金寶 (已搬遷) 新店位置

路過此店有下午茶食,入內試試!點了海南雞湯粉配綠豆冰,三十二蚊!海南雞好滑,湯粉湯清甜,但係無薑茸,只有個泰式醬,唔係咁全面,雖然個泰式醬味道好好,但如果我唔食味無其他選擇?綠豆冰係椰汁底,又唔會太甜,加分!而且啲綠豆去埋衣,幾正架!呢個下午tea都算唔錯,薑茸扣番少少分!舖頭裝修幾好,坐得幾舒服!

看到廣告到此店一試,叫左豬柳湯粉味道都唔錯,可以一試,份量多!

海南雞飯$40雞份量好細, 味道可以. 但鰟 飯就好奇怪, 呈茶啡色, 食落唔油唔香.春卷湯檬$36春卷自動分開上, 抵讚. 味道都幾好, 唔似係平時食開批發貨式. 碗檬粉上䒷 時, 有芽菜青檸等配料分開上, 職員仲會講解配料放入湯粉鮋 先後次序. 好似好專業咁, 食落又覺普普通通.本來, 食完鰟 粉都覺可以再食d№ , 想叫鰟 係廣告度見到鮋 炸蝦丸, 但見三十蚊兩粒, 感覺上貴鰦 少少, 加上鰟 餐牌有泰,越,法式№ 食, 俾我感覺好港式, 最終無試到.

到附近開會後，才不過11:30am，心思思想吃個early lunch 才回公司，於是到Langham Place 4A 找吃。還是金寶小食店比較吸引，雖然略貴和量小。原本想再吃青木瓜沙拉，但店員推薦「泰式海南雞飯」（$42），遂一試。等了近十分鐘，才知道原來係碟頭飯形式上餐，即刻扣分。當然要看味道，才能說好食否！這份$42 的「泰式海南雞飯」，包湯、碟頭雞飯、飲品（罐裝飲品加$2）。與其說是「泰式海南雞飯」，不如改稱「金寶招牌雞飯」還更好。因為，總覺得硬要稱這幾件雞為「泰式海南雞」，總是意難平！那湯無雞的鮮味，只有雞骨頭的腥味；那雞肥得「滴油」，丁點兒位於雞皮跟雞肉間的jelly 狀物體都冇。就連三色醬油都欠奉，還要在foodcourt 賣$42 ，唔…有點保留！！論味道，這碟雞飯係幾好味，但跟「海南雞飯」這四個字似乎有點拉人家後腿的感覺！

十二月廿五日(星期二)食完豆腐蛋糕之後...就好忙咁要去呢度食醬爆蝦丸!個醬爆蝦丸都幾好食,不過好彩唔係好熱,唔係就好易辣親個咀喇!!!...同埋d汁會飛埋出黎,所以食果陣要小心d!

流落朗豪坊，忽然間好想食越式春卷，於是就選這檔。服務週到，味道幾好，惜食物份量偏少。那「春卷」（$24）要即食，「青木瓜雞絲沙拉」（$32）有幾多雞胸絲，好味！唔想嫌貴的話，都會再幫趁。

本人今天到此店午膳,印象十分之深刻,覺得不介紹俾大家會可惜,因為好服務的店着實不多!難得既係鋪內各員工都招呼週到,每上一道菜都認真對待顧客的感受,是很難得的,之前去過一問食店店務員不秋不睬的態度令我厭惡,或者我真的很欣賞負責盡責的人吧!特別嘉許鋪頭內比較肥胖的少年!講番食物,質素不錯,招牌菜泰戈海南鷄很嫩滑,可惜係如果菜式選擇可以多一點會更好!

之前食完cambo cafeteria既越南牛肉粉,令我記起洗衣街有間食海南雞飯既餐廳,所以特登今日去食!幾個月前食過一次,印象都幾好,今日再到此店,面目完全不一樣,英文名字依舊,但中文名已經換成金寶泰式海南雞飯,似乎主打係泰國菜式和海南雞飯..坐低看一看餐牌,原來同朗豪坊嗰間一樣,都有越南牛肉粉,都有海南雞飯,唔知為什麼名字要不一樣..唔理咁多,今次食番海南雞飯,飯味道好,有雞味,同上次食既一樣可口,不過煲得林左少少,雞肉質地幾好,胸位都唔鞋,脾位仲有啫喱,正啊!!唔係成日食到雞啫喱架,要隻雞唔瘦,但都唔可以太肥,太肥就只係肥油,雞啫喱先係極品!今次好好彩^_^這間餐廳我相信我會長期幫襯!!

唔係第一次去...上個月再去食...次次隔一段時間去都發現佢\地又轉左d 野...用心良好..但換湯唔換藥...轉既只係d 門面野...用處不大~出品好慢...當時唔係好多客人...都可以等成十幾二十分鐘先有野食...確實有d 恐怖~食物方面...雞賣相唔好...d 雞皮(梅)既...但味道ok~佢\個油飯都幾好味......白飯就勁唔掂...無飯味仲要係爛飯...同個心口掛住supervisor 牌既人投訴...佢\竟然同我講d 飯無問題...搞錯!!! what a supervisor!?小食味道唔錯...又抵食...個格格春卷(無記錯掛)...幾正!!!飲品...我要左杯涷奶茶同檸茶...無咩茶味~服務...男女侍應都幾好...唔錯~但扣分在白飯事件~提外話...我見到個位supervisor 多次係廚房衝黎衝去咁進出...咁樣好危險...要學下職安健~

星期六同男友兩個行旺角, 行到累想tea一tea, 就去左呢到. 都唔係第一次0黎, 心水點左一個煙三文魚法包, 加一個tea set 炸蝦丸加凍檸水. 煙三文魚包夠脆, 有生菜同蕃茄, 煙三文魚份量唔多, 但都ok新鮮.炸蝦丸即叫即炸, 夠熱夠彈呀, 一客$15抵到爛埋單都係四十幾蚊

今日放工一個人去嘆下午茶，叫了個蝦春卷($12/4條)同埋泰式海南雞米線+涷可力($30).蝦春卷新鮮熱辣點埋個汁都算ok.泰式海南雞米線來到時賣相幾靚，但唔知是否因為下午茶的關係，米線好碎，唔係好夾得到，但係好好味．海南雞份量不少，約有一隻手掌(連手指)大小，雞好滑，個汁好好味，為雞錦上添花，但成舊雞骨多過肉，啖啖骨，同埋件雞有時一夾就分開成兩件，如果可以先去骨，相信我唔會食得咁狼狽．服務方面，上菜較慢，唔知點解，連即炸的蝦春卷都食完，碗米線都未見人．唔通連雞都係即整？餐廳有電視同雜誌，但雜誌都係兩個星期前的，不如唔好放好過．

之前已經知道金寶泰國菜喺旺角有間分店,不過好似叫小食店,今次路經洗衣街終於發現到!入到店內,發現原來同九龍城賣嘅食物完全不同,這店的主打是海南雞,沒有活蝦刺身,冬蔭功,只好當是一間新店了>_<小妹二人叫了個二人a,有一碟雞,一碟咖喱牛腩,一碟油菜,兩碗湯同埋兩個飯,仲有兩杯珍多冰,$99蚊,個人認為食物味道不錯,但如果真係想食一餐正式的泰國餐就唔多啱口味!再叫左個越式生菜包牛肉碎,個汁幾好味,不過無泰國菜嗰種生菜包咁刺激,不過都值得一試!值得一提係碟海南雞,個汁好開胃,雞好滑好鮮!如果我想食海南雞飯會揀呢間,好過去勝利小廚受氣!八十八秒!

以下係食後評語:牛肉碎麵包夾ros:幾野味,汁多,麵包脆cons:牛油查唔匀,麵包幼得滯青木瓜雞絲沙律ros:青木瓜雞爽口,新鮮!個魚露汁好味cons:啲香葉陣味好甘,接受唔到海南雞飯ros:雞味香,個點雞醬好好味,好開胃,個湯幾好飲cons:飯較林,份量較少,如果多啲飯就好抵食炸豬柳米線ros:湯底好味,豬柳夠林唔靭cons:碗米線配料就只有炸豬柳,應該加些少菜例如小唐菜,調味料要問服務員先俾,其實應該每張檯都有先得芒果糯米飯ros:椰汁味好濃,糯米飯好煙靭cons:椰汁好像有渣,破壞了個飯好似無咁滑

同朋友踢完波之後,超級肚餓,行下行下見到呢間餐廳,門口有個大餐牌,睇完好想食,於是就入到黎試下同埋E肚。(1)海南雞飯---- 好好味,但唔夠食(2)青咖喱大蝦米線--- OK,唔太差(3)香茅豬柳飯--- 未食就聞到好香的香茅味,好好食(4)椰汁冰--- 正呀(5)可口可樂--- 正版貨,有zero味仲好(6)凍檸茶--- 比較甜了一點下次帶埋女朋友來試一先

同女友入去食,見門口個餐牌寫住宅$99二人餐,經濟,決定呢間!(其實條街幾間好似鬥平咁,好過去金魚街啲食店)個餐有雞,咖哩牛腩,兩碗油飯,兩碗湯,一碟娃娃菜,仲有兩杯椰子冰!雞真係幾好食,不過份量唔算多,但個汁好開胃,本來覺得雞油飯肥,因我本身唔太食得肥,但啲雞點左啲汁食好正!可惜係牛腩,因為成碗咖哩牛腩都比較多根,形成太肥既感覺,肉唔多,得兩件多點肉!但個咖哩汁幾香,很可惜..湯味道可以,有兩件冬瓜在其中,都幾柯right!娃娃菜普通,無什麼特別,椰子冰幾好飲,如果係椰青就更好啦!$99算食得過,但我下次食前一定叫個經理咖哩牛腩要少根,唔肯下次就唔幫襯!!服務員很友善,印象深刻!