金西南米線

營業中

休息中

餐廳：金西南米線 (銅鑼灣)地址：銅鑼灣登龍街41-51號金龍大厦地下D舖適逢五一黃金週緊係要去大大力幫襯黃店啦🎗，銅鑼灣登龍街有唔少餐廳，今次去左呢間有楠姑仔女認證嘅米線黃店，雖然文宣就無，不過就曾經出口又出力幫過唔少手足呢到嘅米線好抵食，係銅鑼灣黎講真係平到爛💰，岩哂年輕人平平地黎食一餐，$29就有個米線，加每個餸都只係$6/$7😍，學生仲有優惠送野飲，係呢個時勢仲邊食到咁平嘅野日本鱈魚豆腐小鍋米線(小辣) $35湯底酸辣帶麻🌶，仲有韭菜、芽菜、酸菜同肉碎，星型嘅鱈魚豆腐夠哂彈牙同cute😆，米線唔係好大碗但都夠食，大食嘅可以叫返碗過橋米線銅鑼灣相信好多人成日都會去，經過嘅你快啲去懲罰下啦

4/5實至名歸的金獎腩肉！Is truly is golden medal pork belly!(中英雙語，Chinese and English review)米線湯底雖然同好多外面嘅雷同，但有呢個金獎腩肉嘅加持真係成件事唔同晒。軟淋得來有咬口，有口感得來又唔會鞋，仲要滷得好味。米線係幼身點，爽滑點。其他蘿蔔，大腸正常吧。松茸同豬皮就唔知點解酸到過了火，豬紅就無味。(Google translate)Although the rice noodle soup has a lot of similarities with the outside, it is really important of having the golden medal pork belly . It's so soft that it still has a bite, and the taste is so good that The rice noodles are thinner then other and smooth. Other radish carrots, the large in

米線就係生命中嘅comfortfood閒時就要來一碗小辣唔夠辣 中辣又唔夠勇氣竹苼好多🥰🥰🥰辣嘅腩肉都好大片墨魚咀就唔係好入味唔識講 就係同件事唔太夾但個湯底我滿意了😌係個位置迫啲但食米線嘅地方通常都係咁的吧？

今天的天氣很冷🥶，很想食熱的食物來取暖。中午時在公司附近逛逛，決定吃一碗又熱又辣的小鍋米線😋這間小店售賣不同配搭的小鍋米線，冷盤小食和飲品。辣度方面由大麻辣至唔辣，共分8等級。本人建議各位直接點一個普通的小鍋米線，按自己喜好及肚餓程度，加6元或7元的餸，因為店家餐牌上的預設配搭和自已單叫加餸，價錢其實是一樣的😅-1️⃣腩肉魚腐小鍋米線 $42本人選了小辣，湯汁很濃很香，而且有很多芽菜、韭菜和酸菜，很足料👍🏻本人選了腩肉和魚腐，魚腐吸收湯汁後，很辣很好食😋腩肉醃得很入味，而且很嫩滑，和煮得很彈牙的米線一齊食，非常滿足😋

晚餐打開和你EAT諗住同女朋友食米線都撐下黃店拎曬外賣盒同紙袋去去到個收銀阿姐勁唔好老皮已經同隔離個阿姐小小聲我帶左3個 透明膠飯盒去本身都諗住唔夠裝就用佢啲外賣盒都唔志在嗰幾蚊只係為咗環保啲 因為近期 喪叫外賣勁唔環保跟住又話我個盒細唔夠裝好啦咁我就話一個盒裝湯一個盒裝麵同餸淨返果個買個菜裝落去啦都嘈嘈閉，完全接收唔到資訊同佢講完又要再重覆一次跟手佢交比廚房又講到錯晒又老屈我話要分湯同佢講話 第一碗要走芽菜又話唔明又話要逐樣嚟又鬧人繁忙時段唔可以自帶拎外賣盒我望一望樓面有三個人入座率不足一半純屬評價服務質素不過嘢都未食就已經激到一肚子氣最後返到屋企打開碗麵成碗麵只有兩粒餸

放假經過銅鑼灣唔知食咩好，同男朋友上網一揾見到呢間黃店就係附近就黎試下一嚟到已經見到坐滿人，唔係lunch time 都坐到爆唒一睇就知唔會係伏黎到緊係要試佢最出名既酸辣米線啦上網見到好多人推介一定要試下醬爆鯊魚丸、鱈魚豆腐、蟹子丸，全部都係招牌丸所以就嗌左黎試下個人好鐘意食佢個醬爆鯊魚丸、男朋友就鐘意蟹子丸米線唔會好淋，有得揀辣度！湯底就酸味重過辣味～ 下次去可能要嗌中辣價錢合理、員工友善，而且係黃店超級推介

🍜 小鍋米線 HK$29.自己係第一次食， 穩陣起見所以點咗中辣。🤣 自己感覺辣度還可以，下次可以試辣啲。(Ps. 自己平時食酸辣粉食開中至大辣。🤫 ) 不過感覺佢辣係辣得比較油身，睇相都覺得油。😂 不過自己原本就比較喜歡酸辣多過小鍋，下次試下其他湯先。.米線煮得剛好唔會太淋。原本米線連芽菜、酸菜、韭菜。😉 配料外點，我揀咗墨魚頭 (+HK$7) 同魚腐 (+HK$6)。好少有得揀墨魚。麵嘅份量幾夠，不過整體配料嘅份量比較少啦。

今日係銅鑼灣返工，除咗譚仔之外又有另外一間四川風味嘅米線可以食到，就係呢一間今西南米線。平時望落去平平無奇嘅四川米線我係唔會幫襯背景係乜嘢，但係fact check左呢一間係一間黃店，所以我就俾一次機會佢啦。令我覺得吸引嘅就係佢嘅雞翼同埋牛展，雞翼係用瑞士汁魯水而成，所以去到每一間餐廳我基本上都會叫一個雞翼，我覺得可以反映到呢間餐廳究竟對於配菜嘅研究。而佢嘅牛展食落去十分之鬆軟，如果佢份量可以多多一兩夠嘅話就故知然好，因為佢切成條狀。講到底其實最緊要就係睇吓個湯底給唔吸引， 佢嘅湯底用咗濃郁嘅豬骨湯咬制而成，所以食落去都有淡淡豬骨濃香。普普通通一個米線湯底都令到我齒頰留香

上幾個星期，打算係銅鑼灣試下小店，點知遇到伏😓！係好多過江龍林立既登龍街，街尾有一間唔起眼既小店，主要賣米線。我就叫左一個普通小鍋米線，加左菜肉雲吞同店員推介既腩肉。先講米線，米線未煮透，所以出面軟但入裡少少硬🙁！菜肉雲吞就多菜少肉。腩肉就係相對特別D，舖頭自家製，帶點辣，食落口感一般，唔算滑。雖然我叫左清湯，但本身腩肉有醃料，放埋落湯度就變到同樣鹹鹹辣辣咁！但我有樣野唔明，米線入面雖然有酸菜或腩肉帶少少醃料，但飲左幾啖湯已經非常鹹，非常口渴。我預左雲南米線個湯一定會落調味，但真太鹹！最後碗米線一共43蚊，坦白講，雖然佢係小店，相對有良心，但質素就....，加左7蚊一個餸但分量都係少。我會話係登龍街入面，佢價錢算係平民。但真心唔太好食😐，譚仔果D好食D。

個人十分鐘意食米線粉麵之類，所以成日都會食，呢間係間唔中都會去食嘅米線，有時仲會同朋友一齊去食，鐘意佢嘅味道，麻同酸味都配合得到，而且份量對我嚟講都啱，韭菜芽菜都好鐘意。

.🔻金西南米線.Lunch成日要諗食咩真係好頭痛，e+專心食黃店反而好易諗食咩，因為對比起已經冇咁多選擇，經過登籠街其實見過呢間野好多次，但都冇個衝動入去試，可能門面比較殘舊，但知道佢係黃店之後就即刻幫襯😂.🔻醬爆鯊魚丸 鱈魚豆腐 蟹子丸 小鍋米線我揀阻酸辣湯小辣，走芽走九，好少可有d特別丸食，我好中意d新鮮野😂所以嗌晒d平時出街好少食既丸，湯底好夠味唔覺有味精，飲阻幾啖湯都唔口渴，碗麵勁大碗，細食既朋友仔嗌少米線好了，佢每款餸都2-3粒，食晒d餸真係飽阻😂但大食既朋友好消息，原來呢到有得揀多米😯😯唔使加錢，岩晒男仔黎食😍真係良心小店呀！！！！呢碗野都係$47咋！！.

這間店也是我經常來吃的一間，位於登龍街，很容易找到這店。這店最出名的是豬腩肉，墨魚咀和牛乾菌是我最喜愛吃的。牛乾菌我只在這間店吃過，其他車仔麵店和米缐店是沒有的，牛乾菌味道是酸酸的很開胃，弄得很好味，只有這間才吃到的喔！😋

早幾日係cwb食下午茶！去返平時食開既金西南！一樣係必食既腩肉因為佢既腩肉真係好好食咁今次食撈薯粉，仲加多左份芝士腸！點知，餐到果時，我一食芝士腸，凍既？？？？ 咩事！之後同職員講睇下佢換比我，點知個職員大大聲話佢地既餸不嬲係凍，我真係黑人問號！🙄🙄🙄之後佢就好不爽咁換比我，但最後換完都係凍😑😑😑😑我決左以後都唔會再叫佢既芝士腸囉！腩肉係正常，唔係凍雖🙄🙄🙄

金西南呢間野d服務員態度極度差外賣叫左幾碗野 黎到比小左打返比佢地 第一句個呀姐話甘你想我依+比返你定下次比返你呀？態度差到呢！吾只一次 之前都試過 叫幾碗野比500蚊佢一開頭有個呀姐話有得找 之後第2個呀姐聽話無幾碗野+埋300幾蚊野比500無得找之後仲要態度續差甘回應我地態度差到一個點

呢間既腩肉雲南米線我真係可以連續食5日辣同酸度剛好味道都夠濃我平時中意外賣拎走番公司食始終入面都坐得好迫下舉起隻手食麵都會撞到格離佢地個鯊魚丸都好正口水雞都唔錯