金記冰室 (建新中心)

營業中

休息中

去過咁多間金記，呢一間生意就真係幾好，晚飯嘅時候去到仲會要等一陣位，不過好快就已經有位，途中亦都見到不少人會叫外賣tim。呢一間金記同其他嘅裝修有少少唔同，佢係以歌廳嘅特色為主題。旁邊嘅燈都係以咪的造型，一起飲支可樂，一齊大聲唱一唱啦！今日叫嘅菜脯炒蛋係最正嘅，煎成金黃色蛋餅，入面夾住小粒嘅菜脯，有咬口又爽身。咸咸嘅味夾集住蛋香，精美之作。豆豉鯪魚炒油麥菜，街市買罐豆豉鯪魚都差唔多要＄20罐，嚟到呢度食，包埋餐湯，包埋個餸，仲有埋個飯先至50幾蚊，以價錢來講真係好實惠，而且味道當然比自己煮得好食。仲有就係必食嘅甜品西多士，呢度嘅西多士雖然冇流心奶黃，但係都有我最鍾意食嘅花生醬口味，大大粒嘅花生放係中間，香口，香脆，肥啲都無所謂啦，哈哈。