影片
更多
2017-11-28
1466 瀏覽
收工番到元朗食乜好，當然其中一個選擇係我最愛拉麵之一嘅金田家，由銅鑼灣開到入黎元朗真係好方便，唔洗下下要過海。位於於商場1樓，附近都冇乜拉麵店，可能因為咁，平日黎都幾多人，但至少冇星期六日咁誇張，通常都要排隊等一陣位。呢度裝修都保留左啲日式風格，有長枱有細枱，少得有吧頭位。今日黎到時得番吧枱有幾個位，二話不說，即刻坐低，我仲幾鐘意呢度嘅枱設計都有一個櫃格，可以放下手機、手袋等物品，好貼心。呢度主要有拉麵、小食，拉麵有差唔多十款，正常價錢，人均百零蚊左右，視乎有冇追加或者點小食。拉麵有濃豚骨湯、雞白湯、辛子黑蒜、激辛、黑豚、黑松露、松茸豆乳等，麵嘅硬度可以自己揀超硬/硬/普通/軟，比較自由。另外可以加錢追加溏心蛋、腩肉叉燒、紫菜、木耳、粟米、芽菜等。小食方面有泡菜、餃子、叉燒、炸雞塊、芝士年糕等，選擇都幾多，不會單一。仲有飲品同蛋糕。柚子辛口拉麵 平時我多數點辣味拉麵，不過見有個柚子幾特別，之前冇試過，今日打算試試。其實一樣都係豚骨湯底，入面有黑豚叉燒、芽菜、紅洋蔥、紫菜，我走左青蔥。本來以為柚子拉麵，會有點奇怪，平過柚子味道唔係好濃，所以都冇乜違和感，其實幾夾，食落係淡淡柚子味湯底都幾
位於於商場1樓，附近都冇乜拉麵店，可能因為咁，平日黎都幾多人，但至少冇星期六日咁誇張，通常都要排隊等一陣位。
呢度裝修都保留左啲日式風格，有長枱有細枱，少得有吧頭位。今日黎到時得番吧枱有幾個位，二話不說，即刻坐低，我仲幾鐘意呢度嘅枱設計都有一個櫃格，可以放下手機、手袋等物品，好貼心。
呢度主要有拉麵、小食，拉麵有差唔多十款，正常價錢，人均百零蚊左右，視乎有冇追加或者點小食。拉麵有濃豚骨湯、雞白湯、辛子黑蒜、激辛、黑豚、黑松露、松茸豆乳等，麵嘅硬度可以自己揀超硬/硬/普通/軟，比較自由。另外可以加錢追加溏心蛋、腩肉叉燒、紫菜、木耳、粟米、芽菜等。小食方面有泡菜、餃子、叉燒、炸雞塊、芝士年糕等，選擇都幾多，不會單一。仲有飲品同蛋糕。
柚子辛口拉麵
平時我多數點辣味拉麵，不過見有個柚子幾特別，之前冇試過，今日打算試試。
其實一樣都係豚骨湯底，入面有黑豚叉燒、芽菜、紅洋蔥、紫菜，我走左青蔥。
本來以為柚子拉麵，會有點奇怪，平過柚子味道唔係好濃，所以都冇乜違和感，其實幾夾，食落係淡淡柚子味
湯底都幾杰，唔會好鹹，有淡淡柚子香；麵質我揀普通，唔會太硬太腍，個入認為剛好，而且幼麵都幾掛湯。我追加左自家製辣醬同溏心蛋，因為一直覺得呢度嘅「辛」唔算好辣，自己都算食得辣，所以平時即使我食激辛拉麵都覺得唔夠。今次決定追加《自家製辣醬》，睇落份量都幾多，其實偏溫和，落哂先覺得有少少辣。黑豚叉燒又大塊，又唔會太薄身，口感好腍，又唔會乾。溏心蛋不嬲都好食，少少流心，又有蛋香。
雞白湯豚骨拉麵
女朋友覺得呢款係咁多碗之中比較清，而且採用曲麵。豚骨湯底，裡面再有腩肉叉燒、京蔥、紫菜、青蔥。由於呢排都食左好多次拉麵，佢揀左比較清清地嘅拉麵，放棄左一貫會揀嘅濃湯底同直身麵。果然麵、湯底睇落較清徹，湯底冇咁厚同冇平時食開嘅咁杰。而且都冇嘻咁濃味，符合佢今日嘅要求腩肉叉燒薄薄四塊，唔會太肥膩，佢就幾鐘意。蔥絲增添左整碗麵嘅香氣，另外追加左一份粟米，由於係另上，而且係凍的，佢都要加番入湯底中浸番熱佢，夠甜。
唐揚雞塊
炸雞件都幾大件，一共四件，面頭有別於一般炸雞，係薄薄一層脆皮，炸到金黃，又脆又香，相當美味。
雞件幾大件，肉質都幾嫩，點少少沙律醬更好食，一人兩塊，眨下眼食哂。
張貼
