金西南米線

營業中

休息中

真係未試食野食到一肚火！首先 入到去一坐底就問食咩Ok唔緊要 我話仲睇緊 轉頭先然後一分鐘都無 另一個阿姐又問食咩我去既時間係11:45 唔多人 唔明咁chur做乜之後叫我地既袋唔好放凳上 一陣有人坐我地無理佢 有人先算(最後走都無人搭枱)跟住我朋友叫小辣 佢整左走辣叫佢加辣油食都一樣我叫左重慶酸辣紅薯粉(小辣)同我想像差太遠 呢碗湯清水咁既色無酸又無辣 仲要係幼薯粉食完好口渴 應該落不少味精一放低筷子就問你係咪唔要 完全好似想趕客走如果繁忙時間你咁有效率完全無問題但我地個時段係唔多人 而且仲有空位登龍街食肆林立 真係唔好揀佢 不可一不可再！

晏晝六點幾，有啲口痕，又未夠鐘食飯，所以同朋友行入燈籠街，淨係諗住簡單食個米線，結果一坐低，個侍應係咁要我哋加料叫嘢飲。我哋見佢惡惡d，覺得有d怯，格硬迫住加左豬腩肉同凍檸茶⋯結果⋯⋯⋯簡直就係嘔心！其實個米線本身就煮得幾好食嘅，但係食食下發現喺啲碎肉同埋酸菜料裏面，出現左一舊好核突嘅類似生豬潤嘅嘢！叫左個侍應問佢係乜嘢黎，佢hea答左哦，有時師傅夾下呢樣夾下果樣，可能啲豬腸會跌咗落去⋯⋯我真係唔知點答佢好⋯亦都諗唔明點解生豬腸會跌落米線！朋友仔個酸辣粉食到一半肚仔痛，所以我哋都係拿拿聲起身畀錢走人。燈籠街麵店林立，d餐廳質素一向都非常唔錯。真心不明白呢啲咁樣的鋪頭點解仲可以開到落去

以前覺得好好食同抵食，通常都會堂食。琴晚第一次叫外賣反屋企食（家住屯門）叫咗2個兩餸米線 （腩肉牛展同腩肉豬腸）....點知反到屋企發現其中一碗米線無跟餸😫錢就比足但得一碗齋米線點食啊🙄🙄🙄🙄已經有打反去投訴但都無用啦😭話下次跟進返比返兩個餸我....點俾返我喎好日都唔出銅鑼灣一心期待食米線但真係好好好失望。大家叫外賣要小心啲。記得攞外賣時要睇清楚啊如果唔係分分鐘會食到齋米線 ～ 暫時都不會再回來

還記得第一次光顧這店，是十多年前，中學同學介紹來的！當時這店還在白沙道！那次之後，這店便成為我在銅鑼灣，其中一間會在選擇名單內的食店！（不知道大家會否這樣？在選擇名單內的意思，就是您不會特意來吃，但來到這裡，沒有特別想吃的，這是一個不會「伏」的選擇！是一份的親切感！也是一份的安心！）印象中，這店與當時在白沙道的店差不多大，但現在比當時的光顧的顧客較多！還記得小時候，店內的人總不多，可與同學仔慢慢的聊天！現在，好幾次來到，都是擠滿著顧客！喜歡背著大背包外出的我，在這擠迫的空間，的確有一點不舒服！但又明白小店空間有限，這也是需要接受的！今次點的是墨魚頭、冬菇、腩肉小窩米線（小辣、走韮芽、走芫茜蔥）哈哈！點解要講得咁仔細？係因為想話比大家知！呢個係個人口味！大家可以來到這裡，選擇返自己的喜好的！要先說一下湯底，湯底是十分濃郁的！由於是次選擇的是小辣，所以只有微微的辣味點綴一下，酸度亦恰好！（由於本人是日未病好，所以選擇了小辣，平日的中辣會比較惹味！）至於米線，這裡的米線幼身，亦偏硬！最後，配菜的份量較少！但對於我來說，還足夠的！墨魚頭有點腥、冬菇比較細粒和乾身！腩肉是招牌菜！煮得入味！口感亦

入去店員強烈要求我坐在行不入去的位置(但明明有其他空位)，坐下來的5分鐘已經受到店員強烈單打的言論，心想我只是吃飯也算數了，當我想落單時，店員問其他同事：邊個俾佢坐呢度架？然後直指叫我坐回剛才位置，二話不說我直接走。總括評論這裡指牌前菜就是：俾氣你受，唔食擺就

好耐冇食金西，以前覺得佢同X記酸辣小窩米線差唔多味，久唔久都會食下，隨住X記水準愈來愈參差，我都好耐冇食酸辣米線，今日又出開銅鑼灣，醒起金西就同朋友黎食下。今次叫左冬菇大腸米線（小辣）小辣基本上係唔辣，酸味都夠，但整體比較淡，冬菇係乾貨但偏偏冇咩菇味，仲真係乾乾地，而且得三粒，未免太少？大腸有色但係都係滷唔夠，冇咩味，令人失望。唯一可讚係個米線幾煙韌，唔會一Pat Pat，但整體真係好一般，短期都唔會再食。

同事想食米線，我不知道原來除了一眾連鎖米線店之外，銅鑼灣還有這間米線店！店員很有效率，在午市繁忙時間，有小人龍，我們等位期間，已跟我們落單，我跟同事因爲無「選擇困難症」所以可以俐落地點菜😆我點了三餸的傳統米線，要推薦豬腩肉！同事試新嘢，點了我覺得較為特別的涼拌米線（熱食），雖然聽落有點茅盾，其實就是撈米線，無湯的撈麵之米線版😄正常版的「麵底」是$27，涼拌版的是$28，加餸每樣$6或$7，店員行動迅速，是食快飯的好地方。

今日去試腩肉，牛肝菌，豬腸小鍋米線中辣腩肉不錯牛肝菌爽豬腸用左大腸部份，都叫林但係。。。其實只係中辣，湯面已經一層油。扣晒分我明白口味好個人，但我相信唔係咁多人頂得順咁油啩？除非你唔食辣囉。

在銅鑼灣工作了幾年，感覺最大的好處是午飯不用愁，選擇實在很多，而且很多食過番尋味。其中金西南可以說是到達午飯食堂的級數，可以一星期吃三次不嫌多。直到離開了銅鑼灣，偶然經過還是會想回味一下。今日推一下我最喜愛的配搭，腩肉菜肉雲吞小鍋米線。金南西出名金牌腩肉小鍋米線，當食肉獸遇上金牌腩肉，自以可永不超生。所以腩肉是必叫。它的腩肉不肥膩，雖肥瘦夾雜但仍是瘦肉居多，主要是淋滑鬆化，配上小許辣味，效果極佳。它的湯底偏酸辣，辣味可自由選擇，但其味極濃，配上吃米線不可或缺的開胃配菜，風味獨一無二。我一般選擇兩餸，愛吃菜的朋友牛肝菌是個不錯的選擇，而我更偏愛豬腸或菜肉雲吞，雖然它的雲吞不算皮薄，勝在放湯入味，濃湯入了內餡，咬開就成了湯餃，配上本身就香口的菜肉饀，絕對的錦上添花。

在餐牌內都應有都有，素菜類點了腐竹，黑木耳的確美味，加了腩肉，入味，又不算大肥膩，味道，湯底點了不辣，不錯。。。。帶有麻醬香，可惜，食具應注意清潔，店內小蚊子都有擾人情況。

之前港🐷都介紹過唔少登龍街美食 除左日式餐廳 仲有平民啲嘅粉麵舖 食得多連鎖嘅 都可以試下呢間低調抵食小店😁----------豬大腸小鍋米線 ( $34 )賣相係一般 但份量超多 米線啱啱好唔太淋 酸辣湯香濃唔會太重味精 不過鹹左少少 叫左小辣都唔算辣😂 豬大腸大大粒 而且都有成6、7舊 都幾入味同淋☺️ 港🐷走左青(芫荽 韭菜 ) 喺銅鑼灣黎講 呢個價錢都算唔錯😬-最平$27可以食到#雲南小鍋米線 重慶酸辣紅薯粉 額外加餸每款都係$5-6 而且可以「多米」 唔怕份量少唔夠食 真係好抵食呀!-P.S. 下午茶時段 (1430-1600) 仲送飲品～

在銅鑼灣要吃得便宜真的很難，現在茶餐廳也要$60，除了米線之外，也别無選擇了。而譚仔和南記我也吃到有點悶了，今天下午本來想去譚仔，但沿路經過金西南米線，見價錢合理便進去試試。本來想要雞肉，但它們只有雞絲，有點失望。最後我點了魚皮餃雲南小鍋米線，小辣對我來説也不太辣，湯的味道酸酸的，有點像雲桂香那個。魚皮餃也有三，四粒，還有點肉碎，芽菜和韮菜作配料，很豐富。寶寶點了腩肉小鍋米線，還可以叫多米。腩肉味道也不錯，入味而不韌。

呢間米線嘅style係類似雲貴香，主要係食酸辣湯底嘅～如果唔係朋友推介都唔識走入去食，因為呢度位置都幾偏僻，細細間唔多起眼～朋友推介熱撈米線，佢話同出邊嘅撈米線唔同，呢度係會加埋豉油汁，所以特別惹味～由於本人鍾意食湯米線多啲，所以叫了腩肉黑木耳小窩米線，清湯底～外表睇落平平無奇，但味道又真係幾驚喜首先佢嘅米線都幾彈牙，特別鍾意佢哋嘅湯底夠香濃，加埋莞西芽菜等配料，雖然清湯但幾好味～但最值得讚係佢嘅腩肉，腩肉厚切，夠淋同入味，而且唔會好多肥膏，所以口感好正，值得一試另外黑木耳同墨魚頭都唔錯，兩者都好爽口，同米線好夾～佢哋仲可以免費加底，但女仔食嘅話唔使加底都好夠飽～總括，我覺得呢度嘅米線味道同價錢都幾好，會令人回味

話說下午茶時間，想打個電話叫個外賣，聽電話嘅姐姐要我等咗佢幾分鐘，平時食過都知佢哋有啲忙，咁我都等咗陣，但到佢問地址我講唔清楚，佢都無好好同我講，即時cut咗我線！以為佢唔小心收我線，於是打番電話去，打好耐至有人聽，到聽電話問佢做咩收我線，佢話佢哋好忙喎！仲有大大聲鬧人！朋友都話唔好再食佢，怕佢哋加料唔洗食哩間嘢都出名無禮貌，無諗過我等咗佢幾分鐘聽佢同其他人講嘢，佢都咁無耐性接我哩個電話仲要咁惡鬧客！哩世都唔洗我再幫襯佢！

成日都食譚仔、南記，會唔會想食其他特別嘅米線呢？今次黎到一間位於銅鑼灣嘅米線鋪！金西南米線位於登龍街；至於登龍街係食街黎，我點解要簡依間呢？話說有次中午時間，我係銅鑼灣''搵食''，見到呢間食店望落好平凡喎，但入面都幾多人咖，於是我就入去試下喇！食完發覺，味道幾驚喜，一試就愛上其實我今次唔係第一次食呢間米線，至於愛上呢間米線嘅原因，係因為佢嘅酸辣小鍋米線既酸而唔鹹，食完唔會好口渴，又好頂癮！今次係夜晚食嘅，可以睇到個menu，係銅鑼灣地段，呢個價錢已經好實惠！飽肚又唔算貴，我嗌左野食加飲品大概30幾40蚊，不過，如果係下午茶食，仲包埋飲品！今次我嗌左嘅係雞絲豬潤酸辣米線，雖然賣相一般，但我欣賞佢嘅米線係彈牙嘅，煙煙韌韌。湯底好香，唔會太酸太濃，但配合埋芽菜、青蔥、芫茜、韮菜同酸菜，好似好普通，但又幾有風味！至於配料，其實睇落份量的確係幾少，呢個都係一個不足之處，可能銅鑼灣地段租貴，呢個價錢都唔要求咁多喇！整體而言，呢間米線味道唔錯！大家係銅鑼灣想食一餐經濟d嘅時間都可以試下！