己買咗一盒嚟食之外，我都買多咗盒比屋企人，拒地一開就見到話買冰室嘅好，肯定會比出面連鎖的好。果然食後更讚不絕口。

因為係學校飯堂吃到厭，附近又無咩吃，就過來呢度試下。點咗個炒貴刁，係我有史以來吃過最難吃的炒貴刁，完全唔值呢個價咯...洋蔥炒唔熟，而且都唔係炒貴刁，係炒河粉咋... 不過對面兩個女仔吃個焗飯吃得幾滋味，我覺得可能係我點左最難吃嘅掛...總之無第二次

一位知心好友突然因病入了浸信會醫院，眾友們皆大為緊張，紛紛在下班時間到醫院探望好友，Step和娘子也不例外，放工後立即到醫院探望，得知原來只是小事沒有大礙，實是萬幸，大家皆鬆了一口氣，要知這個年頭入院的話，可以說是可大可小呢… 離開時，和娘子一起行落金城道… 『不如在這裡先吃飯再回家吧，現在已經八時多了…』娘子說。 『記得去年來這裡時，這裡的商場食店選擇並不多，或是行到九龍塘又一城吃飯吧…咦，原來這裡開了一間金記冰室，不如就在這裡開飯吧？！』Step道。 ------------------------------ ~地點位置~ 金記冰室現在已經遍地開花在香港各處皆有分店，而今晚用膳的正是位於聯合道320號建新中心地下，這裡的位置頗為不便，相信主要的食客是來自浸會醫院、浸會大學，和附近居住的居民； 如果由九龍港鐵站A2出口步行，沿著沙褔道轉左至窩打老道，再行到聯合道，全程大約10-12分鐘。 ------------------------------ ~裝潢擺設~ 在建新中心外面，已經看到『金記冰室』四個字的霓虹光管，上面寫有『自一九六七』的字樣； 廚窗的設計很特別，並不

是日中午來到九龍塘金記冰室午餐。久違了的上學日子，所以到了這家較有質素的茶餐廳吃飯。以往光顧它，多半是下午茶時段，倒是首次試試它的午餐。是日中午來到九龍塘金記冰室午餐。久違了的上學日子，所以到了這家較有質素的茶餐廳吃飯。以往光顧它，多半是下午茶時段，倒是首次試試它的午餐。是日午餐一共有5款，概況來說是每星期穩定供應的不同蒸炆煮菜式，還有炒飯麵其中一款。時間倉促的情況下，點了碟印尼炒飯（走蝦）。進一步細問店員，炒飯本身沒有蝦醬，心裡存疑炒飯香味欠奉。在印尼菜館工作，從華僑廚師所學的知識是炒飯決不可少蝦醬、森巴辣醬和甜豉油，也是判斷菜式好壞的一些標準。午餐先來的是餐湯羅宋湯。金記的羅宋湯水準依舊，有著茄膏炒過下得出的香和甜味，與洋蔥、紅蘿蔔、西芹和蕃茄交織甜美的湯底。還有一點tobasco的辣味，相當開胃。倒是主食印尼炒飯（$58），讓筆者有點失望。炒飯雖然熱辣，但欠缺香味和甜味，明顯只是以老抽調色，借蝦餅和太陽蛋取名印尼而已。即便是炒飯，似乎也欠了一點甜味平衡咸味，僅一點咸一點辣，略為單調。不過，由飯的重量，推敲飯是用新鮮飯炒起的，廚子的功力為炒飯加了分數。凍奶茶則奶味和甜度足，下點炒飯

早排去左浸會醫院探朋友~~夜媽媽探完就係附近搵餐廳醫肚先發現醫院隔雜開左間金記!!!咁就同另一個朋友黎呢度醫肚啦"*我就叫左個焗鮮茄豬扒飯~~熱辣辣咁上台, 好有港式茶餐廳既風味!!!蕃茄真係用新鮮成到一片片, 所以個蕃茄味好濃；豬扒好軟腍又大塊, 而飯仲係炒飯底黎, 食落更加好味~~每次係茶餐廳食飯我都叫焗豬扒飯, 呢度既焗豬扒飯真係好食過連鎖餐廳好多架"*而朋友就叫左芝麻黑糖醋骨~~黑糖醋骨味甜而濃, 而且入哂味, 肉質唔會過硬, 有咬口!!飯餐會跟埋跟白飯, 例湯同一杯熱飲!!當晚既例湯係蓮藕湯~~冇乜味精味, 真係老火湯黎架!!!呢度價錢正常唔算貴, 比起連鎖餐廳黎講;我寧願黎食金記, 真係好食好多~~

前陣子 Dayz 跟男人到九龍塘浸會醫院查詢住院的 Package離開醫院的時候，已經是黃昏了～想說順便吃完晚餐再回家從浸會醫院出來，馬上就看到對面馬路掛着一個搶眼的霓虹燈招牌感覺非常復古呢～金記冰室的門外貼着是日精選晚餐以中式的菜式為主呢～乒乓球形狀的 Menu充滿玩味其實除了中式小菜之外也有馬來咖哩、美式餐點、焗飯及意粉等多種選擇教人花多眼亂呢！餐廳的裝潢精緻以懷舊舞廳為主題Dayz 尤其喜歡這個 Microphone 燈～很特別喔！晚餐附送的例湯～蓮藕湯味道既甘甜又濃郁跟餐的飲品除了一般的奶茶、咖啡、檸檬茶之外亦可以加 HKD 3 升級其他冷熱飲Dayz 就選擇了薑檸檬可樂甜甜辣辣的～馬上就感受到行氣活血呢（笑）馬來咖哩魚柳飯Dayz 一直都很喜歡吃咖哩而加入了大量椰奶及香料的馬來咖哩則是 Dayz 的最愛！！味道不太辣，卻香濃惹味得很魚柳有微微香煎過魚柳的邊緣是脆脆的裡面的魚肉則是軟軟稔稔的Dayz 蠻喜歡這口感呢～光是以馬來咖哩拌飯Dayz 絕對可以吃上兩大碗呢！！中式牛柳以喼汁、HP汁及茄汁調味味道酸酸甜甜～非常醒胃牛柳滑嫩不韌～好好味！！可能是中式牛柳太過開胃了～我把兩個

係又一城行完街，用openrice search 下附近有咩好野食，見到依間金記食評好似唔錯，就同友人試下啦雖然佢係茶記，但佢係帶有懷舊feel 既茶記叫左杯【黑牛】(枝裝可口可樂加朱古力雪糕)，夏日炎炎，飲咁凍既野飲都幾爽，認真，依家啲茶記好少有黑牛飲吖如果重口味既你，一定要食【黑椒牛柳粒】，真係好正，除左有牛柳粒之外，仲有雞脾菇，洋蔥，彩椒最surprise既係【椒鹽雞翼】，上面放滿炸蒜粒，雞翼又大隻，有少少辣值得一提員工服務好好，主動提供碗筷，有笑容，又提我地拎齊野下次又黎先

學完車想覓食，發現金記係九龍塘都開咗分店，九龍塘食野貴固之然，但呢到有茶記就多咗選擇，價錢同其他分店仲一樣，突然覺得連鎖式有連鎖式既好。一入去經理就好熱情招呼，驟眼見都好多客，問我想飲咩湯，再慢慢睇餐牌，真係錚窩心咁，好少可餐廳會咁貼心👍🏻中湯熱辣辣，好飲👍🏻最鐘意食既炒意粉，正阿😍😍獲氣十足干爽！特飲椒鹽雞翼，極好食，熱辣辣又香口又脆多汁十分惹味，好多過譚仔土匪雞翼😂重點係極多隻囉，最後都係食唔哂打包😍😍😍

嗰日喺附近等朋友放學， 見時間早早地，又想傾吓計，又想食下午茶，又唔想行到返去商場咁遠食，就喺附近就見到有呢間餐廳， 環境幾舒服，所以就決定入去食下個Tea見到個餐牌都好多選擇，有西多士，三文治，特色嘅嘢飲！咁下午茶當然要叫紅豆冰呢杯紅豆冰好正，紅豆好多又好綿，攪勻一齊飲真係好正好滿足之後又叫咗下午茶必食嘅西多士， 係餐廳員工推介我哋嘅，見好耐冇食就叫啦！西多士真係即叫即整，一切開內面有好多花生醬，熱辣辣仲有煙， 同牛油溶埋一齊，真係滿分！我朋友就叫咗雞髀同沙律，呢個係生炸雞髀，超多肉汁勁嫩滑！成個下午茶好有港式味道下午茶食到呢啲真係勁滿足！有機會下次都一定要再嚟食，水準之上

同朋友行行吓想揾d野食，見九龍塘開咗間冰室，就入咗去食一場黎到冰室，當然要叫杯飲品黎試吓。一坐低就叫左杯雪糕紅豆冰，整體既賣相唔錯。味道方面，紅豆煲得好霖，而且甜度足夠。此外，整杯飲品亦加入濃滑既椰漿，帶出陣陣椰香，再混合雪糕黎飲，口感豐富。試完飲品之後，我就叫左一份西多士。整份西多士賣相炸得幾好，切落去唔會有多餘既油。另外食落去個時更有一粒粒既花生粒，比起一般西多士剩係落花生醬較為不同。其後再叫咗個咖喱雞飯，味道較為濃郁，係有d唔夠辣，不過不失。整體黎講，價錢唔算太貴，而且都幾好食，下次行過既話都可以入去食吓

又一次感受到香港嘅飲食業服務質素下降！😳「金記」食物出品質素不差（以價格相比）！可惜服務員送餐可以用「掟」上枱面來形容！一副副如一位對香港失望的好友形容、香港服務性行業個個如「喪屍」嘅面口！當年的大牌檔服務也不致於如此！唉...無言！😳70-90年代香港飲食業以服務有國際水準而揚名！當年身為其中一員的我也感自豪！可惜今時今日的香港已不復再！😳😳😳