金記冰室 (建新中心)

營業中

休息中

九龍塘除咗又一城之外又好似冇咩野食係附近行下行下就見到醫院後面呢間金記懷舊香港式嘅裝潢睇個餐牌都幾多野食一於入去試吓卡位旁邊見到呢盞成支咪咁嘅枱燈都幾盞鬼喎餐牌係塊乒乓波拍好有兒時回憶又幾創新先叫咗一客炸雞翼試試手勢落咗單都幾快上菜雞翼都炸得好香脆即叫即整另外嗌咗占厚多士同炸薯條份量啱啱好之後叫多杯黑牛懷舊冰室感覺返晒嚟一邊食薯條一邊飲黑牛係幾爽價錢公道喺九龍塘區嚟講都算物有所值下次會再嚟試吓晚餐小菜套餐

同朋友係九龍塘浸會大學附近搵野食，本身都諗住要行番去又一城，但朋友話附近新開左間金記，就話去試下。由於我都好肚餓，一坐低就落單，叫個晚餐set八珍豆腐煲，比起出邊食呢個煲，又有d驚喜，用料好足，數過真係有齊八樣，又幾好味道另外，又叫左個菜，色澤翠綠，菜有菜味，不過就比較多油飲品就試左杯蛋白杏仁露，唔會話太甜，杏仁味都好濃，呢杯野值得推介朋友仔就叫左個常餐，試左一啖奄列，係一般茶記質素，算係咁la。

記得上次去完港島個間金記一直心思思想再去多次但對於我呢個九龍人來講去港島真係一件好奢侈嘅事（亦都同時係因為我非常懶）上星期因為有朋友要去浸會醫院之後想一齊搵地方醫肚竟然比我喺附近見到間金記！即刻好興奮，同埋個friend入去食鋪面非常之靚，真係好有懷舊氣息呢個亦都係我鍾意佢嘅其中一個原因忍唔住再為佢寫多一篇罕有嘅食評推介俾同樣喜歡懷舊嘅朋友仔講返食物：坐低之後，諗都唔使諗即刻嗌杯黑牛！上次飲過返尋味今次都依然係咁正無雞不歡呢個炸豉油脾唔錯再配多一份炸雞翼不過我覺得有啲細隻好快就食晒最後仲有呢個我另一個最愛呢個真係超級好食雖然真係有少少鹹但係嗰種完美嘅配合完全遮蓋左嗰種鹹期望下次唔係因為有朋友入醫院我先會過嚟食

尋晚約左一班好友收工後黎次久違嘅飯聚，搵個地方大家都就腳，去左九龍塘搵食，就去左浸會隔離間新開嘅冰室舖頭係裝潢得好懷舊，個menu係乒乓波拍整成，幾有特色野食方面都幾多選擇，先叫左杯蛋白杏仁，好濃好香，加埋蛋白好飲！至中意食雞脾嘅我叫左雞脾沙律，分量都ok，雞脾大大隻，雞肉質感嫩，食埋沙律就冇咁油膩另一個都幾ok嘅咖哩牛腩撈公仔麪，好香咖哩味，好似加左椰奶，撈公仔麵真係一流👍🏼牛腩唔太韌👌🏼不過食到底食到好幾條薑絲以為係薯仔😹成餐飯waiter都好好服務，成日麻煩佢地又攞水又攞湯，欣賞上菜同回應客人速度好快，落單/加單後五分鐘左右就上菜👍🏼😆

這間金記冰室令我從回小時的感覺，這裡食物雖然一般，地方雖然細左小小但很舒適，他們服務認真起值，唔似某人同你講風雨同路轉頭加價。我雖然無點飲品但他們的細心令你好窩心，我和女兒到餐廳進食，店員第一時間問我要唔要寶寶櫈，我點餐後又問要唔要碗仔，仲自動波比水我。這點已經比好多上市既都好希望你地會繼續努力做得更好，小菜味道算唔錯，可惜熱朱古力比較淡，羅宋湯偏向酸。不過我也會繼續光顧這間金記冰室。令人不會忘記這些有禮的店員

難得浸會大學旁邊多了新力軍,趁人較少的下午茶(2點45(時段去光顧!不過,一個人還是等了十分鐘才能進去. 雖然尚有午餐供應,還是挑了餐牌較為吸引的菜式來試試!翻開餐牌,亮在眼晴面前是那一頁: 懷舊燴意粉(茄汁), 共4種選擇,包括:功夫叉燒燴意粉($51)、沙丹豬扒燴意粉($52)、香草雞扒燴意粉($52)、美國牛扒燴意粉($53). 看見功夫叉燒名字趣怪,點了來一試,而加配熱奶茶一杯也獲半價優惠. 作為午餐,這道功夫叉燒意粉份量尚算充足，但叉燒份量不算多，而且稍乾。意粉偏稔,茄汁拌得不夠,所以吃起來不太甜酸. 還好, 旁邊的茄汁酸溜開胃,把醬料和叉燒一併拌進意粉,意粉吃起來更易入口,沒有原有的肥膩感,準是拌意粉時下了一點油的關係.如果新鮮蕃茄份量多一點,意粉一定更開胃!★★★☆☆ 吃著吃著,倒有點像吃舊式扒房的茄汁燴意粉,心情也明快起來. 懷舊也算是點題了!加上餐廳亮麗裝修,重現一種現代冰室的格調,吃這意粉也別有一番滋味!至於熱奶茶方面,味道香濃,稍稍有點澀味! 不過,對附近沒有茶餐廳供應奶茶的九龍塘內陸,這裡絕對是一脈青泉!★★★☆☆ 整體而言,雖然用餐以及輪候需時,但食物水準不俗

已經食左幾次，雖然係叫唔同既餐款，但質素大失所望。果然唔可以同其他分店比較。叫乾炒牛河竟然冇放鹽，叫咖哩牛腩既牛腩都可以係凍既，希望改善，唔係真的會做衰金記服務都幾好但野食真係改改。

匆匆忙忙走入去，見新餐廳又多街坊look人等，覺得伏極有個譜（根據An economist gets lunch 講）點知～ 1）坐得麻麻舒服，四人枱坐三個唔識的parties. 2）野食cp低，明明餐牌有小菜餐又唔俾人叫，迫你叫佢貴少少的當晚套餐。唉～都算啦，一坐低就同你講個套餐d湯賣晒，但價錢不變又無substitute 想點呀？又變相加價？仲要個時只係七點幾，咁早賣完？黎到份量又少⋯⋯3）食物都中規中矩啦，無大驚喜。普通茶記質素羅～裝修係幾靚既，不過就只有咁羅。如果我想食靚景又唔會揀坐得又唔舒服又趕的餐廳羅。有錢不如做返d promotion 吸長期客好過啦。總結，香港真係無野係正常思考模式。有興趣想係外國搵性價比高的餐廳可以睇返個本書，但可惜係香港唔適用😔）

平時星期六都要湊兒甥女黎九龍塘上興趣班，以前都比較難搵附近有咩食，難得有新餐廳開咗，特登黎試下！其實黎咗兩次，論食物係唔差，但係樓面「阿姐」既待客態度認真需要改善。由於要等小朋友放學既關係，我同家人需要係餐廳邊食邊等45分鐘，但入黎大概30分鐘後，剛好遇上附近大學及醫院的午飯時間而開始多人等候，為免影響該餐廳的生意，我同家人皆向經理表示可與其他客人「搭枱」，只是在小朋友放學後再要回一個位置讓小朋友坐下進餐就可以，經理亦都回應表示不用介懷，安心地吃。但事後樓面「阿姐」卻屢次給臉色我們二人看，為了免生尷尬，我們二人再次下單一常餐——《雪菜肉絲通粉》，讓自己及待會小朋友放學後進食，怎料一名「阿姐」下錯單，來了不相干的食物——《沙爹牛肉通粉》之餘，甚至及指責是我們指錯下單內容，但試問，為何我們會給一位不能吃沙爹的小朋友下單一碗《沙爹牛肉通粉》呢？幸好經理來到妥善的處理，才不會發生爭執。有見及此，其實餐廳的食物不差，兩位男經理的態度亦極之友善有禮，但其他「阿姐」的態度則有待改善。

九龍塘浸會大學一帶之劣食早已享負盛名。突然有一間新餐廳開幕，如同地獄中的新希望。特前來一試。餐廳裝修不錯，很有復古味道。店內不少有心思小物，營造冰室年代的氛圍。譬如仿乒乓球拍菜單。午餐的選擇實在强差人意，與學校單餸飯無異，只好選擇常餐。一碗沙爹牛肉米粉，配庵列方包，加凍檸茶。盛惠44大元，貴過翠華。如此高的物價，我自然期待高質素食物。但奈何怎麼吃也吃不出高汁，失望非常。要命的是，當天回家有點腸胃不適，不知是否與金記有關。。

因有老友大愛西環老店，常與她母親大人去嘆世界，想不到Auntie loves 茶餐廳公仔麵～～～於是好奇，貪新鮮去試試這間在九龍的新店。但其實是不是同一間呢？西環那間真的很舊喔！！下午茶時間果然多人，充滿著大學生、醫護人員，不知道醫生吃不吃茶餐呢？！很多款式選擇，圖片也吸引。但太熟悉茶餐廳的味道，所以不覺得有什麼特別！！並不是說不好吃啊！！下次再試試其他食物。有些食家說，要試最普通的食物，才知道廚師的斤兩！！

門口寫營業時間到21:00，20:00到話已經結單。每次來光顧都感覺態度極差，服務生裝作看不到顧客。價錢偏貴。It's written they close at 21:00. But when we arrive at 20:00, they told us  it's  closed with very bad attitude.  Every time very bad service. Food are so so, coffee terrible the price of food are high...

錦岩今日要反學校，原本諗住lunch喺學校食，點知行梗斜路時見到對面新開有間冰室，好奇心即刻過馬路睇下。。就係望到呢個招牌⋯ 真係好難得九龍塘有間港式餐廳食到個常餐～環境裝修懷舊，有特色... 即刻決定喺到食個menu 好有趣⋯⋯係兵乓球拍黎明明個menu 寫明係雪菜肉絲米粉同沙爹牛肉麵，但唔知點解野食黎到， 我同個fd 都變左通粉， 不過算～ 我地照食無追問.個多士外脆內軟，加埋溶左ge 牛油腸仔有煎一煎，幾香本身menu 係煎蛋，我轉炒蛋，幾滑，不錯！但個雪菜肉絲好咸.. 真係好咸... 搞到連個湯都咸埋.. 另外fd俾左個沙爹牛肉我試，我覺得幾好，下次我會叫沙爹牛~ 下次經過會再黎食

在九龍塘地區工作多年 , 每當要開飯的時候總覺得周圍實在沒有啖好食。 學校的canteen水準當然不會令人有任何期待 ， 只求不會吃到肚痛便以謝天謝地了。 難得城中名廚來到校園內開店，但總不能每天都去光顧的。 故此近年來小弟帶愛心飯盒的次數可說是與日俱增，一個星期差不多也會帶三四天....個多月前路過舊校舍 發現進駐多年的卡拉ok店進行大裝修， 八卦溜去看一看， 竟發現新的租户將會是近年來開始開枝散葉的"金記冰室"....於是乎等了一天又一天 , 卒之到了農曆新年前 , 店子裝修好後進行試業。 小弟自不然是急不及待地要去試一趟....這老冰室在被一位年輕人接手之後便變身成為一間典型的仿懷舊冰室( 現在想起來也真夠諷刺)。 瞄到店內四周圍的裝修及裝飾 ， 以及餐牌等的設計，說實在， 倒令人懷念起從前"真冰室"的氣氛....為了對這店公平起見 , 小弟先後分開兩天光顧了這裏的早餐以及午餐。 但結果只可以用四個字來形容 ---- 那便是慘不忍睹....對我來說 , 餐廳冰室若然連一杯奶茶也沖調不好的話， 那就真的可以不用光顧吧。 前後兩次來，一次點了茶走，而另外一次則點了最普通的奶茶。 前者

年初一拜年經過呢度， 見到懷舊冰室嘅招牌同埋遠睇有啲新式嘅裝修，就諗住遲下過來試一試， 點知今日黎到就中伏啦。。。年初三專程撘車落黎食，入到去人滿滿的，裝修只係扮懷舊並冇懷舊冰室嘅感覺，而且新年午餐餐牌竟然係食齋。。。。同啊媽每人嗌咗"招牌餐"即係常餐，豬潤通粉同火腿通粉，盛為97蚊。。。諗住呢頭97蚊咁上下啦，點知黎到豬潤得兩三塊，火腿通粉仲要湯多過粉，望落去得幾羹，仲要咸到死。係呢個時候坐我哋隔離嘅一家人都話估唔到咁少，以為會好似維記咁，仲話咁嘅價錢不如落九龍城聯發食算，我都深表同意。買單嘅時候收銀員竟然收多＄10話係新年價但張單完全冇寫到，好似俾人呃咁，好失望以後都唔會再黎