金樂軒雞煲魚鍋

營業中

休息中

北角地道中菜金樂軒牆上寫哂菜單各種菜式 圖文並茂 簡單清楚枱櫈具中國風 地方尚算闊落飲品有自家製嘅竹蔗矛根非常清甜 有別岀面街飲到嘅咸肉炒蒜芯 $68平日係街比較少見嘅蒜芯食落似韮菜 但較粗 味道好甜😮用上咸肉黎炒 非常惹肉😋用黎餸啤酒🍻 真係very good👍🏻老重慶奇味雞煲(小) $168 好食指數 8/10抵食指數 7/10冬天最正就係嘆雞煲🐔呢個老重慶風味幾香濃同特別👅仲有勁多芫茜雞既份量都幾多 肉質嫩滑唔夠喉可以加選湯底繼續打邊爐 👍🏻

同朋友係附近搵野食，見到呢間雞煲同小菜都幾吸引，又唔洗等位。三個人叫左個細麻辣雞煲，再加左貢丸、魚皮餃、皇帝菜、支竹、滑牛、豬潤同出前一丁。雞煲幾香，叫左小辣都唔係好辣，但都幾惹味，雞嘅份量都唔少，支竹吸哂麻辣汁好好味。食完雞就加湯打邊爐，加嘅湯唔係白色嘅豬骨湯或者雞湯，而係淺啡色嘅唔知咩湯，打完邊爐嘅食物都幾夠味。打邊爐料都正常，係滑牛冇咩牛味，應該加左好多鬆肉粉令到舊肉林。三個人埋單差唔多$600，不過不失。

餐廳環境幾整潔有小菜同魚煲雞煲老重慶奇味雞煲(小) $168 冬天必食之選就係雞煲🐥又惹味又暖胃 ❤️❤️加左多款香料同辣椒味道香濃豐富👍🏻👍🏻雞肉嫩得黎又彈牙之後仲可以加湯底打邊爐 非常過癮😍蒜香椒鹽豬手 $128 豬手炸到金黃香脆 非常可口🐽而且皮脆肉嫩 蒜香味好濃特製醬汁亦都好好味真係錦上添花🌸🌸

呢度嘅水煑魚好出名，所以同媽咪黎食～一坐底已送上自家製嘅竹蔗茅根，無糖份，潤喉解渴！！叫咗：水煑桂花魚鍋：桂花魚肉好滑，配埋水煑湯底好好味～辣子肥腸：最鍾意食腸，辣得好惹味～尖椒炒豬頸肉：炒得好有鑊氣，豬頸肉爽口～好有水準有鑊氣，服務好好～

今天與喜歡吃魚的朋友去左北角食酸菜魚。金樂軒就在和富中心對面，近北角地鐵。店舖裝修光猛大方～先叫左一渣竹庶芽根$28真材實料, 唔會好甜, 正~終於食到我最愛的酸菜魚啦~用電池爐好安全呀酸菜桂花魚$188呢個酸菜桂花魚的魚肉超滑, 又無咩魚骨最好有得叫BB辣(因為食唔到太辣)~湯底鮮甜美味, 真係飲多幾碗都得酸菜好好食~呢味什菌炒牛頸脊$98牛頸脊好淋，炒什菌又唔會好油，非常好的配搭~蒜香猪手$128呢味係店主推介，炒左的蒜超香口，可以送飯食一流猪手肥美, 好好食~唔算好肥蒜香超香口~最後一味係辣炒土豆絲$60絕對不油膩，薯仔切絲易入口，好淋, 正~這間店舖值得推介~

天氣咁凍梗係好想食雞煲或者火鍋，行開北角見呢間餐廳出名雞煲同魚煲，所以就揀咗呢間嚟食～兩個人同因為有少少喉嚨痛，所以就唔食得辣，叫咗個細嘅「奇味雞煲」，天氣咁凍，送到過嚟熱辣辣，真係好正！！ 雖然我哋冇叫到辣，但係呢個汁已經好惹味，有好多雞同豆卜，啱晒我哋，食唔停口，推介！！椒鹽鮮魷，新鮮即叫即炸，好有鑊氣，好味好香好脆口，極力推介！！什菌炒牛頸脊，個牛肉好有口感，好好味！！鹹肉炒蒜芯，平時我好少食蒜芯，但係炒得好爽口好味！！最後，竹蔗茅根，真材實料，天然無糖份，好解渴潤喉！！呢間餐廳食物好有質素有水準，真材實料，炒得好有鑊氣，服務好好(老闆娘笑容好親切)，會再encore！！

成日聽人講雞煲要冬天去食先有風味，但我有班雞煲友次次約出離都要食盡香港雞煲，所以九月既我地又食雞煲了今次哩間係北角，一入去已經好大陣雞煲味香到陣 係享受主菜之前我地因為怕唔夠食，結果試左哩道菜豬手用料好充足，唔單只離左大概都有十件熱辣辣既豬手，肉質鮮嫩又唔韌，size好容易咬，而且調味好好，本來已經有椒鹽味，加上炸蒜蓉好野味，超級好評唔揀錯然後就到重頭戲啦雞煲調味調得真系好強烈，未攪拌已經可以一直聞到強烈既香料味道，用料亦都好充足，雞都一樣好嫩易咬，而且辣味十足，特別可能因為有少少重慶酸辣粉既味道，食開辣既我地都覺得辣得好有水準留曬鼻水，但的確系值得一贊的美食整體黎講，我地三個人既晚餐的確好滿足，唔單只滿足左我地既雞煲癮，亦都嘗試到好好既新菜式

同上司和同事一齊開完會都已經七點幾無飯食就提議不如一齊食有人話去食雞煲肚仔餓 無咩所謂啦 就行去呢間食-店員好好招呼 入面可以容納40人左右一坐低就遞上佢地親手煲既竹庶茅根入面有粟米紅蘿蔔 俾你見到哂d渣好足料 飲落清甜又解渴-望到menu有雞煲 就即刻落左單先之後再落埋幾個招牌菜唔使一陣就已經到左店員同我地開爐同攪拌 好快就食得阿姐發號司令 各位同事已經準備筷子成個鍋好夠熱 每人夾左兩舊係碗雞肉滑lulu 個秘制汁好濃而且有少少辣(我地叫左bb辣)店員話如果辣既話就夾走d椒其實個辣我地都接受到 但係怕會愈食愈辣我地都夾走一半 哈哈(淆底mode)-說時遲那時快第二碟蒜香椒鹽豬手就送到個南乳汁另外上碟野俾炸蒜覆蓋哂 見到都開心唔好以為成碟都係炸蒜阿 豬手都有7-8舊全部都大大舊我夾起第一舊 無點醬個皮好脆 入面有好多豐富既骨膠原食到會漿住個口架我食第二舊就點個南乳汁我慢慢地南乳汁 不過同事狂點黎食話點左都好食 口味既野人人唔同最緊要係覺得好食咪得咯第三碟係尖椒炒豬潤內臟我少食 除左豬潤最鐘意食爽豬潤 呢碟野愈食愈辣因為尖椒呀嘛 好刺激阿食到呢間野好有人情味見到隔離枱打緊邊爐 老闆送左碟

突然間想食雞煲就同朋友search 下open rice 見公司附近有間雞煲好評都幾多就黎試下！一坐底見到冇爆棚但係人都多。應該主要做街坊客同埋周圍公司客仔！環境都可以接受啦！肚仔勁餓我地兩個女仔即刻左一個bb辣雞煲同埋招牌菜豬手！雞煲中上！d雞好滑。汁又濃最重要雞煲入面已經送埋香菇同豆卜煮到勁淋勁入味！值得一試！當我地食完雞煲諗住食菜要加水個陣！發現佢地加既唔係普通滾水！而係湯黎既。成個湯底勁野味～但係會愈煮愈辣。唔食得太辣既朋友就要早d夾既d紅辣椒！最最推介既係個豬手！真係勁好味！好味都唔知點形容。炸到脆卜卜。勁香之餘。咬落去勁淋，勁入味！老闆娘真係冇介紹錯！黎呢到必食既豬手！！充滿曬膠質我地兩個女仔清曬成碟！如果人多黎一定要叫兩碟！總括黎講為左個豬手會再黎食過！下次人多d可以叫多d野食！兩個人食一個雞煲有d多！菜量都多既我地唔曬個雞煲！豬手都食曬

我們一班朋友最愛搵好野食！今次和朋友4個第二次去吃，比第一次差很多！辣子雞只有花生、洋蔥等配料，只有少量雞肉，價錢$128！本地手切肥牛卻不是手切，一睇就知是機器切的，而且有急凍過的，份量很較少但要$228！味道雖然不差，但整體來說打邊盧食雞煲大把選擇！如果不是住附近，不值特地坐車去試。

好耐未食過甘正既川菜 , 呢間金樂軒有雞煲有魚鍋又有打邊爐同川菜 全部水準都高 而宜價錢唔貴 值得去食麻辣雞煲 小 168 蚊雞煲係比較乾身 醬汁大慨得1cm高 ,有麻子辣椒 葱花 等等既材料 感覺同四川食既一樣 十分有風味 但甘樣唔代表雞肉冇汁 麻辣香既醬汁完全滲哂落去雞肉入面， 雞肉既質感 滑度適中帶有一點咬勁 間中食下爽脆既洋葱 好正 而且若果係來自四川既香料 唔係粗制濫做 佢既煲落湯打邊爐係會越食越麻辣 呢個煲做到 ! 九菜餃 45 蚊自己包既菜餃 豬肉同九菜都勁新鮮 再加上皮夠煙韌 冇得輸豆苗菜 38 蚊一個字 好新鮮 好甜 吸盡雞煲既醬汁！  鮮墨魚滑 58 蚊超級彈牙 而且食得出落足料 好香濃墨魚滑味！跟住再點左d川菜水煮牛頸隻 118 蚊本身牛頸肉已經好正 脂肪比例平均 再配以水煮 有芽菜 豬紅 蒜蓉 辣椒等等 入面仲有超爽滑彈牙既薯粉 真係好好味 鍾意辣既人士必點！  辣子肥腸 98 蚊勁惹味既辣子肥腸， 肥腸 雖然本身肥 但炒得好夠鑊氣 所以食落好爽脆又帶點油花 冇過肥膩感。 而且乾炒既醬料 有辣椒 花生 炸蒜蓉 葱 等等 最正係一野食埋d醬料同肥腸一次過放入口 雖

同fd睇完戲過左黎依度食，聽人講佢地既雞煲同墨魚餅好正，今次終於有機會黎一試。首先我地就叫左一樽竹蔗芧根，同埋招牌雞煲，香煎墨魚餅，四川干煸四季豆，手包雲吞。竹蔗芧根清甜解喝，又清熱氣，絕對系火鍋佳伴，眨下眼就比我地飲晒，可惜想再叫即時候已經售罄啦😣到招牌雞煲啦，雞既份量多，又入味，而且吾系雞頭雞尾黎，食完Ｄ雞用黎做湯底一流，之後都有叫左個手包雲吞，Ｄ蝦好大隻，入口彈牙，再經過雞煲湯底既洗禮，又系另一番滋味。而佢地既四川干煸四季豆，鑊氣足，豆亦都另會太多渣，又可以比你揀辣度，下次可以再試。到壓軸登場既香煎墨魚餅，入口彈牙，墨魚味重，配埋Ｄ雞醬冇得彈，超好食！

住左係北角咁耐都唔知道和富道有咁多好野食，今次就揀左間幾出名的雞煲店叫金樂軒，店舖環境一搬，内有一間VIP房，服務熱情。呢間餐廳真係好有心，有自家製竹蔗茅根水給每一枱客人，味道清甜，用料十足，真係好適合食完辣雞煲之后飲。老重慶奇味雞煲$168我地人少少叫左個細雞煲，個雞煲熱辣辣香噴噴真係好正，選用新鲜雞做食材，啲雞超入味又香又滑，個湯底仲好濃味，無得輸。食完個雞煲之后再加水打邊爐啲湯一樣咁好味，叫左個老板推介安格斯牛頸脊，鲜紅色既牛頸脊入口即溶既感覺真係好正，老板果然無介绍錯。鲜味香煎墨鱼餅$128呢個小菜係餐廳的招牌菜自稱係手打出來，份量十足，大大片厚切墨鱼餅真係好好味，每一片都有一粒粒既墨鱼，超爽很有口感再加少少甜酸汁，有種食到停唔到口感覺。尖椒炒豬頸肉$78一個好普通無乜特别既小菜，尖椒生左小小唔夠辣，雖然炒得好有鍋氣，但係啲豬頸肉炒熟左之后缩都好細粒，無乜口感，如果啲味道可以再濃返少少就好喇！

今晚朋友將車泊左喺和富等我放工，我索性話不如喺附近坐底食野。和富道好短，但食店愈開愈多，而我地就覺得「金樂軒」呢個名好面熟，啊！原來就係以前成日喺柴灣食嗰間！見岩岩有枱即入左去～今日好想食魚所以點左《酸菜龍躉魚鍋 $268》。龍躉唔係原條上而係已經切好方便食用。中有亦有中量酸菜作調味，當然都可以食！味道唔會真係十分酸/只得個酸字，而係酸香味吊出龍躉魚既鮮甜味道，魚肉質地彈牙滑嫩，魚皮仲好有骨膠原既口感呢！我好鍾意食豬手，所以就點左《蒜香椒鹽豬手 $128》。豬手用蒜爆香左好惹味～起初擔心豬手會否太乾，但嚐過第一口之後就一隻隻唔停甘食了。豬手好稔易咀嚼，怕油既我都唔覺得油膩。呢款都係啖啖骨膠原，岩晒貪靚既我～四季豆係我出街食飯必點項目之一，所以點左《四川乾扁四季豆 $65》。份量多，有好多肉碎同四季豆！四季豆爽口清甜，而且無渣，十分新鮮呢！肉碎炒得入味，用嚟拌飯真心唔錯～餐廳有水供應，但食鍋點都覺得要飲下野既！點左口啤唔錯既《竹庶茅根 $28/揸 》～果然好味，最後點左2揸～呢款係餐廳用紅蘿蔔、竹蔗同馬蹄自家製而成，十分天然，勁清甜！凍飲真係好正又解渴～唔怪得之枱枱都點啦～～最後所有食物

今晚一家三口去附近食飯，呢間平時有自己去食晏，晚飯就第一次試。天氣涼左食煲就岩晒。老重慶奇味雞煲 （$278大、$168細）- 今日有3個人所以叫個$278大既雞煲。一直以為雞煲既肉一定好鞋，原來唔鞋而且又滑又入味！煲中亦有開邊豆腐卜，入晒d汁好入味，如果配粉絲食一定仲正呢！不過點左小菜所以留肚～咸肉炒苟菜花 $68 - 呢度既苟菜花好靚，完全無渣又新鮮！平時好怕食苟菜因為要食到靚既苟菜花好難，但今次菜嫩之餘味道又夠，咸肉用作吊味之餘又有肉食，呢個價份量又多算好抵！鮮味香煎墨魚餅 $128 - 以脆卜卜既蝦片舖底，上枱已經聞到墨魚餅既墨魚香，煎得表面兩邊黃金而且唔油膩，咬落仲好彈牙，再點埋伴碟既甜酸醬真係無得頂！之後先再食蝦片都無稔到，讚！竹庶茅根 $28/揸 - 見枱枱都飲，覺得一定唔差～食雞煲飲仲可以清下熱氣滋潤下。夠凍又清甜，清到淡淡地好天然～原來係自家製呢！服務：店員親切好街坊街里既感覺，令人多左份親切感。下次要試埋佢其他撚手小菜先得！