金記冰室 (建新中心)

營業中

休息中

過去九龍塘探完病，肚仔餓就走咗去金記冰室醫肚。貪呢度方便同嘢食有返水準。叫咗個荷蘭唂咕，老公點樽裝可樂。每個套餐都會有餐湯，係中湯黎。今日係蓮藕章魚湯，睇個材料就知道有幾咁足料了吧？！是日晚餐，其中一款係沙薑雞。夠晒大碟，半隻雞上！都係HK$88咋！碗白飯都好大碗喎！半隻黃油雞，雞肉夠晒滑溜，食起上黎，雞味濃郁。薑蔥魚腩HK$79呢度食既嘢，全都好大碟，呢碟薑蔥魚腩都有好多舊魚腩哦～～ 夠晒香既薑蔥味，不會咸，送飯一流！

黎九龍塘做嘢，一支公，去咗食金記晚餐。呢間金記比平時個啲更加靚。更有復古味道，啲位都會舒服啲。呢度既餐牌，每次見都覺得好過癮，同埋呢度既晚餐款式都有好多嘢俾你揀！點咗杯熱咖啡，連個杯都好有特式，係畫晒花咁靚。芝蔴黑糖醋骨HK$74呢度除咗有是日晚餐，都仲有其他客飯可以揀。有嘢飲、有湯有飯，一個人食，都可以好多選擇好飽肚。唔係再叫啲乜乜生炒骨，改叫呢個「芝蔴黑糖醋骨」，更特別，更有風味。新鮮炸起，熱辣辣的，食起上黎更好味。佢個黑糖醋醬，甜甜酸酸的，配上熱辣炸起而且唔會厚粉的肉排骨。食起上黎更惹味，配飯食係一流的！！

係樂富同朋友一齊睇完中醫都搵下附近有咩好食～search到宜間冰室幾靚咁食評睇落唔錯就決定來試一下啦冰室嘅裝修真係好靚好友香港特色好有懷舊feel～最重要嘅係啲員工好Nice 特別係個女經理，好有笑容😂可能平時見得太多黑面員工，所以覺得好surprise 😃餐牌係乒乓球拍做嘅～見你咁得意忍唔住都影咗個餐牌😂今晚我同朋友一齊叫餸食飯叫咗好多餸食有啲好味直頭想encore，連平時努力減肥嘅朋友都忍唔住食多咗😂我就最鍾意依個黑椒炒牛柳粒喇估唔到喺茶餐廳都會咁有鑊氣。攞嚟送飯一流呀！宜個直情encore左黎同朋友share做聽日返工嘅lunch我覺得叮完再食都一樣好食個雞煲好正架我哋成枱人一上菜好快就清曬個熱辣辣嘅雞煲個湯我覺得唔重味精，可能冇味精添，飲唔會口渴叫咗杯蛋白杏仁茶同紅豆冰，那杯都好好飲特別係杯杏仁茶，下次再黎一定會再叫過紅豆冰就係正常嘅水準，最值得一讚嘅係我叫「走飲筒」嘅時候佢哋都好樂意唔似有啲餐廳俾咗你叫你自己拎走啲飲筒總體來講我覺得依度值得再去下次試吓其他分店睇吓啲水準係咪同九龍塘依間一樣咁高先

朋友剛生完BB, 是日去醫院去探望這位 朋友及她的肥豬仔 , 之後就見到附近這間金記 ( Wawawa, 金記真係越開越多) , 就入去醫下肚先. 平日晚上食飯時間都真的好多人呢, 所以我哋都等咗一陣先有位入去. 除了這一塊見慣見熟的乒乓球拍餐單外, 旁邊的裝飾都好特別, 還見到不同的電台廣播劇名稱的裝置等等 (因為香港電台就在後面嗎) 好先嚟杯熱檸水 (半價跟餐即HKD9) 叫個懷舊燴意粉(茄汁)的 香草雞扒燴意粉 (HKD52), 這個懷舊的燴意粉就先用茄汁炒香意粉, 令到意粉吸收了茄汁精髓, 再之後練這個香草雞扒一起吃時, 不只是香草雞扒上的茄汁, 其實煉意粉本身都充滿著番茄的鮮味, 這個煮法懷舊之餘功夫亦多, 所以現在很少餐廳會這樣煮了. 馳名馬來咖喱魚柳飯 (HKD55), 這個馬來咖哩不算太辣, 但咖哩帶有香濃的椰香味, 用來送飯一流. 雖然很飽, 但甜品當然少不了, 法蘭西多士 (HKD26), 炸得金香鬆軟, 外脆內軟綿綿, 中間還塗上厚厚的含花生粒花生醬, 再配上牛油及糖漿, 簡單得嚟味道爆燈.

九龍塘呢個地方真係好耐未去過，嗰陣時候讀書仲會經過大學，但係而家就少去咗好多。又唔會想去隔離嗰個浸會醫院架哈哈。呢間金記係附近比較多人食嘅食肆，我去到嘅時候可能係晚宴時間，門口都需要等位先至可以入去。一行三人就叫咗三個小菜，菜圃炒蛋，豆豉鯪魚油麥菜，金菇肥牛煲，全部都係一啲比較常見嘅小菜。個菜圃炒蛋煎得好金黃色，係全熟一種。菜圃炒蛋亦都唔適宜炒半熟，要全熟先至會煎得出菜圃嘅香。豆豉鮻魚油麥菜，而家自己屋企反而好少煮呢一個餸，因為買一罐豆豉鯪魚都要20幾蚊仲貴過出去食。所以出到嚟嘅時候咁梗係要喺呢度食啦，豆豉鯪魚又多，炒個菜又夠火喉。金菇肥牛煲一定係會撈飯嘅首選，又有肥牛嘅香，又有金菇吸左沙嗲味夠爽口。一個送食到一碗好似山甘高嘅白飯，正。好彩金記仲有好多間，去到其他地區都有得開飯。

去完浸會醫院，本諗住出返旺角先食飯，但原來附近有個小商場，有幾間餐廳。入到間茶記覺得幾懷舊（但paradoxically 又幾新淨），先知原來亦係金記出品，屬於坐得舒服嘅茶記。我和朋友一人點一菜，本想叫沙薑雞但賣哂，轉左菜膽雞。幾滑，冇乜味精，清清地唔錯。朋友嘅diet需要高蛋白質，迎合佢要求今餐多少少肉，搏一搏試下新嘢，點咗個可樂豬扒煲。雖然味道濃咗丁多，但勝在有大排檔風味，鍾意食配料嘅朋友會有驚喜，入饌食材有茄子、冬菇等，對我嚟講都幾新鮮。

之前去過北角既金記果度既裝修相當特別好有懷舊feel 今次九龍塘金記同北角既裝修好唔同不過都係行懷舊look非常有特色菜遠雞幾足料味道亦唔錯可樂豬扒雖然可樂味唔算太濃但酸酸甜甜ok開肚呢個牛仔骨煲熱辣辣人出晒煙咁份量ok幾抵食咁多碟我最like呢碟西檸班塊班塊唔會太粉西檸味又ok最後仲orderc左西多士好滿足！total 5 個人嗌左4個小菜同埋一個甜品(西多士)但因為每碟份量都唔細所以5個人都食得飽

好耐無番過黎9龍塘呢面，以前上堂都吾覺呢面有好野食。琴日同個friend番到黎呢頭，見到金記，諗住醫下肚。呢間野裝修幾有特色，地道香港feel，好似番番80年代屋村咁，好有回憶。Menu就用ping pong波板製，幾鬼過引。同個friend叫左個牛仔骨。上菜熱騰騰，份量十足。牛肉食得出好新鮮，好滑，無根。味道吾會太濃。呢個汁送野成個飯。正!!食完吾夠，叫多個西多士做甜品。幾好吾太甜，吾太強油，蛋味濃，整得好"趣", 

自從大學畢業之後，都好耐無嚟呢頭啦，呢日竟然有朋友約我嚟呢頭，咁就順便起附近搵食啦點知原來以前係酒吧嘅呢個位，依家變咗間懷舊茶餐廳雖然不嬲唔係特別鐘意食茶記，因為覺得低class d不過既來之則安之，就試下啦一飲碗湯已經覺得不同凡香，首先面無乜油，顯然認真隔過油飲落亦完全係老火靚湯質素，老黃瓜湯相當清甜帶香每人各叫咗一個餸，佢地食咩我就無影相啦，又懶得記，懶得寫就淨係影同寫我order那個啦，就係呢個西檸班腩啦西檸雞食得啦，西檸班腩好似真係第一次先講個汁酸中帶甜，恰到好處，唔會OVER咗班腩更加無得彈，外脆內軟，肉質鬆化軟滑，正呢間店服務都好好，有個帶眼鏡面圓圓應該係經理的姐姐好有笑容有禮而其他員工做嘢都爽快有禮，抵讚

味道不大好，有好多蚊子飛舞，去一次夠吧。今次天氣很差，只能就地幫襯。真心地說，88蚊個晚餐唔算貴，但以𣲙室來說，唔係扺食，但可接受，其實碟頭唔細，份量足。問題係…味道唔得😩牛仔骨有好多根，味道過濃，不回味😥，份量多但不好吃。燒煵煱，一個字…salty😨 比海水更咸，調味上出現低層次問題！粟米斑塊就正路很多，意外地佢嘅白飯唔錯，絕非隔夜硬飯，所以粟米加飯吃🉐️鷄又出事，鷄肉本身就唔得，更不説什麼鮮味，毫無味道😫不是針對冰室，雖裝修有點懷舊feel，但仍然懷念果種不著重外表，而著重煱氣嘅真正茶餐室。

依間金記幾近我屋企, 加上D野食都幾好味, 所以我會成日黎食 (其實已經encore左一次)同屋企人2個人黎食, 如果唔係太大食既話叫一個小菜再加雞脾其實都夠, 加埋杯懷舊飲品黑牛就perfect!今次叫左依個豬扒飯, 豬肉唔"un", 而且個醬汁酸酸甜甜, 用黎送飯一流 不得不提下佢既雞脾,我覺得係金記既招牌菜,一上碟已經覺得好香, 連平時一定相機食先既我都未影相就已經忍唔住, 食到咁上下先記得影相佢既雞脾火喉剛剛好, 雞皮夠脆又唔會炸到 lone哂 , 入面仍然保持到嫩滑, 下次黎食都會再點

聽友人推介已久但由於這分店不近港鐵站所以遲遲未嚟幫趁。今日風和日麗，趁做完運動就專誠前來食個下午茶餐。冰室環境整潔舒適，裝修有格調，跟一般茶餐廳與別不同。侍應斯文有禮，感覺良好。看似乒乓球拍的餐牌内有很多餐飲食品選擇，款款看似吸引。由於已到下午茶時間，就點了焗豬扒飯套餐試吓。焗飯上枱賣相並不吸引，平平無奇，也附合了下午茶餐份量， 即男士如未吃午餐應不夠飽😅。飯沒有炒底，獻汁太浠及太濕，欠缺焗豬扒飯飯底應有的乾身。餐飲凍奶茶亦未達水準，沒有茶味，給一般茶餐廳出品比下去👎🏼此"ok"食評是給冰室環境與服務，希望食物及飲品質素會有所改善。

呢一間餐廳環境舒服，裝修簡潔，背景牆離遠睇好似係用階磚砌成，近睇其實係錄音帶，餐牌係用乒乓球拍做成，幾特別。叫咗兩個茶餐(包飲品)焗豬扒飯+凍奶茶焗豬扒飯太濕，白飯無炒底，下午茶收呢個價錢嚟講份量太少，即係收得貴，整體味道比起大家樂遜色。凍奶茶，賣相OK，但無奶味，無茶味，完全無味，零分👎👎星洲炒米+熱奶茶星洲炒米好淺色，應該唔係好有味道，望落亦好濕，食落真係覺得淡味得很，材料尚算豐富，但整體份量太少，呢個星洲炒米唔掂👎👎熱奶茶，賣相OK，但係唔熱，奶太多，茶味少，唔合格。總括而言，連奶茶都沖唔掂嘅冰室應該唔合格，簡單食物又搞唔掂，對不起，要俾劣評，希望佢努力改善。

去完浸會醫院探病，揾地方醫肚，行過對面商場見到金記冰室招牌，究竟依家開咗幾多間金記？不過眼見好多人響門口等，原來仲要攞飛等位，好彩一個人好快有位，但係要同人搭枱，係一張4人卡位再加一張枱，其實可以坐6人，對面坐了三位，反而我一個人坐另一邊三人位。叫咗佢哋嘅精選小菜晚餐，D5：豆腐斑腩煲，$88，奉送白飯、例湯，跟檀島咖啡或香滑奶茶，凍飲+$3，紅豆冰加$13，我叫了中湯，凍檸茶。豆腐斑腩煲，上枱時一開蓋仲吱吱聲，冒起白煙，紅燒豆腐，一咬開裏面仍然熱辣辣，但又好滑身，斑腩外皮脆漿不會過厚，魚肉仍算嫩滑，又沒有過多汁，幾好；中湯應該係老黃瓜湯，都算係咁上下。凍檸茶，夠凍夠甜。

在附近醫院探病後，就找個地方吃個晚飯怎麼看著感覺是一個主題餐廳？忍不住拍照燈是用上黑膠碟造型茶舞時間OH MY GOD，直望就見到這個雪櫃經典呀...不過維他奶支裝我還是喜歡喝熱的我旁邊還有這個咪高峰造型的燈會引發我的唱K癮...最後我還是選了生薑鮮檸茶薑味可以再重一點，當然這個中性的味道是適合大眾只是我偏愛薑辣味(跟餐+$8)晚餐還是選一點小菜吃飯每個小菜都送白飯跟例湯我個人最愛中湯，這邊的沒味精(因為我回家後沒有狂灌水)，好喝味道沒有很鹹，我不重口味剛好菜脯肉鬆煎蛋角我家很少會做這款菜不過朋友說這裡做的味道很像她媽媽做的我也吃了不少，蛋味夠~配上菜脯咬起來外嫩內爽豆腐斑腩煲野味，我偏嗜豆腐，吃了不少斑腩肉滑豆豉鯪魚油麥菜配搭是無敵，在家炒也是怎炒也好吃有朋友..總是不愛正餐，叫了薯條可惜薯條很碎...倒是沙律保持了水準薯仔一入口變薯蓉隔離枱叫了這個，朋友又說要我當然還是不要落後於人，也要試一下蜜糖是另外用碟放著跟平常茶餐廳相差甚遠！是稠密的！普通茶餐廳總是像蜜糖水呢！這個稠密度配上香香牛油和花生醬，心也溶化了