金西南米線

營業中

休息中

登龍街眾所週知又名「拉麵街」，以眾多拉麵店聚集喺一條街而聞名，見到一間米線店開喺呢度，就膽粗粗入去食，因為係自己一個dinner，唔需要咁講究，所以打算快快食完就走。入到去都係一般米線店格局，侍應都幾friendly~一坐底就笑笑口咁幫我落單同比杯水我，叫咗一個小窩米線(HKD29)+炸醬(HKD6)共HKD35就可以埋單，如果食拉麵，相信價錢會係OVER一倍！坐咗一陣侍應就奉上我點的炸醬小窩米線~米線微硬唔夠滑，炸醬味道夠，但唔夠香滑，而湯底就無咩特別，不過以呢個價錢來說，可以算是「OK」吧！

聽朋友介紹，今晚就尼左食喇，兩個人都係食左$86聽聞啲燕餃好好味，係豬肉同埋馬蹄兩個米線都幾大碗、芝心丸就有3粒個米線幾彈，口感幾好同埋啲服務都好好 坐到舒服，唔錯

是日lunch time。突然想食雲南米線。近近地，就去左位於登龍街嘅金西南米線。去到嘅時候，都有人等位，不過好快安排到入坐。是日選擇：腩肉大腸牛肝菌小窩米線，走酸菜走韭菜小辣友人選擇：豬潤松茸牛肝菌小窩米線，走肉碎中大辣由於我馬馬地食酸野，所以去親食小窩米線都一定會走酸菜走韭菜。但係估唔到嘅係....佢個牛肝菌係酸嘅🤦🏻‍♂️由於現場環境壓力好大，所以食得好快。前前後後，20分鐘左右食完埋單。唔可以話佢唔好食，不過無咩特別。下一次都係行遠少少去食雲桂香😅

之前我係銅鑼灣番part-time，成日都係呢度買外賣食架！以前得半個鐘食lunch，可以打落黎落單先，落到去即刻比錢就拎得，好快！💨💨💨其實佢唔係特別好食，湯仲有d太咸添！所以我來食，完全係黎回味下，懷念下從前咁架咋！但佢係銅鑼灣，又係time square附近，呢個價錢真係算係咁！今日lunch hour 1點去，如我所料，幾多人排隊，侍應係我地排隊既時候幫忙落左單，我等左⏱15分鐘度就入得，入到到3分鐘就有野食啦~同事叫左🥢腩肉小鍋米線，個湯好濃味！腩肉好腍，唔太膩~我就叫左個🥢小鍋米線，清湯全走~ 因為我唔食韭菜、芽菜個d既~🤦🏻‍♀️叫有魚皮餃、♥️炸醬、墨魚丸同星豆腐~係我回憶既味精湯~忍唔住弟不多飲哂🤤星豆腐個雪味好重~ 墨魚丸係偏細粒既最所賞佢個👑炸醬，有少少辣油，但好香~ 下次再黎想要double 炸醬！👍🏻🤤咁既價錢，翻桌率高，食完好快走啦，好多人係出面等架！😏🏃🏻‍♀️

秋天到涼涼地就最適合食碗熱辣辣嘅米線，食車仔麵或米線最開心就係揀餸，成日都想加好多餸又驚食唔晒又貴又浪費，所以一碗平嘅平線底好緊要，因為可以加好多餸咁話說我入到去間鋪頭未係食晏時間所以即刻入得。佢個米線底HKD28銅鑼灣嚟講呢個價錢已經係好有良心。加餸都只係7-8蚊，係Times Square呢個地段，叫兩樣餸加埋嘢飲埋單50蚊真係低。我叫咗冬菇加豬大腸小鍋米線多酸，冬菇同豬大腸都係好入味個種仲有好多芽菜同莞莤，食米線就係要有呢啲先至完整。重點佢佢個米線幼得嚟好Q彈牙非常有水準，呢間餐廳值得我嚟銅鑼灣都幫親佢。…

今次黎到銅鑼灣食野，唔太熟港島路 試試朋友介紹的米線入到舖內都幾多人，座位算舒適，唔會太窄點左腩肉 豬大腸米線 ，湯底味道好濃郁，但感覺略為咸左少少，米線軟硬度適中，幾有咬口幾彈牙腩肉煮到好焾 又不會太肥，又唔會好乾身，好美味！豬大腸本身已經整到好入味碗米線裡面仲落左好多酸菜 同其他配料，肚餓得濟食哂成碗，份量都唔小由於係第一次食 選擇了小辣，不算太辣，下次應該可以試中辣！青瓜就不過不失啦 冇咩特別驚喜。食開連鎖米線店，有時都想轉換下口味，米線控可以試試

在日式拉面一条街上的一家米线店，在登龙街排队高峰期的时候也算是多了一个选择。店内空间还算可以吧，坐着不太拥挤，位置也挺多的。点餐之前问了他家辣度如何，服务员说不辣，但点了中辣的云南过桥米线感觉很辣的。。大热天出了一身汗。过桥米线的分量够足，各种配菜也挺丰富的，除了太辣口味不错。汤底也还可以，总的来说个人不太喜欢。比他家好吃的米线不少，作为在铜锣湾高峰时段常餐的选择还成吧。服务态度还行吧，不过不失。

午餐係近近地就係時代附近食，行過對面好快就到。之前外賣食過一次，都略知呢間米線都算出名係銅鑼灣呢頭，行到去見都真係滿座既～去到都需要等5分鐘左右入座。可能因為peak hour,店員係我地係門口等位時已幫我地開始落單。位置比較擠迫，坐低後超快有野食，同行朋友個碗腩肉米線直頭坐低1秒就有，其他2碗就3分鐘內黎齊，的確好有效率。叫左*腩肉黑木耳熱撈米線*🤔🤔其實有點懷疑落錯單，本身係想食撈薯粉架～不過唔知自己有無講漏，所以由佢啦，照食！上次食過佢外賣湯米線，都欣賞佢地酸菜幾好食，酸度適中。腩肉睇落比較大片多肉，都炆得夠淋同入味既，不過可惜太甜，個人口味不喜歡。黑木耳呢度係大片既，肉碎反而覺得幾ok,因為食到肉鮮味👀👀米線就一般般，部分都未淥得淋，而且撈撈調味同樣偏甜，令味道有點奇怪對我黎講，但米線份量真心比平時一般多既。

要數銅鑼灣最最最好味既米線，一定非金西南莫屬！由舊店食到宜家，湯底都係咁好味每次都會叫腩肉小鍋米線做膽 （Hkd 28+7)，再加其他餸😁，好多人會叫牛肝菌，但我之前叫過牛肝菌，覺得味道有啲怪怪地，真係每個人口味都不同佢個湯底好好味，酸菜夠酸，又有少少辣炸醬，十分對板腩肉份量多，整得好入味，又夠'林', 好野味,小妹耐唔耐就會黎食，真係唔錯架！睇番啲食評，好多都麻麻地，但我每次去到，lunch time都爆曬場，遲左仲要排隊添，有啲野真係試過先知虛偽，推介

超级棒的香港第一餐，好味永远大隐隐于市。这家好味食店是带宝宝计划去吃奈良上釜的时候偶然遇见的。那为何来这家店就餐呢？是因为奈良上釜不晓得什么原因关门了。宝宝吵着好饿，就带她来到这里尝试一下。味道意外的好吃！我们点了最普通的小锅米线，一般而言，越是最简单最便宜的产品最能体现一个餐馆的水准。宝宝吃得好开心！感觉物有所值！汤头特别鲜美，米线也很筋道！推荐！

有次同朋友去銅鑼灣行街，經過登龍街試吓金西南米線，我同朋友都唔係好食得辣，侍應哥哥就推薦腩肉、牛肝菌，但湯底可以唔辣，甚至餸可以另上，米線到後，覺得腩肉很好味、牛肝菌很特別，其他地方很少可以吃到的。我覺得價錢很合理、服務也很細心，值得推薦

每次去銅鑼灣做野都會去食呢間米線我覺得價錢ok又好食 班夥記好禮貌 最緊要碗米線夠熱又大碗 我個人覺得腩肉米線好食 每次來必食 推薦大家下次去可以試下 最後，要改善嘅地方就係冷氣太凍喇

我同FD 兩個人叫左一碗米線個員工(可能係老細) 問我加唔加野飲/小食 我就話唔加好喇 過左又黎講: 加野飲/小食會好D喎我唔理佢 過左陣佢又講: 你唔加 有人黎 就要走一個人我駁佢: 你又唔整最低消費?佢: 就係冇跟住我走左 當我唔岩 咁都唔洗係咁講(趕)掛..有人黎先算啦真係嬲到譚仔兩個人食一個小食都得

一坐低，環境都唔係好好架喇餐牌都未拎起就問我食乜侍應下下大聲呼呼喝喝野食又同隔離溝亂曬啲野未黎到已一肚氣侍應態度惡劣d野食好似飛落檯面咁食完唔夠一秒就即刻黎收野好似好趕咁但其實鋪面仲有位飲緊野 飲左一啖 條飲管離開左個口一秒就即刻想收我心諗真係咁多客黎？洗唔洗咁chur放眼望過去，個個食客黑口黑面都知咩事野食黎講，米線有少少煮唔熟湯又鹹到一個點真係不可一不可再勸勉大家，行多幾步去對面譚仔唔好貼錢俾人鬧

叫外賣送上公司，一開真的失望，我今日叫了冬菇雞絲熱拌米線，走花生及酸菜，熱拌米線已包肉碎$28，冬菇$6，雞絲$7，外賣$2，加埋都$43，但個樣好似好dry，冬菇加埋都唔夠一隻，雞絲真的只有幾絲而味道呢，冬菇食原味，雞絲無味，只有靠肉碎撐起成個麵，但我都覺得自己在食齋麵$43 至少有兩間更多餸及更多配菜的選擇一見到個麵我已後悔，馬上同同事講，早知唔咁懶去外賣自取譚x/ 南x 啦同事話呢間佢都唔會叫，因試過叫外賣俾少了墨魚頭，打落去追番，舖頭仲以好似唔信俾少左，以為同事想呃佢餸的態度回應，所以貼錢買爛受呀！