金寶 (已搬遷) 新店位置

今日同左成班朋友黎左呢度食飯....我地叫左幾個套餐share食個個海南雞真係幾好味家我地仲叫多份tim醬爆蝦餅/ 庶蝦等等都好好味不過D飲品就.....我朋友個杯既凍檸檬茶太甜而我個杯凍奶茶太澀得黎又多奶醒目個D朋友就叫左珍多冰同埋龍眼冰啦佢地話唔差既希望佢地下次改善下D飲品啦

一年前在此食過一餐午餐，招牌海南雞飯沒有特色之餘,收費接近$40蚊兼沒有咖啡茶，以快餐店而言，實屬偏高，對它印象不佳。今日朋友相約，免為其難再之光臨，感覺完全改觀。如今有了套餐，海南雞飯水準雖然沒有明顯提高，但價錢卻低了數完(不記得實際數字)。此店亦改了有侍應招呼落單，感覺似一間餐廳。一間食肆肯不斷要求變，作為食客的我覺得應該鼓勵，有變總好過【等死】(笑)。

終於鼓起勇氣去幫襯這間店鋪，原因是我每天搭車都會經過這鋪。但又從來沒有落車試試，今天順路經過，晚上十點多仍有近半滿人，既來之，則安之。太夜不想食飯，故我選了個越式餡法包，而我女友則點了個牛丸米線。起初我以為法包的份量很小，但食物一來到卻發現法包裡塞滿了餡料，有火腿，扎肉,雞絲，燻蹄絲及一些酸菜。一入口，很香的牛油味一湧入口，夾雜著一些咸咸的肉味及醒胃的酸菜味，味道豐富。我女友的牛丸米線都OK，5粒牛丸大大粒，最正都係個湯底，牛味濃郁，差不多飲晒。

到這店要了個海南雞飯餐$35有湯,一杯熱檸水,午餐來說不便宜,但真係味道唔錯!個點雞醬酸酸的好開胃!特別一提!但有蚊滋陪我食飯,要改善!

早兩日陪屋企人行開花園街,行行0下去到洗衣街，見到間鋪頭叫《金寶小食店》,跟住有個幾Nice既Seriver比左張傳單比我，身為九龍城金寶泰國菜Fans既我，即刻同一家大細衝入鋪內。 入到去一見個Menu，咦!!!弊傢伙!!點解無我至愛既活蝦刺身既????個waitress話此鋪以小食及套餐為主，與九龍城個D小炒有所分別。咁我問佢呢度有咩好推介，佢即刻Sale我地食個最出名既海南雞飯，於是我便Order了一份。這裡的雞油飯與其他的不一樣，這裡的油飯比較軟身，而且唔係好油膩，相比起其他鋪頭的油雞飯，食多幾碗都唔覺得滯囉!!!而且D飯除左有雞味之外，仲有好香既薑味，感覺十分新鮮。不過我覺得D雞既份量有D小(唔夠食)但我亞媽話呢度D雞係新鮮雞黎整喎~~因為食得出好大陣既鮮雞味~~亞媽佢仲話D急凍雞食落去都冇雞味~~同埋因為鮮雞既價錢貴啦..所以佢地比既份量小係情有可原既~~食飯期間仲見到D師奶入黎買一隻半隻既海南雞外賣Tim呀~~雖然冇我至愛既活蝦刺身食~~但都有另一招牌菜"醬爆蝦丸"，個waitress話蝦丸每天由總店新鮮運過黎，唔係好多貨家咋~~所以要食就趁早喎~~另外仲叫左個"凍卷"小

剛在這裡吃了午飯,是一個海南雞飯餐,$35有湯和熱飲一杯,個飯真的很好味,值得推介!但有少量蚊滋陪我午膳,要好好妀善!

今晚係我頭一次食呢間餐\廳(佢\叫自己做小食店,初初仲以為賣咖哩魚旦同炸大腸..) 不過入到去先知原來有飯食..我問個侍仔邊樣最好食,佢\話係海南雞飯,佢\sell我嘅時候好強調係泰式,咁我問泰式海南雞飯有什麼特色?個侍仔話用左什麼香茅呀,南薑呀去煲..計我話海南雞飯個飯好食最緊要有雞油味,所以什麼香茅呀,南薑呀都唔係最重要!點都好,叫個嚟試吓..其實佢\係個海南雞飯套餐\嚟,個餐\放喺我面前,個心定好多,因為雞飯嘅雞味都真係好濃,有股泰式香料味夾雜其中,應該係侍仔話嗰d香茅南薑..d雞肉都ok滑,有d似我屋企人拜神d雞,但我反而鍾意食鹽焗雞,不過相信鍾意食白切雞嘅人一定會鍾意..d雞醬係泰式酸汁,好開胃,如果有甜豉油供應就perfect!!可惜一個人嚟,試唔到其他野!下次試完如果係好再report啦!overall,海南雞飯值得嚟食!

今日晚上同朋友轉登黎返金寶小食店度食野～～唔知係咪好耐冇黎過～～估唔到佢地餐廳有Ｄ轉左形呀～～有Ｄ靚仔靚女企起度招呼我地啦～～又幫我地落Ｏｒｄｅｒ～～又幫我地送埋個餐～～同以前既感覺比較～～正左好多呀～～仲有發覺佢地推出左好多新款美食出黎～～我地試左個青咖喱無骨雞翼～～嘩～～簡直係意外驚喜呀～～非常之好味～～總結係：非常之掂掂掂～　＝ｏ＝　～Ｉｃｈｉｂａｎ

昨日中午同老婆在旺角搵食，行過門口見菜牌都好似唔錯，走入去下啦。不過食飯時間其他食店好多人，這一間靜英英，我老婆話一定有問題，我諗比次機會佢啦。結果非常後悔，一路食一路彈。＄35個香茅豬扒套餐，只有一碗飯、一碗仔冬瓜湯、一小堆豬肉條。男人一定唔飽，都唔知叫多一個餐好定食唔飽咁離開好。冬瓜湯只有冬瓜清湯，肉碎都無一粒（茶餐廳都有D骨），味精味甚重。所謂豬扒切到一條條，一半都是豬油和豬筋，根本食唔到，只食到幾條豬肉乾。由頭到頭茶水都無一杯，仲要係快餐店形式要自己去買飛。食完簡直有一種入左黑店的感覺，唔怪得知會咁靜，好好奇點解仲可以經營得住，唔通新開的？

我常來這裡吃海南雞飯,因為挺便宜($38一個海南雞飯餐),味道也OK.男友則喜歡醬爆蝦丸, 但比較貴. 味道還可以... 其實我覺得普普通通.但是, 今天我吃的蝦丸是漏的, 醬已經所餘無幾了......還有油飯有些黏, 煮得不好...我在飯中還發現了木屑(0.5*2cm大)呢...水準好像愈來愈差了......

同男朋友之前去過九龍城既金寶食, 始終對個海南雞飯念念不忘, 所以見到哩間金寶就即刻去食, 點知好失望, 仲食到我男朋友由尋晚痾到依o家......叫o左一個二人餐A, 有例牌海南雞, 兩碗飯, 一碟油菜, 一碟咖哩牛腩, 兩豌湯同埋兩杯o野飲。碟海南雞真係超細, 我覺得只係一人份量, 不過佢既汁係幾好味, 而個雞油飯就普普通通, 無乜特別。碟油菜真係好"恐怖"！！！面頭o個幾塊都尚算可以, 底o個o的完全係唔食得, 完全係爛既菜, 都唔明點解可以俾o的客食。碟咖哩牛腩個汁就好好味, 不過o的薯仔就未熟透, 而o的牛腩就"鞋"過鬼！！！碗湯同o野飲就無咩特別, 湯就清而無味, o野飲就甜到死......咁既食物質素再加咁既價錢, 一定唔會再食, 我下次掛住金寶o的海南雞飯都一定一定一定一定一定一定唔會再去番哩間到食！！！

經過呢間食店好多次,都無咁住入去食,因為對只係食小食既食店無興趣.不過未食過都要試下既,呢間食賣既食物都好雜下,有飯,有米線,有法包,有甜品.....叫左海南雞飯套餐,有冬瓜湯,飯一碗,中國茶,$38 - 雞係幾好食,個汁好正囉....飯就普普通通喇....另外叫了一個札肉長法包+即磨咖啡- 呢個普通,試左一口,從來都唔鍾意食札肉,無味既....

同個朋友去開太子, 突然想起話想食但未食過的這間店舖. 以前有去九龍城金寶食飯, 食物都好得. 所以對呢間有D祈望. 入到去, 可能早, 所以無人, 兩個人叫左個白咖哩大蝦, 煙三文魚檬卷, 18吋長法飽和熱嘅椰汁芋頭西米露. 個白咖哩汁都幾香, 蝦都新鮮, 可惜薯仔唔淋, 用來點飽好好. 如果大家對泰國香葉受唔到就唔好叫呢個. D味好濃, 幸好我受得. 長飽夠熱和外面脆, 好味. 而個糖水就認真麻麻, 可能芋頭未當造, 所以唔香, 無味道.

好老實, 自從農曆年加價過後食品的質素差了, 份量又少了, 海南雞飯的雞肉比d 位有唔好, 色水唔靚, 有點失望, 但又唔係難食, 不過我以後都唔會專程去食.....

我試了海南雞飯、醬爆蝦丸和糕點。海南雞飯：幾好食，但味道不是正宗的，雞肉的份量很少，不夠送飯，但點汁吃都幾好味，飯有薑味，較乾。湯幾清甜，當然有下味精啦！醬爆蝦丸：蝦丸很有蝦味，裡面的蝦膏我反而覺得沒有特別，但$15一顆太貴了，如果是$10我也會再吃的。糕點一般