金滿堂甜品

營業中

休息中

與幾位小姐先o黎個飯前甜品，怕食唔落正餐，四個人share三款甜品。榴槤pancake-我冇食。一聞已好勁榴槤「香」，睇落似乎好多榴槤，但另外三位小姐話cream亦好多。朱古力木布甸-買相唔靚，份量好少。朱古力味好淡，食得出係唔靚的朱古力，大家都認同似食一件雪硬o左的忌廉。咖啡雪芭凍-雪芭的咖啡味好濃郁，有合桃碎及咖啡jelly粒粒，增加口感。另外凍味道比雪芭淡，所以先食雪芭，再食感覺凍冇味。

食完泰國野去左金滿堂食甜品．．我地5個人share食左：- 榴槤飄香: 好正！鐘意食榴槤既人一定大讚，佢係榴槤布甸+西米露+黑珍珠，好香，好rich但唔膩- 朱古力木糠布甸: ok，但似乎太硬，上面既朱古力粉太少- 雜果果凍(唔記得個名): 好清，唔太甜，果賣相好靚！佢同一般甜品舖好唔同既地方係唔太甜，係食原味唔係食糖水味！宜家仲係對面開多間大舖，唔駛座得咁辛苦又唔駛等位等咁耐！

食到飽上心口, 朋友寧願行多個圈都一定帶我去食甜品!去到見鋪頭細細, 一看meun,就知是食新穎甜品!其實都有d怕,試過太多新式甜品,太多都是不好食又貴!佢都有很多款,不過由於太飽本想試"芝麻燉蛋白" ,由朋友拍版!1.咖啡雪芭+jelly($20)---有成3個球,好好食,好平!咖啡味好濃,味道不偏甜or苦,裡面有碎合桃同咖啡jelly,雪芭好滑,做得不錯!看得出有心機去造!可惜jelly偏苦,美中不足!是足夠2人食,2.榴槤pancake ($18)---得2小粒,都幾貴,(我家深井附近甜品鋪"發記"此產品是非常出名,$23or$25有4件!)心想為何咁貴?但一切開,看到cream是比較少,而榴槤都比較多,合我,我不喜歡吃cream,真的不錯bor,可能cream少,我比較喜歡這pancake~ ^ ^ ~原來它對面街有多一間分店!total:$38真的很砰bor,因為味道比想像好!唔知幾時會再來九龍城一轉!

食完隆姐泰國美食館, 好失落, 因為覺得唔係咁好食, 要填補番呢種失落嘅感覺, 咁梗係去食甜品啦. 嚟到發現又多咗D款式喎, 但係價錢又貴咗喎. 唔通因為對面街開咗分店關係?望吓望吓俾個叫藍精靈嘅甜品吸引, 就呢個啦. 而男朋友仔就叫咗個香蕉船, 一諗起香蕉船就令到我諗番起仲係細路女個陣時嘅情景, 真係有好多回憶...諗吓諗吓我個藍精靈嚟喇, 一嚟到, 嘩! 咁大個, 唔怪得要等咗一陣先有得食啦. 但係食吓食吓發現有d唔對路. 呢個甜品你收得我20蚊竟然淨係俾d冰同幾粒梅我食, 好似俾佢欺騙咗感情. 但係原來唔係, D冰底下先至係精彩. "筆"吓"筆"吓竟然"筆"到D雪糕同椰果, 當堂眼前一亮. 四樣橯埋一齊食真係好味到不得了. 如果我知道呢個甜品有雪糕一定叫佢俾朱古力味, 因為佢地嘅朱古力雪糕整得好好味, 唔甜又有香濃嘅朱古力. 20蚊真係超值失落嘅感覺冇晒喇^0^P.S. 如果鐘意食榴槤嘅朋友要試吓佢地嘅榴槤冰, 包你話正

昨晚林小B同一友人到九龍城接我放工, 之後便到了此店宵夜。咖啡雪芭加啫喱- 同以前無咩分別,水準OK。熱合桃露- 翻之作, 不吃也罷。木糠檸檬布甸- 上檯時見到好細杯之餘, 賣相好似用花咀唧出來D忌廉, 食時好硬, 似係冰箱擺出嚟, 味道只有好勁好勁檸檬味酸到好似真係食緊檸檬, 完全唔識欣賞。

之前食過一次,成日都想再黎食過,食完洋一之後行過黎食甜品雖然好飽,仍然叫左金枝玉葉同咖啡雪芭+jelly金枝玉葉仍然好食,但唔知點解無左上次食個d大粒西米,攪到今次食口感無上次食咁好咖啡雪芭+jelly我剩係like食d雪芭,因為好濃咖啡味,入面重有d咖啡jelly碎同埋果仁,好味重外賣左麥提沙糯米慈比男朋友食

金寶轉戰金滿堂又係堆滿人一入門口就俾黑色午夜裝嚇親…五個人叫左四個金枝玉葉我就要合桃蛋白燉蛋點解次次都係我唔同架金枝玉葉即係有荔枝肉既楊枝甘露唔知點解明明係荔枝肉但食落都係似龍眼不過整體都幾好食既唔酸係最緊要我既合桃燉蛋白就唔夠紅磡芝麻綠豆既合桃燉奶有特色合桃露含量比較低到喉唔到肺和果子七款味道包括玖瑰水蜜桃紅豆綠茶荔枝等等店員事後指我地食完糖水先食果子一定會覺得無味但係我就覺得如果無分顏色睇怕都未必估得中唯一有印象既就係有少少苦/燶味既紅豆…服務都唔差既不過去九龍城我prefer好飽既合成囉

食左"得獎甜品"---我都唔記得叫乜, 係d水果啫喱咁既野, 幾好食, 好多水果~~同埋五寶滋潤糖水, 又係好足料, 好香粟米味~ 好清香不過如果係鍾意好甜好甜既糖水既朋友, 就可能會覺得太清, 食完好似無食咁, 不過如果正餐食到好飽又想食番個甜品, 呢兩個就very good喇~~~

我今晚無意中見到呢間舖，竟然咁好味！我食左碗紅粉佳人，好味又得意~D心心嘅味道同份量就幾好~不過纖維果多左D，好似要不停咬咬咬咁！我朋友就食左咖啡果凍+炭燒雪芭，D雪芭加左果仁粒，幾好食~淨係識話好好食咋~唔識講呀~大家支持吓啦~

前幾日外賣左金枝玉葉同芒果布甸收銀阿姐比我坐住等外賣幾好又幫我另外裝住d花奶好好服務態度金枝玉葉~入面有龍眼~感覺清甜好多~食多幾碗都得~芒果布甸好滑好多芒果~值得一試~其實之前都黎過~老板幾好人,又nice~下次會再去~

經開呢頭, 買o左個香'woo' 椰汁黑糯米俾sister, 加o左湯圓($3), total $18d 黑糯米好多, 好杰, 味道我唔知ar, 我都唔食o既, 不過sister 話好味wor. 佢都幾咀'diu' ga!仲有, d staffs 好nice, good!我會再幫襯!

隔個星期又o黎食糖水，上次話過會早do黎試o下個麥提莎糯米滋，但係雖然早o左都係賣哂，老闆娘唔該第日整多少少，唔駛我次次都咁失望啦！入正題今次試o左好多人都讚好o既金技玉葉，最初食覺得d西米好"實"，仲以為煮唔夠時間，後來問老闆娘先知個d唔係西米，而係一d俾西米貴好多o既野(佢講o左但我唔記得)，整體o黎講都算唔錯。後尾仲買o左個榴槤布甸返屋企俾啊媽食，佢話好"正"喎(啊媽係超級榴槤迷)！

有去食糖水o刺！今次因為去得比較夜(差唔多1:15am)所以好多o野已經賣哂，連新出o既麥提莎糯米滋都試唔到，下次一定要早d去試o下。今次要o左番薯糖水加湯圓，講真唔夠上次紅磡間糖水舖咁薑，但係都算唔錯因為個糖水底唔係咁甜，而呢樣亦係我咁鍾意o黎呢間舖頭o既原因。而今晚食完四眼哥哥就俾o左張卡我，原來食滿$50就有1個印，蓋滿8個有指定甜品送，張卡有效期仲去到下年9月。

上次來叫外賣,點了一個金枝玉葉,是一個改版的楊枝甘露,最大分別是加了龍眼肉,食落很清甜, 正呀,另外有次食了桂花凍,外形是心形的啫喱凍,而內裏有一塊罐頭橙,伴碟仲有塊威化,佢會問你加唔加蜜糖,我當然加la,不過就算加左都唔會好甜,因為桂花0既味道係好清嘛,所以都幾match,而且口感幾好,總之就係好味道lap.s.外賣金枝玉葉離開時,老闆仲同我講d龍眼肉係親手搣,而且當造好甜ga,好nice呀

I came from overseas, and I visited this store after recommendations from my friend. When I arrived with 3 friends the place was full and so we had to wait for a table. While we waited a family of 3 also arrived, and they were shown inside to take a seat at a table for 3.After 20 minutes of waiting there was finally a free table for 4, and the waiter showed us in. However when we went inside we found out that the family of 3 had taken the table meant for us! We were right to be angry since we ar