金滿庭京川滬菜館 (時代廣場) (已結業)

平日六點幾泥到....等左45mins先有位,因為唔想搭枱!好大,好有情調..因為好暗!未叫先有前菜:肉鬆with翠肉瓜一小碗,茶芥每人9元,有5款茶簡,壁螺春不太濃,okorder左1.白肉(冷盤)..個dip 好spicy,d白肉暖的...唔係應諗係凍o既咩?2.闊佬抄飯..話係海鮮..但係得d蝦同埋干瑤柱..普通3.紅油抄手..普通,唔會有鹼水味4.滿庭九不理..3個飽,蠻大的..個包,但係d餡好少好少..咬左三啖先見饀..但係d肉就好好味..總結,無咩特別,同其他京川滬餐廳差唔多!

I went to this restaurant last weekend and get a ticket to wait for a table at 6pm sth. I got a ticket 44 and they are calling for table 11 at that time. I thought I would need to wait at least an hour for a table and when I returned, I just realise that my no. has passed. The waitress there is so impolite and unhelpful. She said she has told me to be there after 20mins, ok do u want to say it's my fault? She said so loudly that all customers waiting there heard it. I am so embarrassed, anyway

星期日和平常一樣, 洗衫熨衫出街辦事.接近黃昏時段先和朋友黎到這店吃晚飯.以前都曾經光顧, 整體尚算不錯.今次又睇下有冇差左.雖然已經六點鐘去到, 但不幸miss左, 的檯剛剛俾哂客, 要再等一round.等左個多鐘先有得入去, 好彩中間時間有人拎D小吃和水出黎, 等大家都等得冇咁耐煩.四個人坐左近門口位置, 商量一頓點了:賽螃蟹高力豆沙桂花糖年糕炒蟮蝴闊佬炒飯(seafood, ham, egg white)雲吞燉雞一窩白飯一碗一口小籠包(八隻)賽螃蟹的蛋幾滑, 不過個黃好鬼大.炒蟮蝴味道唔錯韮黃和蟮幾多下,但要快D熱食, 凍左蟮蝴香味唔夠.闊佬炒飯其實有D蝦蛋火腿等既炒飯, 特別唔算特別但味道都ok.小籠包好像質素好過翡翠但夾爆左其中一隻, 但皮薄汁液豐富.雲吞燉雞一窩都幾大窩好多湯, 的雞肉都頗有雞味, 似乎不是雪雞, 又唔係老,四個人都飲左兩三碗.高力豆沙一如以往唔太甜, 熱辣辣蓮蓉份量適中, 不過八蚊隻好似貴左D.桂花糖年糕又幾好味喎, 芝麻在面, 吃下去韌韌地有點像廣東年糕, 可以點D糖漿吃. 但論韌和滑廣東年糕好似好的. 此菜是當中最愛的一味.吃得飽飽, 埋單接近$450

算係咁啦~ 同男朋友去食左個五香芝麻雞, 東坡肉, 兩個擔擔面, 鍋貼, 小龍包~~ 埋單$266 .. 佢好過翡翠小龍包既係佢多野食choose law ~ 但我都係覺得小龍包的話翡翠好食d 雖然貴d ...佢其他既野食都幾okay 呀!!!!!!!!! 另外都坐得幾舒服!~~ d 茶都好好飲~~~ 好香~

小籠包真係好食...但係叫左個和尚帶帽,唔值亦唔好食,雲白肉幾好...waiter都serve 得快。

六點四十五分去等位，等左個半鐘先有位，八點幾先至有得入去坐低～入面坐位都幾舒服，唔似酒樓咁鬼迫，我地叫左壺人參烏龍茶，入口甜甜地幾好飲，點菜時叫左椒鹽排骨、雲吞雞（1/4隻)、上海粗炒、炒年糕、蔥油餅、小龍飽、豆沙鍋餅。椒鹽排骨：好正，冇骨，啖啖肉唔肥膩小龍飽：唔錯，夾上去唔易穿，多肉汁，幾好食炒年糕：一碟有兩款年糕，一款係普通白色年糕，另一款係波菜年糕，波菜年糕比較硬，都係普通年糕好食點。上海粗炒：麻麻地，不過依家香港都冇乜邊間炒得好食。蔥油餅：一般貨色雲吞雞：唔錯，湯底唔太濃，雲吞都幾好食，可惜係本人鍾意食好"林"既雞，但佢隻雞唔係煲得太"林"。豆沙鍋餅：唔錯，豆沙都唔少，皮又夠脆總結：服務都唔錯，我地由八點幾坐都十點幾，都唔會有人想趕客咁既情況，食完歎番杯茶傾下計都係唔錯既選擇。

一口小籠飽: 皮包到好差，一夾d湯就流晒出，同其他真係差好遠. d香so鴨亂咁整，個侍應講到好似好勁係招牌菜咁，話要等25分鐘，但係轉頭唔夠10分鐘就出，炸到晒，仲要俾d平時食泰菜d酸辣醬去點，九唔搭八，好難食。

今次黎dinner竟然唔使等位好似去左間salon 咁因為每個waiter d 髮型都好1絕esp d 男waiters~4個女仔叫得小小野1口小籠包*****雞絲粉皮***失望，翡翠個d仲好味炒4季豆***賽膀蟹*勁差!!!勁大舊蛋!!勁求奇之作豆沙窩餅***

一切由等位開始‥9點幾先開始等大‥等左勁耐‥而且,有位知客小姐十分唔老黎,問佢要等幾耐唔答仲怒睥...睇佢個樣發晒脾氣...見到都想complain佢!入面d侍應好好多~d野食好好味!小籠包,鍋貼‥水準之作~糖醋魚唔太得‥肉淡&硬!但糖醋排骨就好好食!4季豆撈菜飯食都正!而我d fd就極鐘意佢個醉雞喇!話入味喎!7個人埋單6百幾,都幾抵!

The food taste so good, especially the meat dumplings and the chicken soup! Surprisingly, the service they provided are so good, the waiter always wear a pleasant smile and he also introduce food to me once he knew this was the first time I went to try their food!Good service, food taste is good and I think the price is also reasonable!Although you may need to wait for 10-30 mins, I think it's worth while to go for a try !

昨晚和一大班親戚食飯，我七點鐘到了之後籌要張大(在我之後還有幾個家庭要大的)，來之前都知等得耐所以無乜所謂的(但估不到因為這樣才要等咁耐)，但等了一個鐘之後才發覺，原來他們把其中兩張大用作撘之用，當時我覺得有無攪錯，這裏大又不是多，竟把大柝給兩三個人咁樣湊湊埋埋一張用，對真正需要大的人實在太過份，這樣的安排有違一間大酒樓的制度，足足等了一小時三十分鐘，還要開在銅鑼灣時代廣場的地段，真是不知所謂，所以我在此奉勸如果大家在繁忙時間一班人去食，那就要諗清楚才去呀。

今日同朋友仔黎左食飯六點半黎到已經好多人兩個人搭檯都要等左九個字先有位坐叫左擔擔麵,一口小籠包,鹹肉百頁小唐菜,紅油抄手同埋豆沙鍋餅擔擔麵～花生醬味唔夠濃,清真牛肉館仲好味d,幸好麵質唔錯一口小籠包～皮薄但好易穿,而且饀太多一粒粒既肥豬肉,唔健康,配上鎮江醋食先唔漏咋,味道不如想像中好!鹹肉百頁小唐菜～味道清清地得黎好夠味,但唔知百頁係d乜,味道似係豆製品紅油抄手～辣辣地幾野味,朋友仔讚不絕口,而且雲吞皮好滑,一入口就滑入喉嚨,d饀雖然知都有肥豬肉,但明顯較少,好正豆沙鍋餅～個皮唔太厚又煙煙un un,但個人喜好都係鍾意皮薄而又脆既一款,好似唯珍o個款咁,所以有d失望反而上檯時連同碧螺春個小食酸辣青瓜好好味,唔太辣又開胃,正!不過個茶錢貴左少少!好似要9蚊位!

食隔夜小籠包??? 好耐都無人招呼??? 好快收哂的野趕人走. 真係有d失望,希望下次可以好d喇.

唔明點解人人讚到飛起，翡翠好過佢啦，大家都係要等一粒鐘之嘛，仲平啲添，可能期望太大，可能大角咀會好啲。

今次叫左小籠包, 糖醋魚塊, 燻魚+燻魚拉麵, 高力豆沙(2件) 小籠包- 肉香皮薄汁多但好易穿糖醋魚塊- 酸甜合適中, 外表夠脆, 同上次吃到的水準一樣好, 真的要叫咕嚕肉專家Olivian 來品嚐一下他們的出品燻魚- 唔識評, 因為好少食高力豆沙是水準之作, 不油不泡, 有質感之餘不會太甜以此價錢所提供之食物質數, 是有理由相信點解咁多人等位, 等位時還有茶點招待, 在香港地確實少見合共$169.00(7:30p.m.前埋單免加一)