影片
更多
2005-01-04
4 瀏覽
好耐好耐以前, 去過九龍城既金寶小食店, 仲記得食過越式法包夾同海南雞飯. 多年黎都無機會翻兜, 知道佢響旺角開新店, 幾就腳, 就去左一試. 新店比印象中的九龍城店完全唔同, 光猛企理, 似西式cafe, 應該可以吸引到果區既人掛. 先黎一個海南雞飯($35), 餐牌上標榜用新鮮雞, 但食落都無乜雞味, 好彩雞肉嫩滑, 點埋魚露醬汁食, 都幾惹味. 冬瓜湯無乜好講. 飯係啡色的醬油飯, 質地濕糯, 有少少醬油的咸味. 唔係唔好食, 但唔岩我口味. 咪住...... 魚露汁、醬油飯? 恕在下孤陋寡聞, 未食過咁樣既「海南雞飯」, 好似連泰式都唔係咁架喎, 呢個極其量只能夠叫特色雞飯咋掛?既然個雞飯唔岩食, 索性放棄佢, 進攻越式麵包夾($15半件). 餡料對路, 有火腿、燻蹄、扎肉、酸蘿蔔+青木瓜絲等等, 最鍾意後者整得夠味. 可惜致命傷係個包, 已經叫佢焗熱左, 但都唔夠外脆內軟. 近年只食過添記既越式法包夾, 相比之下, 無論份量同整體味道, 都係添記優勝.order飯類加$8有杯熱咖啡, 係就係幾濃, 不過帶苦, 散叫要$15就唔係幾抵.意猶未盡, 外賣左幾件
先黎一個海南雞飯($35), 餐牌上標榜用新鮮雞, 但食落都無乜雞味, 好彩雞肉嫩滑, 點埋魚露醬汁食, 都幾惹味. 冬瓜湯無乜好講. 飯係啡色的醬油飯, 質地濕糯, 有少少醬油的咸味. 唔係唔好食, 但唔岩我口味. 咪住...... 魚露汁、醬油飯? 恕在下孤陋寡聞, 未食過咁樣既「海南雞飯」, 好似連泰式都唔係咁架喎, 呢個極其量只能夠叫特色雞飯咋掛?
既然個雞飯唔岩食, 索性放棄佢, 進攻越式麵包夾($15半件). 餡料對路, 有火腿、燻蹄、扎肉、酸蘿蔔+青木瓜絲等等, 最鍾意後者整得夠味. 可惜致命傷係個包, 已經叫佢焗熱左, 但都唔夠外脆內軟. 近年只食過添記既越式法包夾, 相比之下, 無論份量同整體味道, 都係添記優勝.
order飯類加$8有杯熱咖啡, 係就係幾濃, 不過帶苦, 散叫要$15就唔係幾抵.
意猶未盡, 外賣左幾件糕點($3件) 返去同人分享. 金瓜糕香甜, 不過南瓜味唔突出; 紅豆糕有大大粒紅豆, 好食; 西米糕無椰汁既香味同獨特咸味, 只係一般貨色.
眼見員工準備食物果陣, 都幾注意衛生, 麵包夾既餡料響雪櫃拎出黎時, 都用保鮮紙包得整整齊齊, 用完又即刻放番入去, 夾糕點果陣都係, 不過手腳慢左少少(但都可以接受~~). 女收銀員非常有禮, 笑容可掬, 會主動介紹菜式. 總括黎講係一試無妨, 但唔好太大期望.
張貼