金寶 (已搬遷) 新店位置

又再一次來吃,吃既係海南雞飯...四十蚊一份,價錢中等!有一碗菜湯,一碟雞,一碗油飯...味道方面,油飯幾好食,但好似用醬油煮,雞幾滑,菜湯一般,最好味係個點雞醬!都唔錯!

兩個人吃飯，叫了一客泰式海南雞飯、一碗牛丸河、一客拼盤、一客粉卷海南雞飯︰有味飯算幾好味，汁較得唔錯，雞就OK啦，都唔會預佐$36/餐，會比上等既雞你啦？牛丸河︰湯底唔錯，職員提醒我們要把尤嘉利葉等一會才加上湯粉中，我雖吃不出個中分別，但都欣賞她們殷勤親切的態度拼盤︰春卷、串燒都唔錯，算抵食！埋單計數，才一百二十元有找，算抵食！

我食過好多出名既越南粉，呢間既清湯底真係一流！好濃好濃牛肉味,又唔係味精湯個種，配河粉好滑！我打算下次試下個特別牛湯粉，有牛丸牛腩…（仲有一種唔記得）…可能會轉個金邊粉啦！我加個碟油菜一般啦，有我最愛飲既雀巢檸檬茶！！價錢合理，地方就腳。記得要多辣椒醬，唔使又出去！

行過見有海南雞湯粉下午茶,入左去試試!價錢唔算平,一碗海南雞湯河加一杯龍眼冰要三十二蚊,但係又唔想食嚟食去都係餐腸,腸腿,腿蛋...有得食,都幾大碗,雞有六大件,湯水唔錯,仲有好多蔥花,蒜蓉,洋蔥,味道錯綜複雜,濃湯加上滑雞,再點埋個酸辣醬,好好味!龍眼冰味道可以,略為甜了一點,有七粒龍眼肉,趙趙吓幾過癮!唔係十八廿二蚊嘅茶餐,要求高啲的話係一個不錯的選擇,不過又唔係真係好貴嗰種!

上次搭１A 經過，門面整得幾靚，仲寫住金寶，特登去食！食左香茅豬柳湯河同埋海南雞飯！雞飯味道好好，雞無去骨我仲鍾意，正所謂食膸知味，味係來自骨膸！意外係個豬柳先係最好食既野，因為好入味，正！睇完餐牌先知原來係ｃａｍｂｏ　ｃａｆｅｔｅｒｉａ既分店！

昨天到此餐廳食,印象幾深!因為唔係只係食物,而係服務都很好!我們一行三人,侍應安排了我們坐在有電視看的卡位...我叫左生牛肉河,蝦丸,青木瓜大蝦雞絲沙律同埋海南雞飯兩碟,味道都唔差,我地一致認為個海南雞飯係同區最好食既一間,但係d飯煮得有點淋,唔知點解間間都係有咁既情況,勝利小廚都係一樣..可能因為係新店,所以服務很好,侍應很友善,但很多店耐左就走樣,呢間希望唔係啦,good luck!

周圍搵食，食完好牛肉，又俾我發現好豬肉！呢期肉貴，我呢類食肉獸重皮左！見有人介紹，就到此店一吃！後來至知，原來之前幫襯過一碟雞腳！不過今次係食豬柳湯檬，香茅豬柳是炸的，咬落爽口唔靭，味道十分好！因為一行二人，所以仲有ｑｕｏｔａ叫個青木瓜雞絲沙律，同樣唔錯，再ｅｎｃｏｒｅ加左個豬柳包，等左十五分鐘先有得食，使唔使咁耐？可惡！不過ｄ豬柳鬆化入味，正！一牛一豬，滿意！

食左蝦涷濛,份量好多但味道麻麻,同埋佢地好少選擇及好似sell越南食物多d,不果唔駛加一都算係0甘

早兩日行開花園街,路經有間食店,見到人頭湧湧,於是同女友一齊八怪入去試o下,可能係星期六的關係,要逼到同人搭枱 ,坐下坐下印象中好似黎過,再望下過餐牌,有d野好似食過..............我叫左海南雞飯,唔知係唔係d飯剛剛煲好,d食幾香香芧同薑味,不過d雞略微生左d同埋少dd我女友叫左碗生牛肉湯河,嘩!真係好生喎.不過我女友話好正喎,好似打邊爐.最特別就係隨粉跟一個類似阿拉丁神燈既配菜籃,有青檸,芽菜同埋其他越南香菜,個侍應都幾有心機教我女友食,女友話加左d香葉d湯好味左.......另外我兩叫左個泰式鳳爪,簡直辣到飛起.......

以前曾經到過這店,人客不多,自己食過都唔發覺有什麼可以令我再來,因為真係食物選擇唔多..之前仲食過他們的芝士腸米線,湯只是一般味道,份量唔多,沒什麼特色!媽媽和我趁今日係星期日,於是決定到花卉買水仙!誰不知....旺場!仲有差不多一個月才過年,花卉已經人頭湧湧!買完花,找吃的!沿洗衣街一路行,又到此店門前,門面同以前完全不一樣了,見到一個個的食物模型在門口,被它們吸了入去,再給此店一個機會吧!原來賣大碗越南牛肉粉,但價錢貴了,三十八蚊一碗,媽媽要了香茅豬柳湯檬,另外再加一碟青木瓜大蝦雞絲沙律!牛肉粉湯味幾好,同以前的經營方法是另一回事,牛肉是肥牛,份量算多,香茅豬柳好好味,但碗湯好像油了一點,媽媽結果食我碗牛粉!青木瓜大蝦雞絲沙律呢,賣相很好,用玻璃碟盛上,個汁開胃,但蝦不是大蝦,是蝦仁吧,但味道是好的!不過似乎店舖真係唔夠人做野,有兩枱客在投訴!場面很薑!而且店務員唔係好smart,如果係咁,人客點會再嚟食呀?不過此店比以前已經大有進步,下次我再嚟要改善吓員工質素了!如果唔係無下次!

首先一入到去,d waiters當你無到,望你一眼就走左去,無人諗住過黎serve我,咁都算!!坐低嗌左個海南雞飯,等左都幾耐先黎!!然後我望一望個飯,竟然係一碗白飯!!!!!我即刻叫個waiter黎,問佢海南雞飯點解唔係跟雞油飯而係白飯,佢先至解釋雞油飯岩岩賣晒!!!!!哇,如果我唔出聲佢就諗住側側膊架啦喎!!!!海南雞飯無雞油飯同普通切雞飯分不大,唔通咁就想收我40蚊!!!賣晒雞油飯咪出聲囉,我有權選擇要唔要架嘛,而家求其比碗白飯我就算,真係嬲到我呀!!d waiters又唔主動又唔識解決問題!呢間野真係好唔掂,比你好食到曉飛都無用,我以後都唔會再去呢間野貼錢買難受!!!!

我地order左1個tea set,1個凍檬同埋1個飯 先講我個凍檬~雞絲大蝦凍檬($36)無難度之作,亦唔見得十分好食!!d蝦仲要開邊,以為佢有咁好比咁多隻我...我唔食蝦,比晒我老公,佢話好乾呀 到老公個飯啦~香茅豬柳飯($38)呢個反而唔錯,豬柳夠'林'又香口!不過跟餐果碗菜湯好難飲呀,好咸又多油 到個tea set啦($26連特飲)~原先想食炸蝦餅,但等左好耐,d野差不多食完仲未上菜!追問之下原來蝦餅賣晒唔問個waitress都唔知呀,又唔主動話比客知,迫於無奈轉左個越式春卷呢4條春卷非常唔抵食,好細條同埋炸完都'林'架!春卷炸完應該脆口架嘛... 最值得一提既,間鋪人手太少,好多客由落單到等食物都要等好耐;而且仲見到有d等得唔耐煩走左呀!同埋waitress唔主動(雖然有禮貌),餐廳格局又似茶餐廳,食物價錢又唔算平~所以唔值得再去啦

在openrice找尋好食的食店,見有人說此店唔錯,仲要排隊就嚟試吓啦!其實朗豪坊foodcourt既食店要排隊都唔太出奇,因為個場太細,加上出品慢,好似pepper lunch賣鐵板,平均等候時間都十五分鐘,人潮因此而來!嚟到了,真的要排隊呢!但好快買到我想要既香茅豬柳金邊粉,味道算唔錯,豬柳好入味,但金邊粉煮得不太熟..>_<,湯底濃郁!出品好快,三分鐘有得攞,好似食杯麵!

有一點懷疑是否真的海南雞飯?是日叫了一個,價錢四十大洋,有湯跟,但我熟識的海南雞飯不是這樣的,起碼有薑容吖!不過味道唔太差,就當一味新菜式食,醬油飯很好味,點雞的汁都不錯,但可能我見識少吧!

食左海南雞飯，味道ｏｋ，個汁較好，雞無去骨，但份量夠！炸春卷太細條，用生菜包住食都唔夠食，個酸汁幾好味！總括：一般！