金滿堂甜品

營業中

休息中

聽說這裡甜品味道比較清淡，來這裡試一試低糖的味道。點了個招牌雪糕果凍，二十多元，大碟，兩個人食都可以。雪糕裡有核桃粒，應該是自制，果凍原來已切成小塊，吃來方便。店主注意到小節，印象不錯。到九龍城，算是合成的另一個選擇。

2/3友人推薦E間D糖水好食,於是去左食消夜入到去,舖頭雖細,但尚算整潔,幸運地很快就有位坐伙記很有禮貌幫我地落柯打,我叫左個楊支金露,而友人則叫了金支玉葉等食落又唔會太甜,而且真材實料,落料甚足!!下次再去試下友人推薦的咖啡雪芭同麥提莎糯米滋P.S見到咪咪姐黎幫襯,哈哈!是日本人請客

同朋友係附近食完泰國菜,見仲有時間,就特登去食甜品喇~其實今次係我第二次幫襯喇,第一次係去淘大個間分店,試左麥提莎糯米磁同埋榴槤飄香,印象都唔錯,d榴槤味好香濃,個時已密謀下次再去過,今次就叫左咖啡果凍伴炭燒雪芭,杏仁蛋白露,芒果糯米磁,同朋友share食。嘩....估唔到個炭燒雪芭係咁好味既,個雪芭入面有d咖啡味jelly粒好好口感呀,完全feel到係誠意之作,個芒果糯米磁d芒果又好新鮮喎,杏仁蛋白露又香又滑,不過可能係少糖低甜既關係我覺得淡左d,朋友話好介紹下次再去過!

初三食完辣蟹咪同女友食甜品，其實一向小吃甜野見倒表明少甜咪試吓。天寒地凍咪叫熱嘢南瓜紫米$20芝麻旦白燉奶$18少甜真係食倒南瓜味同奶香缺點：太多人難揾位

一向不嗜甜的我也喜歡這店的甜品, 例如鮮果西米露(椰汁底), 有兩種不同的西米(真係未試過甘特別喎)可惜朋友試的金枝玉葉(改良版楊枝金露)只係可以用"流質的芒果"黎形容, 不好看也不甚好吃, 似乎要"再改良"

1-12-2008安排了九龍城甜品之旅，首先先試這間的甜品屋，應該甚吃也不會甜膩吧。咖啡果凍伴炭燒雪芭($28)。超級出色，值得留意欣賞的細心位為老闆已為果凍切開了，看上去完整的絕對看不到這舉動，這顯然讓食客吃得方便吧。咖啡味道很濃，三球大雪糕也相當抵食。這是必吃之選一。麥提莎糯米磁($18)。份量來說很不錯，原本還以為十八元這個價錢只有四粒，結果出來足足多了一倍。入口味道頗甜，但相比起平時的麥提莎朱古力，這麥提莎糯米磁果真調教得低甜了，這是必吃之選二。檸檬木槺布甸($15)。正當考慮朱古力還是檸檬的木槺布甸，這時老闆給了我們親切友善的指引。他說朱古力比較大路一點，至於檸檬木槺布甸味道則比較極端，有些人很喜歡有些人剛覺得難吃。結果我們也嘗試了檸檬味的，被那賣相吸引住。不似一般木槺布甸，這客布甸是一道長長的忌廉在打轉，表面灑了木槺。原以為會很淋，結果出來可能是凍的關係吧，充滿口感。果然入口真的比平時的檸檬西餅酸很多，但如果向來接受到檸檬味道的各位食家，一定會愛上這款！！結果檸檬木槺布甸為今次最有驚喜的甜品！

剛剛食了河粉，奴隸獸還是意猶未盡，所以主人提議去『金滿堂』食甜品。點了：1. 海藻鮮雜果杯（HK$20）：由海藻所做的果凍，煙韌有咬口。淋上了蜜糖，使味道更清甜可口。可惜生果不太新鮮，尤其是西瓜及士多啤梨，使味道打了折扣。2. 麥提莎糯米（HK$18）：見有多名顧客點此甜品，所以我們亦要了一份試試。覺得甜了一些，不合我們口味。3. Q版咖啡果凍伴炭燒雪芭（HK$18）：果凍原來已為顧客切開數件，這點子設想週到，使進食時較為方便。果凍有咖啡味，口感非常煙韌。至於Sorbet 內有合桃及葡萄乾，使口感及味道變得更豐富，更好味。P.S. 預備執筆寫這篇食評時，剛讀了一篇新食評，內容提及有優惠時段。經詢問後，此優惠只適用於九龍灣分店。奴隸獸說：『下次一定要去光顧九龍灣分店，可以食多D。』

食黎食去都係咖啡雪芭最好起碼出面食唔到d pancake, 糯米磁, 乜佳人精露都係有d 面包住d 餡, 或者d 果汁加醉冰之類都係果家野佢個雪芭唔知係咪自制好咖啡味, 有果仁, 同埋咖啡蒟蒻粒大家記住叫剩雪芭好喇, 唔駛配果凍, 因為個果凍一般有個桂花同菊花菓子, 都幾清香,幾好食的同埋個綠茶雪芭, 我幾鍾意食, 但友人嫌奶左d 喎

之前試過覺得佢d甜品有特色夠創意, 所以再來試其他. 但唔知係咪我孤陋寡聞叫了個黑馬王子, 餐牌上係括住(楊枝金露+ 黑珍珠), 上來的只係得芒果底, 芒果粒, 黑珍珠, 無西柚同西米. 問侍應佢話呢個係楊枝金露, d黑珍珠代替左西柚.難到只得芒果底, 芒果粒都可以叫楊枝金露嗎? 佢仲問我駛唔駛叫老細來. 黑馬王子比楊枝金露貴但料仲少左, 係唔係離普左d? 若黑馬王子只係得咁0既料, 那佢應該改過個餐牌, 免得誤導人!!!

dec 19, 07晚,餘下6人作九龍城第2擊,叫咗 : 1) 杏仁蛋白露-好滑,亦有杏仁味-但個質感,還是喜歡利x個蛋白杏仁茶2) 紅粉佳人-之前做功課,友人介紹我食這個-除咗士多啤梨個沙冰底之外,裡面仲有d椰果之類呢d有咬口的東西,所以口感比較豐富-但略嫌個甜味有d假(唔嚴重)3) 燉蛋白-友人話好味因唔太甜,又有奶味4) 楊枝金露5) 咖啡果凍-2個有nuts的咖啡雪糕球+咖啡味jelly-個雪糕除咗有好香nuts之外,仲有+埋咖啡味jelly粒在內,所以好豐富吓,又唔甜-有創意,good6) 咖啡雪芭- 呢餐友人繼續包起我,多謝晒- 此店sell少糖低甜,友人大讚,食得嚟健康d,減少d罪疚感

睇見網上好評就去試試﹐早到人唔多﹐諗住試十大人氣甜品應該好安全﹐果然不錯﹐榴槤飄香同咖啡凍配咖啡芭菲直得推介。

光顧日期：2007年11月8日要買又平、選擇又多的泰國食材，又怎能不想起九龍城呢？除此以外，九龍城還是食肆臨立的地區，泰菜、粵菜、潮州菜．．．當然還有甜品館啦！除了認識老字號的地茂館，還有逐漸冒起頭來，以少糖低甜作賣點的甜品館- 金滿堂。想吃的甜品太多了，最後還是點了（上）鎮店之寶- 楊枝金露的改良版，名為金枝玉葉$25。金滿堂強調這個金枝玉葉是選取菲律賓特大呂宋芒製作而成，芒果肉粒果然香氣撲鼻，味道清甜，芒果汁相當稠，的確是真材實料，味道也不太甜。配上龍眼肉、纖維果和西米，感覺蠻新鮮。當咀嚼西米時，那清脆俐落的「颯颯」聲，不間斷地傳入耳邊，確實爽口彈牙。外賣了這個海藻甜蜜水晶花$15，是海藻果凍系列之一，聽聞這系列的甜品又名為石花凍，石花是紅海藻的一種，不含脂肪能清熱排毒，對腸胃病很有幫助，並能及收體內的重金屬。質感不像啫喱，較爽，有點像蒟蒻；帶點五花茶的味道，微甘，蠻特別。蠻得我歡心的甜品館，在不久將來，我會再光顧並嚐嚐其他特色甜點。

食完濃烈味道泰菜,當然要食甜品中和番啦~daddy一見到menu就即刻話要蛋白杏仁露..媽媽就要左咖啡果凍+ coffee sobart~自己要左個五寶露~試左啖蛋白杏仁露,唔太甜,好香杏仁味~加左蛋白亦好滑~下次我都要食~好岩凍天食~好似食完會變左白雪雪咁~咖啡果凍+ coffee sobart都好正~自家製sobert入面有d類似jelly既野~有口感~夠冰凍~coffee味道教得都唔錯~自己既五寶露~入面有百合,清心丸,綠豆蓉,粟米,'舉''約',糖水幾潤...唔太甜..幾好~整體大家都好滿意~媽媽仲話蛋白杏仁露好味過上次同佢o係元朗石磨坊的糊類添~

今日我和幾位同學到了九龍城金滿堂吃甜品,還有幸與這裡的老闆娘聊了近一小時^.^ 食物固然很美味,但最令我喜出望外是這裡的人情味和員工的殷切款待,我覺得這是現今香港食店裡很難找得到的,憑著老闆娘的一份堅持,把金滿堂搞得有聲有色,在此祝願你們生意興隆,一切都順順利利,分店越開越多^.^

有一日同bf係九龍城吃完飯,之後就去左附近既金滿堂食甜品,入到去感覺已經好一般,因為環境好迫,仲要搭枱,不過我上網睇到有評家話哩到d野食都ok,咁我諗住都一試無防,然後我就order左個紅粉佳人,而我bf就叫左個芒果糯米磁,個糯米磁就不過不失.很多方都可以吃到,但我叫嗰個紅粉佳人,就肯定唔會好多地方食得番,因為超難食!!因為碗野入面d土多啤朵好酸,同埋入面有d一粒粒好似纖維咁,攪出黎成pad糊咁,好核突,好冇口感,我對住哩碗野只係吃左幾啖已經想反胃,極度失望,我bf仲話以後請都唔食!