金滿庭京川滬菜館 (時代廣場) (已結業)

行開銅鑼灣,去左呢度試下上海野,2個人叫左五香牛肉、擔擔麵同小籠包,茶要左碧螺春,第一次飲,幾清香。牛肉最快黎到, 都有幾多塊,凍凍地,好入味,淋得黎又有咬口;小籠包都無失望,好多汁,皮都算薄;最後擔擔麵,好香麻醬味,麵都好煙un,埋單$123,食唔完的牛肉仲叫佢裝起,佢用個膠盒入住。服務都唔錯,待應都不停加茶,幾好禮貌。

琴曰第一次去金滿庭食dinner, 之前D friend 話小龐包同擔澹面好正米去試吓lor.琴曰7点去到,鬥口巳經勁多人,我同1個friend(2人)好彩等40mins就有位啦,可能細枱快D.試完之後終於明D人點解可以等成個鐘為咗食歺飯.D餸果然幾好食,我最like個糖措魚塊,酸酸地好開胃.重有我唔明點解有D食評話D人服務態度唔好,因為相反我覺得價錢又坻食,服務都幾好呀,D waiter & waitress 幾好禮貌wor...Um...ok, 我會再去食多幾次,試多D餸,因為琴日飽得滯無食擔擔面.

o個間咁既金滿庭(Times Square), 佢地既receptionist , 好似當正間o野係佢地開既咁, 惡到死, 服務態度超差, 我book左6:30pm, 由於遲左放工, 到樓下mtr出口o岩o岩6:30pm, 佢地已經打黎, 好似打黎收數咁, 對話如下:金: "我地係金滿庭, 你book左6:30pm, 而家夠鐘喇喎!"我: "唔好意思, 遲少少得唔得?"金: "得! 你上黎拎飛排隊慢慢等過囉!"我: "咁你地使唔使等人齊先可以入去?" (因為我d friend仲未到)金: "得! 咁你即係黎唔黎架?!"我: "咁我而家上黎囉!"金: "咁你要幾多分鐘先上到黎丫?!"我: "咁你咪預我搭電梯上黎既時間囉"以上對話中佢地既語氣同態度係超差, 仲好串, 而家我係客呀, 分下莊!!!真係...... !!! 今次今日咁既服務態度, 就算d野食幾好, 但係有d咁既害群之馬喇~!仲要係上到去o個時入面仲有大把吉位, 跟本完全冇人排隊!!!

朋友想食京川菜,又唔係好受得辣,銅鑼灣除了此店外不知有何選擇,見唔駛好似大角咀嗰間排長龍,菜款式又多,便入去食了。點了一口小籠包、水煮牛肉、火腿炆津白、蘭州手拉擔擔麵及豆沙鍋餅。茶選了碧螺春。餐前小食有數隻炸蝦,佐茶不俗。茶很清香,很是怡神。小籠包細細隻,皮薄饀靚,但都要小心夾,很易穿。肉汁鮮甜,要襯熱食。水煮牛肉幾紅,有辣椒、紅油浸住啲牛肉、芽菜,睇到都覺得辣。食落去有很香的胡椒、花椒味,辣的程度比上次四姐川菜更甚,很是驚喜。牛肉是鮮牛,十分嫩滑入味，個人覺得很有水準，連朋友唔太食得辣的都覺得好,一致給這道菜滿分。津白連金華火腿肴的,鮮甜中帶點咸香,湯清不油膩,比奶油津白佳。擔擔麵微辣,有肉碎及花生碎,香濃又不會太溜。麵身幾爽口,不錯。最後的豆沙鍋餅煎得有少許過火,但都幾脆口,豆沙不太甜,食完好飽。金滿庭開咗幾年都保持到水準,都算唔話得。但印象中以前食價錢好像平啲,應該是加了價。埋單連茶芥加一都是$266,以食物水準、服務及環境來說,都幾抵食。

相約老朋友到銅鑼灣，原來想去Shooters食美式野，但朋友話太熱氣，之後經過呢間，見又唔使點排隊，等左大約５分鐘就入得去～入面好大好靓，又多卡位．．第一個感覺都已經唔錯！睇睇餐牌，中上價錢，菜式又有圖畫睇，唔使盲中中點菜．我地２個人就叫左：１）一口小籠包（８隻）夠熱，皮薄又多汁２）生煎包（４件）好食又夠熱，但個包都幾油淋淋下３）傻佬炒飯咸蛋黃炒飯，分量大，面頭舖了大量豬肉鬆４）京醬牛肉配燒餅牛肉太咸，配以燒餅４件，都係食唔曬碧螺春茶太淡口，無咩茶味＊可能茶葉唔夠多＊是次朋友請客，都唔知幾多錢，但overall都唔錯，可以再泥，因為有好多菜式都好想試，但無奈眼闊肚窄^^"

食物：食物認真唔錯，雖然間唔中都有1,2 次差左，但係總括黎講，幾好。服務：幾好啦，睇得出佢地好肯俾機會D後生仔，D經理個樣得個十幾、二十歲…相當唔錯，感覺有朝氣、活力！價錢：加左價，我諗幾個% 到啦，但係咁好既質素、一流既食物水準、仲要開Times Square，埋單都百幾蚊，成個食通天我諗得佢一間做到，都抵佢日日排長龍。排隊：認真耐，等成一個鐘先有位，Book位又要6.30前，比較麻煩。夜D黎or平日，易D有位。

間唔中都會突然想食金滿庭, 雖然好多人通常要等一個鐘先有得食, 所以最好九點幾先去...我推介:1. 紅油抄手-- 甜甜辣辣好開胃, 食過幾間紅油抄手,都係金滿庭o既味道最o岩心水2. 芝麻雞-- 我係未食過o既, 但係好想食, 因為次次去到都己經賣哂.... , 我諗應該好好味o既3. 醉雞-- 好香o既酒味,d 雞又滑, 不過就細碟咗d4. 銀絲卷-- 其實無乜特別,個人喜好5. 沙鍋雲吞雞-- 一鍋食到你飽哂, 好抵, 不過味道就不過不失啦係咁多啫....

星期日同媽咪去銅鑼灣時代廣場行街, 行到十二點零鐘感覺肚餓, 突然好想食小籠飽, 於是就走左入去喇!我地等左大約30mins 先有位, 雖然要搭枱, 但係位置尚算舒適. 兩個人叫左4樣野, 包括: 小籠飽, 雪菜肉絲湯年糕, 擔擔麵同高力豆沙. 小籠飽皮薄有湯汁, 食落鮮甜有咬口; 雪菜肉絲湯年糕份量很大, 雪菜已浸透不會太鹹, 年糕爽口彈牙好好味; 擔擔麵相比好似無咁好食, 麵淋左少少, 湯內的肉同花生碎又少左dd; 而於高力豆沙, size好似拳頭咁大, 裏面有香蕉同豆沙, 好香好甜好好味! 我地兩個食完, 感到好滿足, 下次一定會再去試埋佢d小菜!

係食通天一講好多人等位o個間, 我諗無乜人唔會諗唔起金滿庭.七點幾去拿飛仔, 落樓下睇完書, 八點幾叫number, 收左飛仔之後重要係門口罰企多一陣先可以入得去..今次第一次坐卡位, 一坐落去, 嘩, 鬼死咁大陣酸縮臭汗味, 等左咁耐.. 無理由出返去再等過, 唯有深呼吸等自己適應左就唔覺有味啦..叫個服務員過來點菜..問佢芝麻雞半隻有幾大份, 佢答"咪雞咁大囉", 真係火都黎埋.. 等成個幾鐘就係得到d 咁樣的服務?! 好..我忍你...求其叫左個芝麻雞, 蟹肉時蔬, 闊佬炒飯, 爆牛, 小籠包, 炸曼頭, 煎蝦旦餅..四人用.. 點菜後多謝都無句, 重搶走個MENU添...比夠10/10 個差你!!!芝麻雞..好彩叫佢個汁分開上..個汁好難食.. 難食度8/10.. 最後變左食白切雞可能人多關係, 其他東西亦沒什麼驚喜...但都可以接受.最好還是小籠包...以前我都幾鍾意去呢到食野, 特別是奧海城那家..環境比食通天好一些, 而且食物及服務都好好多..總括今次經驗, 可能係暑假請左一班暑期工炒散, 所以好幾個都無乜禮貌.. 見到個茶壺蓋開左都扮睇唔到.. 但係著西裝的經理係好好

I am a chinese food lover and this restaurant is one of my top 10 favourite restaurant in HK. The noodles are great especailly the soup. If u got a chance to go there, u must also try their chicken wantong soup. That is the best!

我經常都去金滿庭食飯, 亦都幾鍾意食佢地D雲吞雞, 如果我無記錯, 加價前係98蚊, 加價後係106蚊, 都係加左8蚊, 老實講, 唔算多啦, 東隧一次都由15加到25蚊啦.講真, 而家D租金都加晒, 佢地都算合理啦.

我以前都好鍾意去個度食架點知近期，即係岩岩個星期二去食... 哇！貴到嚇死人！個半隻砂鍋雲吞雞一加加左廿幾蚊。太過份啦，而且重唔好味左！連最出名的小籠包都加左，去到成廿八蚊。埋單每人都百幾蚊。咁的價錢，可以食質素更好的。

今日去金滿庭食中午！食物ok，noodle is very good.但落ｏｒｄｅｒ之後８分鐘內所有食物都到了！不是趕客是什麼呢！？

又與朋友慶祝，今次仲多一個壽星女tim!奧海個間就去得多，銅鑼灣的都係第一次o黎。素鵝-買相較黑，料雖多，但炸得唔脆。五香芝麻雞-肉質幾滑，不過沒有雞味，全靠點d醬汁，才夠味。鮮魚羹-沒有一般羹類太糊狀，味道清清地，唔會好腥，唔錯。小籠飽-好多湯汁，皮又薄、肉又嫩。咕嚕肉-味道恰好，件件都係瘦肉，雖然係我鐘意，不過肉質較韌。鐵板京蔥爆羊肉-雖然係鐵皮上，但係唔夠香，沒有香蔥味，羊羶味亦唔夠，似食牛肉多d。榨菜肉未跟燒餅-燒餅幾脆又大件，一客得四件唔夠份，之後再叫多客。而榨菜肉未都ok，唔會過鹹。百頁小唐菜-好細碟，小唐菜幾嫩綠，2碗擔擔麵-湯底又濃，幾夠辣。麵又好彈牙。最後大家都好飽，但朋友們都不忘叫壽包，原來好大個，包皮軟熟、係豆沙，唔會太甜。雖然食物味道方面與奧海差不多，但係輪環境、地方、舒適度，甚至連menu都比起奧海又靚又好。

上星期六去食, 先發覺佢加o左價! 加幅都幾大!例如之前半隻雲吞雞要八十幾蚊, 今次竟然加到一百零八蚊!!!如此加幅, 實在有點過份! 以前四個人食平均每人七至八十蚊落樓, 今次就要成百幾蚊!!!所以, 我決定唔去幫襯啦!!!搵第二間食好過!