金滿堂甜品

營業中

休息中

和GF一起吃完泰式雞翅，嘴裏好辣，就想吃甜品，當然來到這家金滿堂啦。來這家鋪頭吃過好多次啦，很喜歡吃裏面的芒果和榴槤Pancake，可惜不夠凍，加個冰山就好爽啦。這裏的甜品都好好味，價格也還不錯，推薦大家去吃～

去完輝哥打完邊爐, 因為大家好似冇乜食過野咁, 就去左呢度食甜品, 一入去就有位, 但係過左半個鐘就要開始等位喇.老板好好人, 知我地第一次黎, 就推介我地食佢地d皇牌...我地叫左5樣野share食:楊支金露: 好芒果, 好好味唔記得個名既梅味冰: 真係好梅, 鍾意食梅既人一定好鍾意咖啡果凍: 我冇食, 因為唔係好鍾意咖啡味既野, 但係佢地話好好味, 好coffee, 特別係個雪糕.又係不知名(其實係我唔記得個名)既士多啤梨甜品: 好清最後就係我一食就上癮既榴槤枝露: 真係不得了, 好味到呢....好榴槤, 真係佢應該係新鮮榴槤用攪拌器打出黎....當日榴槤甜品因為榴槤價錢上漲而要加5元...但係都冇所謂啦~

咖啡果凍雪芭一一鐘意咖啡同nut既朋友必食!彩虹世界一一芒果汁底幾好味!藍精靈一一酸味味加云呢拿雪糕,我至愛!我帶親朋友黎食,個個都話正架!^^

佢已開左大約四年..我同我HON HON幫襯佢足四年(每個假期都去)一句講到尾..好好味..唔甜又好健康..

一家五口在對面鴻記食完打冷．附近的甜品店再戰．叫了金枝玉業．比楊枝金露清一點而且不膩推介之一楚留香．主要是榴槤賣相一般，都幾飽不錯黃昏之戀．芒果為主好新鮮推介之一紅白之戀．士多啤梨主打，普通一點芝麻餬燉奶．不試還好榴槤班cake．味道比滿記的好味多埋單136都幾抵食!

食完潮州野,friend介紹下黎試下:1. $30有7粒海藻粿子,揀左紅色字推介的:荔枝味,玫瑰味,桂花味,芒果味,綠茶紅豆味,薰依草味,水蜜桃味,口味幾清新,女店員好細心,重叫我地last先食薰依草味,因為味道比較濃,2. 飲品: 芒果yakult,同石榴薰依草,後者薰依草味蓋過石榴味3.chocolate木康布丁,試左少少,ok啦!下次試下其他!服務幾好,有禮貌!

跟老友食完飯，順步走去呢度食甜品...N年前嚟過，主打創新甜品，當然亦有傳统嘢如紅綠豆、芝麻糊等，悉隨尊便....叫一個金枝玉葉，查實即係楊枝甘露，不過加咗紅毛丹肉响裏面。非常杰身，料亦足，合格...試咗一口老友order嘅合桃糊。又係好杰身，頗滑，亦有合桃香，比大良八記出色好多....可以一試...

參加過同事的婚宴，在席上居然得到新老爺的$200大利事，當然要和同事一齊分享下啦﹗其中一位同事堅持要到金滿堂，十一點半後依人很多人，我們九個人來到真的為小店子構成壓力。最後在新店子那邊安頓好，每人拿著那密密麻麻的餐牌看看吃什麼，真的很難選呢﹗最後每人都選了不同的，有冷有熱，而我就要了一個藍精靈，是一個桑子刨冰，有很多桑子和藍莓醬，在刨裡面原來有一球雪糕，很有驚喜﹗每人都很滿意這個宴後甜品，$200大利事還餘$15可以搭的士﹗

食完魚一丁繼續食甜品, 四個人叫左咖啡雪葩, 超香濃咖啡味.叫左7粒海藻粿子, 荔枝味, 石榴味, 桂花味, 芒果味, 椰汁紅豆味, 士多啤梨味, 最好係荔枝味.金枝玉葉, 聲稱係楊枝金露加強版, 有芒果粒, 荔枝肉, 有類似西米粒既爽爽粒粒, 好香濃芒果味, 好食.弟弟請, 多謝.

食完晚飯當然要食糖水，九龍城這裡的選擇不少。金滿堂晚晚旺場，今回到來已經於街的對面9號舖追加了新店。兩店遙遙相對，舖是大了，座位也闊落了，不過同樣滿座，果然厲害。一看圖片就給這座藍紫色的冰山吸引，非點不可！其實是桑椹子、刨冰加雪糕底，外面落了不少酸酸甜甜的汁液，整座冰山甚巨型，但吃落又是幾解渴清涼，特別是桑椹子的配搭，真的像在吃一個刨冰甜品，相反麻布茶房的刨冰總是淡淡，只怪配搭不好。一句講晒，贏麻布茶房成條街！金滿堂果然係得！

食完dinner再戰甜品, 友人介紹所以試試呢度, 三個人叫左:1. 芒果飄香- 幾香, 在底類似芒果布甸既物體幾特別2. 咖啡雪芭凍- 咖啡雪芭好香濃, 夾雜住合桃碎有tiramisu既感覺, 咖啡菓凍味淡3. 綠茶紅豆雪芭凍- 緣茶味唔夠濃, 奶味偏重4. 海藻粿子三粒- 分別有菊花味, 桂花味, 紅豆綠茶, 桂花味最香都算幾好味, 唔錯唔錯~~

我在6月7日去左九龍城，同朋友都比佢門口個芒果系列吸引左入去吃~ 見到佢推介的金枝玉露個張相, 同楊枝金露冇乜分別. 點之一吃回味，每一啖都吃到足料，有柚子絲,大大粒的芒果, 芒果汁底，加入龍眼肉。芒果很甜，但係覺得價錢貴左d , 要成25元一碗。

01/07 同蝦蝦食完同心泰菜之後一肚氣,咪黎食甜品補返數. 2個人食都飽飽地, 淨係叫o左個榴槤飄香($28).味道都唔錯, 不過d榴槤就唔夠香甜, 西米露+黑珍珠d口感唔錯.平返少少就好啦.環境:冷氣唔夠凍

18/6(日)同朋友食完泰菜之後黎食甜品,之前食過兩次都好滿意叫左紅粉佳人同3粒海藻粿子(芒果,荔枝同唔記得咩味)我碗紅粉佳人好難食,士多啤梨極酸,雖然D心心同纖維粒"燕燕unun"幾得意,但碗野實在太酸,我好辛苦食左一半就放棄至於個d海藻粿子,味道好假好怪,唔識欣賞唉~點解呢到d甜品既quality會相差咁遠?

之前食過5寶露，甜度適中，見到芒果pancake，決心下次要試！不到2日，外買芒果pancake，果然好味！皮薄，芒果多，有半個pancake 以上都係芒果。仲有cream....最重要係唔太甜。好味！