金西南米線

營業中

休息中

講起米線唔少人都會諗起連鎖嘅譚x等等....但呢間米線真係值得一試 係同出面嘅有唔同。佢嘅米線係幾彈牙有咬口 但最值得試嘅反而係佢嘅薯粉 同其他成日食到嘅唔同 一般嘅都較硬身同難夾，但呢到嘅薯粉係十分軟身 直接吞都得🙈 如果配埋腩肉個湯底就更野味！另外我最鐘意嘅就係叫佢地嘅口水雞 個汁真係一絕👍🏻👍🏻佢下午茶餐仲送埋野飲 都幾抵🙈所以鐘意食米線 雲南野嘅朋友可以一試！

這間店主要推介麻辣米缐，佢既麻辣係非常香，鐘意食辣必去。👍首推腩肉，牛肝菌，大腸，雞絲，菜肉雲吞👍可選擇不同辣度，走/小酸👍可選米缐，薯粉平均消費：$50/位，性價比超高

大家來到登龍街的目的通常都是攻著拉麵而來的，這間不起眼的雲南米線店自然被忽略了，本身很喜歡吃米線的我，除了常常光顧附近的連鎖店，都會到處找尋發掘別的米線店，這次就想一試這家店！點完沒多久，熱熱的湯麵就端過來了，湯底濃味，配料入味，這次揀了紅薯粉，夠彈牙，配料如韭菜、豆芽、蔥花、芫荽、連粉麵份量也可自選多少，跟出面相比，這裡給食客多了份細心。幸好這家店沒令我失望，份量大大碗，材料挺多，十分飽肚，而且經濟快捷之選，下次再來！

其實我覺得呢間嘢幾好食點解咁多負皮？但係佢嘅食具真係極度污糟個杯聞落去好似洗潔精嘅味但係飲落杯華田又好似冇事筷子同匙羹都好似畀人蹂躪左好多年已經全部甩曬色真係極度恐怖坐得又唔舒服其實如果唔裝修下都應該換下啲食具雖然唔係我心目中嘅辣麵但係佢嘅麻辣真係夠麻夠辣 都算唔錯但係真係幾油下米線又夠彈牙叫咗少米線都好大碗淨係叫咗一個餸都已經飽到上心口唔怪之咁多人呢個餸係豬大腸都算唔錯唔會太肥又冇豬躁味你係估唔到服務真係幾唔錯好勤力

九十後朋友介紹的米線店，說非常好吃，值得一試。這店我曾路過，但要不是朋友介紹，我想我並不會特別去試，原因是經常客滿，要擠在一有限空間來吃辣並不容易。外在條件並不影響食物質素，點了碗腩肉雞絲木耳菜肉雲吞小鍋米線，湯濃，配料入味，米線、蔥、芫荽也可選多少。整體來說是區內一不錯的選擇，而且價錢便宜。要說米線之一二，此米線比較接近燜煮類的米線，但看其煮法，實質就用上比較濃的湯底，配以車仔麵式的餸菜。好吃的米線必須將配料與米線同煮之，不然直接吃車仔麵。要我選我喜歡的米線店，我想我還是喜歡曾經在永隆街的譚仔，那時候，每碗米線用上新鮮的配料後後慢慢的用心煮，那種鮮美，是沒辦法能比較的。當九十後在說著那裡的魚蛋有多好吃，而我們還沉醉在那些年的陳皮魚蛋的時候，不是誰的錯，土地問題，此情不再………

去過幾次，但又唔算真係好好食的米線，而且份量超少但湯底幾味精，環境衛生一般地板係油立立。價錢響銅鑼灣來說算係平(唯一的優點!) 所謂的招牌牛菇菌咪其實係D酸汁菌，墨魚丸、腩肉之類的就無驚奇，連最簡單的菜肉餃係散的！不得不提呢間店的特色，佢嘅的人就知道一定有共鳴！呢間店的特色就係-受氣！最最最最衰就係店裡面坐櫃檯的黑色眼鏡男人(疑似老闆)...黑口黑面都算，態度個個要佢乞食一樣！無論你1個,2個人或者4人，繁忙定空閒食段都要你塔檯,係迫到舉手用筷子食米線都困難的迫！最絕係有一次想話唔坐入面最迫的位，打算響外面等一陣想等個鬆動D的2人位，個眼鏡男人居然話"咁你不如下次再來啦⋯"，哇..態度真係香港一絕! 好心你得閑顧下一下你間店個地板長期都油淋淋，D枱長期立chichi，改善下環境先寸啲客！生意唔係咁做的，遲早走曬D客...不知所謂的米線店!

男友是米線愛好者，早前發現銅鑼灣有間裝潢不起眼既米線店！於是今天約他一起去試試看！2點到達，午飯時間剛過，不用等位！滿心歡喜！餐牌選擇與一般米線店無咩分別，我叫了豬潤熱拌米（唔辣，走肉醬），男友很喜歡食辣，叫了大路的腩肉豬紅熱拌米（小麻辣）！不用多久食物送到米線很林身，醬汁的顏色與味道似是蒸魚甜豉油好在份量剛好，不會過咸！但豬潤太過乾身，唔夠漱滑，還有改善空間，而男友個碗太辣了，我只嚐了腩肉及豬紅各一件？腩肉厚薄適中，豬紅滑dodo如果店員再加d笑容就好了下次再來要試下有湯底既呢⋯⋯繼續shopping去

好味的涼拌米線在香港不多。米線要有彈性，涼拌汁要少咸。這裡就做得很好。涼拌汁不咸帶點甜，少辣也是慢慢辣出來，十分過癮。如果下次黑木耳能切成絲就好了。酸菜是必點的！

話說呢間米線由中學嗰時食到依家，大大話話食左有10年，由舊鋪食到去新鋪，味道始終如一，都係甘好食，唯獨有時d辣度嘅控制爭d，一時太辣，一時就唔辣。呢到米線有酸辣或者麻辣嘅口味，我起初係食酸辣，食食下轉左麻辣，貪拒香d，仲有d麻麻地嘅味夠刺激。首選推薦係牛肝菌同松茸。出面好難有嘅兩樣菇類食，去到d雲南的店鋪買呢兩種菇，唔知點解又好貴，所以呢到食最好。今日牛肝菌無貨，食左松茸，質感滑，咬落去有小小酸味，再加埋菌類本身的鮮味，好好味。豬皮--呢到d豬皮係經預先處理過的，並唔係白烚，而係有汁料處理過。咬落有汁滲出，微辣，夠軟身。腩肉都係必食推薦，我其實好怕食譚仔嗰隻腩肉，白烚無味。呢到腩肉係用醬汁炆淋，肥瘦分明，味道更好。最抵食嘅係拒嘅下午茶，2點半到6點，會有杯嘢飲送，平時就要食一碗嘢加6蚊先有嘢飲。午市食左兩碗三送米線加兩杯嘢飲，埋單99蚊，價錢合理。

我：2份牛肝菌黑框眼鏡男店員：唔可以兩份，我邊夠比其他客我：咁一份牛肝菌，墨魚頭，通菜，走肉碎，多蔥黑框眼鏡男店員：洗5洗多芫荽我：好啊碗米線嚟到，只見多芫荽，見5到多蔥我：冇蔥嘅黑框眼鏡男店員：d芫荽遮住咋我撩開d芫荽，都5見有蔥我：冇遮住喎，真係冇蔥黑框眼鏡男店員：你要多芫荽就唔可又多蔥，一係你加$5蔥我：係你問我洗5洗多芫荽，你頭先冇話多芫荽就5可多蔥請大家評吓理。有食開這間食店嘅你應該都領教過店員們的服務態度。1. 我認為黑框眼鏡男店員可以話今天5夠牛肝，介5介意要其他；2. 黑框眼鏡男店員冇事先講明要多芫荽就5可多蔥，而且係佢主動問我要5要多芫荽，嗰少少蔥值幾錢? 咁做生意5掂喎，反口覆舌，堅。做到咁衰，幾好味都5會再來，何況味道5係特別出眾，只係一般麻辣米線，態度就出眾

有晩行完 Time square，見有少少餓，諗起附近條街有好多選擇，於是去睇睇。最近天氣好熱☀️，又成日想落雨⛈，好悶熱🔥。見到有間米缐鋪，心中即時想起'酸辣'兩字！入到去坐底，當然第一時間睇餐牌啦。見到有雲南小鍋米線，又有重慶酸辣紅薯粉。我即刻揀左重慶酸辣🍜，因為小鍋周圍都有，但紅薯粉通常要係街邊食，仲要坐得唔舒服！我叫左小辣，一心期待着一碗香噴噴嘅重慶酸辣粉。點知碗粉上到枱覺得好奇怪，首先係湯底嘅顏色，好似加左雞粉咁淡黃色，而且一啲辣嘅感覺都冇！於是我同個侍應講，佢話如果唔夠辣就加面前嗰啲辣醬。然後又好關心咁問需唔需要俾多啲肉碎你，佢話因為啲肉碎係同辣椒一齊整所以加左會辣啲....佢講完啲肉碎之後，我突然間醒左！通常係小窩米線先會有肉碎，而且我你想講好似小窩米線多啲。所以我再問個侍應係咪落錯左單？因為我叫嘅係重慶酸辣唔係雲南小鍋！！點知佢竟然答我，兩個都係一樣！我呆左一秒然後再問佢： 「點樣係一樣呀？你意思係我就算叫邊個，個湯底都一樣呀？？」結果佢真係答我 :係！其實我已經好嬲😡，佢係咪覺得自己講嘅嘢好合理？過左一陣，佢又行埋黎問要唔要加肉碎。😑其實佢究竟明唔明，唔係加肉碎嘅問題。

係銅鑼灣搵碗粉面, lunch閒閒地都要三四十蚊公司附近的都試暈晒咁濟,今日行遠少少黎到登龍街試食呢一間未吃過既米線。一碗米線$25, 當然要加D送食既~於是叫左個"醬爆鯊丸星豆腐燕餃"米線, $42叫左個清湯試真下味先。不過真係估唔到, D米線比較少 (比起其他差唔多價錢既米線食店黎講)我食量不算多, 今次食完都覺得飽, 只是剛剛好。同埋好像沒有莞西, 因為听到隔壁枱有人說要加莞西, 收多$5...如本身有點莞西加下味道會香D好味D,不過這只是個人口味XDD湯底:勁咸...不知道是今天重手了,還是本身係咁咸。平時會吃面連湯飲的我,今次真係飲唔到。由於太咸既關係,沒太喝到是豬骨湯底還是什麼..米線: OK不錯,不會太過軟或硬。醬爆鯊丸: 很一般,裡面沒有醬爆, 可能煮得太耐了。同埋食到有大舊既碎骨, 吃的時候要小心D啊~星豆腐&燕餃: 都OK, 普普通通。份量少,很快就吃完。吃完之後出左去買水飲,一下子飲左大半支(...笑)如果米線份量多返少少, 同出面米線店既差唔多, 就會好D喇。

去到今期糧尾子 仲要去到銅鑼灣上堂上緊堂都諗緊今晚食咩好呢?! 附近都最少要6 70蚊先食到個晚飯無理由去掃個街咁唔健康架嘛 話晒都係正餐黎行到去登龍街 見到有間米線舖 望完個MENU 發現都可以食平少少喎 慳得一蚊得一蚊啦!!! 一卜個月先再食過好野有配搭好既米線組合 都有一淨米線咁自己再配搭價錢上係呢區真係合理架喇 側邊個啲要兩碗以上價錢先食到架最後揀左呢個木耳貢丸米線 加 炸醬 小酸辣呢排天氣又濕濕地 食少少辣可以去一去濕 個人唔洗咁攰同咁易病木耳好爽口 佢用呢隻係鮮木耳 所以特別好咬有口感而貢丸唔知點解我食到有芝士味 哈哈!! 但我又唔覺佢有芝心或者寫住有芝士唔緊要啦 芝士味原來同貢丸又OK夾到喎!! ANYWAY 炸醬就少左啲囉 一PAT咁多 仲要我加5蚊 好似唔係咁抵米線幼同埋比較林身 我米線都OK呢隻口感 不過如果硬多少少可能仲好湯底岩晒我呢啲又唔食得好辣既人 但又想食下調下味 不過42蚊可以係呢區食飽 同唔係伏 都算係咁喇 

港女呢個名詞實在太深入民心，好多時大家都會認為女生們都係十分之現實，鍾意高級野，食好西，唔係要食日本餐家，就要西餐，法國菜。其實大家又知唔知道唔係每一個女仔都咁需要食好西着靚衫買貴野，我呢，就好想搵到一個同我一齊食米線嘅男人。可能大家會出奇唔係啩竟然鍾意食米線？我嘅要求十分之簡單就係想搵一個願意同我食平嘢，掃街，Dook 魚蛋嘅男人。因為生活本身就唔離地，又點會要求別人一定要識飛呢？米之蓮幾星餐廳冇食過？其實，點樣都唔夠一碗雲吞麵家艇仔粥或者雲南米線好。每一次去完旅行返到嚟香港第一時間就會食返碗雲吞麵或者打返屋煮個出前一丁，呢個係習慣都係習性。今日我又來到我最鍾意食嘅金西食雲南米線！呢度最出色嘅就係腩肉同埋牛肝菌，牛肝菌長期去到晏晝四點鐘就賣晒呀！是日去食嘅時候已經無囇！點左一個金牌腩肉米線配付竹同埋豬膶，湯底揀咗比較少有嘅麻辣湯，當然呢度出名嘅係酸辣湯底啦但係佢嘅麻辣湯亦都十分出色。用上十分足了嘅花椒胡椒等等，香濃無比，另外呢一度嘅米線比較優生而且富彈性，特別好味！金西吸引我嘅地方就係任何時間無論午餐下午茶定晚餐，佢嘅份量都係超級大，無論係米線配菜去定係你叫嘅餸都一定會食得你飽！眼見

行完街 有d肚仔餓妹妹話好似好難搵但幾好味嘅米線舖仔雖少 店員亦好似不多但一入舖店員即安排好位置餐牌一目了然Order左米線後就"極速"上菜涼拌米線(極少辣)好惹味 加左竹笙 撈下撈下 辣味慢慢浸出唔似好食得辣嘅我都受得到本來想叫牛肝菌米粉 左售罄所以叫左個小窩米線(中辣)加左大腸同魚腐妹妹話呢個辣度啱啱好啵雖然第一次嚟食但我估腩肉應該係最好味因為坐喺間舖咁耐最多人加嘅餸就係腩肉等我下次再嚟試下先