金寶 (已搬遷) 新店位置

之前經過這裡,看到這間新開的店,今晚便和辣椒女來這裡試試.我們先叫了一個海南雞飯,雞和圖片相差很遠,少得可又多骨;好在雞肉嫩滑,還可以.飯有陣陣的薑味,都幾開胃.越式麵包夾,內裡的食物凍冰冰的,對我唔多吸引,味道還可以,但記得要叫他們焗熱d麵包(一段少插曲,有隻小動物和我爭食,我輸了>.< )白汁吞拿魚麵包夾,吞拿魚又係凍冰冰的,好在都幾好味.醬爆蝦餅,新鮮炸起,味道唔錯.越式滴滴咖啡,味道都幾濃,但因用鍊奶,比較甜;對我們來說,唔多喜歡.這裡的食物選擇很少,來多幾次,都沒有得選擇了.

旺角開了分店. 食物portion 改細一點. 對於情侶黎講實在係好. 星期六同bf 行到累..二話不說就入去坐低. 橙色主調好醒神. Setting 又幾好坐. 仲有近期雜誌供食客睇. 點了食物: 香茅肉條. 炸起後即用錫紙盒載住. 雖則保溫但充滿了水氣. 水油交雜. 論賣相. 實在一般. 肉條切得略為過大條. 又唔切斷. 一叉起一條就成抽肉抽起埋. 哈哈..刀功實在麻麻!另叫了招牌爆醬蝦丸. 唔使講.梗好味. 龍眼冰清甜. 但係一般貨色Only.

20050314 8.45pm要OT, 男朋友o黎陪我食飯, 因為無咩時間, 近近地好食又坐得舒服的話, 呢度都OK.2人吃-* 海南雞飯($35) - 當然我食得咁sweet sweet 就唔係因為個海南雞飯, 係因為男朋友o黎陪我啦~ hee hee hee heeeee. 海南雞飯係呢度主打, 雞味都濃, 油飯則一般啦. 始終都係好時好o的.* 香茅豬柳($20) - 正啦~ 香茅味夠重, 豬柳唔會韌.* 煙三文魚大蝦沙律($28) - 生菜蕃茄8.30pm 都仲勁新鮮. 煙三文魚就來貨啦. 大蝦都好味但唔算大.男朋友等我之前食o左o野(又唔出聲話我聽!~), 結果有70% 食物都係我食鬼晒, 大鑊!~

20050120 1.30pm一向是九龍城金寶fans, 呢間小食就未幫襯過, 今日行去一試.環境光猛乾淨, 比想像中闊落, 1pm食飯時間都無乜人, 奇怪, 我1人坐4人檯都仲得, 一入去, 已有笑容滿面少女店員招呼, 不過食物選擇少, 主打海南雞飯...um...泰式的不太吸引, 還是要個香茅豬柳飯($35)好了.先付款, 再等食物, 因為即叫即做, 等候時間相當長, 不過好在, 可邊坐邊等, 又有雜誌任睇, 都是這個星期新出的, (什麼<便利>呀,<牛奶>呀,連時裝書<f&b)都有!!) 很抵讚!~ 唔知因咩事我個飯等好耐, 店員差不多每3分鐘就埋o黎say sorry 一次, 非常好.香茅豬柳份量都幾多, 配白飯, 味道不錯, 點魚露吃更佳! 跟飯可選酸辣或冬瓜湯, 辣o野我唔o岩, 冬瓜好了. 味道都幾好, 該是海南雞那些雞煮的吧, 但不油膩, 很正.舒舒服服食完, 走時口痕, 要了個芒果糕($3), 泰式糕點小件上, 味道...um...幾得意, 但係鹹鹹甜甜的泰式甜品不太是我杯茶.anyway, I'll be back!

呢度主打小食，所以這裡進食晚餐不能飽肚。招牌海南雞飯不至於太差，但亦不見特別，味道偏淡。雞絲青木瓜沙律加魚露，快餐貨色。香茅豬柳飯，炸得太乾，好難O趙...整體黎講:平及坐得舒服，有雜誌供應，坐好耐都唔怕

多謝指教. 不過以前食親既所謂泰式海南雞飯, 都唔係咁樣, 尤其是個飯, 通常都係金黃色而且好乾身, 呢個就係深啡色兼非常濕糯, 所以令我非常迷茫...... 就算以前響九龍城金寶食過既, 都唔係醬油飯+ 魚露汁, 唔知佢係幾時開始改成咁. @@

金寶隻算係泰式海南雞飯, 澳門食都係俾魚露汁. 不過我發現澳門泰式魚露汁係間間不同, 有d 鋪會偏鹹同辣, 金寶呢隻就偏酸.醬油飯我都係見過一間係咁賣咁多, 金寶真係第二次見到.

好耐好耐以前, 去過九龍城既金寶小食店, 仲記得食過越式法包夾同海南雞飯. 多年黎都無機會翻兜, 知道佢響旺角開新店, 幾就腳, 就去左一試. 新店比印象中的九龍城店完全唔同, 光猛企理, 似西式cafe, 應該可以吸引到果區既人掛. 先黎一個海南雞飯($35), 餐牌上標榜用新鮮雞, 但食落都無乜雞味, 好彩雞肉嫩滑, 點埋魚露醬汁食, 都幾惹味. 冬瓜湯無乜好講. 飯係啡色的醬油飯, 質地濕糯, 有少少醬油的咸味. 唔係唔好食, 但唔岩我口味. 咪住...... 魚露汁、醬油飯? 恕在下孤陋寡聞, 未食過咁樣既「海南雞飯」, 好似連泰式都唔係咁架喎, 呢個極其量只能夠叫特色雞飯咋掛?既然個雞飯唔岩食, 索性放棄佢, 進攻越式麵包夾($15半件). 餡料對路, 有火腿、燻蹄、扎肉、酸蘿蔔+青木瓜絲等等, 最鍾意後者整得夠味. 可惜致命傷係個包, 已經叫佢焗熱左, 但都唔夠外脆內軟. 近年只食過添記既越式法包夾, 相比之下, 無論份量同整體味道, 都係添記優勝.order飯類加$8有杯熱咖啡, 係就係幾濃, 不過帶苦, 散叫要$15就唔係幾抵.意猶未盡, 外賣左幾件

一行到去潮州公學對面(素食一家旁), 見到一間Cafeteria Kambo, 近門口有8張橙色梳化, 成間cafe咁, 以為去錯. 原來真係金寶, 牆上有一張張老闆搵人幫佢畫的有趣插畫, 包括一張以爆漿蝦丸當"太陽"o既畫!menu選擇甚少, 好難令人幫襯多幾次wor. 老公食海南雞飯, 我食大頭蝦辣碎牛肉飯, 加一個香脆豬肉條. $35/set, 加$4有一罐汽水. 雖然係self-service, 但店員笑容超級多, 禮貌極之好, 一d都唔會令人感到待慢. 食物方面, 海南雞飯椰汁好重, 海南雞夠滑, 分量就唔及新廣南, 老公食完唔飽. 大頭蝦麻麻, 辣碎牛肉好味, 夠味唔太辣! 香脆豬肉條用香茅醃完炸油, 味道只ok.店內飲品及甜品有好多款, 如果鍾意食下西米糕、麵包夾, 飲下泰式飲品就一流, 如果要食得飽就...可能隔離岩d.