金樂軒雞煲魚鍋

營業中

休息中

同上司和同事一齊開完會都已經七點幾無飯食就提議不如一齊食有人話去食雞煲肚仔餓 無咩所謂啦 就行去呢間食-店員好好招呼 入面可以容納40人左右一坐低就遞上佢地親手煲既竹庶茅根入面有粟米紅蘿蔔 俾你見到哂d渣好足料 飲落清甜又解渴-望到menu有雞煲 就即刻落左單先之後再落埋幾個招牌菜唔使一陣就已經到左店員同我地開爐同攪拌 好快就食得阿姐發號司令 各位同事已經準備筷子成個鍋好夠熱 每人夾左兩舊係碗雞肉滑lulu 個秘制汁好濃而且有少少辣(我地叫左bb辣)店員話如果辣既話就夾走d椒其實個辣我地都接受到 但係怕會愈食愈辣我地都夾走一半 哈哈(淆底mode)-說時遲那時快第二碟蒜香椒鹽豬手就送到個南乳汁另外上碟野俾炸蒜覆蓋哂 見到都開心唔好以為成碟都係炸蒜阿 豬手都有7-8舊全部都大大舊我夾起第一舊 無點醬個皮好脆 入面有好多豐富既骨膠原食到會漿住個口架我食第二舊就點個南乳汁我慢慢地南乳汁 不過同事狂點黎食話點左都好食 口味既野人人唔同最緊要係覺得好食咪得咯第三碟係尖椒炒豬潤內臟我少食 除左豬潤最鐘意食爽豬潤 呢碟野愈食愈辣因為尖椒呀嘛 好刺激阿食到呢間野好有人情味見到隔離枱打緊邊爐 老闆送左碟

突然間想食雞煲就同朋友search 下open rice 見公司附近有間雞煲好評都幾多就黎試下！一坐底見到冇爆棚但係人都多。應該主要做街坊客同埋周圍公司客仔！環境都可以接受啦！肚仔勁餓我地兩個女仔即刻左一個bb辣雞煲同埋招牌菜豬手！雞煲中上！d雞好滑。汁又濃最重要雞煲入面已經送埋香菇同豆卜煮到勁淋勁入味！值得一試！當我地食完雞煲諗住食菜要加水個陣！發現佢地加既唔係普通滾水！而係湯黎既。成個湯底勁野味～但係會愈煮愈辣。唔食得太辣既朋友就要早d夾既d紅辣椒！最最推介既係個豬手！真係勁好味！好味都唔知點形容。炸到脆卜卜。勁香之餘。咬落去勁淋，勁入味！老闆娘真係冇介紹錯！黎呢到必食既豬手！！充滿曬膠質我地兩個女仔清曬成碟！如果人多黎一定要叫兩碟！總括黎講為左個豬手會再黎食過！下次人多d可以叫多d野食！兩個人食一個雞煲有d多！菜量都多既我地唔曬個雞煲！豬手都食曬

我們一班朋友最愛搵好野食！今次和朋友4個第二次去吃，比第一次差很多！辣子雞只有花生、洋蔥等配料，只有少量雞肉，價錢$128！本地手切肥牛卻不是手切，一睇就知是機器切的，而且有急凍過的，份量很較少但要$228！味道雖然不差，但整體來說打邊盧食雞煲大把選擇！如果不是住附近，不值特地坐車去試。

好耐未食過甘正既川菜 , 呢間金樂軒有雞煲有魚鍋又有打邊爐同川菜 全部水準都高 而宜價錢唔貴 值得去食麻辣雞煲 小 168 蚊雞煲係比較乾身 醬汁大慨得1cm高 ,有麻子辣椒 葱花 等等既材料 感覺同四川食既一樣 十分有風味 但甘樣唔代表雞肉冇汁 麻辣香既醬汁完全滲哂落去雞肉入面， 雞肉既質感 滑度適中帶有一點咬勁 間中食下爽脆既洋葱 好正 而且若果係來自四川既香料 唔係粗制濫做 佢既煲落湯打邊爐係會越食越麻辣 呢個煲做到 ! 九菜餃 45 蚊自己包既菜餃 豬肉同九菜都勁新鮮 再加上皮夠煙韌 冇得輸豆苗菜 38 蚊一個字 好新鮮 好甜 吸盡雞煲既醬汁！  鮮墨魚滑 58 蚊超級彈牙 而且食得出落足料 好香濃墨魚滑味！跟住再點左d川菜水煮牛頸隻 118 蚊本身牛頸肉已經好正 脂肪比例平均 再配以水煮 有芽菜 豬紅 蒜蓉 辣椒等等 入面仲有超爽滑彈牙既薯粉 真係好好味 鍾意辣既人士必點！  辣子肥腸 98 蚊勁惹味既辣子肥腸， 肥腸 雖然本身肥 但炒得好夠鑊氣 所以食落好爽脆又帶點油花 冇過肥膩感。 而且乾炒既醬料 有辣椒 花生 炸蒜蓉 葱 等等 最正係一野食埋d醬料同肥腸一次過放入口 雖

同fd睇完戲過左黎依度食，聽人講佢地既雞煲同墨魚餅好正，今次終於有機會黎一試。首先我地就叫左一樽竹蔗芧根，同埋招牌雞煲，香煎墨魚餅，四川干煸四季豆，手包雲吞。竹蔗芧根清甜解喝，又清熱氣，絕對系火鍋佳伴，眨下眼就比我地飲晒，可惜想再叫即時候已經售罄啦😣到招牌雞煲啦，雞既份量多，又入味，而且吾系雞頭雞尾黎，食完Ｄ雞用黎做湯底一流，之後都有叫左個手包雲吞，Ｄ蝦好大隻，入口彈牙，再經過雞煲湯底既洗禮，又系另一番滋味。而佢地既四川干煸四季豆，鑊氣足，豆亦都另會太多渣，又可以比你揀辣度，下次可以再試。到壓軸登場既香煎墨魚餅，入口彈牙，墨魚味重，配埋Ｄ雞醬冇得彈，超好食！

住左係北角咁耐都唔知道和富道有咁多好野食，今次就揀左間幾出名的雞煲店叫金樂軒，店舖環境一搬，内有一間VIP房，服務熱情。呢間餐廳真係好有心，有自家製竹蔗茅根水給每一枱客人，味道清甜，用料十足，真係好適合食完辣雞煲之后飲。老重慶奇味雞煲$168我地人少少叫左個細雞煲，個雞煲熱辣辣香噴噴真係好正，選用新鲜雞做食材，啲雞超入味又香又滑，個湯底仲好濃味，無得輸。食完個雞煲之后再加水打邊爐啲湯一樣咁好味，叫左個老板推介安格斯牛頸脊，鲜紅色既牛頸脊入口即溶既感覺真係好正，老板果然無介绍錯。鲜味香煎墨鱼餅$128呢個小菜係餐廳的招牌菜自稱係手打出來，份量十足，大大片厚切墨鱼餅真係好好味，每一片都有一粒粒既墨鱼，超爽很有口感再加少少甜酸汁，有種食到停唔到口感覺。尖椒炒豬頸肉$78一個好普通無乜特别既小菜，尖椒生左小小唔夠辣，雖然炒得好有鍋氣，但係啲豬頸肉炒熟左之后缩都好細粒，無乜口感，如果啲味道可以再濃返少少就好喇！

今晚朋友將車泊左喺和富等我放工，我索性話不如喺附近坐底食野。和富道好短，但食店愈開愈多，而我地就覺得「金樂軒」呢個名好面熟，啊！原來就係以前成日喺柴灣食嗰間！見岩岩有枱即入左去～今日好想食魚所以點左《酸菜龍躉魚鍋 $268》。龍躉唔係原條上而係已經切好方便食用。中有亦有中量酸菜作調味，當然都可以食！味道唔會真係十分酸/只得個酸字，而係酸香味吊出龍躉魚既鮮甜味道，魚肉質地彈牙滑嫩，魚皮仲好有骨膠原既口感呢！我好鍾意食豬手，所以就點左《蒜香椒鹽豬手 $128》。豬手用蒜爆香左好惹味～起初擔心豬手會否太乾，但嚐過第一口之後就一隻隻唔停甘食了。豬手好稔易咀嚼，怕油既我都唔覺得油膩。呢款都係啖啖骨膠原，岩晒貪靚既我～四季豆係我出街食飯必點項目之一，所以點左《四川乾扁四季豆 $65》。份量多，有好多肉碎同四季豆！四季豆爽口清甜，而且無渣，十分新鮮呢！肉碎炒得入味，用嚟拌飯真心唔錯～餐廳有水供應，但食鍋點都覺得要飲下野既！點左口啤唔錯既《竹庶茅根 $28/揸 》～果然好味，最後點左2揸～呢款係餐廳用紅蘿蔔、竹蔗同馬蹄自家製而成，十分天然，勁清甜！凍飲真係好正又解渴～唔怪得之枱枱都點啦～～最後所有食物

今晚一家三口去附近食飯，呢間平時有自己去食晏，晚飯就第一次試。天氣涼左食煲就岩晒。老重慶奇味雞煲 （$278大、$168細）- 今日有3個人所以叫個$278大既雞煲。一直以為雞煲既肉一定好鞋，原來唔鞋而且又滑又入味！煲中亦有開邊豆腐卜，入晒d汁好入味，如果配粉絲食一定仲正呢！不過點左小菜所以留肚～咸肉炒苟菜花 $68 - 呢度既苟菜花好靚，完全無渣又新鮮！平時好怕食苟菜因為要食到靚既苟菜花好難，但今次菜嫩之餘味道又夠，咸肉用作吊味之餘又有肉食，呢個價份量又多算好抵！鮮味香煎墨魚餅 $128 - 以脆卜卜既蝦片舖底，上枱已經聞到墨魚餅既墨魚香，煎得表面兩邊黃金而且唔油膩，咬落仲好彈牙，再點埋伴碟既甜酸醬真係無得頂！之後先再食蝦片都無稔到，讚！竹庶茅根 $28/揸 - 見枱枱都飲，覺得一定唔差～食雞煲飲仲可以清下熱氣滋潤下。夠凍又清甜，清到淡淡地好天然～原來係自家製呢！服務：店員親切好街坊街里既感覺，令人多左份親切感。下次要試埋佢其他撚手小菜先得！

見到呢間食店有好多好評，於是約我老友一起試下新野。我們叫了一個重慶雞煲加支竹(全隻)，雞煲黎到打開蓋，醬汁顏色比以前試過的雞煲為深色，醬汁很身，嚐了一口雞肉。雞肉不夠嫩滑也沒有雞味。當然知道現在所有食店只會用冰鮮雞，但這雞煲確實令人有點失望、支竹也很硬身，由開始滾到最後也冇變軟，很厲害。價錢而言$279不算很便宜，順帶一提只收現金，不接受信用咭。

天氣轉涼又係時候食煲呢間有雞煲亦有魚煲我地今次叫左個豬潤做小菜同埋魚煲好大份，3個人食都夠曬先黎小菜豬潤d豬潤塊塊都好大，足料非常佢係泡椒煮ge一開始食都唔係好辣但d辣味係慢慢咁滲出黎勁香勁好味因為辣辣地我地3個即叫個竹蔗水28蚊一大渣 抵到喊雖則有點淡但勝在一d都唔甜唔會飲糖水咁感覺都好natural 同埋好夠冷，完全解到辣！之後魚煲就上啦我地選左桂花魚魚好滑好鮮味又真係幾辣喎 我地叫左中辣但d辣味又唔會蓋過d魚味先好個人覺得比方間的雞煲更正我地仲叫埋牛丸淥黎食牛丸好濃牛味唔會覺得奇野溝淡佢仲好彈牙

今日見做完劇烈運動，又好耐無食雞煲，就同屋企人講不如試下樓下間雞煲，自己本身都中意食雞煲，但就無唸過屋企人會打破慣例同我去食😄 去到門口，已經見到有人等位，不過鋪頭都幾大，好快我地就有位坐。我地被安排坐係一間房入面，較安靜，坐又坐得舒服。我地就點左一個bb辣重慶雞煲同一個走辣酸菜魚鍋，另外點左一jar新鮮的蔗汁。首先，個雞煲真係要讚下，好好食，對於我呢d平時連bb辣都食唔到的jj，呢個煲簡直令我改觀: 個雞煲有少少辣，但不但唔覺食得辛苦，反而覺得果種麻辣可以提升成個煲的味道，另外我地加左支竹落去，令成件事更惹味！不得不提係個魚鍋，湯底鮮甜，又唔腥，d酸菜好開胃，食得出用左好多心機煲，魚肉份量又剛好，然後食完2個煲飲翻杯蔗汁，簡直係正！ 原諒我今次係無影相，因為好味到我都唔想哂時間影。之後想食翻d菜中和下，就點左一份生菜同一份墨魚滑，墨魚滑無咩特別，反而無我想像咁好食，不過整體水準好好！絕對推薦俾愛雞煲又唔想太熱氣的朋友！🤗🤗最後埋單都係500，物超所值！

今晚和同事一行四人來到和富道金樂軒食川菜，起初俾左張大堂雙爐頭五人卡位我地，心唸正一個雞煲加一個魚鍋。坐左唔夠五分鐘，個啊姐走埋來話有間廳房無咁嘈的四人枱叫我地轉，起初都知無卡位坐得咁舒服，但人家想做多一個客生意，搵食難都明嘅，同意左。點知三張枱開哂爐D煙氣散唔到，可能我坐正死角位，一個字焗。入返正題，叫左個酸菜桂花魚，同事讚口不絕，湯夠噥夠甜，魚夠鮮夠滑。跟著叫左個川式辣子雞，份量超大，食唔曬，並不是唔好食，由於油炸加上辣椒D女同事都唔好，幾乎得我一個人食，雞炸得乾脆入味，炒得香辣可囗，廚房師傅應記一功。👍👍👍同亊再點左個香煎墨魚餅，不過不失。另加一份（福建）家鄉煎蠔餅，竟然比我想像中好味，由於在家也經常做這個餸，叫D同事要趁熱食，果然三分鐘清碟。最後來一個皇帝菜嗦下油

阿媽收完工同家姐一家四口落樓下食晚飯，平時都去開呢間食，今日心血來潮想寫下食評。可能係熟客仔所以落到去七點幾都唔洗點等位。我到屋企人中意食都係因為距乾淨企理。酸菜桂花魚(原條)呢個岩曬平時想食魚又懶的你，因為去曬所有骨，魚肉要係距上枱時一滾就最好快d食，咁會好滑同好夠酸酸地的味，距都會幫你起左d肉，夾果時小心d散曬無咁好味。個湯係真係條魚煲的，勁香濃魚味，唔係加水，因為你一飲係魚味沖向你個味覺，個煲距地加左好多酸菜同白菜仔，所以個人最中意呢個菜。因為個份量三個人食係有突。重慶雞煲(中辣)一隻上枱果時要搞下距如果唔係容易焦，雞件掛滿曬d汁，肉質幾嫩滑同夠少少肥，所以唔會痴牙，雞距都唔會切得細件，大大件所以汁唔會好入落d雞，但你食一半再沾下d汁會勁正，汁會夠少少麻辣同好夠咸，但又唔會蓋左雞味，洋蔥都幾多下，三個人食就一定要有男仔。香蒜豬手豬手一共有六件大大件，有半隻手咁大，上面曬上香脆的炸蒜，夠囇香口同好中意食完個口有果個味道。豬手外皮好脆同咸咸地，食落就係5成肥5成肉所以唔會好肥膩，配合埋炸蒜個味道一流，不過每人食一件已經好滿足，仲有兩個翻屋企宵夜。d姐姐會相當有passion 去介紹d

今天和豆豆去北角濕平，知道有一間很出名的雞煲店叫金樂軒，又怎可以放過呢?這間金樂軒很光猛，我看到大部份的客人也是叫雞煲的，我和豆豆先叫了一個老重慶雞煲和3個小菜!第一個小菜是煎墨魚滑，也因為是這裏的招牌菜，墨魚滑份量很足，而且也很大別也很香!下面還有炸得又香又脆的蝦片! 墨魚片原來是人手打出來，果然很有口感，加上甜酸汁，我們停不了口!雞煲也熱辣辣地放到爐子上，三皇雞是新鮮雞，加上自家制的重慶濃汁，雞又香又滑，鮮香又入味，豆腐和雞也很香濃，真的停不了口!椒鹽鮮魷外脆內軟，炸得剛剛好，而且又熱辣辣，實在令人能以抗拒!最後的蒜茸炒白菜仔很有鑊氣，没到八時己坐滿滿了，難怪這門店子客似雲來，待應也很客氣和殷勤，我覺得很有人情味和香濃的鑊氣，小璋最愛吃雞煲，下次要帶他來吃過痛快了!

身為一個港島人，都知道北角是美食的集中地。每次和女朋友在柴灣吃夜宵，總被一家吃川菜雞煲的店家吸引住，原來最近搬到北角了！終於有時間到來一試。小店在和富後街，不過是平日七時許，已經滿座！好在等了不太久便有位了，真好彩呢！這裏主打小菜雞煲，想打邊爐得，叫送食飯都得，任君選擇。這次我和女友則選了小菜。先來的是竹庶茅根這裏的竹庶茅根是自家製的，很天然，不會全是甜甜的味道。用料十足，加上紅蘿蔔、粟米和馬蹄，雪凍後十分清甜解渴，因為是鋪頭自家製的關係感覺十分健康！老重慶奇味雞煲 小（bb辣）當然要叫這個招牌雞煲，由於我倆都不太吃得很辣，所以只叫了bb辣。份量是半隻雞，兩人吃剛剛好。雞肉很嫩滑，用上了新鮮的三黃雞。醬汁很濃郁，配上吸汁能力很強的冬菇和豆卜，惹味十足！味道比較偏甜，適合香港人的口味時亦不失麻和辣的香。辣炒土豆絲簡單的薯仔絲，也能變出美味的小菜！這味是很有特色的川菜，薯仔切絲加上辣椒炒。味道既麻又香，鑊氣十足！薯絲炒得爽口，又不會過油，用來送白飯十分開胃！泡椒豬潤難得來到，當然要多嘗一點川菜！泡椒豬潤其實是用上翠肉瓜和辣椒炒豬潤。本身經理仔很怕吃翠肉瓜那種滑潺潺的口感，但經過大火鑊氣炒後