金滿堂甜品

營業中

休息中

心情極差---- 食咗一間水準急降嘅餐廳，愛隊又節節失利，唉....狂食甜品補數...招牌作榴槤飄香，榴槤布甸內混有大大嚿榴槤肉，杰撻撻份量十足。果王不愧為果王，味極濃，又香又甜...愛果王者，必愛煞它....不然，已走到老遠矣...三十大洋，物有所值...

繼洋一晚飯, 當然是吃糖水. 朋友發板到金滿堂, 自己未曾試過, 只是朋友極力推介, 並稱之九龍南/東最強之一下, 實在絕無他選.看看餐牌, 這店賣的大多為非傳統糖水. 名字新潮, 叫起來又幾分肉麻. 朋友建議下, 要了藍精靈.甜品上枱, 份量都不少, 堆成一座迷你雪山狀, 澆上糖水, 煉奶, 旁邊放些梅乾, 雪山底下好像還有雪糕.坦白講, 這道除好看, 就沒啥特別, 梅乾又偏甜, 若用上鮮果代替自然好得多.見朋友點的金枝玉葉(楊枝甘露加強版), 反而幾袖珍, 無問他意見, 不過用上龍眼荔枝做, 應該不錯.這下飯後糖水, 大家都不再談現在未來, 變相回想過去, 笑說從前, 但要懷舊的話, 合成會較搭調.

炭燒咖啡雪芭- Must try item. Excellent good taste of coffee in nicely blended 雪芭. Highly recommended. 紅白之戀- so-soWill try other sweet soup next time.

密探小頌頌說淘大開了分店, 她買了三款甜品上我家一同分享, 謝謝^o^海藻粿子–要了荔枝和青蘋果味. 荔枝清香, 有少許果肉在內. 蘋果相對失色, 味有點假, 也可見細細粒果肉.芒果糯米慈–皮煙韌恰當, 內有甜甜芒果肉和汁, 連吃了兩粒.麥提莎糯米慈–只是麥提莎被糯米皮包着再拈上朱古力粉而已, gimmick效果多於實際, 愛糯米的我當然覺得皮大薄, contrast不算太強.

去了好多好多次了~~每次食都係依然0甘好食~~朱古力木糠布甸同炭燒咖啡雪芭實左大好食了~~這2樣已經令我每次去都必叫~~藍精靈同黃昏之戀亦係值得一食呀~~

食厭一般中式甜品，大家不防一試。極力推介咖啡果凍炭燒雪葩(其實我覺得係雪糕)，睇得出係自己整，雪糕內有合桃碎，夠香口，同咖啡雪糕好夾。

o尋晚去食, 竟然係住對面海o既朋友帶我呢條地頭蟲o黎。金滿堂o既甜品都幾多花款, 有少少似石磨坊o既做法。朋友強力推介咖咖果凍配炭燒咖啡雪葩, 但係我就想清清o地, 要o左個棷汁芒果清心丸。初頭以為o黎錯o左, 因為碗o野有海底o野又有西米底, 都幾豐富。味道唔錯, 咁多種料都幾match, 亦唔會過甜, 幾好。佢用珍珠西米, 爽口彈牙。但係狐狸投訴佢要o既西米露, 西米多過露....不滿喎~再熱d可以試o下藍精靈(藍莓刨冰), 賣相非常唔錯。龍吐珠同黑蜘珠都好吸引, 仲有金板玉葉(係楊枝甘露進化版喎...)同榴槤飄飄都想試。

响星期一最後一日紅假，一行六人食完泰國菜，即走到金滿堂食甜品，我哋未試過架，但朋友話呢間幾正，甜品種類太多，搞到花多眼亂．．１）榴槤西米露－朋友話幾好味，值得推介２）黑蜘蛛－荔枝味感覺ｏｋ，珠珠有ｄ靱有ｄ爽好得意３）咖啡果凍炭燒雪葩－朋友話好好味，雪糕入面有ｄ類似合桃既物體４）藍精靈－朋友見到己經好開心，酸酸地幾啱佢口味

金蘭花有糖水送也不吃，特意走來金滿堂吃甜品。星期六的晏晝落場時間，一個人也沒有。1)雷沙湯丸點了兩種餡的湯丸─花生及芝麻。湯丸皮煙韌彈牙，花生與芝麻俱比其他店淡口，不過花生餡造到有少少起沙，幾啎錯。最印象難忘的也算薑糖水，食店通常都只會用嫩薑，糖水無甚薑味，但此店卻用上老薑，所以飲起上來，啖啖都有薑辣，可讚。2)金枝玉葉乃該店獨創，是楊枝甘露的進化版，還是該店十大銷路之首位。出品比起楊枝金露更濃更杰。色澤也相信鮮色，入口有更豐富的芒果味，不甜，也沒有特別加糖。最煞食就是用剝了皮核的鮮龍眼肉代替西米。真真正正一個以生果為主題的甜品。牆上貼著本店的宗旨，就是不尚死甜，主張較清淡的甜品，吃得健康一點，但若食客個別要求，可以加甜一些。好正！有原則的甜品屋。

到這裡數次, 感覺蠻不錯. 是日大伙兒到這裡, 點了芒果飄飄, 其實係芒果布甸+芒果汁. ok啦, 芒果汁滿滿的, 沒加入糖水, 真材實料. 但始終是咖啡果凍炭燒雪葩較有特色, 味道也勝一籌!友人點了榴槤飄飄, 本人不好, 見他們也吃得頗滋味, 應該不錯. 但各人一份太飽了, 或許兩個人share會好點.

點了咖啡果凍炭燒雪葩，問侍應雪葩可否揀綠茶及咖啡味, 他說無問題。哈哈，兩隻味都好濃好好食! 金枝玉露就有新鮮龍眼作賣點, 雖然$25，但都值得一試。楊枝金露冰就將新鮮龍眼改為沙田柚，同樣好吃. 服務非常好，唔該前唔該後，又招呼周到，抵讚!

要去九龍城買d野,順便去食d野...先去金滿堂。六點半,見到金滿堂(大舖)落半閘,就過對面細舖食...入面只得一檯內地自由行人客,自己又求其搵個位坐...睇睇佢個十大排行榜,咖啡果凍炭燒雪葩高據榜首,就點左個試試...咖啡果凍夠凍,咖啡味香,濃度適中,頗滑,唔太甜...炭燒雪葩食落唔似雪葩,似雪糕多d...雪得太硬,食的時候唔太易整開佢...炭燒唔太濃,不過入面有d合桃,食落幾香口,起左唔少作用,呢個都係唔太甜...服務都唔錯,店員好禮貌...自己拿左錢出黎,佢主動收左錢,唔使自己行出去比佢...貓貓走來走去,自從上次有隻貓踩左上左大腿,宜家對貓有點兒恐懼,但內地自由行人客見到貓貓,即講:「好可愛喲~」貓可愛還是可怕,見仁見智了...

果次我同女朋友去食叫左個咖啡可可伴雪芭d雪芭好重咖啡味ar好食過炭燒咖啡ar之後重叫左個五寶露個五寶露好清好甜好潤好o岩d女士食

昨天3點我剛吃過榴槤飄飄後,再去金滿堂甜品吃香芒布甸$12:吃得布甸ok,芒果肉有點酸和甜~我沒諗!因為我不小心叫錯,我真的想叫榴槤布甸男員工講下午3點剛開門未準備做榴槤布甸,我算了下次會幫襯s.p.榴槤產品加價$3,請留意!

一班人在大邊爐出來，來到門口，見裡面多人，要等。為吃甜品要等位，不值得，況且九龍城甜品店多的是，正想提議不如去地茂館，或去轉角，是日才新張的甜品舖試試….說時遲，那時快，十幾人都夠坐的一張長檯就開在店正中，又會咁容易？分了「榴槤幫」及「非榴槤幫」兩批朋友，各自叫自己心水，然後再與別人交換，正是Openrice一齊開飯的精神~人多試多幾款。本來想吃榴槤的，卻見所以榴槤甜品都要加5蚊，加上又對O的藍莓刨冰幾有興趣，就叫了她同樣有興趣的炭燒朱古力雪葩來交換。朱古力雪葩幾濃的味道，但雪葩不夠幼細，像在吃朱古力味的碎冰；也吃了榴槤班戟，榴槤果然是又香甜又滑，要加5蚊也值得；咖啡果凍加埋咖啡雪葩，每論在造型與味道，都比炭燒朱古力為優勝。轉了一輪位，又等了一輪，故事發展在始料之外，大家姐G竟然去了又來。結果在錯愕之餘，是沒有什麼其他甜品可以嚐得真。當然相片也沒有影，唯了影了圖示的那個咖啡果凍雪葩。怎樣也埋不到單，也借這個機會再謝謝大家的禮物及好意。題外話：是夜有幾神奇？話說打完邊爐，一向早走的M嚷著要去吃甜品，我順口的說了「金滿堂」~~估不到，朋友們已預計有此一著，一切安排，也在這裡。試問龍城甜品舖