影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
之前放工日日都會經過呢條街啦，每次路過金西南就會發現有勁多人喺度排隊，所以今次都想着自己嚟試一下好唔好味。但係我想講真係好好食呀，依個米線！第一份量都算比較大啦女仔可能食完嘅話係都會有少少full嘅。第二係BB辣係完全冇難度嘅，所以食唔到辣都可以照嗌。第三就係一定要嗌佢哋嘅腩肉，真係無敵好食啦，特別係浸喺嗰啲湯汁裏面成個肉嘅嗰個香味加埋湯汁嘅香味口感非常之豐富然後我嘅friend話俾我知佢哋嘅燒賣都好好食，所以下次有機會會再嗌一下燒賣嘅😍
繼續閱讀
我有個同事住喺銅鑼灣，佢知我喜歡食美味米線，就介紹我去屋企附近間米線餐廳，這間餐廳叫金西南米線，佢話主食米線煮得好好食，食物質素好，價錢又唔貴，亦都冇收加一，仲日日都好多顧客。我同朋友來到餐廳見到有很多顧客，仲有不少外賣嘅顧客。餐廳餐牌都不錯，選擇米線可以選小窩米線或涼拌撈米線，仲可以加配料、加小食、加飲品，而配料都好多款式，味道亦有得選，可以選唔辣、BB辣、小辣、中辣、大辣、勁辣，真係令人叫得開心，多謝同事推介我同朋友來食。朋友就叫咗酸辣小窩薯粉（小辣），配料選咗金奬腩肉、魚皮餃、豬皮、微辣炸醬，我叫咗酸辣小窩米線（BB辣），配料選咗墨魚頭、滷水豬大腸、滷水豬肚，小食我哋就叫油菜（通菜）、黃金炸咖喱角、椒鹽炸魚蛋、椒鹽炸燒賣，而飲品選咗凍奶茶、凍檸檬茶、凍豆漿來配搭食酸辣小窩。🌶️🌶️酸辣小窩薯粉（小辣）湯底酸辣開胃，小辣適合多數人，酸度明亮，辣味來自辣椒，湯頭帶微甜，金獎腩肉肥瘦相間，滷得入味，只有微辣，軟嫩帶膠質，魚皮餃外皮Q彈，內餡鮮甜，吸附酸辣湯汁後更夠味，豬皮泡發後蓬鬆多孔，吸飽湯汁後口感滑嫩，酸辣味突出，微辣炸醬味道鹹香微辣，拌入湯後提升濃郁度，薯粉滑溜有嚼勁，搭配酸辣湯非常過癮，小辣能提鮮但不搶戲。🌶️酸辣小窩米線（BB辣）湯底BB辣更溫和，酸味主導，適合怕辣但喜歡刺激口感的人，墨魚頭脆嫩彈牙，海鮮鮮味與酸辣湯很搭，滷水豬大腸及豬肚滷香濃郁，大腸肥糯，豬肚厚實，處理得當無異味，同酸辣湯非常配合，米線較細軟嫩滑，都適合BB辣的湯底，BB辣更能嚐到配料原味。🧆小食油菜小食選通菜，通菜新鮮好口感，清燙後淋醬汁，爽脆解膩。黃金炸咖喱角，外皮酥脆，內餡咖喱香濃，微辣油香。⭐️椒鹽炸魚蛋，外脆內彈，椒鹽鹹香，內餡魚肉味濃。⭐️椒鹽炸燒賣，炸後表皮香脆微硬，內餡肉質爽滑，適合吃湯粉。 🍹凍奶茶是港式茶味濃厚，奶香滑順，甜度適中，解辣解膩首選。⭐️凍檸檬茶清新酸甜，檸檬香氣提神，適合搭配滷味。⭐️凍豆漿微甜豆香，中和辣味，適合搭配炸物平衡油膩
繼續閱讀
🌟自選酸辣小窩米線：層次豐富嘅酸辣盛宴首先，主角當然係佢哋嘅自選酸辣小窩米線！湯底一上枱，已經聞到陣陣酸辣香，唔會太嗆鼻，反而帶住一種開胃嘅香氣。湯底酸度適中，辣度可以自選，我揀咗中辣，入口先酸後辣，慢慢滲出微微麻香，飲落去好順喉，唔會太油膩，證明師傅調味功夫到家！ 配料方面，我揀咗酸菜、芽菜、韭菜、肉碎、腐皮、花生、金獎腩肉、墨魚頭、豬皮、豬紅、豬大腸，真係豐富到爆！每樣配料都處理得好好： 🌟金獎腩肉：肥瘦均勻，燜得入味，肉質軟淋得嚟帶少少咬口，唔會太膩。 🌟墨魚頭：爽脆彈牙，鮮味十足，完全冇雪藏味，證明新鮮。 🌟豬皮：清洗得乾淨，吸滿湯汁後超入味，口感煙韌有嚼勁。 🌟豬紅：滑嫩冇腥味，入口即化，同酸辣湯好夾。 🌟豬大腸：處理得乾淨，滷得入味，咬落去有少少韌性但唔會黐牙。 🌟酸菜同芽菜：增添爽脆口感，平衡湯底嘅濃郁。 🌟腐皮同花生：腐皮吸湯一流，花生炸得香脆，增加層次感。 米線本身煮得剛好，唔會太淋，掛湯能力強，每一啖都食到酸辣湯同配料嘅精華，真係食到停唔到口！ 🌟麻辣手撕雞（小食）：麻香惹味，肉質嫩滑除咗米線，我仲試咗佢哋嘅麻辣手撕雞。雞肉撕得細緻，肉質嫩滑，完全唔柴。麻辣調味做得好好，麻香突出但唔會太辣，仲帶少少甜味，食落好開胃。⭐️梳打水（檸檬加冰底）：清爽解膩最後飲品揀咗梳打水（檸檬加冰底，清新嘅檸檬味加上梳打水嘅氣泡感，飲落去冰涼透心，完美中和咗酸辣米線同麻辣雞嘅濃味，超級解膩！ 😼總結：高質米線專門店，必試酸辣組合整體來講，呢間米線專門店無論湯底、配料定小食都做得非常出色，尤其係酸辣小窩米線，湯底濃郁得嚟唔膩，配料新鮮多樣，絕對係米線愛好者嘅天堂！麻辣手撕雞同腐乳通菜亦係高水準之作，加上一杯清爽梳打水，成個套餐搭配得恰到好處。 如果你鍾意酸辣口味，或者想試吓高質米線，呢間店絕對值得一試！我已經諗定下次再嚟要試埋其他配料，真心推薦！
繼續閱讀
話説我同朋友第一次去食，入到去枱又細，又要同人搭枱，咁都算啦。跟住落單之後，唔知道個米線包埋飲品，唔小心另外落多咗杯嘢飲（奶茶），無對單，跟住呢個本身係我問題，但係當時都唔知道點解多咗杯嘢飲，啲服務姐姐就大聲講，同其他服務姐姐當住客人面前喺度爭拗，令我聽到唔係好舒服。跟住後來睇返張單，我先知自己另外叫多左，當然係我問題。咁正常係幫我取消一杯，但係佢同我講，因為已經沖咗，落左單，最後係我問題，我係飲兩杯奶茶。。。叫多左不是問題，但係對姐姐既處理感到無奈同埋有啲唔係真係為客人處境而考慮。當然中立啲講，有一位服務姐姐好有禮貌。另外，米線係大份，味道有好多米線鋪都有差唔多水準，個人認為不值得要排隊去食。。。😭😭
繼續閱讀
銅鑼灣人氣米線店🍜今次想介紹一間人氣米線店😋 佢由2003年開業至今 全港有兩間分店 一間喺係旺角 一間係銅鑼灣 位置都好方便👍🏻 我今次去左銅鑼灣店 店內唔算好大 座位之間略嫌有少少迫🤪 平日去到都要排10-15分鐘 人氣十足😍.佢有小鍋米線、涼拌米線、過橋米線選擇 價錢$38-$65不等👍🏻 另外佢有接近40款配料選擇 價錢$7-$15不等😋 比較特別嘅會有鹽香手撕雞、鯊魚丸、牛肝菌、松茸等🤪 🔹雲南小鍋米線（金獎腩肉、木耳絲）🍜🔹雲南小鍋米線（滷水豬大腸、蘿蔔、豬紅）🍜兩碗米線份量都好多 就算男士食都夠飽👍🏻 佢有得選擇辣度、麻度 中辣中麻食落好惹味😍 腩肉、豬大腸都好入味 炆得好淋😋 反而蘿蔔、豬紅略嫌唔夠入味🤪🔹滕椒魚皮🐟推介❤️ 魚皮口感超爽 食落酸酸辣辣 好開胃😍 絕對會食唔停口😋🔹炸燒賣💛正常發揮 唔太驚喜🤪🔹咖喱角💛正常發揮 唔太驚喜🤪🔹腐乳通菜🥬正常發揮 唔太驚喜🤪.整體✨ 呢間人氣米線店有兩間分店 一間喺係旺角 一間係銅鑼灣 位置都好方便👍🏻 銅鑼灣店環境唔算好大 平日去到都要排10-15分鐘 人氣十足😍 米線好大碗 有接近40款配料選擇😋 另外特別推介滕椒魚皮呢款小食🥰金西南米線 (銅鑼灣)銅鑼灣登龍街41-51號金龍大廈地下D號舖
繼續閱讀