金滿庭京川滬菜館 (時代廣場) (已結業)

六點四十五分去等位，等左個半鐘先有位，八點幾先至有得入去坐低～入面坐位都幾舒服，唔似酒樓咁鬼迫，我地叫左壺人參烏龍茶，入口甜甜地幾好飲，點菜時叫左椒鹽排骨、雲吞雞（1/4隻)、上海粗炒、炒年糕、蔥油餅、小龍飽、豆沙鍋餅。椒鹽排骨：好正，冇骨，啖啖肉唔肥膩小龍飽：唔錯，夾上去唔易穿，多肉汁，幾好食炒年糕：一碟有兩款年糕，一款係普通白色年糕，另一款係波菜年糕，波菜年糕比較硬，都係普通年糕好食點。上海粗炒：麻麻地，不過依家香港都冇乜邊間炒得好食。蔥油餅：一般貨色雲吞雞：唔錯，湯底唔太濃，雲吞都幾好食，可惜係本人鍾意食好"林"既雞，但佢隻雞唔係煲得太"林"。豆沙鍋餅：唔錯，豆沙都唔少，皮又夠脆總結：服務都唔錯，我地由八點幾坐都十點幾，都唔會有人想趕客咁既情況，食完歎番杯茶傾下計都係唔錯既選擇。